Janice Lam (Makeup Artist)
janicelam
暱稱: Janice Lam
性別: 女
國家: 香港
« August 2017 »
SMTWTFS
12345
6789101112
13141516171819
20212223242526
2728293031
最新文章
新手化妝師入行小tips
10個上妝Do’s & Don...
來∼看看今年流行過的...
[ Fashion Gossip ] 今...
熟齡護膚品試用
文章分類
全部 (681)
每月文章
訪客留言
最近三個月尚無任何留言
最近訪客
最近沒有訪客
日誌統計
文章總數: 681
留言總數: 35
今日人氣: 19
累積人氣: 164137
RSS 訂閱
RSS Feed
新手化妝師入行小tips
2017 年 2 月 13 日  星期一

 

FotorCreated
好多人都想入行做化妝師,
因為貪佢時間夠彈性,人工又夠高,
不過新手入行既化妝師都有好多事項要注意架,
唔係就好容易撞板啦∼
有興趣入行或了解既朋友就記住要睇落去啦!
line383

1)衣著:穿黑衫,要化妝

化妝師要著咩衫又真係無規定既,
不過通常都會著黑衫,點解?
就好似空組要扎髻咁,
就係個image, 比人既感覺會Pro d!
特別係新手化妝師,
唔好著到好多花花好師奶咁,人地望到你就會覺得無信心啦!
當然啦,如果你已經做到好出名,
著咩都無人理你架啦∼

化妝師最好都要化靚自己個樣,
如果人地見到你個樣又殘,
頭又未梳好,自已都攪成咁既樣,
真係無信心比你化妝架!
相片 6-4-2016 下午12 08 26

2) 切勿偷人profile相

新手化妝師一開始要儲profile相比客睇,
就算自己唔夠相都好,都唔好偷人相呀,
呢個世界好細,你講d咩 做d咩都會有人知架....
聽過好多化妝師分享過好多唔愉快經歷,
而家啲化妝師都好醒架啦,唔會擺明偷,但專登要比人誤會,
例如個化妝師只係化姊妹/奶奶,但就同個新娘影相,
再將合照放上自己page/Ig,
有d化妝助手都會咁做,亦無寫到其實唔係佢化,
都好明顯係想比人誤會。
相片 11-5-2016 下午12 50 14

3) 保持用具衛生

唔好以為係廢話,好多客人都會留意你既工具衛生,
曾經一次出job ,聽到model話遇過好多MUA d化妝掃好污漕,
甚至係笠既,粉卜又係發毛既。。。。仲要用冒牌化妝品,
化妝品唔一定要用好貴,平野都有好野,
不過如果比人知道你用冒牌化妝品就唔係幾好,
令人好擔心會爛面,自己口碑亦會差,所以要注意呀!
Unknown-1

4) 禍從口出 稱自己做XXX御用化妝師

呢個圈子話大唔大 話細唔細,
出job都會遇見好多明星/知名人仕,
有時佢地用開既化妝師唔得閒
又或者製作單位唔夠budget請佢用開個化妝師,
都會搵其他人頂替,
如果咁好彩搵中你,你地都只能叫做係「合作」過既化妝師,
並唔係「御用」化妝師啦,呢個圈子咁細,
如果真係傳到其他人耳中,人地下次都唔會再搵你啦!
而家都有聲稱好出名既化妝師會咁做,
不過講到自己幾勁都好,始終都要見真章!
blog 12:10

5)準備好工具

我都明白岩岩入行既化妝師都無咩budget買好多化妝品,
不過都係果句啦,化妝品平野都有好,
唔一定要夠貴,但就一定要夠齊啦!
好似每個化妝師都拖個大喼出街,因為好大機會之前無見過個客/model,
所以要準備多啲唔同產品去應付,
最基本唔同質地skin care/粉底/胭脂 &唔同色tone唇膏都要有齊
咁成本咪好貴?係架啦 呢啲都係投資黎既,
如果要用起上黎 你話無 就真係好唔pro啦!
相片 7-4-2016 下午1 55 14

6)改名要小心

出黎行就一定要有個朵!不過改名就真係要小心啲
如果已經有個好出名既化妝師係用左果個名,
你就唔好唸住改個差唔多既名,博人睇錯/認錯啦,
雖然人有相似,名有相同,
如果第時你出左名,都唔想比人抄你個名啦。
相片 7-6-2016 下午7 43 41
line376

分類: 未分類
發表時間:2017-02-13 04:55 PM  [ 訪客留言(1) ] [ 編輯日誌 ] [ 分享至FACEBOOK ]


10個上妝Do’s & Don’t
2017 年 1 月 5 日  星期四

 


就算每天化妝,不少人都會忽略一些細節,
以致妝容不夠完美,所以這次帶出10個化妝Do’s & Don’t,
一齊睇下自己平時有無做錯啦∼

line367

Do’s

1.應該選與頸部膚色一致的粉底

很多時女生都以為自己面部皮膚偏白,
應選較淺色的粉底,
但面頸同樣有色素沈澱,
面塗白了,頸還是深色的,面頸膚色不一致。
我們選擇粉底時,應以頸部膚色為準,
試色時可點於近頸部的腮骨位置,
推開色調能配合頸部的才是正確。
如果想看起來白皙一點,兩頰位置用淺一度色粉底,
這樣就能做出立體妝感而面頸同色。

BeFunky Collage

2. 以比膚色深一度來遮色斑、癦

因為這一類屬深色色素,
用淺一度或膚色的顏色並不能完全將其遮蓋,
要用深一至兩度色去覆蓋原本的色素才可以。
但要留意的是,這只是遮蓋色素,
如癦痣等是突起的,是不能使其撫平的。

 3. 因應皮膚狀態決定是否用碎粉定妝

油性皮膚容易泛油,上粉底後需用碎粉定妝,
以吸附多餘油脂,保持妝感持久不浮粉。
但是乾性皮膚上粉底後或許已經感到清爽不油膩,
如多加碎粉便容易出現卡粉或「粉樣」。
而混合性皮膚則可於較易出油及感覺黏膩的位置,
如T-zone位、下巴,加上碎粉定妝。

4. 於上眼妝前塗上eye base

很多油眼女生都有一個問題,
就是上眼影時易掉粉、上眼影後眼影溶化成一條線。
其實我們上眼影前應使用eye base (或eye primer),
一般eye base有控油成分,可使眼皮保持清爽,
防水功能亦令眼妝持久不易溶,
同時提高眼影顯色度,眼妝效果更明顯。
而eye base大致分兩種:concealer質地及令身質地,
concealer質地的防溶度會較好,令身質地則令眼影更帶光澤感。

IMG_2953拷貝

IMG_2956拷貝

(上眼影效果)

IMG_2957拷貝

(用卸妝水抹後效果)

 5. 因應化妝品質地選用不同毛質的化妝掃

纖維掃質地較平滑,適用於塗用液狀/膏狀的化妝品,
如粉底液、遮瑕膏、眼影霜、唇膏等,便不易有掃痕。
而由於動物毛掃粗幼不一、有凹凸感,
如同我們頭髮的鱗狀層,可以鎖住粉狀,
故多用於粉狀的化妝品,如眼影粉、胭脂及碎粉等。
謹記以上的貼士,妝容自然更貼服。

unnamedunnamed (1)

line371

Don’t

1. 不應直接將粉底塗於素面上

不能忽視上妝前的護膚程序,如果素面上粉底,
皮膚會因此變得更乾、更易泛油,卡粉、浮粉情況盡現,
加上曬後肌膚亦容易形成黑色素,肌膚狀態每況愈下。
所以我們上粉底前必須因應個人肌膚狀態為肌膚保濕及塗上防曬產品,
給皮膚3分鐘吸收,於局部較乾地方多加一個份量,
之後再上妝,才會更貼服持久。

 2. 不應只用遮瑕遮蓋帶紅、青、藍紫的黑眼圈

不少人以為臉部遮瑕同樣可以用來遮蓋黑眼圈,
其實臉部瑕疵的顏色與黑眼圈的顏色並不一樣,
這樣眼圈只會變得更灰和暗淡。
所以我們需針對黑眼圈顏色使用不同的調色霜(corrector)。
黑眼圈的顏色大致分為啡紅色、青藍色、紫藍色,
帶啡紅的黑眼圈需求用橙tone去遮,青藍的需用粉紅tone,
如果兩隻色都有的,兩種色tone的都要用上。
最難對付的紫藍色,需要先用橙tone,
再用粉紅tone才可以完全將黑眼圈隱形。

BeFunky Collage2

(素眼)                           (只用concealer)         (使用corrector調色)

3. 不應用「掃」的方式上碎粉

一般我會建議用碎粉掃「拍」上碎粉,
因為這樣上碎粉碎粉量會比起用粉樸為少,
效果會比較透薄自然,亦不會掃走已做好的遮瑕及粉底。
另外就是乾性皮膚易有乾皮,
用掃的方式易有卡粉情況出現,所以會建議大家用「拍」的。

 4. 不應選擇黑色的眉產品(眉粉、眉筆)

即使是自然的黑髮,也不應用全黑色的眉產品,
可以用灰黑色代替,出來效果不會太硬太實色。
如想效果自然,則可以選擇深啡色。

IMG_2960

(黑色)

IMG_2970

(深啡色)

 5. 不應用含酒精成分的洗掃水

酒精會蒸發水分,使毛質變差變粗糙,
尤其是動物毛掃,會造成乾燥及開叉,
相信洗幾次化妝掃就要作廢了。
其實洗動物毛掃只需用洗髮露及護髮素,
而洗纖維掃則用肥皂便可。

 

 

分類: 未分類
發表時間:2017-01-09 03:05 PM  [ 訪客留言(0) ] [ 編輯日誌 ] [ 分享至FACEBOOK ]


來∼看看今年流行過的妝容、髮型、衣飾⋯⋯2016 年度回顧!
2016 年 12 月 30 日  星期五

 

未命名-1_1449295316990_439251_ver1.0

今年流行好多唔同既元素,
最為人記得就係年度pantone色-玫瑰石英粉紅與寧靜粉藍,
呢兩隻夢幻顏色真係興足一年!!
除左顏色,仲有好多提及過既流行元素都一一出現,
但係都有啲興唔起既野,就等我地喺年尾回顧一下啦∼

line1-1

1. 玫瑰金眼妝

玫瑰金真係超級流行呢!!
而且咁girly既眼影女生們都無法抗拒吧,
以前好多人都覺得粉色好易化到眼腫,
但我地之前都分享過唔同化法,減少眼腫問題,
所以今年熱門NO.1 一定係玫瑰金∼

rosegold

2. 啞緻唇色

踏入秋冬後,基本上已經係matte唇妝既世界,
差不多每個brand都有出,
顏色多又靚之餘,質地仲matte得黎好夠潤,
完全打破以前覺得matte色會顯乾皮既問題!
而今年最注目唇色係磚紅色,你擁有了嗎?

mattelips

3. 不過肩短髮

小編踏入夏天開始就已經勁剪!愈剪愈短。
除左流行之外,短髮真係好易打理,清爽度大增,
而且現時短髮都有好多唔同既造型,
配合埋編髮、漂染,身邊好多朋友都轉左look呢∼

shorthair

4. 宋慧喬八字瀏海

雖然《太陽的後裔》好紅好紅,
但呢個係一個伏黎⋯⋯
因為唔係人人都carry到八字瀏海,
除左要夾返面形輪廊,仲好睇髮型師技巧功架⋯
所以都唔係太流行。

hairstyle

5. 霧感/幻彩髮色

髮型界最最開心就一定係呢年唔少朋友都放膽玩色,
霧色、星空色、幻彩色,真係好多人都染左,
workshop上下、同學仔都好colorful,
小編之前就染左灰藍面、紫粉底,但都甩得7788,
新年前都要再去補染過啦!!

haircolor

6. 天鵝絨單品

今年雖然見到好多絨面衣飾,但穿著既人真係非常少呢。
在於小編角度,絨面其實好蝦人著,
因為有燈光時令令既一面會比人感覺好肥,
質地同樣鬆鬆的,真係好似⋯有左咁⋯
所以不太多人購買吧!

clothes

7. 過膝長靴

呢個都唔使多講⋯因為香港既天氣⋯
真係好難著到!
冬天仲係20度既香港,
著對長靴出街,自己都覺得焗熱⋯

boots

8. 大喇叭袖上衣

香港人表面接納度高,但內裡普遍保守,
呢類偏誇張類既袖基本上都好少見到人著,
少少喇叭/蓬蓬袖反而多人接受,
感覺西方流行既大多喺香港都唔係太流行呢∼

clothes1

9. choker

Choker流行程度隨處可見,
款式亦愈來愈多,
幼繩、珍珠、vintage、吊飾、蝴蝶結等等,
全部都好易襯衫!
無論係文青朋友或型格朋友都岩戴。

chocker

10. 彩色眼睫毛

其實呢個有無流行過⋯?

eyelash

line1-1

 

分類: 未分類
發表時間:2017-01-09 03:03 PM  [ 訪客留言(0) ] [ 編輯日誌 ] [ 分享至FACEBOOK ]


[ Fashion Gossip ] 今個秋冬衣櫥必需要有既5大Items
2016 年 12 月 3 日  星期六

FASHION

香港既氣溫係呢個星期終於跌到得番十幾度喇,

唔知貪靚既你為衣櫥準備好心儀既秋冬裝未呢?!

緊貼潮流既小編就一早己經做定功課,仲血拼埋添喇!

如果你仲未知今年興啲咩,點襯先岩,

就等大愛既小編話你知今季必入手既5大Items啦∼

line322

1. Bomber Jacket

唔知你有冇發覺最近無論歐洲品牌定係韓牌都見到Bomber Jacket 既影子呢!

無錯!今年Bomber Jacket大行其道,

走開低調風格既你總係Bomber Jacket大大件痴滿燙章好誇張?

其實一件淨色既Bomber Jacket搭配修身上衣同貼身褲低調得黎有個性,

仲可以拉長身形比例,睇落身型就更修長啦!

BJ_Pinterest_5BJ_Pinterest

當然如果你都想試下大膽啲既風格,

不妨試下今年大熱既刺繡Bomber Jacket,

搞鬼既刺繡為你增添一點可愛,

花系刺繡則令Boyfriend style 既Bomber Jacket增添女人味,

唔知你又會鍾意邊款呢?!

BJ_Pinterest_6942f2ec89a956754e0d567c9f4f8cdac

line370

2. 長外套

長外套既保暖又容易搭配就唔洗多講,

普通單色上衣,長牛仔褲再披上一件長外套,

已經可以變成時尚潮人,

所係呢幾年長外套既熱潮一值都冇減退過。

黎到今年,推介大家入手番今年熱門既棕色、磚紅色等大地色系既長外套,

大地色系既長外套唔只俾人一種溫暖既感覺,

戴埋紳士帽或畫家帽仲可以輕易打造文青風格∼

LongCoat_Pinterest3

LongCoat_Pinterest2

TB1dW0iOpXXXXX2XFXXYXGcGpXX_M2.SS2_600x600

當然,長外套唔淨只羊絨質地既厚大衣,

粉嫩色系既長針織毛衣外套都係一個值得擁有既Items,

配搭白色T-shirt,淺色牛仔褲,輕鬆打造鄰家女孩風,

仲可以提升整體氣息添!

LongCoat_Pinterest6

line361

3. 鐘形袖上衣

闊袖上衣係上年已經好流行,

相信十個女仔九個都會有一件,

要令自己與眾不同就要係細節上入手喇,

鐘形袖上衣就係小編既今季最愛之一,

係衣袖位黎個小變節,低調中帶點小浮誇。

想增添女人味,建議可挑選修身款既鐘形袖上衣配搭半身短裙。

BS_Pinterest_6

想走青春可愛路線,不妨換上粉色系既鐘形袖上衣。

BS_Likejapan

嫌鐘形袖太誇張?

其實低調啲既鐘形袖配上吊帶小背心都係一個低調中帶點特別既選擇。

BS_Pinterest_4

line359

4. 絲絨單品

今年係各大時裝週都總會見到絲絨質地既Items,

所以小編認為絲絨絕對係今年一定唔可以錯過既Items之一,

令面既絲絨質地可以點綴冬天既冷色系配搭,

但唔少人都好驚絲絨質地既衫好易著到好老土,

但其實識得搭配,你就會愛上絲絨質地架!

鮮色系再加上絲絨質地真係唔係人人可以Carry到,

但大地色系或墨綠色系既絲絨質地半截長裙配上白色鬆身冷衫、紳士鞋,

卻可以輕易打造出氣質文青風。

velvet_pinterest_1

TB2nwGkag1J.eBjy0FpXXaMoXXa_!!50454948

黑色絲絨吊帶裙襯上今年大熱既棕色鐘形袖上衣,

驟眼睇只係普通簡約風,

細看卻發現細節上既獨特之處,俾人一種小驚喜。

TB2ZfLNX5wd61BjSZFtXXai7XXa_!!663870778

line378

5. 過膝長靴

無錯,最後要分享俾大家既Must-have items就係過膝長靴,

今年過膝長靴回歸時裝界,

但好多女仔都擔心自己唔夠高所以唔敢著,

但其實只要識配襯,

過膝長靴反而會令你雙腿睇落更修長。

首先係揀過膝長靴時,一定要揀貼腳同埋少摺既,

因為多摺會令雙腿睇落腫脹亦會縮短雙腿比例,

反而貼身過膝長靴就有修長效果。

另外亞洲女仔始終如比較矮小,

所以最好揀番有跟既過膝長靴增加個人高度。

385a75e9779cad5c15e2c05c8af6f184

One Piece 係視覺上有拉長身形既效果,

亦可以令大腿部分露出更多,

配上過膝長靴,盡顯型格個性。

Boot_Pinterest_1

單色上衣、半截格仔短裙襯上過膝上靴,

氣性、感集於一身。

溫馨提示,宜家好多品牌都出左短褲裙,

咁就唔洗擔心走光啦啦∼

5986ff4633bbf90a779a98805d3ca945

 line363

睇完小編無私既分享,

大家又有冇邊件Item好想入手呢!

Source: (Pinterest, Likejapan, Taobao)

分類: 未分類
發表時間:2016-12-03 08:27 PM  [ 訪客留言(0) ] [ 編輯日誌 ] [ 分享至FACEBOOK ]


熟齡護膚品試用
2016 年 11 月 28 日  星期一

 

IMG_4052
大家都知道基本護膚步驟除左清潔仲有保濕,
不過當年紀愈黎愈大,大家有無覺得搽開既護膚品都唔夠,
總係差啲野咁呢?咁可能代表你已經步入緊成熟型皮膚啦!
其實都唔係睇幾歲而決定自己是否熟齡肌,
都係睇膚質而定,有啲朋友可能到左40歲都好油,
所以唔可以一概而論架,
不過年過30歲既你 就要好好注意下,皮膚都需要其他補給品,
如果你都想搵番啲緊緻,增加彈性既護膚品,
今日就會推介抗衰老產品比大家。

border-1IMG_4045
ASNAN 一秒神水 $800/萬寧體驗價$ 333

ASANA呢個牌子你可能無聽過,
不過講到一秒神水你就可能聽過啦!
呢個係一個韓國品牌,而家都超級熱賣架∼
原來佢仲得過好多權威韓國大獎,
好利害架!

好多品牌都出精華水,都賣到幾貴添,
而佢聲稱有6種天然酵素,可以解決好多皮膚問題,
有平衡PH值,強化肌膚DNA及淡化色斑功效!
肌膚衰老過程取決於細胞DNA,肌膚DNA老化就會令組織出現衰退損耗,
就會產生鬆弛下垂,暗啞缺水等問題,

呢支點解稱為神水?因為佢有全天然成份既肌底精華,
有效修復肌膚防禦他護層,鎖緊水份,令肌膚回複飽滿狀態,好似水噹噹咁!

平時我地都建議缺水既皮膚唔好一開始就搽好潤好厚既cream,
會無咁易吸收架,先比皮膚底層吸收多啲水份,
再搽其他野好快就會吸收得好好架啦!
IMG_4030

平時可以當toner用外,仲可以倒落紙mask度敷,
佢建議一日用兩次,每格用半格,
一支大約可以用26日度啦,以三百幾蚊既價錢黎睇都ok,
不過如果以$800幾蚊黎講就真係貴左啲啦!
不過如果真係有效果,相信大家都唔介意比貴少少既價錢既。

呈水狀,無咩氣味,超快吸收,
吸收完之後皮膚摸落柔軟左,底層好似即時充滿水份咁!
當然緊緻效果都要用番1-2星期先見到效果啦∼
因為佢無酒精香味,性質好溫和 連敏感肌都適用。

適合缺水性皮膚使用,
而家天氣轉乾用佢就岩曬啦!

line378Dermacept相信大家都唔陌生啦,因為係萬寧都唔難搵到佢既綜影∼
之前都有用過佢既peeling products,
皇牌Dermacept仲好出名,功效好顯著,
中價價錢,唔算太貴,身邊都有好多朋友有用緊添∼

呢個係全新一代升級版Advance Surge鉑金水凝保濕系列,
入面有最新既抗氧化成份「炫光納米鉑金複合物」,可以做到持續抗氧化效果。

IMG_4048

Dermacept Advance surge Platinum Wash ($290/150g)

呢支係好綿密既碳酸泡沫,除左可以溫和清除污垢之外,
同時亦釋放抗氧化活性成份,添加高濃度既迷迭香精華,
可以促進血液循環,消除黃氣,令白膚更白淨。

IMG_4043
唧出黎係超綿密泡泡,有少少花香味好舒服,
洗完覺得好清爽但就唔會覺得好乾mon住塊面,
洗完塊面仲有即時明亮效果添。

IMG_4047

Dermacept Platinum Lotion ($525/150ml)

呢支蘊含高濃度炫光納米鉑金成份及添加植物提取物,
可以有效抗氧化及抑制黑色素,有亮白效果,
長期用會令皮膚有光澤及彈性。

IMG_4032

倒出黎都係呈水狀,不過佢同一秒神水相反會杰身少少,
岩岩搽上去時會有少少黏黏地既感覺,
但就唔會覺得好笠,
除左補水外,仲會有少少滋潤感,
吸收完都好似有層保護膜係面咁,
好good !!

IMG_4046
Dermacept Platinum Milk ($525/100g)
呢支係系列中最高濃度既炫光納金鉑金成份及collagen EX,
主力為皮膚增加彈性,提升亮白光感,睇落會好飽滿,就好似係底層透光出黎咁。

聽到佢係milk, 起初都驚佢冬天用唔夠潤!
因為有好多含有美白成份既產品都驚會覺得乾,
不過我試過呢支係唔會既,

佢呈乳液狀,好保濕,岩搽完時會覺得有少少笠,
微微花香味,
不過吸收完就可以接受啦!
line383IMG_4049
Sisley Double Tenseur雙效緊緻修護液 ($1150/30ml)

Sisley呢個牌子唔算賣好多廣告,不過佢回購率都係極高,
仲有好多忠實fans架!

含有燕麥籽萃取、雷特利精華及檸檬萃取,
有好好既變毛孔功效,令肌膚緊緻平滑,
仲可以令皮膚緊緻提升,有即時提拉效果,望落去輪廓都突出啲。

IMG_4037IMG_4038
唧出黎係透明gel 狀,質地會偏厚身,
有少少草本味道,個人黎講可以接受,
雖然係gel狀,但感覺都非常滋潤,
搽完有即時緊緻左既感覺,
皮膚摸落仲好滑添。

佢除左可以早晚用,仲可以補妝時用,
有時如果你去到下午時份出現浮粉甩皮等問題,
就可以用佢黎幫下手,
不過份量唔好太多,
將少少份量係手背印薄再印上面,
潤得黎就唔會整花個妝啦!

line378預防老化,除左揀好既抗衰老產品,揀好既防曬品都非常重要,
因為紫外光係快速皮膚老化既元兇之一。

FILORGA係一個法國醫學美容抗衰老品牌,
2007年就推出左醫學美容系列,以無針嫩膚既概念,
透過獨帶專利活膚成份及抗衰老納米微球技術,
就算唔洗打美容針,都可以令用家體驗嫩膚體驗。

IMG_4051FILORGA  UV -DEFENCE 防曬乳液 SPF50 ($280/40ml)

萃取自啤酒花,可以抑制黑色素形成,減少色斑出現。入面有SPF 50+防曬系數,
專利NCTF成份含有53種活性成份,可以刺激肌膚底層活性,改善膚質,
一般防曬品好多人都驚搽完會好乾,
不過呢支除左有透明質酸可以強效保濕,仲有棕色藻煩提取物,
具有抗炎性,同時可以幫皮膚補充水份。

IMG_4040IMG_4041

屬於cream狀,偏杰身,
因為佢含有高度透明質酸,所以推開會有少少黏笠感覺,
滋潤感好高,無咩味,
推開要少少時間吸收,
如果極乾皮膚,係冬天好易甩皮既朋友就可以試下佢啦!
我覺得冬天用會較適合,用完佢仲可以當埋做makeup base,
令粉底更貼服!性質好溫和,打完針既朋友就可以用架。
line383IMG_4050
LANEIGE Time Freeze Firming Sleeping Mask $270/60ml

Laneige sleeping mask 好多人都鐘意用,貪佢夠保濕,
搽完就訓得,訓醒皮膚就水噹噹,
而呢個Time Freeze系列有記憶點彈成份同天然燕麥成份,
可以提升緊緻同彈性,亦可收緊輪廓。
天然氨基酸可以深入補充水份,促進膠原蛋白生長,鞏固膠原蛋白。

IMG_4042
較厚身既gel cream狀,質地好易推開,
搽上去會覺得笠笠地,(一般sleep mask都會較滋潤)
平時我都會搽得厚身少少,
搽完皮膚即時覺得好soft,有微微香味。
雖然佢叫sleeping mask , 不過我就唔鍾意敷過夜怕會整污漕枕頭,
我通常都會用sleeping mask做急救mask,
就算唔敷過夜,敷幾個鐘都已經好有效果,
敷完佢就覺得好水潤,就算過完水就keep住嫩滑。

line383

分類: 未分類
發表時間:2016-12-01 07:48 PM  [ 訪客留言(0) ] [ 編輯日誌 ] [ 分享至FACEBOOK ]