唔知道是否近來天氣炎熱…
又比較多人搬屋的關係…
近來特別多蛇蟲鼠蟻…
繼上次特大蟑螂環房遊之後…
今次再來四腳爬爬爭霸戰…
話說…
我用電腦的中途… 一望出房…
我阿爸房門口的牆上有隻…四腳爬爬…
我好鎮定咁避開條四腳爬爬去找家姐…
點知… 我家姐竟然…
「去捉啦自己… 我都好驚ga~」
「你去捉啦~ 快啦~ 佢走喇~」
之後就指手劃腳咁指示我去捉條四腳爬爬…
無計啦~ 除了我阿爸之外… 
全屋最男人頭的似乎得我一個…
唯有代哥哥做住護花使者先啦…
我好勇咁走近條四腳爬爬…
拎住我的武器 — 殺蟲水…
起勢咁噴… 目標是令四腳爬爬暈倒…
後來…四腳爬爬終於跌了在地上…
但… 可怕的事現在才正式開始…
條四腳爬爬 爬得好快… 
似乎想走入阿爸阿媽間房…
為免驚動兩老… 我好偉大…
再起勢咁噴隻四腳爬爬…
務求令其爬入自己房…
成功令四腳爬爬 爬入我間房…
但唔夠半分鐘…四腳爬爬 爬去另一邊…
最終… 我都不敵隻四腳爬爬…
四腳爬爬最終都入了阿爸阿媽間房…
驚動了兩老… 可惜… 
兩老一向都害怕四腳爬爬…
結果呢？阿爸就話「拎d野cup住佢啦~」
阿媽就話「快d 噴多d殺蟲水啦~」
又得返我一個孤軍作戰… 
幾經辛苦… 終於都”cup”住隻四腳爬爬…
阿爸呢個時間又出聲喇…
「拎張咭紙整落個底度咪捉到佢law~」
之後… 就扮唔驚咁走出間房…
剩低3個女人同隻四腳爬爬搏鬥…
家姐又走開多兩三步… 之後結果…
我負責捉… 阿媽負責善後…
終於都戰勝呢隻四腳爬爬…

呢件事上面… 好清楚知道…
凡事一定要靠自己…
唔好靠男人… 沒有用的…
我同阿媽更加肯定…
家姐同老豆的性格是一模一樣…
家姐都還可以原諒… 始終都是女人…
但阿爸呢… 唉~ 不願置評…
究竟我是男人定還是阿爸是男人？
呢件事上面… 我有點質疑…
點解男人可以咁樣？回想返…
由細到大… 大部分的時間…
好多時… 如果得我同兩個家姐…
我才發現… 原來她們二人…
在上述的情況都會叫我搞掂…
十足十當我是個男人咁…
以為我真的甚麼也不怕…
就連阿爸亦不例外… 今次呢個例子就知…
唉~ 呢方面就當我男仔…
當我男仔咁養啦~ 我會自由少少…