janicelam : 個人主頁 - 相簿 - 訂閱 [ QOOZA - 論壇 - 登入 ]

人氣：173000

janicelam

暱稱： Janice Lam
性別：女
國家：香港

男士女士齊齊抗斑

CLINIQUE / even better clinical dark spot corrector & optimizer $735

見到今次呢款精華分左白色同綠色，雙管包裝設計，
一邊係勻淨科研淡斑精華，
另一邊係新加入、具有鎮靜功效既倍效紓緩精華，
可同時預防色斑，增強淡斑功效，有效鎮靜肌膚，
防止肌膚因受紫外線及外來刺激而引致黑色素增生，
亦可預防膚色變深、出現色斑等問題。

配方蘊含玉露綠茶精華，萃取上等日本綠茶，
富含抗氧化及抗敏元素，有效對抗炎症，截撃色斑根源。

一按出黎就會見到兩款精華從兩邊管道唧出，
用手指即時混合使用，
呢款精華既質地水潤，塗勻後好快被皮膚吸收，
感覺清爽不油膩，中性皮膚/男士都可以用到，
味道帶淡淡草本中藥味，唔會太難聞，
相中已經係一泵份量，足夠塗勻全面，
如果需要搽埋頸部，建議可以拎多一個份量。
呢類淡斑精華需要持續使用先會見到明顯效果，
所以想淡斑既朋友切記唔好偷懶呀。

尊貴逆齡首選

HR / PRODIGY REVERSIS $2580

HR呢個Prodigy Reversis系列喺早前推出左眼霜，
而今次新推出同系列精華系，
同樣蘊含雪絨花精華及幹細胞，
有效促進多種骨膠原合成，
逐漸減褪肌膚衰老徵狀，同時激活肌膚既保濕能力，
可減淡皺紋，緊緻肌膚。

而精華中亦添加左偏木聚糖及高能蛋白酶激活因子，
有效深層滋養肌膚，更生角質層，
從內到外建構肌膚，回復年輕肌膚狀態。

要數到尊貴品牌，HR一定係其中一個，
佢地既護膚品多用上多種珍貴且尊貴護膚成分，
雖然呢條line比較適合成熟肌膚，
不過唔好以為所有成熟肌膚產品都係質地滋潤，黏黏笠笠，
今次介紹呢款精華質地為透明水液狀，唔黏笠，水感清爽，
保濕效果唔錯，仲帶有清新花香味道，
黎緊春天就最岩用佢啦！

美白氧氣美女必備

CAUDALIE / VINOPERFECT Radiance Serum $580

精華蘊含葡萄藤萃取物，有效抗氧化亮白、
對抗黑色素及均勻膚色，令肌膚回復白皙透亮，
並同時激發骨膠原彈性蛋白更新，
增強肌膚彈性，緊緻面部輪廓，
清除及預防色斑再生，
加上無油配方、無光敏感成分，不會形成粉刺。

呢款精華係CAUDALIE既皇牌之一，主打淡斑美白，
唔少朋友都覺得美白產品一般會較乾、唔夠保濕，
但呢一款美白精華就非常水感同保濕，
因為佢既成分入面係加入左好多保濕成分，
令皮膚感到舒適，不刺激，
雖然佢係乳白色好似cream，但其實都係水液狀，
帶有清新果香，美白同時保濕，
喺夏天來臨前要為肌膚做好美白功夫喇～

即時抗皺效果顯著

(圖為試用裝 15ml)
Kate Somerville / DermalQuench Liquid Lift
Advanced Wrinkle Treatment $870 75ml

呢款精華結合左HydraFill™複合物，能產生即時又持久既效果，
配方有效對抗皺紋、鬆弛的皮膚、
不均勻膚色同乾燥問題，
做到即時深層保濕，令肌膚變得柔軟，持續滋潤。

呢款產品其實之前Janice都有介紹過架！
因為佢係Janice既愛用品之一黎，
市面上既抗皺、緊緻產品質地一般比較滋潤，
但呢款就有植物萃取物、透明質酸等成分，
解決乾燥問題，仲可長效補水，
佢既幼紋、去皺功效顯著，
泡泡水劑狀質地好快被皮膚吸收，
感覺水潤清爽，完全無黏笠感。
建議局部用於額、眼周位置，改善皮膚紋理。

提升自身肌膚免疫系統

SHISEIDO ULTIMUNE / Power Infusing Concentrate $860

全球首支激活肌膚免疫力再生精華，
專利成分配方 Ultimate Complex 激活免疫力複合物，
直接激活朗格罕氏細胞機能，重設肌膚免疫保安系統，
幫助皮膚回復緊緻、亮澤，減低肌齡。

另蘊含Aqua-in-Pool、β-聚葡萄糖、保加利亞玫瑰水，
鞏固天然屏障機能，提升朗格罕氏細胞機能，及促進膠原增生。

提升人體免疲力可以抵禦病菌入侵，
而原來肌膚都可以提升免疫力！
呢個concept真係非常創新，
由最根源開始解決肌膚各種問題。
呢款免疫力精華質地為水gel狀，
推開後感覺冰涼舒適，feel到水分不停泵入皮膚中，
拍幾拍就已經滲透晒，皮膚表面變得水潤柔滑，
保濕效果顯著，
加上有左健康同強化既免疫系統，
咁就唔怕外來侵害同衰老等問題啦！

眼部適用緊緻抗皺

VALMONT / Polyfactor Repair Serum Factor III+ $2700

呢款精華液能強化整體肌膚結構，
高效活化及平滑各種膚質，
內含高濃度Prime AWF Complex 升效抗皺複合物，
並有豐富秦椒萃取物，令抗皺功效倍增，
可瞬間撫平紋理及全面緊緻肌膚。

呢款產品同其他抗皺精華唔同既係可同時用於眼部及面部，
好似雲石花紋既水gel狀質地，
感覺輕盈，略帶滋潤，質感柔滑，
味道獨特，有少少中藥味但又有帶草本香氣，
聞落都幾舒服，
推開精華後好快被皮膚吸收，
因為可以用於眼周，感覺唔刺激，
要連續使用先會見到明顯效果。

欲取得更多第一手美容及扮靚資訊可瀏覽Girls Talk Main Blog： www.girlstalk.hk/blogs或 Like我們的Facebook專頁： www.facebook.com/janicelammakeup

分類: 未分類

發表時間：2016-02-15 11:51 AM [ 訪客留言(1) ] [ 編輯日誌 ] [ 分享至FACEBOOK ]

Change Destiny改變命運

2016 年 2 月 12 日星期五

近幾個月不停出Trip，隔左一兩個月又去東京喇！
今次受到SK-II邀請出席佢地既大型event，
今次呢個大型event除左日本傳媒，
亦會邀請港、台傳媒出席參與，
今次非常榮幸，我以化妝師身份出席，
呢個機會非常難得，真係好多謝SK-II既邀請。

不得不提，今次被安排入住既酒店位於六本木區，
房窗外仲望到東京鐵塔全景，日、夜風景都超靚！

Photo 6-2-2016, 17 20 11

今次event既主題「Change Destiny」，真係好切合時下現代女性，
以前老一輩都會有「男尊女卑」「男主外女主內」等比較守舊既思想，
女人結婚生子，三從四德，無話事權利⋯
但隨住時代轉變，男女平等，女性亦開始有自己選擇權利，
不少朋友都漸漸成為事業型女性，我自己都有好深感受⋯

以我自己為例，細個果時成績麻麻，
各方面表現平平，無咩突出，
但憑住自己努力，雖然未話好成功，
但都叫做有少少成績，
當中同樣經過唔少挫敗、被身邊人潑冷水，
不過一直自己堅持信念，捉緊機會，
先可以望到「成功」。
其實即使距離成功仲有一段距離，
只要肯努力，嘗試過，成果係點都至少對得起自己，
做左至少都有機會，唔做就真係等於零，
所以呢個「Change Destiny」真係正中現時女性心態。

唔只人生，皮膚其實都一樣需要不斷去keep，
女性到左某個年紀，
有一啲生理同心理關口都會經歷好大轉變，
皮膚亦要特別護理，
有時上網見到唔少文章話有好老公就有靚老婆，
其實都要自己花心機去護理、去與時並進先得，
唔係就會變成黃面婆，又同時代脫節，
所以話，皮膚既命運都係掌握喺自己手上架。

SK-II - Tokyo Change Destiny Trip - Cate and Ayase - 01

而今次event最令我surprise同開心
就係可以同到Cate Blanchett做訪問，
相信好多人都有睇過佢既電影，
我自己近距離接觸都覺得佢好有巨星風範，
唔好睇佢表面好cool，
其實佢好nice，仲有問必答，完全無架子，
除左同我地share護膚化妝心得，
仲毫無保留提到事業、家庭各方面添！

SK-II - Tokyo Change Destiny Trip - Ayase - -01

同場仲有日本女星綾瀨遙，
真人係一位氣質美女，好有鄰家女孩feel，
雖然今次就未有機會訪問佢，
不過近距離見到佢皮膚好好，保養得宜，
好多明星成日捱更抵夜，皮膚容易變差，
所以以女星黎講，佢皮膚真係好好！

而Cath Blanchett以46歲外國女性黎講，
佢皮膚真係非常之好！
應該本身都係一位天然美女，
面部除左少少紋理（呢個年紀實有少少），
以一米以內近距離望佢真人，
非常有光澤、又夠飽滿，
在場朋友都話估唔到呢個年紀皮膚狀態都可以咁好！

SK-II - Tokyo Change Destiny Trip - Cate Blanchett - 01

喺訪問中，Cath Blanchett提到最大轉變係8年前
佢同丈夫受邀返回澳洲經營雪梨劇場，
當時雖然正值影藝事業高峰，
但佢仍然堅持己見，做自己喜愛既事，
而佢亦表示一般人面對改變都會恐懼，
但恐懼對佢黎講反而成為激勵佢既動力，
甚至令佢做得更好。

相信好多人都想知道Cath Blanchett有咩護膚心得，
佢就同我地分享，話平日會飲大量水份，而且會加檸檬，
除左用神仙水外，亦會用Mask in lotion，
至今已經用左SK-II 14年，皮膚狀況一直保持好好。

另外佢對教育小朋友亦有自己一副心得，
認為良好教育係好重要，
佢亦希望多花時間喺小朋友身上，
有小朋友之後令佢生活變得美好、嘈吵，
雖然混亂、複雜，但因為有支持佢既另一半，
亦少左時間憂慮事情，所以都係一個好好既轉變。

除左Cate Blanchett，分享會上仲有其他真實個案，
講到女性點樣去改變自己命運，
想睇詳情可到youtube搜尋SK-II #changedestiny，
以下就係其中一個：

完左訪問同分享會，同日另一場係新產品介紹！

由研發廿多年既日本人講師Kazumi Toyama講解多款新品研究成果。

今年SK-II推出多款新品，
其中一款我最想介紹比大家既就係以下呢款粉餅！

三合一 Crystal Skin Perfecting Foundation！

呢款粉餅並唔係我之前介紹過果款，
呢款係專為春夏天而設，黎緊4月份先推出，
特別加入美白成分及防曬成分，
雖然市面有啲加入美白成分既化妝品會較乾身，
但呢款感覺清爽，唔乾，
容易控制，遮瑕度適中，
集齊防護、修飾、美白修護於一身，
係春夏新品之中必入手好物之一！

Toyama san最近亦黎左香港event，為大家講解新品，
Toyama san仲話記得我，因為當日喺日本event
我建議佢地既粉餅需要多加色號，
日本人膚色偏白，但亞洲其他地方既女性膚色未必一樣，
試用過佢地粉餅既我，雖然唔算好白，但都要用到最深色號，
Toyama san都話會再仔細研究，
希望佢地研發時會考慮埋其他地方，
第時會有更多色號選擇比大家啦～

欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

分類: 未分類

發表時間：2016-02-12 03:10 PM [ 訪客留言(0) ] [ 編輯日誌 ] [ 分享至FACEBOOK ]

對抗空氣污染！由護膚開始。

2016 年 2 月 6 日星期六

現時空氣污染愈趨嚴重，
其實唔係淨係香港，全球都有呢個問題，
空氣、水源、環境等等都被污染，
最近天氣驟變，響起地球被污染既警號。
我地既皮膚亦因為咁而受到影響。

尤其係香港，人多車多，
一出街就無法避免要「吸塵」、「食塵」，
而且塊面無得著衫，首當其衝直接接觸塵埃，
有時出街半日塊面已經好污糟，
用化妝綿一抹變左灰黑色。
我自己係油性皮膚，痴塵後好易block住毛孔，
令泛油問題更加嚴重。

要改善問題，唔通真係要遮住塊面出術！？
（其實就無可能既⋯）

如果大家有留意我facebook都知我早前去左日本，
今次我係跟隨Kiehls’團隊出發到日本，
因為佢地將會推出幾款新產品，
而其中一款重點產品就係主打「抗污染」！

呢個概念真係好新，
為左更了解佢地研究新產品既概念以及製作方案，
品牌特別安排左護膚研究室主席Dr. Geoffrey Genesky講解，
除左介紹一系列新品，亦安排左參加workshop、和服晚宴等，
所以今次行程超豐富，真係好感謝品牌邀請，
亦令我了解多左新產品既厲害之處。

綠色瓶就係呢款草本香橙抗污染強化面膜喇！

當日Geoffrey表示，面膜入面既主要成分－香橙精華，
係提取自地中海、南美及中美洲盛產既苦橙乾幼果，
而苦橙乾幼果係一種強效抗氧化物，
可以保護肌膚免受由紫外線而導致脂質過氧化，被氧化壓力傷害，

另外，當中亦加入左芫荽籽油，
唔講唔知芫荽原來都可以用黎敷面！
芫荽籽油含豐富洋芫荽子酸，
可刺激肌膚天然保護屏障分化功能，
令受污染後的肌膚加速重建屏障，
可以抑制香煙、煙霧等微細污染物。

呢款綠色面膜質地好水潤、透薄，
味道帶淡淡草本味道，清香舒服，
上面後感覺一啲都唔刺激，
其實佢地就建議呢款面膜當作sleeping mask去用，
透過睡眠時間補充天然養分，防止污垢黏附皮膚，
從而減輕對肌膚既傷害。

另外，今次同時間亦推出左另一款磨砂面膜，
就係橙色瓶既薑黃紅莓速效亮肌面膜，
呢款面膜係針對女士最關注既肌膚暗啞問題，
想皮膚變返光澤水潤、帶細緻感，就可以試試啦。

當中主要成分有薑黃精華，紅莓精油及籽粒，
薑黃其實有天然排毒及潔淨成份，
可強效抗氧化、殺菌、平衡油脂，從而改善暗啞偏黃肌膚。
另外亦有紅莓精油及籽粒，具豐富抗氧化功效，
紅莓籽碎粒有溫和磨砂作用，可促進肌膚更新。

呢款面膜雖然比較厚身，但同樣感覺水潤，
而且好易沖洗，敷後肌膚明顯亮白、帶有光澤，
建議OL朋友可以喺朝早預多些少時間，
只需10分鐘左右，就可以幫肌膚refresh，
成個樣charm返晒！

今次Kiehl’s既兩款新品都已經納入左我近期愛用品之一，
尤其現時天氣唔穩定，皮膚就更加要好好保養，
要對抗外在侵害，最基本都係要自己勤力護膚，唔好偷懶呀。

欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

分類: 未分類

發表時間：2016-02-06 03:20 PM [ 訪客留言(0) ] [ 編輯日誌 ] [ 分享至FACEBOOK ]

【VIDEO】*Girls Talk* 完美裸妝與簡易裸妝 by Janice Lam x Elva Ni

2016 年 1 月 31 日星期日

一睇呢張相，相信大家都覺得好新鮮，
有唔少follow開既朋友仔都知道我同Elva好老友，
所以今次就有我地兩個齊齊拍片，
一邊傾計一邊化妝，
唔覺唔覺都拍左幾個鐘！

Elva身為美妝教主，平日都有教大家化下簡易妝容，
而我作為專業化妝師，經常開班教學生，
到底化一個裸妝係應該有咩步驟同應該點樣上妝？
我地兩個既化妝手法都唔一樣，
想知我地兩個既裸妝示範同美妝tips，
就一定要睇下今次既video啦～

https://www.youtube.com/watch?v=-7CqnGepnyU

另外，想睇Elva Ni 同場加映裸妝配襯tips，
即到Elva youtube channel :
https://www.youtube.com/user/misselvani

欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

分類: 未分類

發表時間：2016-01-31 04:39 PM [ 訪客留言(0) ] [ 編輯日誌 ] [ 分享至FACEBOOK ]

Happy Share好物分享

2016 年 1 月 30 日星期六

我地公司同事係購物狅應該係公䦕嘅秘密～
見到平又買包裝靚又買，
我地就成日交換買野心得，
今次就同大家分享下齊齊happy share啦～

Christy:
相片 22-1-2016 下午3 14 45
3CE Glam cream shadow $109

雖然3CE熱潮無以前咁厲害，
不過佢真係有幾多好用既產品架！
除左之前我同大家介紹過既光影膏，
呢個眼影膏都係我既大愛！
螢幕快照 2016-01-22 下午8.21.20 （官網圖片）

一共有5隻色，我自己平時都好鐘意化好似model既自然啡色眼妝，
所以我揀左＃Glamorous 啡色。

相片 22-1-2016 下午3 15 11 相片 22-1-2016 下午3 16 45 我鐘意佢既原因係價錢唔貴，
顏色像真度高，質地好柔滑，
而且唔易乾，我用左幾個星期都仲係好新，
拎少少份量就可以搽勻對眼，
仲超易blend開！

相片 22-1-2016 下午5 09 51 其實眼影膏上一層已經好實色，
單用都可以，不過我都鐘意ontop加層眼影粉，
顏色會更持久。

———————————————————————————————

相片 22-1-2016 下午3 20 26 Banila co it shiny shimmer base $1XX

我自己平時化妝或幫人化妝都好鐘意用珠光色base打底，
望落去會透出好靚既光澤感～
之前試過一啲珠光base覺得好乾，
令甩皮情況更明顯！
不過我試過呢支就覺得幾保濕，
光澤感適中，唔會太閃但又有效果。

相片 22-1-2016 下午3 21 46 相片 22-1-2016 下午3 22 59 除左可以係粉底前用，亦可以係粉底後on top加上面，
都唔會溶左個底妝，
百幾蚊大大支好抵用！

Candy:

SKINFOOD Fresh Friut Lip & Cheek 兩用唇膏胭脂膏

哩個牌子o係香港唔多人用,但其實o係韓國有多fans嫁,哩隻三色兩用唇膏胭脂膏仲成日斷貨唔係咁易買到添!
叫得freshfriut除左因為有水果精華同有果味之外,
仲有一個原因係因為韓國有一種妝係叫水果妝,
PEACH,APPLE,CHERRY,APRICOT等等..聽到都好有畫面!

哩個3色兩用唇膏胭脂膏設計係細細既磨砂鐵盒好復古!
上色夠平均自然,因為我兩邊面較乾,所以我鍾意用膏狀胭脂,效果更加貼服,有光澤同持久,

當唇膏用做咬唇妝一樣靚,夠上色,不過就唔算持久喇!

一盒有3種顏色,我平時仲會日頭夜晚轉唔同色添!絕對滿足到女仔咁善變既心情呀!

Joan:

b65ab413-96d4-480b-baf7-2dd422ac8841

Clarins水潤活肌保濕精華 ($550)

對用落自己面上我一向捨得～
皮膚又缺水又乾又易敏感嘅我㨂護膚品真係有難道，
每次真係抱住試下嘅心態，
但一個晤小心又會發到豬頭咁！
但自從幾個月前轉左Clarins呢個系列嘅skin care皮膚都真係好左，
少左敏感之餘粒粒都出少左～

呢支精華嘅成分除左有透明質酸,卡鎝夫樹皮萃尿精華,
印加花生萃取精華及鹿角菜萃取精華etc
可以加強角質層保護功能仲有四重鎖水作用，
超級保濕嫁！
啱哂我呢啲dry爆又敏感肌嘅人用～

7dcf4b75-71b0-41ec-b571-4878f57c60ab 佢一泵出黎帶淡淡藍色，
味道淡淡花香，非常清新～
質地好似化妝水咁，
但一推䦕就好似有層油膜鎖住啲水分係皮膚度，
感覺之後搽嘅面霜都可以keep住令皮膚全日保濕～
好似我咁缺水又易敏感嘅你不妨一試啦！

———————————————————————————————

Lush免沖洗爽髮粉($80/50g)

大家見到我用光光就知道我幾鐘意佢啦！
而加天氣咁凍～長髮女仔應該同我一樣怕怕洗頭吹頭～
有時就算朝早洗完夜晚收工已經笠哂～
想約朋友仔食餐飯都覺得自己頭髮又笠又亂！
所以一直都有用冼頭粉嘅習慣～

螢幕快照 2016-01-23 下午4.30.22 (官網照片)

佢嘅成分含檸檬、葡萄柚同石灰，
係白色嘅粉末黎
將粉末直接撲上頭髮，粉末就會會吸走頭髮嘅油脂，
令頭髮回復清爽～
特別適合懷孕女士、坐月媽媽、長途飛機的常客等。

份量唔洗多，
粉末其實有啲似爽身粉，
仲係帶淡淡檸檬味嘅爽身粉～

本身model髮質都係比較易出油，
好似圖中咁取小量份量，再按摩髮根，
令多餘粉末消失，
頭髮就會回覆乾爽

**切忌取太多份量，如果唔係好易"滿頭白髪"嫁啦

Yuki:

BonBon / TINT GLOSS （購自日本）900YEN（約HK＄59)

螢幕快照 2016-01-23 下午6.04.12

其實我自己都唔算係唇膏控，
不過上年去大阪見到呢款tint gloss，
聲稱唇色持久，食野飲野後只會變得淡色，
就心郁郁買左一枝＃2 Red，
大紅色本身好難carry，但呢款紅得黎唔似唇膏咁實色，
仲有少少漸變花瓣唇效果！
用左一次之後完全係俘虜左我～

結果之後再去京都時，就買多3枝，
＃3 Peral Pink，＃6 Apricot，＃7 Ruby Red，
大家都知莓紅色係今年最hit唇色，
所以＃7 Ruby Red係秋冬限定黎！
唔係度度都搵到，我自己就喺DONKI激安殿堂見到，
仲賣平啲，只售800YEN（約HK＄52）！

另外，佢仲有一樣特點好吸引我，
就係呢枝tint gloss加入左90%美容液成分及多種保濕成分，
仲有Lip Balm成分，滋潤度十足！
我自己本身咀唇較乾，用佢一搽上去就已經好潤啦，
加上無添加香料，都好適合敏感唇既朋友仔。

———————————————————————————————

CUPIDO / color contact lens ＄19/1對；＄267/15對

其實大眼con/color con都唔係近一兩年既事，
不過就愈出愈多款，
我自己中學已經開始有戴color con，
果時都係岩岩興起無耐，
lens既款式、直徑大小、透氣度都無宜家做得咁好，
加上有度數既lens係比平光更少choices。

最近就有留意呢款CUPIDO既one day lens，
係本地一間專賣日本進口美妝品既店鋪BR出架，
款式夠簡單，顏色夠多，包裝都好像macaron盒咁靚～
成個系列有8隻色，直徑有14.2mm，大眼必備！
最正係即使買一對都可以揀度數，仲可以左右眼度數唔同，
我就買左15對，每對都可以唔同色，即係大家可以試勻晒8隻色，
而且以呢個價位黎講，已經比好多one day lens平好多。

戴左一排，覺得佢既大眼效果好自然，
我自己就好鍾意Milk Tea，大大推介！
佢地既lens做得好薄，含水量有38%，
即使狀態唔好，訓唔夠，長時間望住電腦做野，
戴住呢副lens全日10個鐘都無太乾既感覺，
亦無移位，戴左之後真係一秒增大眼！
所以好推介比有戴lens既朋友～

以下係呢副lens既詳細規格，
因為始終係要戴上眼，所以都想share多少少。

規格：
◆使用期間 1日交換
◆DIA 14.2mm
◆着色直径 13.8mm
◆BC 8.6mm
◆含水率 38％
◆度数 ±0.00 ／1.00～-6.00(間隔50度)

日本衛生局認證產品特性：
－有效阻隔 UVA及UVB**
－「色素夾層」設計
－符合國際高品質認証
－非離子性材質本身不帶離子，
不容易吸附淚液所產生的蛋白質及油脂和髒物，
配戴舒適又安全

Shop：http://www.facebook.com/beautyranking/

分類: 未分類

發表時間：2016-01-30 01:06 PM [ 訪客留言(1) ] [ 編輯日誌 ] [ 分享至FACEBOOK ]

« | 7 | 8 | 9 | 10 | 11 | 12 | 13 | 14 | 15 | 16 | ... | 137 | »