當自己決定咗之後 就開始諗究竟去邊到學先好呢

而且身邊都有唔少朋友都有學緊或做緊化妝

有幾位朋友都叫我小心去選擇 同埋唔好貪平

因為好多時有啲學校 雖然個course好平 

但到讀嘅時候 就要你買好多學校嘅products

end up個cost就唔係你expect咁

另外自己都幫過朋友做上堂model 個次印象真係好深刻

本身間學校唔係個位miss/sir親身教人 而係交俾個助教 

我都知道好多學校都係咁 我諗當然有返咁上下覺可教人啦

咁個堂係教畫眉 本身我條眉都唔差 都幾濃密幾整齊

但最後我朋友畫到‘王小虎’咁 真係粗得好誇張 連我朋友自已都笑左出黎

但到miss check嘅時候 竟然係完全無問題過關 我對眼都突左出黎

有見及此 我更加小心去揀

而我自己都有睇開Janice個blog一段時間

覺得Janice化嘅妝好靚 好有要求 而且知道佢對學生好嚴格

睇埋課程資料 知道我頭先以上講嘅例子一定唔會發生係workshop

而且workshop仲會提供不同類型/牌子嘅化妝品同護膚品俾學生

所以就即刻決定跟Janice學化妝

啲人真係無講錯 Janice的的確確係好嚴格 
每次都要確保每位同學真係okay 先可以走人
所以Janice經常都同我哋一齊OT 試過最耐差唔多12點先可以走
真係用心良苦架

而本人已經差唔多完成哂新娘課程 差髮型班 都幾艱辛架

最近亦都好榮幸 可以加入workshop學嘢 真係好開心

最後提提大家 揀一間好嘅化妝學校真係唔容易架

所以大家決定學化妝之前 一定要做多啲收集資料

八卦下其他人對間學校嘅評語 就一定無死架喇

希望大家都搵到心目中嘅學校啦