最近掉頭髮多了..
不過頭髮依然好厚..
好想搵時間剪頭髮呀..

最近在忙時;
總會氣餒得想放棄..
當我見到一個又一個浪費緊我花既心機;;
我就唸:不如算喇..反正無人會真心欣賞
但又過唔到自己個關..

最近睡眠時間嚴重不夠;
心情大起大落..脾氣變得愈黎愈差;
睇邊個都唔順眼..好易就會好炆..
點解咁多事總要起同一時間發生?
我到底點先可以樣樣做得完美?
真系無辦法兩樣都要晒嗎?
定系我能力唔夠呢?
EQ呀EQ呀..我需要冷靜!!!
我的理智呢?

最近我成日亂唸..
會唔會到我哩界就衰起我手上呢?
會唔會我做得唔好呢?
到底我仲要點做呢?
我好不安..無人能令我安心..
我見唔到未來..好怕好怕..
我覺得我愈黎愈睇唔到你地需要D乜了..
我地可以再多D溝通嗎?

有時做某D職位真系做到好灰..
盡好自己本份,,咁叫扮野?
咁唔通吾負責任就好好啦咩?
到底哩個世代發生咩事?
點解仲可以咁無禮貌,,理直氣壯咁話盡責系扮野?
到底真系我太認真定你道德觀根本有問題?
虧你讀ER...

最氣最氣就系我無法放下..
只系一句話..就好似條刺咁頂住頂住..
拔不走..卻隱隱作痛..好難頂啊..

當我好努力好努力做好D野既時候..
有時候..我都會忘了我做事本身目的到底為左D咩?
到底只系為人地叫我做事而做事..
定真心想為人服務呢?
我唔系偉人..聖人..我無必要義務去為人唸多步..
但我好似已經習慣左不停咁做..
我會唔會因為咁而失去自我呢?

每次每次我都好擔心我D野做唔好..
會趕唔切..質素會差..
擔心觀眾會唔鍾意我唸既idea
擔心觀眾睇到表面就抹殺背後既種種付出
擔心小朋友會俾佢地既同學批評
但其實..這一切我也控制不了..
我是否該練習 習慣一切我控制不了的事?
但我害怕失控...

當我做晒我可以做既野;
下面既人吾聽指令我有咩辦法?
我認為只系妳唔想做妳原本應該要做既野姐

最近好想食返m記既軟雪糕..
但唔知起幾時開始..連食想食既野都算是一種福氣..

最近忙到連街都無時間出..
陪唔到妳..其實我最內疚..
我好怕妳會悶..好怕妳有事想同人分享既時候無人
好怕妳想買野個陣無人陪妳野..無人陪妳發癲..
仲要妳每天嗌我起身..我知妳永遠都系最支持我最體諒我戈個
所以我才內疚..所以我才最珍惜妳..
有時有好多野我都想發洩..我都想搵人分享..
但我發覺我每日已經累到無力氣拎起電話..
唔知妳feel唔feel到呢?

我吾系一個特別小器既人;
但我好堅持我所堅持既野;
你欠我一個道歉;
即使你認為我太認真;
即使你認為你無做錯;
我始終吾可以原諒你;
雖然辛苦既只有我一個...