我每次去泰國除左去做下spa揼下骨，
最多時間就係去shopping買野！
一來果度既野夠平，每樣都唔過一百蚊，
個個買野都唔睇價錢就扑鎚買喇，
二來就係好多小飾物店都好特別，
好多我鍾意既誇張款香港都唔會有，
如果有類似呢啲款或者日韓入貨可能都要百幾二百蚊。
今次雖然無其他同事買得咁多野，
不過我都買左好多飾物可以同大家分享下。
BTS Asok站既Terminal 21商場，
入面有一層專係賣handmade野既小店，亦有好多飾物店，
其他樓層就主打賣衫，不過唔係好岩我地。
我地成班同事淨係行一層飾物店都行左成個幾鐘！
唔係誇張，真係花多眼亂，揀左好耐。
呢間店專係賣金銅色既飾物，
好多頸鏈都係立體架，好特別，
我地唔知係咪揀得太忘形，
連行過既路人甲望到我地都一副詫異既樣。
最後左揀右揀，揀左呢對雀仔既耳環，
我自己本身好鍾意呢類雀仔既款式，
呢個金色好突出，帶少少型格，
襯上素色衫就已經好好睇！
同事yuki：我喺呢間店買左隻鹿角戒指，
一睇到就好鍾意，只係ard 70蚊，
唔少朋友話我戴左上手之後會拮死人，
不過啲角都唔係尖既，可以放心，
同埋佢個銅金色好靚架。
同事Karen：我揀左吊燈款既耳環，
呢個款好特別，又得意，所以就揀左佢啦。
同層仲有另一間令我地所有同事都瘋狂既店，
呢間既飾物店就比較cute同少女。
但我都喺度買左幾對款式無咁cute既，
係鋼琴、雀仔同仿vintage款，
其他同事就更加唔使講喇，大家都揀左好耐，
呢間店不論價錢款色都平靚正，
鍾意呢類可愛款式既女生可以睇下。
同事買左既款：
Karen買左果兩對流星款，無論顏色同形狀都搭配得好好，
仲好有little twin stars既感覺添。
其他雨傘、熱氣球、動物既款都好靚，
感覺似係高質日韓飾物。
喺Siam既Siam Square入面有間店都好值得推介！
佢未開店我地就已經喺門口狂睇，等到佢開店為止。
呢間店主要係賣誇張款，估唔到其他同事又鍾意誇張款，
大家既購物慾直線上升！！
其實我都有一兩年無黎過泰國，
之前呢度仲未係一棟既商場，
只係一層好多小店既商場，
宜家地庫兩層同一樓就比較多平既小店，
２-６樓就係有牌子、做spa既店同餐廳，
如果想去搜羅多啲特別小店就可以行左地下既店先喇。
我自己喺度買左4對比較誇張既款，
都係閃石+珠珠，雖然每個都好大，
但係唔會好重，唔會令耳仔太墜感覺唔舒服，
泰國有唔少店鋪既款式都好誇張，
我每次都去都會周圍搵下呢類款式，
出function或者event襯衫都好好。
同事買左既款：
另外我地仲喺其他唔同地方、批發商場，
同埋好多人去既JJ market度搵靚野。
我自己之前去泰國好少去翟道翟，
因為好焗熱同多人，有朋友車我去就會行下，
今次有同事話想去JJ Market睇睇，
所以我地就搭BTS由Siam去到Mo Chit站，
原來好快就去到，只係20分鐘左右，
而且又唔使驚會塞車，建議大家都係搭返BTS穩陣。
(網上圖片)
我地去之前睇左market地圖分好晒類以為實無死，
點知行極都行唔中我地想睇既店，
行到最後差唔多6點行到ZONE 2,3，
先發現呢度係集中晒最多服飾店既地方！
之前我喺旺中買過一對ribbon既耳環(右)，
有朋友見到話覺得好靚，如果再見到有就幫佢買，
點知竟然比我喺market見到！
我諗旺中果間店都係去泰國買貨返黎賣，
但我果對感覺似係放左喺度好耐，顏色變左銅色，感覺較vintage，
而我幫朋友買果對明顯係全新金色，
我自己就比較鍾意vintage色，
不過泰國既價錢平過香港好多。
其他呢啲都係大家都喺唔同地方買既耳環，
呢啲款喺香港都好少有，
而且佢地手工好好，比人感覺似貴價野，
最開心就係買得平但人地睇落唔似cheap野。
Siam既Paragon雖然以名店居多，
但係都比我喺地下搵到一間on sale中，款式又靚既shop，
我本來睇中左個係玫瑰花款既clutch bag，
不過感覺好似唔係太易襯，
所以最後襯左呢款藍色既，
係硬身，側邊金色既clutch bag，
仲有埋金鏈帶做shoulder bag架，
價錢約4百幾蚊，如果喺香港應該都唔只呢個價，
同埋呢個款型得黎又易carry，個個同事都大讚好睇！
最後私心推介一款唔係飾物既野－就係bsc打底背心啦，
呢件背心係我每一次都會去入貨，朋友亦都有叫我幫手買，
其實好多商場都會有，大家見到都可以去睇下，
點解會推介呢款背心呢，因為佢真係好好著同好襟，
平時啲打底洗面洗就好快變形、起粒粒，
呢一款真係完全無呢個問題！
佢既質地係好薄、有彈性，仲一啲都唔焗促，好透氣，
屋企有幾件都著左起碼6,7年以上喇…(當然我係有洗衫架啦！)
雖然以背心黎講，佢既價錢都唔平，100蚊內，
但係以舒適度同襟著度黎講，真係perfect。
如欲取得更多第一手美容及扮靚資訊
可瀏覽Girls Talk Main Blog： Girlstalk Blog
或 Like我們的Facebook專頁：
Janice Lam Makeup Workshop Facebook | 
