今次我哋又搵咗幾樣products試用，
有Mask, eye serum,同落妝油，
睇吓各位同事有咩comment啦！
Fancl Moisturizing Mask
每塊面膜都有19ml豐富補濕精華，
主要成份有透明質酸、膠原蛋白、蜂皇漿補濕誘導精華、
純米發酵保濕精華等，
有效修護缺水皮膚，提升肌膚防禦力。
Irene:
一打開包裝，張mask就係無味，
代表佢真係無添加！
佢嘅精華就係奶白色，
份量都剛剛好，唔會太多，
而張mask係棉質地，都算幾薄。
mask設計對我自己嚟講，都幾貼面亦唔會太大張。
初頭覺得奶白色精華，多數敷完都會好笠，
但出奇地，fancl呢個敷完10分鐘，滋潤得嚟唔會笠痴痴，
本身自己兩個面頰都有因天氣乾到甩皮，敷完之後改善咗好多！
我就幾推介俾混合同乾皮膚朋友！
Karen:
mask嘅質地薄薄地，精華份量剛好，
唔會多到未敷上面就沾到成手都係，
設計好貼面，接駁位都唔會有好多空隙，
可以全面覆蓋，唔會敷敷下唔貼，
敷完感覺滋潤得嚟唔笠，
基本上啲精華已經吸收晒，
感覺皮膚柔軟咗，
呢排皮膚比較乾，敷完之後再搽cream，
都比較易吸收。
好啱皮膚乾又怕笠嘅朋友。
Yuki:
呢塊mask都算幾貼面，質地薄，都幾好。
精華都算多，但就唔會滴晒水咁。
我係混合性膚質，呢排比較乾燥，
敷完15mins之後好快就吸引晒，
不過最驚喜係佢唔會痴笠笠，
因為我好怕太痴笠太滋潤既mask。
敷完面部水潤左好多，之後搽埋cream就岩岩好。
Christy:
呢排天氣真係好乾，塊面乾到好似想裂開咁，
即刻拎呢塊mask出黎急救下!
我自己鐘意MASK既精華比較杰身啲，
唔會水滴滴。而佢既貼面程度我都好滿意!
我自己鼻翼位好易甩皮，敷完甩皮情況改善左好多，
上妝都覺得貼左。
Una：
最近天氣又凍又乾燥，加上今朝早都走去跑步，
塊面真係比D風吹到勁乾!
最近塊面兩頰都好乾，乾到就連上粉底液都搽到有皮，
今次我就係朝早跑完步試下喇! 敷上面時覺得面膜質地好貼面，
精華嘅份量岩岩好唔會過多，唔洗敷到成頸都精華!
敷完之後兩頰同咀邊皮膚嘅甩皮情況好咗好多!
Mask House® Celebrity 蜂毒全效眼部修護精華 $ 236 / 一盒三支
具抗氧能力嘅蜂毒成份可刺激膠原蛋白及彈性蛋白循環再生，
緊緻皮膚，撫平細紋，
天然葡萄籽油中嘅亞麻油酸同原花色素，
強化肌膚組織循環再生，
淡化黑眼圈，預防黑色素沉澱。
呢個眼部精華設計好特別，好似針筒型咁，
可以防止滲漏、氧化，保持最佳質素同功效，
而且有劑量標示，容易控制份量，唔怕攞得太多或太少。
Irene
我幾欣賞佢呢個設計，
可以避免每次拎個份量唔同，搽上雙眼份量啱啱好，
而且同空氣接觸少，感覺好衛生。
吱出嚟係gel狀，質地好易推開，好清爽，
搽完之後眼底位置好滑，而且有撫平細紋效果，
不過滋潤度就唔算好高，都屬清爽型，
適合油眼朋友使用。
Karen:
針筒設計好特別，減少同空氣接觸，感覺好新鮮，
有劑量標示方便控制份量，
但對我嚟講半格份量似乎多咗少少，
佢嘅質地就好似遮毛孔產品果種matte嘅質感，
好易推，細紋位置平滑咗，
但本身比較乾，所以覺得滋潤度唔夠。
Christy:
呢個眼部精華既設計好特別呀！
係針筒形，係gel狀質地，
我自己原本既眼底係好乾亦有眼紋，所以就嫌佢唔夠潤，
不過搽上去都覺得幾滑，
眼紋亦無咁明顯。
Yuki:
呢個針筒型設計分左Day1-Day4，
每日唧個份量都岩岩好，而且好衛生，
佢既質地好細滑，唔似一般既gel咁，
搽上眼後可以撫平細紋，
不過我本身眼底比較乾，我就覺得唔係好夠潤，
黑眼圈都係仲喺度，因為本身我都好深色，
可能要持續用先有明顯效果。
Una:
開始時覺得呢支眼部修護精華設計好得意，
每日每次嘅用量佢已經量好晒，
搽上眼質地原來係Gel 狀，
搽上眼感覺好嫩滑。
不過感覺好似遮毛孔產品，唔覺有滋潤效果。
Zino黑眼療 金箔眼膜
主要成份有金箔鱘魚子精華，專利Melavax複合肽、
Greenol草本精華及透明質酸成份，
促進眼圈代謝，排走毒素，
改善暗啞，去浮腫，提升肌膚彈性。
Irene
之前自己都試過呢一類gel eye mask，
不過就不停跌落嚟，一定要訓係到先敷到，
而且非常刺眼，一邊敷，不停流眼水，
所以對呢mask有啲陰影！
不過呢款gel eye mask質地幾薄身，仲幾貼面，
啜得幾實，唔會跌落嚟！
敷緊感覺涼涼地，都幾舒服。
本身塊mask精華唔算好多，
敷完20分鐘，對眼唔會留好多精華係到。
滋潤度唔算好高，輕微乾紋有少少改善，
不過驚喜嘅地方就係，對比未敷之前，
我覺得佢有少少減淡眼部嘅油脂粒效果，
感覺無咁明顯！
Karen:
Eye Mask嘅形狀比平時用開嘅有啲唔同，
呢個腰果形唔止覆蓋眼圈位置，
大到可以蓋到面頰。
如果眼尾比較多紋，可以調整眼膜位置，
將闊果邊敷眼尾。
精華份量唔算多，敷上去感覺涼涼地，唔會刺眼，
Mask質地貼面，敷完20分鐘，
有啲緊緻感覺，細紋同眼圈好似淡咗少少，
皮膚平滑啲，但唔算好滋潤。
Yuki:
呢個eye mask比平時用開既大，
因為係凝膠質地，都好貼面，
我放上面既時候係根據返本身既眼形去敷，
成個眼底都覆蓋晒，涼浸浸都幾舒服。
可能佢係盒裝，唔係個別包裝，啲精華唔算好多，
我大慨敷左10mins就已經開始乾，
所以敷多5mins就撕走左。
敷完雖然唔會好水潤，但明顯feel到眼底有緊緻。
跟住影左相出黎，發覺個分別原來都幾大，
黑色素同啲油脂粒有淡色到，呢個真係估唔到。
Christy:
我自己都試過好幾款eye mask ,
但就算好神心用都係無咩效果。
今次試呢款eye mask見同事們既評價都唔錯，
攪到我都急不及待要試一試。
個size比我想像中大塊，敷上去都覺得幾貼，
唔會好快跌番落黎，亦feel到有啲涼涼地幾舒服。
我自己唔算好多油脂粒，所以試唔到咩效果，
黑眼圈方面就無咩點淡，不過就即時feel到眼底有好緊緻既感覺。
Una:
一打開貼佢上眼真係覺得佢嘅外型設計同正常眼型真係有D唔夾，
敷上眼時感覺好拿…可能我對眼真係太乾喇!
不過敷咗10分鐘左右就無咩拿嘅感覺了。
敷完之後望落就無咩即時效果嘅，眼部肌膚仲係好清爽一D都唔笠，
不過化妝時感覺遮瑕膏比平時貼咗。
A’PIEU Mineral Lip & Eye Make-up Remover 2,500won
購自韓國嘅水油眼唇卸妝液，
含有五行草、桑白皮、何首烏等植物萃取物成份，
性質溫和，帶有淡香味。
之前介紹過呢個品牌嘅化妝品好唔錯，
唔知卸妝產品又得唔得呢?
Karen:
敷約10秒再抹，眼線、mascara已卸走7,8成，
眼影已經差唔多冇晒，
餘下嘅眼線、mascara再仔細抹都好快卸走，
唔使捽極眼都卸唔乾淨，減少刺激眼周皮膚，
覺得好易卸，價錢平，效果又滿意！
Christy:
原本見佢價錢咁平都無咩信心，
不過用落就幾有驚喜！
唔會覺得「拿」眼，而且都算落得幾快又乾淨，
連好防水防油既睫毛膏都完全落到，
價錢咁平用黎自用定做手信都好good呀！
Una:
平時自己好鐘意化下眼妝，所以卸妝產品真係必備，
雖然平時自己用卸妝油可以眼妝都卸埋，
但用卸妝油成日都會拿眼。
而呢支Remover 真係落得好乾淨，而且仲唔拿眼!
只係用化妝棉滴少少就可以抹乾淨晒眼妝，
就連睫毛液都好快抹甩晒!
Irene
首先打開支remover有陣淡淡香味，感覺幾討好！
倒濕棉花敷大概10-20秒，基本防水嘅product都溶哂，
我會再用多一次，抹多次眼線位同眉，
佢都落得好乾淨，而且又唔刺眼，
價錢又平，如果去韓國都可以大手購入。
如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Workshop Facebook | 
