呢幾日都留係屋企，冇出過街，係屋企有咩做？我發覺我都幾有規律下，通常我訓到１２點到就會自然醒．．．

跟住就開著部電視睇惡作劇之吻，睇完之後就起身，刷完牙洗完面就食野，當電視做完新聞果時我就會播碟睇．．．

通常我一日睇一隻碟，之後我就開始做家務，係到拖地掃地，搞掂之後就睇下電視再唔係就玩下電腦．．．

到ｏ左５點幾果時我就去沖涼喇，沖完涼就係到等食飯，食飽之後呢就洗碗，洗完碗就出廳玩一陣電腦．．．

到ｏ左睇歲月風雲果時我就去睇電視，部電腦就俾我呀媽用，睇完之後就到我玩返電腦喇．．．

到ｏ左１２點幾果時就訓上床睇妙手仁心，睇完之後就聽電台，聽到３點就訓覺覺豬ｌｕ．．．

不過今日６點１要去荃灣學倉頡，我５點４到出門口，去到荃灣６點，仲差一個字就開班，所以我咪跑去囉．．．

結果去到果到我都係遲ｏ左兩個字，搞到我氣來氣喘，到ｏ左７點幾就完喇，我就搞車返屋企ｌｕ．．．