放假以黎咁耐;
有8成時間我都有各種病痛;
先黎M後感冒然後就到琴日食錯野嘔到暈;

對上一次嘔已經系小學三年班既事;
我幾乎已經唔記得左嘔既感覺系點..
琴日真系完完全全體會到嘔既滋味..
三點幾開始嘔第一次..
嘔完我已經全身發軟..
本身打算自己打的返屋企..
但出到補習社出面我又開始嘔..
於是我就打左俾HONEY同阿媽..
最後只有HONEY趕左過黎..
嘔第三次個陣我已經行唔到坐左廁所..
全身發冷系咁冒冷汗
嘔完再痾之後..我起暈左起地下;
連野都睇唔到..右早仲聽唔到野;
好彩miss聽到聲..走左過黎;

最後都系CALL左白車..
大概系嘔得太多..
導致有D脫水?
血糖同血壓都降到好低..
送到醫院其實我除左好暈同好累外..
我已經無事..因為要嘔都嘔清痾都痾晒..
但最後因為等唔到醫院既醫生..
到我後期開始慢慢行到時..
阿爸已經扶左我去睇診所..

有句說話講得岩..
飲醉既時候先知自己最愛邊個..
生病既時候先知邊個最愛你..

我出任何事我都只系唸起honey同阿媽
由我打電話既個刻開始..
我就相信佢..
相信佢系唯一一個知道我出事會立刻趕過黎我身邊既人
雖然honey根本唔夠力扶起我..
雖然佢好似咩都幫唔到手..
但起我暈左起地下個陣..
聽到佢把聲起左耳不停講野..
就怕我連意識都無既時候..
真心感動了..
好似有佢起隔離就算幾痛都安心了..
真的感謝有妳！

(晚上跟她談了一回電話，跟她得出結論，還是找個大隻點的男友好了..哈哈！好白痴！)

因為病左+M到..
我只可以留起屋企做個廢人=口=
又痛到訓唔到..
全日剩食左半舊蛋糕仔都無就已經飽..
對於一個吃貨黎講..咁系悲劇;
明明全日都剩系坐起到..
但都好似好消耗體力咁..
好累好累好累..
面都青埋..實在唔太LIKE自己一副病樣咁-3-
大熱天時仲要抱住個熱水袋..
體溫高到..唉..好想發脾氣..
一無野做;我又開始亂咁唸野..
半夜唸起仲會無啦啦喊..然後又失眠..
好白痴..=-=

今日全日都做好多手工既野..
將自己鍾意既衫起雜誌剪落黎..
痴起本簿到..其實想咁做好耐..
不過一些都無動力..
而家有個藉口可以做啦=V=


給樹洞的說話:

其實分享對我來說很重要;
我好像可以透過分享使快樂倍增;
透過分享使我的傷痛減少..
有一次我打羽毛球贏了小結;
我真的很高興..高興都傻了..
一守身卻發現無人與我分享這快樂..
我立刻失落了..有點想哭..
我從來不覺得不能跟honey一班是什麼很難過的事..
但那刻..我是覺得自己有點孤單..

放暑假前一個星期..
我連踩五日..五日都有唔同既full day工作..
好累..好辛苦..好大壓力..
但都因為太忙而無法同朋友分享哩一切..
我並無因此而喊..
但當我第五日完左show..返落班房時..
個份孤單感又再次出現..
我發現..唔會有honey或朋友為我留任何一個位..
她們都不在這班...
我哩幾年黎變得成熟..
換轉以前我實因為咁而喊..
但我承認..我個刻真系好孤單..
好似一個起戰場打完仗返黎既士兵突然發現根本無人在乎個場..系贏定輸..但自己卻一身傷..