今日係年廿八，要幫手抹屋同執屋呀，唔知點解今日起ｏ左身之後，成個人都軟賴賴，可能因為禽日玩得太癲喇．．．

禽日朝早返學校敬師日，我地可以著便服呀，真係好，我仲帶ｏ左相機返去影影ｔｉｍ．．．

之後我地上ｈａｌｌ，到ｏ左５ｃ係到上台唱歌，詩妹係到講野果時，佢係一路講一路喊，我覺得好感動呀．．．

結果搞到我都喊埋，之後就到我地班上台唱歌喇，我地唱方力申果首”先苦後甜”，唱完果時我發覺小晴同ｃｓｏｎ係到喊．．．

到ｏ左１２點到就完ｌｕ，我同我ｄ　ｆｄ都仲未走，我地去ｏ左５ｃ班到影相，之後到ｏ左１點到就走人ｌｕ．．．

我地去ｏ左一番到食日本野，位位３５，都唔算好貴姐，而且又食得飽，仲有得打包ｔｉｍ．．．

ｔｈｅｎ就上ｏ左我屋企玩，我地又係到影相，玩到４點半到，我地就一齊出街喇，我地去ｏ左曬相呀．．．

係曬相鋪到一路曬相一路影相，係果到逗留ｏ左２個鐘，之後我地又去ｏ左公園到影相，玩到７點先返屋企．．．

禽日情人節真係過得好開心呀，原來冇ｏ左你，我過ｇａ情人節一ｄ都唔寂寞，仲好ｓｗｅｅｔ　ｔｉｍ．．．．