Janice Lam (Makeup Artist)
janicelam
暱稱: Janice Lam
性別: 女
國家: 香港
« June 2019 »
SMTWTFS
1
2345678
9101112131415
16171819202122
23242526272829
30
最新文章
新手化妝師入行小tips
10個上妝Do’s & Don...
來∼看看今年流行過的...
[ Fashion Gossip ] 今...
熟齡護膚品試用
文章分類
全部 (681)
每月文章
訪客留言
最近三個月尚無任何留言
最近訪客
最近沒有訪客
日誌統計
文章總數: 681
留言總數: 35
今日人氣: 2
累積人氣: 164845
RSS 訂閱
RSS Feed
秋冬換季小貼士
2015 年 11 月 4 日  星期三

 

FotorCreated

近來濕度下降,皮膚開始感覺皮膚乾燥,
要保持肌膚無瑕零乾紋,是時候要換換護膚品及化妝品,
這次會教大家一些小貼士,讓皮膚慢慢適應秋冬天氣。

line363

1/ 不停補Toner

Photo 11-9-15 13 54 00

Sulwhasoo / Essential Balancing Water $360

Toner於護膚的過程中擔任重要角色,
我自己偏愛gel狀toner,有導入效果,
我的皮膚屬外油內乾性質,
太油的產品會容易導致出暗粒,
太乾的又有機會現乾紋。
日常使用toner,應抹兩次,
第一次以拭抹方式去除面上角質層的廢物或污垢,
如第一次就用拍面的方式,不但不能抹走污垢,
老化角質亦會阻礙毛孔吸收後續的護膚品,
抹面後,再用拍面的方式為皮膚補水。
視乎皮膚吸收的情況,在快吸收或較易乾的位置可用多一個分量拍多一次。
這個步驟可使皮膚底層飲飽水,變得水潤,
之後再塗其他面霜或護膚品就更能發揮其功效。

line363

2/ 秋冬必備精華

Photo 11-9-15 11 46 18

KIEHL’S / Powerful-Strength Line-Reducing Concentrate $470

秋冬天氣雖然乾燥,但不少朋友聽到滋潤的cream,
都怕用後容易形成粉刺或暗瘡。
我建議可局部塗cream,但卻必須全面塗精華。
於季節交替的期間,對於混合性式或油性皮膚的朋友來說,
精華已經足夠保護皮膚,我平日就會先塗精華,
於偏乾的位置才局部塗上cream,這樣的份量才確保剛好。
塗精華時,可配合按摩令精華更吸收,
亦可以手指骨按壓面部穴位,達至去水腫、瘦面及提拉效果。

Photo-22-11-2014Photo 11-9-15 16 06 09Photo 11-9-15 16 05 06

按約30次左右,當按到穴位有酸痛感即可。

line363

3/ 自行調配Perfect match粉底

如春夏天購買的粉底還未用完,又不想浪費再買新的粉底,
可以用以下方法代替:

Photo 11-9-15 11 45 49

laura mercier / foundation primer $280

油性皮膚

如使用中的粉底印有oil-free/ long wear/ long keep字樣,
即爽身性質的粉底。
想粉底帶水潤感,以2:1比例混合粉底和較水潤的底霜,
令上妝後更貼服,解決肌膚乾燥感。

Photo 11-9-15 12 07 44

Holika Holika / Aqua Jelly Starter $70(購自韓國)

乾性皮膚

如使用中的粉底不夠滋潤,
同樣以2:1比例將一份face oil或閃令底霜混合兩份粉底,
減少卡粉和現乾紋情況,令皮膚看起來更水潤嫩滑。
而皮膚極乾的,可依皮膚乾的程度,局部於黏膩的地方加碎粉,
如全面已變乾爽,就可省卻上碎粉的步驟。
另外,如上濕粉時已有卡粉情況,
可用保濕精華噴霧於面上噴三至四次,
然後用濕粉樸按壓,令卡粉的地方變得貼服。

Photo 11-9-15 11 48 54

SK-II / MID-DAY MIRACLE ESSENCE $450

line363

JaniceLam jlm

分類: 未分類
發表時間:2015-11-04 05:57 PM  [ 訪客留言(0) ] [ 編輯日誌 ] [ 分享至FACEBOOK ]


平民價paper mask試用報告
2015 年 10 月 13 日  星期二

 

天氣開始轉乾啦,
今次就有幾位同事試用幾款paper mask,
價錢由8蚊至30蚊一塊都有,
其實唔一定要貴野先好用,
有時平價野都一樣有佳作架∼
想知當中既用後感就要留意啦!

line379Joan:極乾敏感皮膚
Christy:混合性偏乾皮膚
Yuki:混合性,T-tone油

ETUDE HOUSE / SKIN NOTE Deep Moisturizing

 

包裝:1片
美容液容量:25ml
質地:凝膠
產地:韓國
價錢:$30

 

蘊含透明質酸及海藻成分,
集中補給保濕因子並防止水分流失,
為肌膚注入源源水分,使乾裂肌膚迅速恢復水嫩生機。

 

呢款面膜係分左上、下兩塊,
一開始要先撕走內裡薄膜,
上面後先撕走埋上面既膜,
而佢既精華岩岩好,唔會滴出黎。

呢款mask係凝膠質地,我自己都好喜歡呢個質地!
貼面度超好,面型裁剪大小剛好,
不過佢比其他凝膠mask更薄,用手指刮到已經穿窿,
所以敷既時候要好小心,亦盡量平躺避免「跣走」,
敷左20mins後,塊mask仍然有少量精華,
塊面變得好水潤、好有彈力,感覺飲飽水!
效果真係超正,敷完面仲超滑!
適合中至油缺水性皮膚使用。
如果係需要急救補水我會強烈推介呢款deep moisturizing mask∼

補水度:★★★★☆
滋潤度:★★★★☆
貼面度:★★★★☆

line379

Faith in Face / HOLD ME TIGHT

 

包裝:1盒3片
美容液容量:25ml
質地:水凝膠
產地:韓國
價錢:$69.9/3片

Faith in Face既面膜曾經被好多blogger同網友推薦,
佢亦已經進駐左萬寧啦∼
購買都非常方便!
等我地今次黎試下佢係咪真係咁好用先!

 

以藍銅勝肽撫平面上的細紋和激活肌膚,
令肌膚充滿彈性,改善老化問題。
含大量礦物質的博士茶提取物和有效舒緩肌膚壓力的紅蔘提取物等成分,
清除自由基和高效延緩肌膚衰老,保持肌膚緊緻度。

呢款mask既設計同ETUDE HOUSE一樣,
都係分開上、下兩塊,精華同樣岩岩好。

 

佢既剪裁比較大塊,上、下兩塊mask會有重疊部分,
而且mask厚少少,唔會咁易整穿,
貼面度較好,亦無咁易「跣走」,
照住佢包裝指示敷左30mins之後,塊mask仍然有少量精華,
面部變得水潤,但就無即時緊緻感覺同效果,
可能要持續去敷先會見效,
適合需要緊緻同補水既朋使用。

補水度:★★★★☆
滋潤度:★★★☆☆
貼面度:★★★★☆

line379

我的美麗日記 / 角鯊烯保濕修護面膜

 

包裝:1盒8片
美容液容量:23ml
質地:水凝布膜
產地:台灣
價錢:$85,平均$10/一塊

 

「植物性角鯊烯」萃取自橄欖油,
其分子結構與肌膚皮脂分泌相似,
粒子極為細緻能直接被肌膚吸收,
同時可激活肌膚抵禦環境與光線的侵害,
提供強效防護力並修護肌膚屏障。

我自己皮膚最近好敏感,
鼻翼位甩曬皮,
不過呢塊面膜好補水,
好多精華,
敷上去都覺得好舒服,
無任何刺痛感,
敷完覺得啲精華好快吸收,
之後唔洗再過水都得。

補水度:★★★★☆
滋潤度:★★★☆☆
貼面度:★★★☆☆

line379

SKINFOOD / JEJU TANGERINE

 

包裝:1片
美容液容量:18ml
質地:布膜
產地:韓國

 

 

呢塊棉布既mask一打開已經有好大陣柑橘味,
之前都介紹過佢地選用左濟洲桔,
好清新保濕,
入面精華都幾多,拎出黎既時候都有滴水。

雖然佢係一片過既mask,但剪裁大小剛好,
貼面度亦唔錯,棉布好薄但有少許彈性,
敷左15mins之後,塊mask都仲有精華,可以敷埋落頸,
由於佢既精華比較稀水狀,喺按摩後好快就被吸收,
面部感覺清爽,適合油性至中性皮膚使用。

補水度:★★★★☆
滋潤度:★★★☆☆
貼面度:★★★☆☆

line379

Holika Holika / JUICY ALOE (soothing)

 

包裝:1片
美容液容量:20ml
質地:布膜
產地:韓國

一打閞包裝精華液都頗多,
濕透成張面膜紙!

面膜紙棉質好薄身,比較大塊,
面型比較大H就啱啱好!
由於面膜紙薄身,下巴面頰唔太貼服,
帶淡淡清新Aloe味道,
一上面感覺涼涼地,好補水,
但我本身皮膚比較敏感,15分鐘後已經䦕始又紅有痕,
同事都有同樣反應,
比較刺激,建議敏感肌H朋友唔好試啦!

補水度:★★★☆☆
滋潤度:★★☆☆☆
貼面度:★★☆☆☆

Photo 7-10-15 14 30 00

line379

分類: 未分類
發表時間:2015-10-13 04:57 PM  [ 訪客留言(0) ] [ 編輯日誌 ] [ 分享至FACEBOOK ]


鮮花頭飾班初體驗
2015 年 10 月 10 日  星期六

 


唔知大家會唔會同我一樣,
每次見到新娘子都會望到眼都唔眨,
除左比佢地既靚妝同婚紗吸引外,
我自己都好鐘意留意新娘頭上既鮮花頭飾,
覺得好fresh好靚呀!
我自己一直想學好耐,
不過一直都未揀岩心儀既興趣班,
所以遲遲未有行動∼
最近Workshop就舉行左個鮮花頭飾班,
我地成班同事都好興奮,好想參加,
想知我學左啲咩?有咩感受?就記住睇落去啦!
line383今次學校專登請黎資深花藝老師Jan Chick擔任是次導師,
Jan老師其實都係我地makeup team既成員之一,
同Janice出job合作無間,
亦係我地專業髮型班既任教導師,
此外,佢仲係一位花藝導師黎架,
擁有超過十年既教學經驗添∼
之前makeup team幫幾位model大變身,
已經見到好多Jan老師既作品,
我地班同事都成日拎佢整既頭飾影相∼

而今次將會教以下呢款咁靚花環款∼

Jan老師一早就去花墟到揀定靚花,
買上來workshop做準備啦∼

啲花真係好新鮮好靚呀!有滿天星、百萬星、袉y花、小黃菊等∼
呢個班已經包曬所有材料費,
仲有老師幫我地揀埋靚花添∼
line370

同學仔都好留心聽老師講解,
每一個細節都要聽得好清楚,

做呢啲花藝飾物都需要好多唔同類型既工具,
好似呢個花貼,係用黎hold住啲鮮花係鐵線上,
同平時既雙面膠紙又有唔同,
係堂上面老師都一一講解唔同工具既運用。
相片 7-10-2015 下午8 34 23

對於花朵既剪裁都好有技巧架!
給果剪得唔好,
啲花就好容易剪碎架啦∼



點樣可以將啲花可以平均捆係鐵線上又唔易散?當然老師都將所有既細節技巧教曬我地啦∼

大家番到埋位都好努力自己試下做呀,
遇到有問題都即刻搵老師幫手∼
line376

同學仔既作品真係好靚呀!

個個同學整完都即刻整完帶上去試試,
仲忍唔住係咁影相添∼

其實我平時都好少DIY,
絕對可以話係手殘,
不過經過老師細心教導,
連手殘既我都可以做到,
我個作品都唔算太差啫 >\/<
雖然我都好想戴住佢影相,
不過又無set頭又無化妝咁算啦!


做完之後大家都可以拎埋個作品番屋企,
剩低左既鮮花都可以帶埋番屋企繼續玩架∼

我同事都拎左我個作品黎影相,
效果真係唔錯呀∼
如果整黎影pre wedding一定會好靚呀!
line376christy 2

如欲取得更多第一手美容及扮靚資訊
可瀏覽Girls Talk Main Blog: Girlstalk Blog
或 Like我們的Facebook專頁:
Janice Lam Makeup Workshop Facebook

(版權所有,未經同意不得轉載。)

 
分類: 未分類
發表時間:2015-10-10 03:37 PM  [ 訪客留言(0) ] [ 編輯日誌 ] [ 分享至FACEBOOK ]


化妝品的期限
2015 年 10 月 5 日  星期一

 

除了食品有賞味日期,化妝品也有使用限期,
一般包裝上會列明開封後使用期限的標籤,
以「M (month月)」計算,約半年至兩年不等,
當發現有異味或變質情況就應棄掉,
同時香港的天氣潮濕,應盡量避免將產品放於浴室裡,
尤其是含水分或液狀的產品,
以免受潮、發霉,滋生細菌。

line372

 

 

 

粉底液、遮瑕

液狀粉底於開封後一般要在半年到一年內用完,
因為液體較易變質及滋生細菌,
過期的粉底會有異味、變稀、變成一舊舊固體,甚至變色,
可能會刺激皮膚,造成敏感或更嚴重的皮膚問題;
而大部分遮瑕產品可以使用一年左右,
過期的遮瑕產品會變色,塗在皮膚上會感覺油膩,
因為裡面的油分會浮到表面,如見到這樣的情況一定要換掉。

碎粉、眉粉、眼影、胭脂等粉狀產品

粉狀的碎粉、胭脂等的保質期會較長,
一般有兩至三年,亦需保持乾爽。
如果化妝品出現結塊、乾裂、變色(有些會變白色)等情況,
就表示不能再用了。
另外也要定期清潔化妝掃,延長化妝品的壽命之餘,
亦避免將細菌帶到面上或眼睛裡。

膏狀或霜狀眼影、胭脂

這類的化妝品大多含有水分,所以使用期會較粉狀為低,
大約只有半年左右,或一年內要用完。

筆狀眼線和眉筆

眼線筆或眉筆的壽命一般有一年左右,
如筆尖上出現削不掉的白點、
筆芯水分被抽乾或眼線特別易溶,
即代表是過期了!

眼線液和睫毛液

最短的化妝品壽命是眼線液及睫毛液,
一般半年內便要更換,
安全起見,睫毛液最好三個月左右就換新的,
因為又黑又帶水分的睫毛液比較難察覺它有否變壞,
而且用於眼睛上,所以應特別小心,
不要等到發出異味或出現結粒情況才更換。
有些人會加眼藥水混和已乾涸的睫毛液,
我絕對不建議這樣做,因為容易滋生細菌,非常危險。
而眼線液有開始乾涸或頭蓬鬆亦應立即更換。
過期的眼部化妝品可能會令眼部發紅、發癢,
這個時候就要立刻去看醫生了!

唇膏

一般唇膏可以使用兩年左右,
乾掉的話代表變質,質感變得creamy,
有些matte或爽身唇膏或許不易察覺是否過期,
若有異味或過了包裝上的期限就要更換。
過期的唇膏可能會導致嘴唇敏感、起水泡等情況。

line366

護膚品





另外,護膚品同樣有使用期限,約一年至三年,
而一些韓國品牌化妝品和醫學品牌的護膚品更會列明到期年份及月份。
當中醫學品牌大多採用天然成分,而一些有機產品亦不宜放置太久,
使用期一般不超過半年至一年,
有些甚至要一星期內便要用完,
所以大家於使用前記得要細看說明書或產品包裝。

line372

如欲取得更多第一手美容及扮靚資訊
可瀏覽Girls Talk Main Blog: Girlstalk Blog
或 Like我們的Facebook專頁:
Janice Lam Makeup Workshop Facebook

(版權所有,未經同意不得轉載。)

分類: 未分類
發表時間:2015-10-05 01:00 PM  [ 訪客留言(0) ] [ 編輯日誌 ] [ 分享至FACEBOOK ]


眼部化妝品試用
2015 年 10 月 3 日  星期六

 

我地既makeup team又試新野啦!
今次就揀左試三款人氣MJ既mascara,
同新出concealer試用,
如果想知當中有咩效果同埋三位同事既感覺,
就記得要睇落去啦!

line350MJ Mascara

 

 

呢3款mascara既纖維同液體實黑度都有所不同,
而佢地既掃頭有分梳頭同螺旋刷頭,
梳頭可以直梳,令睫毛更纖長,
而螺旋刷頭可以zic-zac咁梳,咁睫毛就會更豐盈架啦∼
事不宜遲,睇下3款睫毛上眼後效果啦!

偽素顏之選:

Lash Secret Long$138

Yuki

我自己都好喜歡用MJ既mascara,
價錢夠平,效果唔錯。
今次一次過試左佢3款唔同mascara,
而呢款仿植睫lash secret long既效果係我最覺得驚喜既!
因為出黎效果真係好自然,
就好似係裸眼真睫毛咁,黑色唔會好實色,
纖維唔會太多同太長,
掃左一次之後已經見到效果,
而且佢個掃頭可以掃到一束束、睫毛分明,
同埋做到好自然既睫毛翹曲度。
我個人推介呢款偽素顏必備妝物!

 

掃左一次之後其實再掃多一次都無咩大分別,
反而我用lash king再掃一次效果非常好,
睫毛加長左、實黑左,
但翹曲度同睫毛分明度都無變,
即刻感覺眼睛大左、有精神,
大家都可以試下呢個配搭呀!

Joan:

本身我眼睫毛比較長同偏多,
如果唔搽mascara夾曲都hold到,
但一搽左比較重身H睫毛膏就會drop得好過份嫁啦!
當然mascara沒有最好只有更好!
我不嬲都好愛Mj 睫毛液,
價格親民之餘效果仲非常好!
今次分別試用左3款唔同感覺Hmascara∼

Lash secret long係3款之中我最鐘意H!
點解?
因為佢真係太太太自然啦!
做到條條分明,好纖長,
啱哂啲唔鐘意誇張而且本身㫸毛濃密H美女!
下㫸毛都做到自然分明效果!正!

如果嫌一層太過自然可以加多層,
會更加纖長嫁!
(左圖為第一層效果,右圖為第二層效果)

Christy:

Before

首先講下我自已本身既睫毛先,
都好易夾得曲,唔算太易drop,
鐘意根根分明既睫毛效果。

試過無數支mascara, 擁有滿意效果既MJ就一定有份,
不過佢都分唔同系列,今次分別試左3款,
我都好想知分別既效果係點~
我不約而同地同其他同事一樣最驚喜係呢支Lash Secret Long!!

佢可以搽得好分明,顏色唔會好漆黑,
似番自己本身既睫毛,
但好明顯係長左,長得黎又好自然,
唔似搽左好厚既睫毛液,
唔怪得佢叫secret long~~
平時想偽素顏,呢支真係必備架!

line350漆黑豐盈之選:

 

Lash King $158

Yuki:

呢款lash king就好似佢個名咁係有極多、極長既纖維,
一掃落睫毛度就已經覺得好長呀∼好黑呀∼
而且睫毛明顯粗左好多!
不過由於佢實在太多纖維,掃完之後痴埋一舊舊,
需要用睫毛梳梳返開佢先得。

 

其實掃左一層既效果已經好好,
掃第二次既效果會更黑、更長,
而且更加要花少少時間梳返開啲睫毛。

 

Joan:

Mj Lash King主打超濃密,
睫毛膏內有好多纖維,
連本身睫毛比較濃密H我搽一層都好有效果!

不過當搽多層H時候已經做唔到條條分明H效果!
要慢慢梳返好佢,
不過效果出黎都唔算差,
睫毛效果好濃黑,
化大眼妝效果會好好!
(左圖為第一層效果,右圖為第二層效果)

Christy:

Lash King一開個頭已經見到好多黑色纖維,
我搽左一層啲睫毛就好粗好濃密,
如果用呢類好重纖維既mascara,我會再用鐵梳梳番整齊,
可以梳走多餘既纖維,亦可以更加根根分明,
如果想有濃密效果但又唔想痴假睫毛,呢支就岩啦!

line358無限纖長之選:

 

Lash Expander Edge Mister $138

Yuki:

最後就試左呢款lash expander,
效果係前兩款之間,係一款普通既增長睫毛液,
纖維長度屬中等,亦唔會好似lash king咁多,
上睫毛後係實黑色,但效果自然,
而睫毛都好根根分明,
普通出街、日妝用佢就最好啦∼

 

掃埋第二次既效果就好似增加左volume咁,
同埋都會比原先增長左少少,
感覺就似痴左一款自然既假睫毛咁,
如果大家唔想痴假睫毛用佢掃兩次就ok啦∼

 

Joan:

最後呢隻Mj Lash expander edge
係纖長加濃密款,
睫毛膏內纖維比較多,
而且可以搽到纖長!效果唔誇張好自然!
但由於我睫毛偏長,
而睫毛膏內纖維又比較多,
搽左兩層一眨眼已經痴哂啲纖維係我上眼蓋同下眼底(如圖)啦!
搽H時候要分外小心!

(左圖為第一層效果,右圖為第二層效果)

Christy:

呢支同secret long一樣係梳齒頭,
一樣可以搽到好分明,
不過呢支最大既分別就係佢比secret long黑好多,
纖長效果都較明顯,
岩曬追求睫毛無限纖長既朋友。

我自己一直有用開MJ既mascara,
所以都好有信心,
對我黎講,搽一日都唔會drop,
防水效果都好超卓,
剩係用cleaning oil會落唔曬,
一定要用eye makeup remover先落得乾淨架∼

line373

Laneige Watery Cushion Concealer SPF35 PA++ $210

呢支係屬於Cushion掃頭既concealer, 主打補濕效能,
同自然貼薄遮瑕效果,
入面亦含有熊果素, 可以有效美白同減淡瑕疵,
仲有SPF35 PA++高效防曬添。

 

Yuki:

第一次試呢類stick狀棉頭既concealer,
只要禁幾禁就可以掃上眼,設計夠方便。
而呢款concealer既質地好水潤,
上眼底後就算用手指都好易推開、印勻,
眼底感覺唔乾,帶水感,唔會現眼紋,
呢個質地真係唔錯。
不過我皮膚帶黃,唔係偏白膚色,
就算揀左3號色試都覺得太白,
呢隻色已經係呢款產品既最深色號,
推開後遮到7成黑眼圈,但眼底紅色就仲差少少,
如果佢地顏色方面可以照顧到更多膚色需要就perfect啦!

 

Joan:

BB Cushion就用得多,
Cushion掃頭H遮瑕液就真係第一次用,
其實今次試用Laneige呢支遮瑕液都幾有驚喜,
因為揀遮瑕膏除左要遮得哂我個眼圈外,
唔乾同夠保濕都係我好追求H!
(因為我皮膚性質極乾)
如果揀錯遮瑕膏,乾紋會即刻現形!

我眼圈好明顯灰黑但膚色偏白,
用左2號色試用,
質地貼薄,我用手指推開後都無乾紋,
黑色素遮到七成,
而紅印都遮到九成!
效果唔錯!

Christy:

我屬於中等膚色,呢支最深既3號色對我黎講都係太白,
1,2號色就更加唔洗講,
對我黎講眼圈大約遮到7成,未算超高遮瑕度,
不過佢就可以幫手打亮下眼底,
如果買得太白既色都可以用黎做下highlight,
我自己眼底都算乾,我覺得呢個都真係好水潤,
上眼底後只係用手指推開就好均勻,
質地都好薄唔厚,如果佢有個岩我既膚色揀就好啦!

line373
Joan
Yuki tag
christy 2

如欲取得更多第一手美容及扮靚資訊
可瀏覽Girls Talk Main Blog: Girlstalk Blog
或 Like我們的Facebook專頁:
Janice Lam Makeup Workshop Facebook

(版權所有,未經同意不得轉載。)

分類: 未分類
發表時間:2015-10-03 03:45 PM  [ 訪客留言(0) ] [ 編輯日誌 ] [ 分享至FACEBOOK ]