雖然天氣仲係凍冰冰，但有留意我哋pages就知道各大品牌
已經開始推出srping/summer嘅collection喇！
所以今日就會教大家一個簡單嘅春妝啦！

集合咗幾個外國同日本品牌嘅collection，
大部份都係乾淨、好clean嘅感覺。
而眼妝都多數都比較為淡，以粉紅為主，
咀方面就可以鮮色少少。

Lunasol Tender Shine Eyes #EX03 $230

綜合咁多品牌，大部份都眼影顏色都係粉粉紫紫為主，
所以首先用淺紫色眼影掃上整個眼窩位置。

Dior 5 Couleurs Kingdom of Colors #856 $540
再用粉紅色掃係下眼線位置。

Lunasol Noble Shade Liner #EX03 $250

而平日用黑色眼線可能用得悶，
就可以用深藍色眼線液畫一條貓眼線。

Lunasol Tender Clear Eye #01 Cool Ballet $440

然後再用淺藍色打亮眼頭。

不論冬天或者夏天，水份對我地嘅肌膚嚟講非常重要， 特別係冬天呢種咁乾噪嘅天氣，我地更需要好好為肌膚補水。 相信有好多朋友係投入咗社會工作之後， 會發現自己嘅皮膚比以前變得無咁有彈性， 肌膚經常出現缺水嘅話，再加上平日工作帶嚟嘅壓力， 就會加快肌膚老化，影響肌膚彈性。

今次我地就會為大家介紹幾款保濕水同精華！

---

首先同大家介紹兩款質地較為爽身嘅嘅保濕化妝水

肌研極潤彈力肌立體透明質酸保濕化妝水   （HK$160/ 170ml）

入面除咗有多種分子透明質酸之外，加上維他命A誘導體同膠原蛋白， 有淡化細紋同緊緻肌膚嘅作用之外，仲可以提升肌膚彈性，令肌膚更加水潤同飽滿。 佢質地屬弱酸性，對肌膚嘅刺激好低，而且不含香料、色素、礦物油同酒精。 所以無咁易會對作敏感。

質地係透明白色嘅乳液狀，無香味，質地唔杰好易推開， 只需要少少份量已經足夠整塊面使用。好適合出油比較多嘅朋友使用， 而佢價錢仲好經濟添！

---

JOSERISTINE TIME REVERSE Rejuvenating Essence （HK$349/ 125ml）

佢入面有94.8% 修護成分酵母精華，可以加快肌膚細胞更新同埋皮膚嘅新陳代謝， 令肌膚整體亮白度同緊緻度有顯著改善。加上8種氨基酸，令肌膚底層得到豐富嘅營養，有撫平細紋、淡化色斑、緊緻提升、深度補濕同煥發光澤五個功效。 另外，佢入面不含酒精、香料、色素同防腐劑。

佢質地好水唔杰，拍上面有補濕功效之外仲唔會覺得笠， 呢支Essence 係彩豐行可以買到， 相信唔少人都聽過彩豐行賣嘅產品多數價錢比較經濟， 所以呢支Essence 大大支都幾抵用!

---

上面為大家介紹嘅化妝水質地都比較清爽， 下面會為大家介紹兩支Essence，佢地質地比教水潤， 乾性皮膚可以用作Toner，用完之後照平時咁再用Essence 護膚， 油性皮膚就可以直接當作Toner咁用，效果都會好好！

AOGI Gold Essence  (HK$1,280/ 150ml)

呢支Gold Essence 入面加入咗活金肽，玟瑰精華同香檬果提取物， 精華入面嘅微分子會導入肌膚深層滋養，有平滑肌膚同細緻毛孔嘅功效。 用嘅時候會聞到陣陣玫瑰水味，聞落好舒服， 用完皮膚感覺好幼滑，好滋潤。 另外，佢入面有保加利亞玫瑰精華水，可以平衡賀爾蒙。

銷售點：香港中環威靈頓街26號Chic Corner 3樓

---

Covermark PRECIOUS BRIGHT Lotion  (HK$560/ 150ml)

COVERMARK Precious Bright  系列入面加入咗珍貴嘅漢方精華， 針對性咁改善肌膚嘅新陳代謝，阻止肌膚老化，同時有美白功效。 Precious Bright Lotion 入面加入咗「蘋果酸」，可以去除肌膚老化角質， 同時又可以滋潤肌膚，增加肌膚嘅柔滑感。 用時會聞清香花味，質地好水唔杰，少少份量已足夠滋潤整塊面嘅肌膚。 佢嘅效果比上面介紹三款較為滋潤， 適合極乾性肌膚嘅朋友使用。

---

平日大家返公司又或者出街，皮膚長時間吹著冷氣又或者暖氣都會令皮膚水份流失， 咁岩化咗妝想拍下化妝水上面真係唔係好方便。所以以下會為大家介紹幾款補濕噴霧！

THERMAL SPRING WATER 温泉舒緩噴霧

La Roche-Posay溫泉水入面嘅硒元素有豐富嘅天然抗自由基， 有舒緩同柔滑肌膚等等嘅特性。 佢有效治理敏感或者受刺激嘅皮膚。 噴上面時呢支噴霧無香味，用後肌膚唔笠，摸落仲好嫩滑。 平時感覺肌膚乾躁時可將佢噴於臉上靜待2至3分鐘，然後輕拍面部。

---

CAUDALIE 葡萄籽活性爽膚水 (HK$398/ 100ml)

佢除咗可以為肌膚補濕，仲有撫平細紋同收細毛孔功效。 用之前先搖勻，再避開眼睛周圍噴於面部。做保濕前或者任何時候噴於面部，

仲有醒膚嘅功效同為妝容打底。 另外，入面加入咗葡萄、橙花、玫瑰、薄荷霜、迷迭香等等， 所以噴上面時會聞到好大陣橙味同薄荷味，感覺好清涼， 補水效果好好，而且唔會感覺好笠。

---

centifolia 有機矢車菊花水 （HK$139/ 200ml)

有機矢車菊嘅功效係鎮靜同舒緩肌膚嘅疲倦狀態，而且仲可以舒緩眼睛疲勞， 噴上面時會聞到一陣好似蜂蜜嘅香味，乾躁肌膚噴完之後有非常好嘅效果， 補水效果非常好，肌膚用後嫩滑唔笠手。 另外，噴嘅時候會有陣陣清涼感覺，令人感覺好醒神。

平時可以係早上使用，噴適量嘅份量上眼睛周圍或全面後， 再輕輕拍上有機矢車菊花水。除咗可以鎮靜同舒緩肌膚，仲可以係晚上卸妝後使用， 有清除殘餘妝物嘅作用。

銷售點：香港銅鑼灣皇室堡1樓125號店

---

JOHN MASTERS ORGANICS ROSE ﹠ ALOE HYDRATING TONING MIST  (HK$350)

佢入面嘅活性成分可以調理同滋養肌膚，而當中嘅玫瑰精油成分就可以促進血液循環。再加上作入面混合咗燕麥成分，可以改善肌膚因為污染而出現嘅發炎問題。 另外，佢入面嘅白茶成分有豐富嘅抗氧化成分。

佢除咗可以深層滋潤肌膚，仲有顯著縮小毛孔同鎮靜肌膚嘅功效。 用嘅時候聞到陣陣玫瑰花水嘅香味，感覺好舒服。用完之後感覺好清爽，一D都唔笠。 可在全日隨時使用。

---

如欲取得更多第一手美容及扮靚資訊
可瀏覽Girls Talk Main Blog： Girlstalk Blog
或 Like我們的Facebook專頁： Janice Lam Makeup Workshop Facebook

（版權所有，未經同意不得轉載。)

上星期同大家分享過2015年最新妝容，
今個星期就有最新髮型趨勢！
今季最HIT係短髮、中長髮同BOB頭，
長髮女生一直想轉轉髮型又無勇氣，
或者今年可以有個藉口去剪啦∼

　其實大家見到以下咁靚既髮型，唔多唔少都有set過，
如果自己剪完頭髮，都要花少少時間打理架，
朝早起身花多５分鐘吹完頭卷下同用造型產品，
睇落volume多啲，成個感覺都唔同架！

短髮

本身已經短髮既朋友，
可能會諗短髮都無得突破轉變，
其實唔係架！
以下有唔同style既短髮造型，
都係今年大熱！

估唔到今年女仔都hit剷青，真係唔係男仔專利∼
成個感覺好清爽好型！
但係呢個要成個面型輪廓突出先更match，
仲有本身樣子好有character既朋友仔，
始終呢個頭真係唔係人人都岩，睇見覺得好型，
但自己就可能無咁大勇氣整成咁。
覺得自己整完都好OK既，或者面尖尖眼大大既女仔都不妨試下呀！

比較成熟既女性就可以試試呢隻layer短髮，
就算髮色係黑色，都可以見到明顯層次感，
知性得黎帶點柔美，好靚呀！

跟住就係短髮Bob頭！
大家都可以見到佢地同樣都係髮尾向內彎，同埋髮量要足夠，
做到好似波波既效果，帶點可愛感覺。
呢個短髮分別有one length版同瀏海版，
兩款都係今年hit爆既髮型黎架。
one length就襯鵝蛋臉女生，瀏海就襯少少包包臉女生，
兩個版本各有各靚∼

中長髮

覺得一下子剪到短髮太刺激既話，
就可以小試牛刀剪中長髮啦！
呢個長度既髮型係2015年熱選髮型之冠黎架∼

同樣One length，中長髮又可以整到比短髮多少少details，
日韓都有唔少女星剪呢個髮型架！
髮尾卷曲少少，營造空氣感，成個感覺好岩春天既感覺。

根住就係斜瀏海＋卷曲中長髮型，
呢個都可以話係中長版既Bob頭，
唔係淨係今年先hit架，
係一直都係大眾女生最愛既髮型，
因為無論內卷，大卷曲，抑或自然卷，都非常靚∼
仲可以修飾面形，任何面形既女生都襯到，
連我自己都最鍾意呢個髮型呀∼
（當然要做到好蓬鬆好多髮量，
都要配合返唔同既造型產品架。）

當然，有啲朋友未必想整做卷曲，
直髮one length都一樣無問題，
今年就hit 9/1分界同中分翹耳仔，
呢個髮型好多歐美女生都好鍾意架！

長髮

 雖然長髮就唔係今年大熱，
但係留到咁長好多女仔都唔捨得剪短。
其實長髮要搞搞新意思比其他頭髮簡單，
因為可紮辮、set頭，做到唔同造型，
快啲睇下今年hit咩長髮造型啦∼

自然卷曲，真係今季必整！
如果你已經睇厭左自己把直直長髮，
就要試下電曲啦∼
呢隻自然曲唔會太過成熟，
甚至比人感覺係氣質靚女既髮型，
你又有無同感呢？

慵懶自然風都係今年髮型既重要元素之一，
所以最自然既髮型就係一條紮起既馬尾，
率性、隨心，同今年大熱既自然妝容一樣，match晒！

不過咁，可能大家都會覺得一條馬尾太求其，
所以仲有另外一個hit既造型，就係魚骨辮，
同埋仿魚骨辮馬尾∼
少少details但又唔太花巧，
呢個就係今季重點啦！

如欲取得更多第一手美容及扮靚資訊
可瀏覽Girls Talk Main Blog： Girlstalk Blog
或 Like我們的Facebook專頁：
Janice Lam Makeup Workshop Facebook

（版權所有，未經同意不得轉載。)

新一年上班的你，想給老闊精神奕奕的感覺，
那就可以看看今次的簡易上班妝，掌握5點要訣，
令臉色自然紅潤、眼睛明亮有神，
相信老闆也不會察覺到你的疲態。

醒神上班妝5大要訣：

1. 紅粉菲菲的面色

上濕粉底後，先塗上胭脂，再上碎粉、眼妝及唇妝。
Creamy狀胭脂特點是效果持久，皮膚較乾的會更上色，
適合工事繁忙、沒有空餘時間補妝的上班族。
如果你認為creamy狀胭脂很難handle，
可以混合珠光色makeup base，令質地薄身一點，
然後印上所需位置，再向外推開，就可打造自然光澤紅潤感。

M.A.C/ CASUAL COLOUR LIP & CHEEK COLOUR #A24 $185

用指腹拿一個手指頭份量，
加上綠豆大份量的makup base，
印上面珠，向外推開。

2. 精靈有神裸眼妝

上班族用palette會比較方便，一盒有幾種顏色，
想日妝轉夜妝都沒問題。
這次的上班妝日妝主要用主色調(b)&(d)，
增加柔和感，令人感覺眼睛水汪汪。

CHANEL/ OMBRES MATELASSÉES $575

於整個眼蓋及眉骨位掃上(b)色打底，
然後眼珠對上中間位置用(d)色，
時下眼妝流行化這個位置，因為可突出眼形，令眼睛更立體。

眼頭位置用(a)色，增加明亮感。

3. 似有還無眼線畫法

眼線是時下的流行妝容元素之一，
但有些誇張實色的眼線未必適合上班族，
要畫出一條自然又柔和的眼線，可用啡色。

VINA/ eyeliner $95

用細號掃沾上眼線筆顏色，於睫毛根部刷鬆眼線。
顏色和線條都不會太實，對新手來說較易handle，效果亦較自然。

4. 精神度90% UP大眼技巧

睫毛較少的你若想睫毛變得濃密，但又不想太誇張，
可以嘗試將下眼睫毛貼於上睫毛位置，
效果自然、密度高、像真度高。

於下眼尾1/3位置，用(e)啡色eye shadow畫上眼線，令眼睛更大更精靈。

TIPS: 淺色眼瞳的人可能看起來沒那麼精神，
若有需要的話，現在市面有各式各樣的有色contact lens或大眼仔，
配戴後會令樣子更醒神。

5. 襯托面色潤澤雙唇

上班妝的唇妝不宜太誇張，
同樣用橙粉色的creamy狀兩用胭脂唇膏，
更能帶出面色紅潤感覺。

用手指印上唇部中央，再推開到唇線邊。

Total Look!

如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Workshop Facebook

（版權所有，未經同意不得轉載。)

前幾日係入冬之後溫度最低嘅日子，凍到騰騰震，
尤其屋企係新界地區，真係完全feel到“新界再低兩、三度”嘅威力。
我係超怕凍嘅人，冬天長期手腳冰冷，
所以我都搵盡辦法嚟對抗寒冬架∼

1. 電熱氈

我覺得呢樣真係非常偉大嘅發明！比暖風機更好。
而家冬天冇咗佢係瞓唔著覺，
相信好多女仔都好似我咁手凍腳凍，
就算著住毛毛拖鞋，除咗鞋唔夠5分鐘就開始凍番，
著住對襪瞓都係無補於事，
明明全身蓋住被，對腳都仍然keep住凍，
搞到成晚失眠，超痛苦!
而家有電熱氈就成個被窩都好溫暖，
舒服到第二朝起身非常掙扎。

2. 飲薑茶

特別喜歡黑糖薑茶，而家好方便，有啲pack好晒，
一磚磚沖嚟飲就得，唔使慢慢批薑片咁麻煩，飲完暖笠笠∼
仲可以舒緩鼻敏感添。

3. 暖水袋

雖然而家好多暖蛋、暖包、暖貼可以取代，
但係呢個暖水袋我都有用緊，因為太得意喇，
坐喺梳化睇電視拎住佢，蓋埋被就perfect。
唔用嘅時候又可以擺喺度裝飾。

4. 保暖衣物

Heat Tech保暖內衣不能少，仲有頸巾，
老人家話有頸巾護住喉嚨同頸背，先唔會入風冷病呀。
戴埋冷帽遮住對耳仔就唔會凍親啦。
另外，好凍嘅時候就會搵番毛毛鞋出嚟著，真係暖好多架。

5. 臨瞓前足浴

我係好鍾意用好熱嘅水沖涼，
但其實對皮膚唔係咁好，搞到又痕又乾，
所以要改下浸足浴喇。
臨瞓前浸一浸，可以驅寒，促進血液循環，
有舒緩作用，好瞓啲架。

6. XBOX 360 Kinect

人地話手腳凍係血液循環唔好，著幾多衫都唔夠，
始終都要郁動下先會有改善，
所以喺屋企做運動都係唔錯嘅方法。
人地話跳鄭多燕可以出好多汗，
但係我就覺得好似有啲悶，所以就打機當運動喇∼
唔好以為玩就唔辛苦呀，認真玩真係熱到出汗呀。
首選跳舞、網球、排球，運動量極高!（對平時少運動嘅人嚟講）。
同埋天氣凍嘅時候，習慣性地縮埋一舊，
搞到頸同膊頭緊晒，做運動就可以拉下筋，順便鬆鬆。

如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Workshop Facebook

（版權所有，未經同意不得轉載。)