護膚品牌真係愈出愈多，
我諗好多人都同我一樣唔會隻隻品牌都識，
有啲可能聽都無聽過添∼
今次我地就揀左幾款比較少見既外國品牌，
介紹一下佢地既品牌來歷同護膚品，
等大家可以有多個選擇，
某幾款我自己都係第一次接觸，
唔知你地又識唔識佢地呢？
Merumaya Integrative Effective Skincare
Merumaya Integrative Effective Skincare係英國有名開架品牌，
專門推出護膚產品，喺英國擁有二十多個專櫃，
佢既產品主要著重預防皮膚衰老，透過日常護膚去預防、修復、減慢皮膚老化。
今次會介紹其中兩款產品：
Melting Cleansing Blam (左)、Ironic Youth Serum (右)
Melting Cleansing Balm蘊含甜杏仁油、藍薊種子油 RevitElix™，
羅漢果提取物同MERUMAYA 精華配方，
可徹底清潔同時保濕、減少細紋、改善彈性、屏障修復，
適合所有肌膚使用。
Ironic Youth Serum蘊含 10 種活性成分、
藍薊種子油 RevitElix™、透明質酸、紅景天、薑黃、
羅漢果提取物同 MERUMAYA 精華配方，
可增強自身防禦系統，減少水分流失，
修復屏障同時保護皮膚，防止過早衰老，
適合所有肌膚，敏感性或暗瘡性皮膚都可使用。
乳白色乳液狀質地，有淡淡植物香氣，
感覺水盈，容易推開，快吸收，
皮膚表面變得水潤清爽，
夏天用呢個質地就岩喇，
而且佢唔會刺激皮膚，
敏感皮膚都可以安心使用。
SABON
來自美國紐約既SABON，喺希伯萊文中解作香皂，
品牌由製作香皂開始，著重研發煥發身心既美容護理產品，
支持採用天然物料，保護生活環境。
由當地連鎖店發展成為國際品牌，分店遍佈世界各地，
並開發不含有SLS或防腐劑新配方護膚產品。
鍾意靚靚包裝既朋友或者有見過佢地既產品，
除左香氛、沐浴、身體系列，佢地都有唔同既面部護理系列：
Face Polisher (左)、Moisturising Face Cream Carrot (右)
Face Polisher利用壓碎水果種子既去角質特性，
加上清新薄荷油，溫和去除死皮細胞，同時平衡皮膚狀態。
經常使用呢款細緻潔面磨砂，能促進血液循環，改善膚質，
適合混合性及油性肌膚。
Moisturising Face Cream Carrot含小麥成分，
而胡蘿蔔素可給予肌膚活力，增加肌膚透明感，
保濕同時幫助保持膚色健康紅潤，
適合中性及乾性膚質。
呢個淡黃色butter質地既cream，帶香味，
初時見到butter質地都怕黏笠，
但比想像中易推開同水潤，無黏笠感，
皮膚表面變得有彈性同柔軟，
對乾性皮膚黎講，
係一款感覺幾舒服、可舒緩繃緊既面霜。
terre d’Oc
terre d’Oc起源於1995年，來自法國普羅旺斯，
品牌主要推出有機護膚、彩妝品，家居香氛同茶葉，
產品均獲歐盟有機認證及符合公平貿易協定，致力回饋大自然。
之前有試用過呢個品牌既潤唇霜，
感覺都唔錯，無敏感又夠滋潤，
今次會介紹佢地既東方無果花抗衰老系列：
Anti-ageing Oriental Fig Face Cream (左)、Oriental Fig Radiant Face Serum (右)
Face Serum含有機東方無花果油、庫拉索蘆薈萃取、橙花萃取及透明質酸，
質感清爽，能瞬間被肌膚吸收，並形成柔軟保護膜，
有效鎖緊水份、強化肌膚組織，令肌膚回復緊緻，
更有助促進肌膚新陳代謝，令肌膚水嫩飽滿。
Face Cream蘊含有機東方無花果油、庫拉索蘆薈萃取、向日葵籽油、
甜杏油、橄欖萃取 (奧米加9及分子釘)、橙花萃取及透明質酸，
有助鎖水、緊緻面部及撫平細紋，含高度保濕及抗氧化功效，
增強肌膚彈性，令肌膚充滿活力。
呢款白色乳霜狀面霜質感輕柔唔油膩，帶有甜甜香氣，
肌膚變得滋潤柔軟，保濕效果唔錯，感覺飲飽水，
適合中性或乾性肌膚使用。
Pixel Clinique
意大利醫生品牌 Pïxel® Clinical，
所選用既原材料都有經過臨床、醫學認證及醫學認可，
主力研發「抗衰老」產品，除左一般日霜、晚霜外，
亦有推出高濃度、親膚性強、滲透力高既原液精華，
從唔同層面解決引至肌膚衰老既問題。
除左抗衰老系列，Pixel亦有推出去角質產品：
Pro Dynamic Peel性質非常溫和，當中Multifruit BSC成份，
蘊含5種植物精華：覆盆子、柑桔、甘蔗、糖槭和檸檬，
不刺激皮膚，有效去除老化角質，幫助肌膚細胞再生，
而Keratoline CPS成分具溫柔去角質、促進細胞更新作用，
促進細胞更新和平滑肌膚表面，
配合柳樹精華，有防止發炎的功效，敏感肌都可使用。
呢款換膚酵素啫喱，質地係厚身gel狀，淡啡色，
薄薄敷一層已經ok，未洗面前感覺好黏，但完全無刺激皮膚既感覺，
靜待5分鐘之後洗面，皮膚變得滑溜、水潤，一啲都唔乾，
之後上返toner同cream就岩岩好喇∼
平時去角質既產品可能唔係好岩敏感肌，
我自己都有少少敏感，不過呢一款真係好溫和，仲好水潤添。
NEOMIST
喺2007成立既法國品牌NEOMIST，
以極親膚天然成份，配合超越現存的嶄新科技The wpe® (water plant emulsion) ，
讓水油融合，令護膚成份成為極細微分子，讓肌膚瞬間吸收，
推出全球第一支精華面霜二合為一既極細噴霧 – Neomist。
品牌一瓶一步，由根源修補肌膚，全效抗老。
呢枝cream serum係品牌既重點皇牌，
採用獨特配方，結合50種以上水合植物天然活性成分，滿足不同階層需要。
結合wpe® 水油溶和技術配製油、水和微乳劑。
另外Ultradrops®極致滴量傳遞科技，可幫助快速滲透到肌膚表層。
其實佢講到運用多個技術真係唔係太識，
不過serum+cream二合一又好似真係幾方便，
噴出黎係水狀、白色既cream，
推開後好快被皮膚吸收，感覺清爽，
適合混合性及油性肌膚使用。
enspri
來自美國既Enspri，有活躍(Enliven)同激勵(Inspirit)既意思，
品牌只採用最安全、最高品質原料，
所有產品都有通過皮膚科和皮膚護理專業人員測試。
主力提供高效、專業既美容產品。
品牌推出既Sheer Ceramide彈力蛋白鎖水修護精華，
蘊含角鯊烯，油溶性活性成分，
能建立和維持肌膚脂質的屏障、增強肌膚天然保護層功能，
幫助鎖緊水分，恢復健康肌膚彈性，
保護肌膚免受環境傷害。
呢款質地透明、水gel狀既精華，
試用後感覺油潤但肌膚即時變得細滑，
推開後比想像中快滲透，
保濕度同滋潤度都非常好，
但由於質地有油份感覺，
適合比較成熟既年齡肌膚使用。
如欲取得更多第一手美容及扮靚資訊
可瀏覽Girls Talk Main Blog： Girlstalk Blog
或 Like我們的Facebook專頁：
Janice Lam Makeup Workshop Facebook | 
