現時氣溫:9度，新界地區低兩度，即係宜家得７度，聽日仲要返學ｔｉｍ，咁我聽朝咪凍到成隻茄咁．．．

禽日出ｏ左去ｍｋ到同女魂提早慶祝生日，點知我一出到去就發現ｏ左一個應該冇咩人會犯ｇａ錯誤．．．

當然個主角唔係我喇，登！登！登！登！果個就係女魂喇，佢竟然係荃灣果間新之城到等緊我地．．．

仲要話係屈臣史到行ｏ左好耐，哈哈，結果我地係ｍｋ等女魂過黎，期間我地落ｏ左去機鋪打機．．．

玩ｏ左一陣之後，主角終於黎到，佢俾我恥笑ｏ左一陣，就繼續打機喇，玩到４點幾果時，我地就走人．．．

去ｏ左ｃａｆｅ到坐，我叫ｏ左杯薄荷朱古力黎飲，味道不錯，之後我地係到玩層層疊，結果係俾層層疊玩到我．．．

玩到我好累，不久琳琳就黎到，我地就轉ｏ左玩大富翁，不過過程中有ｄ悶，玩到８點幾果時我地就叫野食．．．

我食ｏ左個白汁蜜糖雞扒長通粉，味道非常之正，之後我地就走人ｌｕ，一杯野飲同一碟野食總共６８蚊．．．

仲要夾埋份禮物錢３０蚊，咁就洗ｏ左９８蚊，所以我宜家非常窮困．．．／＿＼

跟住我地就去ｏ左影貼紙相，影ｏ左兩次，過程十分之過癮同開心，咁就多一張令令相喇．．．

之後就搭車返屋企ｌｕ，返到屋企十點幾，跟住玩ｏ左陣，就訓覺ｌｕ．．．

聽日又開始返學ｌｕ，都算係期待中，不過會唔會俾普通話ｍｉｓｓ玩死呢，尚係未知之數．．．＠＿＠”