終於測曬驗喇，呢排溫書真係溫得好辛苦，測完一科又一科，唔係測驗就要做ｐｒｏｊｅｃｔ，唔係ｐｒｏｊｅｃｔ就返工．．．
係自修室連續坐７個鐘ｇａ滋味真係非常人能夠感受，真係坐到ｐａｔｐａｔ痛，光環都差ｄ出埋黎．．．
今日測埋最尾果科ｔｃｐ，得果一日時間黎溫書，溫ｏ左一大半已經好好呀喇，我諗都會合格ｇａ．．．
講返上次果個萬聖節夜遊迪士尼之旅先，話說我返工果間公司話為ｏ左慰勞我地ｄ員工，免費請我地去迪士尼玩．．．
仲要有埋旅遊車接送，我地約ｏ左５點係ｌｏｃａｔｉｏｎ等，之後就上車出發ｌｕ，原來有私家車去真係快好多．．．
半個鐘到就到ｏ左，我地組織ｏ左一行１２人ｇａ組員去夜闖迪迪尼，不過我地到果時都係６點到，未入得就周圍影相．．．
個迪迪尼為ｏ左個萬聖節又做得幾令啵，門口好大隻ｊａｃｋ同佢條女，到ｏ左６點半就入得去ｌｕ．．．
我個ｆｄ話可以問果ｄ工作人員拎貼紙，所以我地一見到ｄ工作人員就即刻衝埋去，ｄ貼紙好令呀．．．
之後我地就去ｏ左排隊玩鬼屋喇，關ｓｉｒ仲買埋野食同野飲俾我地ｔｉｍ，真係好，排ｏ左唔夠一個鐘就到ｌｕ．．．
最興致勃勃果個行最前，點知最驚果個都係佢，我行完都唔覺好驚，係好玩囉，我仲邊行邊嚇前面ｄ人ｔｉｍ．．．
玩完之後去ｏ左排第２個鬼屋，不過好多人都淆ｏ左，仲唔夠膽玩ｔｉｍ，呢次我掛最尾，同上次果間一樣，都係好好玩，哈哈．．．
玩完第２間就去ｏ左玩ｓｐａｃｅ ｍｏｕｎｔａｉｎ，不過我冇去玩，我乖乖地坐係到食野等佢地玩完，因為我已經好累．．．
佢地玩完之後岩岩開始有花車巡遊，好好睇呀，ｄ花車好令，ｄ歌又好聽，之後我地冰分兩路，我同某幾個去ｏ左果個咩深魔探險路．．．
果到有３隻骷髏頭好搞野，最衰我冇帶相機喇，蝕曬ｔｉｍ，之後我地去ｏ左睇果個３Ｄ劇場，個ｄｏｎａｌｄ ｄｕｃｋ好搞野．．．
睇完都１１點幾ｌｕ，搭車走人，真係玩得好開心呀，下次有機會去海洋公園玩，哈哈．．． | 
