Janice Lam (Makeup Artist)
janicelam
暱稱: Janice Lam
性別: 女
國家: 香港
« August 2019 »
SMTWTFS
123
45678910
11121314151617
18192021222324
25262728293031
最新文章
新手化妝師入行小tips
10個上妝Do’s & Don...
來∼看看今年流行過的...
[ Fashion Gossip ] 今...
熟齡護膚品試用
文章分類
全部 (681)
每月文章
訪客留言
最近三個月尚無任何留言
最近訪客
最近沒有訪客
日誌統計
文章總數: 681
留言總數: 35
今日人氣: 1
累積人氣: 165174
RSS 訂閱
RSS Feed
尋味首爾(1.2)
2015 年 5 月 29 日  星期五

 上星期有講到我地去左梨花洞shooting,

搞掂晒所有野都已經5,6點,
就諗住喺附近 近近地搵下野食醫肚。

 

 

 

呢間西餐廳我極力推介!
位於惠化站附近,有個好大既休憩地方,
喺大空地轉入內街就會見到,
只要見到呢個THEATRE就會搵到餐廳位置,
側邊有個牌,再上樓就到∼
如果想exactly知道個地點,可以上網睇下。

 

 

 

開頭望入去見到無人仲以為close左,
可能係呢個時段無咩人黎,
成間餐廳都好舒服!
一睇就知,啲裝修又係我杯茶∼
見到佢牆上有啲相話拍過韓劇,
不過我好少睇,所以都唔知係邊套。

 

 

 

唔好睇呢度好似好high end咁,
其實啲野食都唔貴架,
頭盤range 9,000至14,000won,
碟碟都好大碟,好抵食。

 

 

 

我地點左沙律同一款頭盤,
兩款都好好食。
呢款就多啲唔同既菜,煙肉,必食!

 

 

 

頭盤芝士蓄茄上面有水牛芝士,
芝士味唔濃,配新鮮蕃茄,味道好好,
沙律菜上面有啲杏仁片,好有咬口,
加埋醋,呢個配搭係好好食!!
最後我包辦晒成碟,仲好想再encore∼

 

 

 

呢度既意粉都係大約10,000won,
pizza最貴都係16,000won,
我地幾個穩陣派,都係揀左啲平時揀開既款式。

 

 

 

呢個白汁意粉都好好食,唔膩,
因為我地團入面有人唔食茄汁就點左呢個,
佢既材料多,味道穩陣,一般人都較易接受,
唔係太正宗既做法反而好ok,
因為有時太正宗意大利野唔係好岩亞洲人口味。

 

 

 

呢個pizza真係估唔到咁好食!!
唔知大家見唔見到其實仲有一小碟汁係用黎伴黎食,
我諗都無人估到係蜜糖!
勁好食,好好味!
真係未食過加蜜糖呢個食法,
批面係青蘋果,中間係芝士餡料,加上清甜既蜜糖,
酸酸甜甜,好味到爆燈!
仲有個餅底係好似印度薄餅咁,煙煙韌韌,
呢款係韓國model介紹一定要試,
初時都半信半疑,原來真係好好食。

 

 

我地total點左4樣野,都係55,000won左右,
即係都係3百幾4百幾,好平∼
建議大家可以下晝去,無咩人。

 

line367

-追加衣飾妝物篇-

 

 

韓國成日都有新野,
今次就因為有朋友介紹,
抽左啲時間去左貨櫃商場COMMON GROUND朝聖,
(地址: 首爾廣津區紫陽洞17-1,「建大」地下鐵站6號出口)
如果你問我使唔使去,我就答一定唔使!
初時以為呢度好大,但比想像中細,
Zone 1 係男仔野,Zone 2-3先係女仔野,
仲唔超過50間,好少!
我覺得無咩野睇,食下野都ok既,
呢度女仔衫好多都係大路款,無咩特別,
去梨大、弘大都搵到。
男仔衫款反而多啲,隔離街都多sporty野,
同男仔朋友一齊就可以黎行下,
如果成班女仔真係唔太建議,
而且地址比較遠,唔想浪費時間就唔需要黎∼

不過我都有喺度發掘到啲特別野同新野…
 

 

特別就係呢間賣帽既店,
所有帽都係用lego砌成,
上面既logo、字樣、公仔都可以換,
都幾得意。

 

 

 

另外就係一個新既化妝品牌-moonshot,
喺度行行下見到佢地既妝相廣告,
model既誇張彩色眼影吸引左我去睇,
後來先知呢個品牌係由YG Entertainment創立。

 

 

佢地啲化妝品包裝好簡潔,好容易睇到入面既顏色。

 

 

我就試左呢張相前面果款balm狀的foundation,
上手後有冰涼感,遮瑕度高,感覺幾好,
夠貼面,帶微令身效果,
價錢42,000won,唔算好貴,推介大家去試下!
仲有後面果款枝裝foundation,效果都好ok!

 

 

 

gel狀eye shadow其實都有日本品牌出過,
我鍾意個質地,又夠實色、唔易溶,
呢度有好多隻顏色,而我自己就買左呢款啡紅色。

 

 

今次就分享到呢度,
如果想睇多啲我去韓國旅行既分享
就記得留意住啦∼

 

line346

 

如欲取得更多第一手美容及扮靚資訊
可瀏覽Girls Talk Main Blog:
或 Like我們的Facebook專頁:

 

分類: 未分類
發表時間:2015-05-29 03:32 PM  [ 訪客留言(0) ] [ 編輯日誌 ] [ 分享至FACEBOOK ]


尋味首爾(1.1)
2015 年 5 月 29 日  星期五

  

上星期同大家分享左我去首爾瘋買,
唔少同事朋友都話要托我買返幾件,
甚至叫我開網店,等我再考慮下啦∼
今個星期就帶大家去首爾搵正野食,
講真,去到韓國求其揀一間都好食,
無論係cafe, pizza店, 或者韓食,
好少遇到啲好難食。
我今次有幾間心水推介,
黎緊去韓國既朋友可以bookmark低試試!

 

line346

 

第一間要介紹既係甜品店,
食得太多韓野間唔中都要試下其他食物中和返,
如果唔係好快就食膩。

 

 

其實韓國都好流行食冰,
單單喺明洞就已經有成十幾廿間,
而我去既呢間好似台灣都有,
有時去到啲cafe食,生果又唔夠新鮮,
又甜到漏,冰又唔夠棉,
所以推介呢間既原因就係佢既新鮮芒果,
雖然都加左糖水,但味道好好。

 

 

 

呢間甜品店位於明洞,
佢既位置唔太難搵,就喺A-LAND附近。
行街行到攰就可以黎呢度休息下。

 

 

 

我地幾個order左幾款甜品,
其中有呢款芒果冰,
(另外仲有菠蘿冰揀,有成半個菠蘿架!)
特別既係佢上面有啲乾既cranberry,好有咬口,
加埋啲冰,甜甜酸酸,成個組合都好夾,
又唔會太甜,又有啲脆脆、煙韌,
好多種口感夾埋一齊,very good!
對比起台灣既棉棉冰,我覺得呢款好食好多,
台灣果啲加左糖漿,太甜,啲味太假,
我自己就麻麻啦∼

 

 

隔離外果杯係紅豆冰,我自己就唔推介,
本身已經好甜,上面仲加埋cream,又甜又肥!

 

 

 

另外呢款窩夫超鬆化,
你地見到中間果個球其實唔係雪糕黎架,
係芋頭蓉!
(有其他配料揀,好似係芒果)
係咪估唔到呢,
呢個芋頭蓉唔會甜,入面仲有芋粒,
同埋隔離既雲尼拿雪糕一齊食,味道好夾,
好腍身,好好食!

 

 

我已經唔記得食左幾多錢,
不過喺得明洞都唔會貴,
喺明洞,價錢唔係考慮因素,
最緊要好食!

 

line367

 

每次去韓國,都會去食pizza,
因為呢邊既pizza店大多都好好食。

 

 

 

呢間店喺上面介紹間甜品店附近,都喺明洞架。
行行下經過呢間pizza店門口,
比佢門外張poster吸引左,
好似係好正宗既意大利pizza。

 

 

 

 

我地入到去,發覺呢度既擺設好特別,
有好多唔同包裝既可口可樂樽,
有啲display corner,
仲有啲相架、道具比你影相用,都幾得意。
我好欣賞呢邊地方既裝修,
就算未必係好豪華,
但每度都會有個主題,
係同朋友聚腳既好地方∼

 

 

 

等緊野食既時候望到廚房果邊既大火爐,
佢地係用大火爐去焗pizza,有好多唔同款式。

 

 

 

我地就揀左呢個雙拼pizza,
兩邊都係蕃茄汁底,茄汁個味好好,
一邊topping主打芝士,
唔知點解韓國邊度都好多芝士野,
但係又唔漏,味道好好。
另一邊topping主打薄切火腿,
一樣都好好食,唔會韌,
個皮好鬆脆,皮邊唔硬,餅底薄,料唔會過多,
就算叫左意粉再食埋呢個都唔會太full,
4個女仔share,每人兩塊就最好∼

 

 

 

平時點carbonara都會驚味道太濃太漏,
但呢個味道好好,醬汁唔會太濃味又唔杰身,
扁意粉又煮得岩岩好,軟硬適中,
平時太漏都未必可以食晒一碟,
裡面係菇菌類,好香∼

 

 

 

我自己好鍾意食肉醬意粉,
平時都會自己落廚煮下,
對肉醬意粉可以話係好有研究,
呢一款醬汁帶酸味,遮過左肉味,
味道太勁,如果唔鍾意酸就未必岩喇,
佢既意粉就一樣都好ok,
但個汁方面真係有待改進。

 

line367

 

 

 

分類: 未分類
發表時間:2015-05-29 03:25 PM  [ 訪客留言(0) ] [ 編輯日誌 ] [ 分享至FACEBOOK ]


2015-05-29
2015 年 5 月 29 日  星期五

 

上星期同大家分享左我去首爾瘋買,
唔少同事朋友都話要托我買返幾件,
甚至叫我開網店,等我再考慮下啦∼
今個星期就帶大家去首爾搵正野食,
講真,去到韓國求其揀一間都好食,
無論係cafe, pizza店, 或者韓食,
好少遇到啲好難食。
我今次有幾間心水推介,
黎緊去韓國既朋友可以bookmark低試試!

 

line346

 

第一間要介紹既係甜品店,
食得太多韓野間唔中都要試下其他食物中和返,
如果唔係好快就食膩。

 

 

其實韓國都好流行食冰,
單單喺明洞就已經有成十幾廿間,
而我去既呢間好似台灣都有,
有時去到啲cafe食,生果又唔夠新鮮,
又甜到漏,冰又唔夠棉,
所以推介呢間既原因就係佢既新鮮芒果,
雖然都加左糖水,但味道好好。

 

 

 

呢間甜品店位於明洞,
佢既位置唔太難搵,就喺A-LAND附近。
行街行到攰就可以黎呢度休息下。

 

 

 

我地幾個order左幾款甜品,
其中有呢款芒果冰,
(另外仲有菠蘿冰揀,有成半個菠蘿架!)
特別既係佢上面有啲乾既cranberry,好有咬口,
加埋啲冰,甜甜酸酸,成個組合都好夾,
又唔會太甜,又有啲脆脆、煙韌,
好多種口感夾埋一齊,very good!
對比起台灣既棉棉冰,我覺得呢款好食好多,
台灣果啲加左糖漿,太甜,啲味太假,
我自己就麻麻啦∼

 

 

隔離外果杯係紅豆冰,我自己就唔推介,
本身已經好甜,上面仲加埋cream,又甜又肥!

 

 

 

另外呢款窩夫超鬆化,
你地見到中間果個球其實唔係雪糕黎架,
係芋頭蓉!
(有其他配料揀,好似係芒果)
係咪估唔到呢,
呢個芋頭蓉唔會甜,入面仲有芋粒,
同埋隔離既雲尼拿雪糕一齊食,味道好夾,
好腍身,好好食!

 

 

我已經唔記得食左幾多錢,
不過喺得明洞都唔會貴,
喺明洞,價錢唔係考慮因素,
最緊要好食!

 

line367

 

每次去韓國,都會去食pizza,
因為呢邊既pizza店大多都好好食。

 

 

 

呢間店喺上面介紹間甜品店附近,都喺明洞架。
行行下經過呢間pizza店門口,
比佢門外張poster吸引左,
好似係好正宗既意大利pizza。

 

 

 

 

我地入到去,發覺呢度既擺設好特別,
有好多唔同包裝既可口可樂樽,
有啲display corner,
仲有啲相架、道具比你影相用,都幾得意。
我好欣賞呢邊地方既裝修,
就算未必係好豪華,
但每度都會有個主題,
係同朋友聚腳既好地方∼

 

 

 

等緊野食既時候望到廚房果邊既大火爐,
佢地係用大火爐去焗pizza,有好多唔同款式。

 

 

 

我地就揀左呢個雙拼pizza,
兩邊都係蕃茄汁底,茄汁個味好好,
一邊topping主打芝士,
唔知點解韓國邊度都好多芝士野,
但係又唔漏,味道好好。
另一邊topping主打薄切火腿,
一樣都好好食,唔會韌,
個皮好鬆脆,皮邊唔硬,餅底薄,料唔會過多,
就算叫左意粉再食埋呢個都唔會太full,
4個女仔share,每人兩塊就最好∼

 

 

 

平時點carbonara都會驚味道太濃太漏,
但呢個味道好好,醬汁唔會太濃味又唔杰身,
扁意粉又煮得岩岩好,軟硬適中,
平時太漏都未必可以食晒一碟,
裡面係菇菌類,好香∼

 

 

 

我自己好鍾意食肉醬意粉,
平時都會自己落廚煮下,
對肉醬意粉可以話係好有研究,
呢一款醬汁帶酸味,遮過左肉味,
味道太勁,如果唔鍾意酸就未必岩喇,
佢既意粉就一樣都好ok,
但個汁方面真係有待改進。

 

line367

 

上星期有講到我地去左梨花洞shooting,
搞掂晒所有野都已經5,6點,
就諗住喺附近 近近地搵下野食醫肚。

 

 

 

呢間西餐廳我極力推介!
位於惠化站附近,有個好大既休憩地方,
喺大空地轉入內街就會見到,
只要見到呢個THEATRE就會搵到餐廳位置,
側邊有個牌,再上樓就到∼
如果想exactly知道個地點,可以上網睇下。

 

 

 

開頭望入去見到無人仲以為close左,
可能係呢個時段無咩人黎,
成間餐廳都好舒服!
一睇就知,啲裝修又係我杯茶∼
見到佢牆上有啲相話拍過韓劇,
不過我好少睇,所以都唔知係邊套。

 

 

 

唔好睇呢度好似好high end咁,
分類: 未分類
發表時間:2015-05-29 03:24 PM  [ 訪客留言(0) ] [ 編輯日誌 ] [ 分享至FACEBOOK ]


全方位護理肌膚
2015 年 5 月 27 日  星期三

 

 夏天黎到啦!大家既衣著開始變得清涼啲∼
背心短褲係夏天必備既items,
除左塊面之外,手手腳腳都要見人架,
所以身體其他部份既護理都唔可以忽略,
今次就會同大家推介下身體護理既產品啦∼
line368首先講既係大家每日都會用既沐浴露啦,
好多朋友都覺得沐浴露係消耗品求其買支平平地就算。
就係因為日日都要用係自己身體,
所以要小心選擇呀!

Dr.Hauschka Almond soothing body wash  $200/200ml
售賣點:Joyce Beauty

大家可能對Dr.Hauschka呢個牌子有啲陌生,
其實佢已經黎左香港超過15年架啦∼
佢係一個德國天然有機品牌,產品都係由德國製造。
佢地擁有自家農場種植有機原料,產品成份都提倡使用有機耕種,
利用來自大自然原材料,同精挑細選既藥用植物,
研發出安全可靠既護膚產品。

呢個沐浴露有香薰舒緩效果,
入面含有甜杏仁精油同葵花籽精油可以舒緩乾燥肌膚,
恢復肌膚天然保護膜。
鱷梨精油可以令肌膚更加柔滑,預防肌膚乾燥。

 佢質地係lotion狀,
有陣陣既草本香味,
聞落去好真係好relax∼

好容易起到好多泡,
洗完都比較滋潤,
好岩乾性皮膚用,
特別岩成日覺得小腿大脾位乾既朋友用,
洗完乾紋都無咁現架∼
佢入面亦有舒緩作用,
容易皮膚敏感既朋友都可以放心使用∼

terre d’0c 薰衣草純蜜沐浴露 100ml
售賣點:太古城道18號太古城中心230舖

terre d’0c 係一個法國有機品牌,
佢地出產既產品有家居香氛、異國有機茶、
天然彩妝、面部及身體護理等不同系列,
全部產品都係由法國製造∼
而佢地既產品都獲得多項國際驗證,
包括cosmebio法國天然有機化妝品認證、
法國農業部有機食品認證等等。

蜂蜜無論內服定外用,都可以話係肌膚既奇妙補品,
呢個薰衣草純蜜系列都加入左有機蜂蜜,
為肌膚帶來好好既滋潤功效。

呢款質地係gel 狀,
起泡效果一樣係幾好,
有好甜既蜜糖味,
用佢黎浸個蜜糖泡泡浴就最sweet啦∼

terre d’0c 薰衣草純蜜按摩乳霜 $348/100ml
售賣點:太古城道18號太古城中心230舖

做野做到攰,除左想沖個泡泡浴relax下之外,
仲可以配合埋按摩霜幫身體消除下疲勞,
同系列仲有呢個按摩乳霜,
主要成份有薰衣草蜂蜜、甜杏仁油、馬鞭草花水等。

可以用佢配合埋按摩幫身體放下鬆同滋養肌膚,
同時佢亦可以軟化肌膚角質,促進肌膚更生。
佢地仲送埋樽有機薰衣草蜂蜜比我地添,
實行由內靚到外呀!

 

質地屬於較杰身既gel狀,
好易就推開,推開左之後就好似變左層薄薄既body oil咁,
佢都有好香好甜既蜜糖味∼
如果按摩完唔想有層野係面既朋友,
可以用濕毛巾輕輕抹走。
line358

Dr.Hauschka Lemon lemongrass vitalising body milk  $376/145ml
售賣點:Joyce Beauty

講到身體護理body lotion就非常重要啦,
除左面部皮膚要滋潤之外,
身體既皮膚亦好需要滋潤,
唔係啲乾紋就會出曬黎架啦∼

呢個body milk屬於lotion質地,
質地都算幾薄,搽完覺得皮膚滋潤左但唔會好笠,
都算吸收得幾快∼
有陣好清香既檸檬香味,
非常怡人。
line380肌膚保養除左要揀岩護膚品之外,
防曬都好重要架!
就算你唔驚曬黑,
自由基都會令皮膚加速老化架∼
睇下以下我有咩防曬好推介啦∼

BIOTHERM 活顏修護防曬乳  SPF50 $260/50ml
售賣點:BIOTHERM專門店

呢個防曬乳係特別針對紫外線對肌膚基因造成既破壞,
及引致肌膚老化根源,係配方中加入Life Plankton水源再生因子及
SV Reverserol,深入DNA基因,
以先進抗衰老防曬科技達至抗皺同抗鬆弛功效,
全面預防老化。

大家記住搽防曬除左搽面,
亦要搽埋其他會接觸到陽光既部位,
呢支就岩搽係面部,頸部同前胸既幼嫩肌膚,
有防水防汗功能。
佢屬於比較厚身既cream質地,
唔會泛白,幾易推開,
一開始搽會覺得有少少笠,
過一陣吸收左之後就無咁笠,
但就會keep住有種滋潤感覺,
乾性皮膚就好岩用啦∼
佢已經通過證實具高度親膚性,
敏感肌都可放心使用。

BIOTHERM 水凝輕感防曬凝膠 SPF30  $310/150ml
售賣點:BIOTHERM專門店

呢支採用左三重聚合物技術打造水潤無重既質感,
可以減少皮膚細胞曬傷既機會,
強效補濕舒緩同時亦可以強化肌膚防禦能力。

屬於lotion質地,易推開唔會泛白,
質地比頭先果支薄同清爽,
岩曬驚笠痴痴既朋友使用,
唔會變得油膩,好快就吸收,
有陣好香既草本味道,
搽係身都覺得好fresh呀∼

L‘elan Vital sunscreen lotion SPF50 PA++++ $139/50ml
售賣點:銅鑼灣伊榮街9號欣榮商業大廈地下7號舖

L‘elan Vital 係韓國製造的專業護理品牌,
利用高效活膚配方同韓國嶄新科研技術,
研發出一系列護膚品。
呢個品牌都堅持產品不含礦物油、
防腐劑同人造顏料。
佢好多產品都得到澳洲TGA同USDA美國農業新有認証添。

蘊含二氧化鈦,特強防曬功能,但唔會滲透入肌膚內層,
無刺激性,
敏感肌都岩用。
含有既葵籽油同迷迭香提取物可以幫助保護DNA同肌膚細胞,
減低自由基既侵害,以減少被陽光照射所造成既過早衰老跡象。

cream狀質地,不過推開左就變得好薄,
好好推,好快吸收,感覺都算滋潤但唔會好笠,
亦無泛白情況,可以用係面或者身都得,
敏感肌同小童都岩用架∼

Avene very high protection spray 200ml
售賣點:萬寧

相信敏感皮膚對Avene呢個品牌都唔陌生,
佢出名性質溫和,係敏感肌既恩物,
呢支防曬有效預防UVA、UVB,
入面有既維他命 E 原可抗自由基,預防肌膚老化。

呢支防水能力比較強,
適合戶外運動或者水上活動既時候用,
而佢既壓頭噴霧設計,方便搽勻全身既肌膚,
不含Paraben類防腐劑,
亦通過低敏測試,可以放心比小朋友同敏弱肌使用。

噴出黎係好似lotion狀咁,
原本以為佢防水能力咁高,
質地應該會幾笠,
但原來都好清爽唔油膩、亦好易塗抹
無泛白情況,吸收得幾快。

line373除左面同身體之外,手部護理都唔可以忽視∼
手部經常接觸到細菌,
所以要特別注意手部衛生呀!

L’OCCITANE 有機薰衣草淨化潔手啫喱 $70/50ml
售賣點:L’OCCITANE 專門店

啫喱潔手配方,無需用肥皂或水沖洗,
隨時都可以幫雙手保持乾淨。
入面含有普羅旺斯高地薰衣草常華油,同甘油,
令雙手乾淨得黎唔會覺得好乾。

做化妝師最重要就係保持雙手清潔,
如果出outjob無水唔方便洗手既話,
呢類hand gel就可以幫到手啦∼
平時用hand gel都會覺得好乾,
不過呢支搽完都唔覺得乾,
仲有種涼涼地既薄荷感覺添∼
另外仲有陣好香既薰衣草既味,
感覺都好relax呀∼

(左)L’OCCITANE Iris Bleu & Iris Blanc hand cream 30ml $240/3支
(右)L’OCCITANE Jasmin & Bergamote hand cream 30ml
售賣點:L’OCCITANE 專門店

手部都好容易出賣女人既年齡秘密,
所以揀支好既hand cream都好重要!
拉格斯香氛系列加添左其中呢兩款花香選擇,
平時搽hand cream最怕痴笠笠,
隻手好似好油咁∼
呢兩款hand cream都採用左柔和輕盈既乳霜配方,
蘊含2﹪乳木果油,
令手部潤得黎唔會好油,
淡淡既花香味好舒服,
大家可以去揀下自己鐘意既味啦∼
line374

如欲取得更多第一手美容及扮靚資訊
可瀏覽Girls Talk Main Blog:
www.girlstalk.hk/blogs
或 Like我們的Facebook專頁:
www.facebook.com/janicelammakeup

(版權所有,未經同意不得轉載。)

分類: 未分類
發表時間:2015-05-27 05:13 PM  [ 訪客留言(0) ] [ 編輯日誌 ] [ 分享至FACEBOOK ]


打造夏日百變眼妝
2015 年 5 月 25 日  星期一
眼影可以話係打造醒神眼妝既主角,
身為眼影控既我,
每次見到出新色eyeshadow都忍唔住手要敗家…
今季出既新眼影palette我同同事一見到都嘩嘩聲,
顏色真係好靚又實用,
今次我會精選幾款眼影組合試下比大家睇啦∼

line373

Dior Eye Reviver 煥亮自然眼妝組合 $550

 

 

金屬銀色既外盒相當高貴,
打開入面就有5隻由淺至深既cool tone眼影,
方便打造一個富有層次感既眼妝,
而佢最特別既地方係入面有個gel liner,
好方便地畫埋條眼線對眼就更加精靈啦∼

 

 

 

 

如果想化個精神日妝就可以用較淺既灰棕色當主色,
去到晚妝用深啡加深眼部輪廓就可以輕鬆轉妝啦∼
用左佢最尾格gel liner畫上眼線+下內眼線,
都算實色又唔易化開。

 

 

閃爍度:★★★☆☆
出色度:★★★☆☆
易用度:★★★☆☆
柔滑度:★★★☆☆

 

line372

番工或者見工最忌就係化跨張既眼妝,
會比人好「深刻」既印象架….
想加深眼部輪廓又唔想太多顏色係眼,
我就推介以下呢個眼影盤啦∼

 

CHANTECAILLE The Glacier eye shade trio $670

 

CHANTECAILLE透過呢個三色眼影組合喚起大家對周遭環境的關注,
眼影上有好靚既凹凸壓紋,凸顯極地冰川獨特既形態,
希望帶出全球暖化對生態危害既嚴重性,為大家響起警號,
真係非常有意義∼

 

 

呢個打開呢個眼影,我就比佢既面果層閃爍度吸引,
佢既閃粉好幼細,
配合番冰川亮澤既感覺∼
以灰啡,雪白,紫灰為主調,
可以柔和地打造立體既眼部輪廓∼

 

 

淺灰啡果格得面果層有閃粉,
其實佢係啞色黎架∼
搽於眼尾位置就可以低調地加深眼部輪廓,
出黎既效果都幾自然,
岩曬唔鐘意跨張眼妝既朋友。

 

 

閃爍度:★★☆☆☆
出色度:★★★☆☆
易用度:★★★★☆
柔滑度:★★★★☆

 

line376

YSL ROCK RESILLE EDITION $595

 

 

YSL 為慶祝23週年而推出呢個限量眼影組合,
身為波點迷既我,見到佢外盒既包裝真係抗拒唔到,
真係好鬼靚呀!
好多朋友怕用pastel顏色話驚眼腫,
其實無一隻色會令你眼腫,
只係放既位置岩唔岩既問題∼

 

 

呢盒係由淡粉色、杏桃色同珊瑚色組成既玫瑰色盤,
而家新娘妝容都好鐘意用呢類珊瑚色調,
感覺好溫柔又清新,
顏色無咁沉,化出黎感覺會年輕啲架∼
如果驚粉色化出黎太過可愛,
佢盒中亦有栗子啡色中和番,
放番係近眼線位置,
就可以打造層次感眼妝。

 

 

唔鍾意化太沉顏色既朋友就可以揀呢類光啲既顏色,
一上手就覺得作好出色,粉質都幾滑,
我特別鐘意佢格閃白色,
個色好出好閃,
放係眼頭位置就好bling bling啦∼

 

 

 

 

 


閃爍度:★★★★★
出色度:★★★★☆
易用度:★★★☆☆
柔滑度:★★★★☆

line376

LUNASOL sheer Breeze eyes EX01 $440

 

 

化穩陣色化到悶既你,
係夏天就可以試下colourful啲既色彩∼
Lunasol既眼影一向係好多女生既最愛,
我都係佢地既小粉絲∼
今次呢個summer collection就出左EX01呢盒新色,
入面除左有base colour同啡tone顏色之外,
仲有好sharp既金黃色同藍色∼
我都好期待化上眼既效果呀。

 

 

原本我都有少少擔心個金黃色出黎會好黃,
不過原來佢呢盒眼影個色出黎都較透薄自然,
唔會好實色,
岩曬新手使用,
就算重手左唔會太過份。
藍色一向比人既感覺都幾難用,
我就將佢放左係下眼線位置,
sharp得黎唔會太跨張,
想眼妝低調得黎又有少少colourful就可以試下呢個方法啦∼

 

 

閃爍度:★★★★☆
出色度:★★★☆☆
易用度:★★☆☆☆
柔滑度:★★★☆☆

line376

Estee Lauder pure color shimmering nudes eyeshadow palette $430

 

 

 

呢盒眼影入面有5款令身眼影,最淺色果格係帶膚色既顏色,
除左可以用係眼,仲可以用係面部做highlight~
膚色深既朋友用呢類色做highlight就好自然好靚。

 

 

呢盒眼影最吸引我既地方就莫過於果3格金屬色調既眼影,
出黎真係好sharp~用黎化個party 妝就最岩啦!

 

 

呢盒8色既眼影,都相當實用,
想化自然番工look就可以用左面果5格,
想化個sharp啲party妝就可以用右面較閃既顏色,
今次呢個金黃色就真係好出,
實用就較實,
襯埋個橄欖綠色係眼尾位置,
就可以打造一個好sharp醒既party look啦∼
閃爍度:★★★★☆
出色度:★★★★☆
易用度:★★★☆☆
柔滑度:★★★☆☆
line380
CK one color #100 neutrals $390

 

 

打開CK呢盒10色眼影都幾驚喜,
入面有齊柔和、自然同煙薰色調,
用黎打造日妝同晚妝都無問題,
佢既眼影仲可以乾濕兩用,濕搽會更加出色持久。

 

 

一摸落去就覺得好驚喜!
粉質係超級滑,好creamy~
仲係咁多位之中最出色,
所以拎色既時候唔好太重手,
最好印一印係手背先上眼,
入面有啞緻同閃鑠色調,
可以打造多款唔同感覺既妝容。

 

 

閃爍度:★★★★☆
出色度:★★★★★
易用度:★★★★☆
柔滑度:★★★★★
line380

 


 

如欲取得更多第一手美容及扮靚資訊
可瀏覽Girls Talk Main Blog:
或 Like我們的Facebook專頁:

 

(版權所有,未經同意不得轉載。)

 
 
分類: 未分類
發表時間:2015-05-25 01:03 PM  [ 訪客留言(0) ] [ 編輯日誌 ] [ 分享至FACEBOOK ]