Janice Lam (Makeup Artist)
janicelam
暱稱: Janice Lam
性別: 女
國家: 香港
« December 2019 »
SMTWTFS
1234567
891011121314
15161718192021
22232425262728
293031
最新文章
新手化妝師入行小tips
10個上妝Do’s & Don...
來∼看看今年流行過的...
[ Fashion Gossip ] 今...
熟齡護膚品試用
文章分類
全部 (681)
每月文章
訪客留言
最近三個月尚無任何留言
最近訪客
最近沒有訪客
日誌統計
文章總數: 681
留言總數: 35
今日人氣: 13
累積人氣: 166083
RSS 訂閱
RSS Feed
《宅女系列》快煮泰式椰子雞湯
2015 年 5 月 24 日  星期日

之前係蘋果日報就出左一個我教大家煮野食既Video,
其實我都好耐無煮過野食啦,
平時我都好忙,同埋得自己住,
得一個人煮得太多又驚食唔曬,
其實今次教大家煮呢個酸辣湯係一個泰國model朋友教我煮,
我自己本身都好鐘意食泰菜,酸酸辣辣既野就最惹味同醒胃啦∼
平時我煮呢個湯+少少飯就ok,
而呢個湯無想像中咁難煮,好快靚正,
計埋切材料,大約30mins內就會煮好架啦。

 

 

 

除左煮野食之外,
大家應該都見到相中都有啲新既家品介紹,
例如木碗同木碟其實係MUJI度買既,
想買木既家品好耐,之前又覺得木既家品偏貴所以一直未入手,
但最後因為知道要做呢個訪問,
想有一set靚靚餐具影相,又襯埋呢個泰式酸辣湯,
所以就買左啦!
價錢由百幾至三百幾蚊不等,
木既餐具好處係好輕身,拎果時唔會覺得好重,
而且仲好隔熱,唔會咁易辣親隻手。
仲有一陣木既香味,用果時都覺的幾舒服,
MUJI既湯匙就無match到呢set碗碟既顏色,
不過咁岩就比我係12蚊店見到呢個系到顏色既湯匙,
所以就即刻買左啦。


之前係國內出trip 見到叫冰花瓷碗碟
特別在佢係焗出黎,你見到隻碟係咩色,
打爛入面都係同一隻色,
普通既碗碟好多表面既顏色只係油上去,
而且每個冰花瓷碗碟係焗既其間會出左唔同既花紋,
唔會一式一樣,圖案都幾特別∼
價錢都唔係好貴,所以我都買左一set番黎。
之前係英國Harrods見到冰花瓷既杯仔同碟仔都要索價三百至四百蚊,
所以呢套冰花瓷碗碟係我覺得咁多套餐具黎講最平靚正既推介。

line373
 
 

【飲食籽:一家之煮】
認識幾個著名化妝師,剛好都是入廚高手,
也許,把不同食材製作出美味佳餚,
當中的滿足感不亞於化出完美妝容。
化妝師Janice Lam同樣喜歡入廚、擅於做菜,廚藝與其個性一樣乾脆利落,
今次示範的兩道菜式味道分明、下飯一流,貫徹了她爽朗簡潔的風格。

跟Janice Lam做訪問,想起多年前的一個私房派對,
其實早已見識過她的廚藝。
當晚,每人負責一道菜式,只見各人忙得不可開交,
Janice卻好整以暇,待快要開飯前的十分鐘才步進廚房,
兩三下功夫便端出盤子,原來是泰式生菜包。賣
相美觀,味道也好,獲得眾人好評。
這次,Janice做了一道地道泰國椰子辣湯,
「我喜歡酸、辣的口味,泰國朋友示範時,
也用上四隻辣椒,不吃辣便不要碰。」
當她爆炒香料時,嗆得我咳個不停,只得投降無法試味。
不過,帶椰香的湯水倒是開胃、適合下飯,
跟魚香茄子同樣惹味醒神。
「因為一個人住,一次煮太多也吃不完,
我又喜歡『濕口』的食物,所以經常做湯及多汁的菜式。」
 

Janice的雪櫃大得驚人,完全不像一人居住,內堜髜”ぁ準備好的蔬果,方便忙碌工作後製作沙律醫肚。

雪櫃常滿 捱夜救星

Janice的雪櫃絲毫不像獨居女生應有尺寸,
比一般家庭的還要大,她笑虒挭戴D:「我故意買超大雪櫃,
方便住在附近的媽媽暫放多買的藥材或食材。」
可是我翻了一翻,媕Y沒有甚麼海味,
倒有很多蔬果及醬汁。原來她雖熱愛美食,
但作為化妝師,當然也愛美,為了保持身形又不會餓壞肚子,便以蔬果醫肚。
因為工作忙碌,經常超過十一點才回家,
「我會事先洗淨沙律菜,並把粟米粒及紅腰豆等瀝水放進雪櫃,
加上醋、沙律汁及煙肉碎,可以隨時做成沙律果腹。」
我又看到用密實盒盛茠瑣禨恣A原來是自製的健康小吃,
Janice分享道:「平日我一餸一湯加一個沙律,
一個女生吃會太多,有時切了一個橙或蘋果,
吃剩的放雪櫃也會不新鮮,所以我便把剩餘的切片做成乾果當作零食。」
我居然從沒想到這樣物盡其用的好方法,也許,這就是獨自生活訓練出來的智慧。

酸香醒胃 泰式椰子雞湯

Janice鍾情香辣口味,這個椰子雞湯是一位泰國模特兒朋友親自教她的。
湯水集椰香、辣椒及香茅等香味,酸辣香俱全,而且材料並不難買,
只要用上一般煮冬蔭功湯的鮮香料,再加椰汁及雞肉便成,比做冬蔭功湯更方便。

材料

紅葱頭(切片) 3個
青及紅辣椒(切片) 各2隻
南薑(切片) 2塊
檸檬葉 8塊
香茅(切片) 2條
椰汁 350毫升
水 875毫升
雞柳(切絲) 3條
青檸 3個
油 適量
鹽 少許

 

醃料

醬油 1湯匙
鹽 少許
糖 少許
生粉 半茶匙
麻油 半茶匙

做法


1.把鑊燒熱,下油,先把紅葱頭、青辣椒、紅辣椒、南薑、檸檬葉及香茅爆炒,開始變得金黃並散發香味便成。

2.把炒過的材料倒入煲中,加椰汁及水,轉大火煮滾後收中細火。

3.雞柳加醃料拌勻。另備一鑊,下油,炒香雞肉,加入煲中同煮,下鹽調味,以中細火再煲十五分鐘。

4.擠入青檸汁,多煮三分鐘便可飲用。如怕太酸可先擠兩個青檸,再按口味增減。

貼士

太早加入青檸汁容易散失香味,要在快將煮好前加入。
line373

下飯良伴 魚香茄子

 

 

 

小時候Janice會幫媽媽做飯,所以很早便學懂基本的中式家庭小菜,
魚香茄子是她的拿手菜。搬出來後,這個有肉有菜的簡便菜式便成了她的心水菜單之一。
最重要的是,這道菜香濃多汁,最得喜歡以汁拌飯的她歡心。

材料

茄子 2條
免治豬肉 300克
紅及青辣椒 各1隻
蒜茸 1茶匙
油 適量

 

醃料

醬油 1湯匙
鹽、糖 少許
生粉 半茶匙
麻油 半茶匙

 

醬汁

蠔油 1湯匙
糖 1/3茶匙
生粉 1茶匙
麻油 半茶匙
水 半碗

做法


1.茄子切條,紅椒和青椒切片備用。燒熱鑊,下油,加入茄子,先煎帶皮的一邊,再把另一邊也煎至金黃,盛起備用。


2.豬肉醃十五分鐘。下油,把鑊燒熱,加入豬肉,邊炒邊把肉碎壓開,別黏成一塊,盛起備用。

3.另備一鍋,加入茄子、蒜茸、青椒及紅椒,下已拌勻的醬汁,加入炒過的豬肉碎,收細火煮十分鐘即可上碟。

貼士

茄子不先煎香便加入豬肉同炒,煮完會太軟爛,賣相也不好。先以稍多的油去煎,更香之外也有定形效果。

 

必備蔬果

自製果乾
Janice會切一些蘋果或橙片,並以風乾機風乾八至十個鐘,自製果乾當作零食。

快速沙律
事先預備沙律菜及粟米粒等材料,五分鐘不到即可製成沙律,是消夜的好選擇。

異國餐具

 

Janice經常出國工作,她笑言當別的女生去逛街狂買化妝品時,她卻跑去逛家品廚具店。雖然現在工作太忙,下廚的時間不多,但她買餐具的興致卻沒減少。


忘了哪次出差時買下的冰花瓷,漂亮獨特的冰花紋及色彩讓Janice深深荌g,粉黃、粉綠、粉藍及粉紅等,儲了一大堆,看茪]開心。


法國Mauviel紅銅鍋系列
Mauviel是超過一百八十年的老品牌,人手打造的紅銅煲是Janice的心頭好,愛那漂亮玫瑰金,也愛其實用。所以到法國諾曼第出差時二話不說搬回香港。雖然平日派不上用場,但也十分適合當裝飾。
line368



如欲取得更多第一手美容及扮靚資訊
可瀏覽Girls Talk Main Blog: Girlstalk Blog
或 Like我們的Facebook專頁:
Janice Lam Makeup Workshop Facebook

分類: 未分類
發表時間:2015-05-24 02:06 PM  [ 訪客留言(0) ] [ 編輯日誌 ] [ 分享至FACEBOOK ]


夏日妝前底霜大檢閱
2015 年 5 月 23 日  星期六

 

之前都有同大家分享過部分有色底霜/ bb cream/ cc cream,
愈近夏天就愈多唔同既底霜推出,
今次會試用8款妝前底霜,以粉色或透明色為主,
質地各有不同,適合唔同膚質既朋友,
唔講咁多∼即刻睇下邊款岩你啦!

line372

潤澤之選:

LANCOME / UV EXPERT XL-Shield™
Healthy – Rosy Beauty Base SPF 50 PA++++ 40ml $410

注入玫瑰般的嫩光澤,讓肌膚感覺清新,妝容透亮自然。
可單獨使用或作為妝前底霜使用,
用後肌膚均勻、剔透及帶明亮光采,上妝更容易,妝容更持久。


LANCOME呢一款用前需要搖勻,
色澤呈橙粉色,閃身,有香味。
質地油潤,有水油感覺,似防曬果隻質感。
上面後即刻滋潤左我勁乾既面頰,推開後唔會黏笠,
顏色貼近膚色,感覺自然,有均勻膚色功效,
雖然遮瑕度唔高,但皮膚表面呈珍珠光感,可以修飾細紋,
加上佢既高度防曬SPF 50 PA++++,
勁乾皮膚喺夏天用就最岩喇∼

Sulwhasoo / MAKEUP BALANCER #Light Pink
SPF 25 PA++ 35ml $430

蘊含豐富維他命C及Antioxidant Berry Complex,
獨特花瓣狀粉末能透過折射光線而提升肌膚光澤,修正不均衡膚色,
高度抗氧化的功效有助提升肌膚緊緻度。


雪花秀呢款色澤呈粉肉色,質地比較厚身,
感覺滋潤,但都容易推勻,令身,帶有香味。
上面後感覺好潤,帶少少黏笠,
不過佢既調色功效好好,可以見到膚色有提亮淨白,
紅印、黑眼圈亦遮到6-7成,屬高度遮瑕。
建議大家用既時候唔好一次過拎太多份量,
如果唔係可能會太死白,
可以先拎左一個份量搽上面頰,做提亮效果。
如果係乾皮膚,需要遮瑕,就可以選擇呢一款。

GIORGIO ARMANI / UV master primer
SPF 30 PA+++ 30ml $400

獨創「Micro-fil超微服貼粉體」結合紫外線濾光成分,
輕柔、透明、光亮等3種粉末微粒同步修飾膚色,
全新粉紅版,更適合曬後黯沉肌膚或泛黃膚色使用,
能提升肌膚「白裡透紅」美感。

ARMANI呢款呈淡粉色,無味,
質地潤身但唔厚,容易推勻,
調膚色效果唔錯,遮到2-3成紅印同毛孔,
雖然屬低度遮瑕,
但抗UV度數屬中等,日常外出用都OK,
中性至乾皮膚,對遮瑕要求唔高既朋友適用。

line368

水潤之選:

LUNASOL / Control Base #EX03
SPF 24 PA++ 30ml $340

質地輕盈水潤的妝前修飾乳,有效平整肌膚、修飾暗沉。
撫平毛孔,打造柔嫩美肌,添加護膚保養成分。

LUNASOL 呢款control base呈粉紫色,
可以去黃同提亮肌膚,
佢既質地好薄,好水潤,上面後好易推勻,
調色效果好好,面色睇落亮白左但好自然,
毛孔、紅印都遮到6-7成,
但佢既控油效果一般,比較適合中性皮膚。

shu uemura / glow creator
base & top glow boosting cream 30ml $360

採用雙重亮肌配方,
含有透亮珍珠粒子,能保持肌膚水潤,
塑造透亮光澤及水潤亮澤的兩種效果。

呢款shu uemura 同armani一樣同樣呈淡粉色,
不過質地唔同,
呢一款就會係水感重啲,薄啲同好易推開,
上面後會變得爽身,
佢調色同遮瑕功效一般,但係會有明顯光澤水潤感,
混合性或油性皮膚都適用。

line368

遮瑕首選:

Paul & Joe / Moisturizing Foundation Primer L #01
SPF 18 PA+ 30ml $320

配方加入多種高效修護的植物成份,如高麗參精華,
發揮極致保濕鎖水作用,從內到外鞏固肌膚的天然保濕屏障,
含 Emollient Fitting Oil 滋潤貼膚油及吸油粉末,
令隔離霜能在肌膚上順滑均勻延展,確保妝容長時間亮麗清新。

Paul & Joe 呢款既色似粉底色,
質地厚身,滋潤,因為佢比較快乾,會較難推勻,
不過佢既調膚效果同遮瑕效果係最好,
紅印、瑕疵以及黑眼圈都遮到8-9成,
膚色亦都較均勻,
如果係想一枝過,就咁上碎粉就出街,
呢一款就最岩喇∼

line368

無色base:

以上介紹既都係有色既base,
但有唔少朋友可能唔想妝感太厚重,
會選擇無色既base,加liquid foundation再上碎粉,
其實市面都有唔少呢類既選擇,
以下兩款就係無色base,主打防曬同收毛孔。

Les Merveilleuses LADURÉE / UV Protection Make Up Base N
SPF 50+ PA++++ 30ml $360

糅合大馬士革玫瑰花提取物、千葉玫瑰花提取物與玫瑰蜜,
加上紫外線吸收劑、矽氧烷聚合物及矽氧烷油成分,
在皮膚上形成滋潤防曬保護層,有效阻隔紫外線的侵害。


Ladaree既包裝一向都咁精緻,連base都唔例外,
今次呢款base有高度防曬SPF 50+ PA++++,
如果喺夏天經常要長時間戶外活動就要用呢款喇,
佢既質地非常水潤,呈奶白色,稀水狀,
搽上面後無色,好水,面部保持濕度且清爽,
油皮膚或缺水性皮膚都岩用。

Bobbi Brown / Skin Smoothing Pore Perfector 25ml $320

革命性配方柔焦粉末撫平肌膚細紋及修飾粗大毛孔,
上妝前使用可瞬間令肌膚達至細緻無瑕的效果。




呢一款主打收毛孔既base,真係幾吸引,
因為我自己都比較多粗大毛孔,
佢既質地好薄,呈奶白色,水狀,
上面後好易推開,無色,皮膚會即時變得幼滑,
而佢既遮毛孔功效真係好明顯,
如果面頰位無咩粗大毛孔,
局部上返有需要既位置就可以,
有毛孔粗大問題既朋友都可以試下,
佢地仲聲稱用得多都可以有助收細毛孔添架∼

line372

 

如欲取得更多第一手美容及扮靚資訊
可瀏覽Girls Talk Main Blog:
www.girlstalk.hk/blogs
或 Like我們的Facebook專頁:
www.facebook.com/janicelammakeup

 

 
 

 

(版權所有,未經同意不得轉載。)

分類: 未分類
發表時間:2015-05-23 01:35 PM  [ 訪客留言(0) ] [ 編輯日誌 ] [ 分享至FACEBOOK ]


五月好物雷品推介
2015 年 5 月 21 日  星期四

 

又到左每月一次既好物雷品分享啦!
買野絕對係我地既興趣,
見到新野就好想買黎試下好唔好用,
不過當然都有中伏既時候啦!
今日就等Workshop同事分享下有咩值得推介先。
line373
好物:

 

APIVATA / 山桑子亮白抗氧磨砂霜 $360 (8ml x 12)

之前一直聽講話apivita既mask好好用,
最近我就有用到佢呢款新既磨砂,
山桑子蘊含豐富抗衰老成份,又有多種營養纖維,
可以做到好好既抗氧化同去角質效果。

 

其實每次我都只係用到半包份量,
一星期一包(兩次)就岩岩好啦,
佢既質地係好軟滑既cream狀,
入面有粒粒幼細杏仁、可可巴磨砂粒子,
打圈按摩後,當mask咁敷5分鐘,
因為成分有蜂蜜同維他命原B5等可以為肌膚做埋保濕,
洗面後感覺好水潤,摸到皮膚柔滑左好多,
而且仲有明顯提亮效果添!
宜家我都有keep住用,佢既價錢都可以接受,
獨立包裝就更加方便去旅行用。

 

Kiss Me heroine make / make lasting base $70

kiss me既產品一向都係平靚正,
好似呢枝base咁,質地水潤,
顏色貼近膚色,推開後可以同肌膚融合。

 

佢既色tone真係唔錯,而且質地好水但又唔會痴笠,
好似我咁皮膚較乾既朋友就岩用啦,
可以做到均勻膚色,修飾細紋既效果,
長時間出街後都無出油同溶妝,
以呢個價錢真係抵買∼

 

雙妹嘜 / 花露水 10ml $10

點解我會介紹呢款好物呢,
因為前排天氣好熱,未到夏天就已經被蚊群攻擊,
咬到我皮膚敏感,超超超痕!!
用左好多唔同既蚊怕水都完全無用,
但係用左花露水,真係可以驅蚊,
而且佢亦可以止痕,
過二、三日蚊痕就謝左,
我本身已經有一枝大枝裝版,
為左可以帶出街方便啲就買埋呢枝迷你版,
用晒都可以再倒落去。
隻味可能唔係個個都接受到,會覺得好濃,
但對比起一般蚊怕水,我又反而覺得花露水仲香,
細細枝10蚊就有,
想買大枝都係幾十蚊架咋,夏天必備!

Sleek Makeup i-Divine eyeshadow palette #Storm 578 $7X

Sleek係一個好出名既英國平價化妝品牌子,
啲產品出左名又平又好用,
好多外國blogger都一致推介,
所以我都上網買黎試下。

佢既eyeshadow palette係star product~
今次就揀左#STORM578 黎買,
貪佢啲顏色平時都好常用得到。
盒中仲有一深一淺啞啡色可以做埋眉粉,
實黑色果格仲可以做埋眼線。
質地好似係cream同粉狀既中間,
好出色,上眼都唔易跌粉。

一盒12色,為番港幣都係$80幾蚊,
好抵買。
不過佢係香港無門市,要上官網訂,
我訂完等左一星期就送到香港啦∼
大家有興趣都可以去佢個官網睇下。

http://www.sleekmakeup.com/

The Balm Sexy mama 約$140

夏天真係好易溶妝,
真係要用番啲控油產品先得∼

The Balm 呢個Sexy mama控油粉餅有好多朋友讚好,
所以我都買黎試試。
佢係一個透明粉餅,
無coverage,只係用黎定妝用。
平時我T﹣字位都比較易出油,
用完佢黎定妝果然出油都少左,
未至於全日一滴油都唔出,
約last到6個鐘到先有少少油,
效果我都收貨,
包裝又幾得意,
無咩budget又想買透明控油粉餅既朋友就可以試下啦∼

雷品:

Lavshuca BB Lip essence $5X

我個咀平時都好易乾,
見到佢寫住Lip essence就即刻買黎試下。

佢有少少潤色效果,但唔會太紅。
唸住平時當潤唇膏咁搽下∼
不過一搽上咀就心知不妙…
個咀勁笠,笠到我覺得有少少似膠水feel,
張住個嘴好唔舒服,
搽完如果你唔抹,佢可以張住你個嘴大半日,
平時用有少少笠既lip gloss都接受到,
不過呢支笠既程度真係接受唔到。
好憎自己個嘴笠既朋友就千期唔好試呢款啦∼

Mistine super model mascara $40

之前去泰國旅行買左呢個品牌既眼線筆,
覺得好好用,
而佢既mascara係網上都係比人勁讚好用,
當時係泰國果度既BA都極力推介佢,
話超好用,超濃密等等。
見到價錢唔係好貴所以都買左支試下。
點知又係一上就知中左伏∼

佢一邊係纖維,一邊係螺旋刷睫毛液,
佢纖維果邊好似啲塵咁,
好容易就會飛左入眼,

上完個纖維果邊啲睫毛已經開始drop,
確實有少少纖長效果,
不過佢既睫毛液都比較重身
上一層啲睫毛就好易直番,
好似無夾過咁…

搽完再夾一夾啲睫毛就好易痴埋一舊,
個效果都幾差,
對呢支mascara都幾失望。
line372christy 2Yuki tag

如欲取得更多第一手美容及扮靚資訊
可瀏覽Girls Talk Main Blog:
www.girlstalk.hk/blogs
或 Like我們的Facebook專頁:
www.facebook.com/janicelammakeup

(版權所有,未經同意不得轉載。)

分類: 未分類
發表時間:2015-05-21 01:25 PM  [ 訪客留言(0) ] [ 編輯日誌 ] [ 分享至FACEBOOK ]


最新課程Update!
2015 年 5 月 19 日  星期二

 

5-6月課程大部分已經滿左啦,
如果有興趣報讀課程既朋友,最快就要等到7月頭既新班喇!
報讀之前不妨了解下我地既化妝課程資訊先丫。

 

出面好多星級學校都未必真係由該位化妝師親身去教,
但係workshop所有課堂都會由Janice親自教授、指導,
每一班大約8-10人,小班教學,
務求令每位同學可以完全吸收晒上堂教既野,
靈活運用所學到既化妝技巧,向化妝師之路邁進∼

我地亦會比機會同學出外實習,
或者跟導師Janice出去了解一下outjob既環境,
令同學可以進一步睇到化妝師真實工作時既細節。

 

 

line363

15堂基礎化妝初班 學費$13,800
開課日期: 4 JUL 2015 (Sat 2:00pm-5:00pm)

初班會由最基本嘅知識教起,
由底妝遮瑕、面形輪廓立體感、
眼妝化法、用眼皮貼改善眼形、
日妝、晚妝、smokey eyes等等都會喺課程內容裡面。
唔好以為呢啲內容好簡單,
好多時候基本功都會被忽略,
連客人屬於咩膚質、應該揀咩產品比客人用、
用咩色去遮眼圈、手勢、方法都唔識嘅話,
又點可以成為「專業」化妝師呢?

 

如果想成為專業化妝師既你,
可以考慮報讀以下由基礎化妝班開始既課程∼

點撃進入-> 25堂進修媒體化妝班
點撃進入-> 34堂新娘化妝實用班
點撃進入-> 44堂專業化妝全修班
點撃進入-> 51堂專業化妝全修班

 

 

line363

報讀任何專業班課程已包括6堂City & Guilds精讀班,
我地都好歡迎舊生報讀,以考取國際認可資格,
咁自己第時出去搵工既出路又多啲!

雖然話化妝師最重要係化得一手靚妝,
但有時出去搵工或到外國做嘢,
人地第一件事都會睇你有咩qualification,
所有考張國際認可嘅cert傍身,對將來發展都有用架,
而我地workshop亦係考試場地之一,亦會幫同學代報考試。

line363

作為一個專業嘅化妝師,最好都要學識set頭,
而家大部份客人都會要求化妝連set頭,
所以唔識整頭嘅話,可能會少咗好多工作機會架∼
想進修髮型嘅化妝師,可考慮以下髮型班課程!

 

12堂專業髮型進修班 學費$5,760

課程重點:

由淺入深教授各種髮型基本技巧,亦會教授不同造型,
繼而運用所學技巧於設計髮型上面,
學生可根據客人喜好及特質去設計合適既髮型,
每一個課堂完結後都會有功課,
導師之後會逐一給予評語及改善方法,
務求令學員可以從練習中不斷進步。
現特別加入「媽咪奶奶髮型」,
讓未成為新娘化妝師嘅新手化妝師有多一個機會接job,
從而爭取更多工作介紹機會。
課程中仲會教削髮同加假髮等技巧,
令大家學識唔洗單靠粟米夾都可以做到蓬鬆同富有空氣感嘅髮型架。

「媽咪髮型」係要帶真人model,
咁大家set髮時就更加知道點樣拿掐當中技巧喇∼

 

line360

報名方法:
1)以電郵形式或致電留低你嘅姓名、電話、報讀課程及時間
2)收到回覆確認仍有學位後,
於即日入數至(HSBC#023-055106-838 Janice Makeup Ltd),
及於入數當日email入數紙給workshop確認。
3)收到workshop單據代表報名完成!

報名及查詢:
Email: makeupworkshop@girlstalk.hk
分類: 未分類
發表時間:2015-05-19 12:40 PM  [ 訪客留言(0) ] [ 編輯日誌 ] [ 分享至FACEBOOK ]


首爾搜購衣飾攻略
2015 年 5 月 17 日  星期日

 

上星期出trip去左首爾工作,今次撞岩生日時間去做野,
頭尾5日,不過去回程都係晏晝機,
所以夾埋都冇左2日,去睇景同shooting又用左1日半,
剩返既工餘時間先有得去行下街shopping買野。

今次既拍攝地點喺梨花洞壁畫村,
呢度真係勁勁勁多香港人!
我地趁平日去拍攝,
無諗過周圍都係講廣東話,
反而好少本地人。

成個拍攝過程都好順利,
有睇開我地blog既朋友都應該見過呢位韓國model,
佢係我地既御用model黎架,
最近幾次出trip都係搵佢,
佢勝在天然、又好多style都carry到,
加上性格乖巧,好得人鍾意,
上年11月去shooting佢仲親手diy左條手鏈比我,
今次我都有準備到禮物送返比佢,
成個過程都好開心呀∼

line376

完左所有拍攝,先有時間shopping,
我建議既攻略就係專攻東大門就得喇!
因為其他好多地方(弘大、梨大等等)既野東大門都有齊,
集中啲主攻一個地方就更加慳時間!

平時大家都應該有行東大門,
好似係批發市場U:US、APM LUXE同APM呢啲地方,
建議星期五晚同星期日晚去就最好,超少人!
可能人流唔多,啲sales姐姐變得好殷勤,好好service,
如果多人,佢地真係唔show你。

今次買既野唔係話好多,
只係我平時瘋癲購買程度既1/3,
以前我就喺U:US買衫多,
估唔到今次喺APM lUXE同APM買得仲多,
因為U:US好多麻質衫,我自己就麻麻地。

同大家分享左我買左既飾物先啦,
大家都知我好鍾意買耳環,
今次都係主攻耳環!!
全部都喺APM / APM LUXE地庫買。

 

呢一類得意又好特別既耳環之前都有買過,
我都有介紹過比大家,就係叫wooly bully呢間小店,
今季佢地出左好多新耳環同袋,
雖然價錢唔平,但我都忍唔住買左幾對!
佢啲款夠晒特別,香港好少有,又唔會同人撞。

 

我仲買左呢啲通花lace船襪同短襪仔,
唔只日本有,韓國都好多,
而且款式都好靚,又唔貴。

 

另外喺隔離啲鋪頭都有買到野,
除左耳環,仲有眼鏡、手鈪,
尤其果幾款手鈪,手工好靚,
好似有brand既款咁,即刻買左幾個呀∼

 

而呢條珍珠鏈我本身都無諗過買,
不過望真啲,佢既珍珠每一粒都有一個抓托,
好特別,所以最後都係買埋!

以上既價錢我就真係唔太記得,掛住買買買,
大概每樣百零蚊左右,都可以接受既。

line376

 

今次最估唔到係買左好多睡衣!
真係去左咁多次都無諗過!
全部睡衣都係喺apm 3/F一間專賣店買,
睇相都見啲款好fancy∼
香港真係比較少呢一類,
就算有,有brand都比較貴,
佢地既pattern,手工都好好,只係百幾蚊,
除左唔同pattern,仲有長、短袖、背心、one piece款等等,
我show出黎呢度其實只係其中一部分哈哈。
不過提提大家,所有睡衣都係free size,
有少少蝦人著,我都係岩岩好,
如果微胖既朋友可能未必岩喇。

 

入到去第一樣睇中就係呢件白色晨褸,
毛巾質地,又滑又舒服,
而且好薄身,唔怕太焗熱,
平時晨褸都係偏大件,而呢件既size唔會太大,
香港靚款可能都要5百幾以上,
呢件就3百零蚊左右,即買!

line376

 

出街衫方面,都買左廿零件,
都唔算係最瘋狂啦∼
今次就唔show晒比大家睇喇,
因為大部分都係常見既款式,
價錢都唔貴,大約30,000won以下,
好多都仲有特價添!

 

好似呢條pattern村姑裙,20,000won左右,
我自己一向都好鍾意呢類衫。

而呢件黑色衫,都係10,000won左右,
好抵,detail位又做得靚∼

呢度都只係冰山一角,
呢類薄身既衫要係30,000won以下先考慮買,
大約百幾二百蚊就有一件啦∼
呢邊好多衫就算sale緊都係季頭出既款,唔會過時。
我另外仲有買左件好正既trench coat,
都係30,000won左右,
可惜買完返轉轉想幫朋友買時都已經賣晒,
所以都係唔post出黎引大家喇∼

韓國除左shopping買野,
仲有好多好好味既餐廳,
下次會分享一下今次trip食左咩野,
記得繼續留意我下次既分享啦!

line376

如欲取得更多第一手美容及扮靚資訊
可瀏覽Girls Talk Main Blog: Girlstalk Blog
或 Like我們的Facebook專頁:
Janice Lam Makeup Workshop Facebook

(版權所有,未經同意不得轉載。)

分類: 未分類
發表時間:2015-05-17 11:43 AM  [ 訪客留言(0) ] [ 編輯日誌 ] [ 分享至FACEBOOK ]