而家好多大約20幾歲既後生女就開始買貴價既護膚品啦，
其實護膚品唔係愈貴代表愈岩自已用架，
當然貴價護膚品入面係含有珍貴或者專利既成份，
不過平價既產品又未必一定係無效果架！
大家可以因自己唔同既budget去選擇。
好多熟齡肌膚都會有皺紋、失去彈性同光澤等問題，
開始覺得平價護膚品既功效無咁明顯啦，
真係要用修復性比較強同滋潤既產品先得架！
大家應該根據自己既需要對症下藥，
以下就會同大家介紹一啲比較貴婦級既護膚品啦。
精華素唔係一定愈厚愈好,
其實皮膚好乾既朋友都需要選擇比較水狀既精華，
會容易吸收啲，之後搽既cream先會更加吸收架。
以下呢支就係好推介啦!
SK-II ULTIMATE perfecting essence ＄2150／150ml
一講起SK-II就會不禁聯想起佢地既招牌紅色，
呢支全金色既包裝可以話令人耳目一新呀！
感覺非常高貴，就算用完都唔捨得掉左個樽呀！
而SK-II既皇牌神仙水有幾好用就唔洗我多講啦，
呢支精華素一樣係乾性皮膚既救星呀。
注入左超高濃度經典成分Pitera™同Centella精萃既珍稀精華，
可以提昇肌膚緊緻度，水養滋潤。
用完之後會覺得肌膚變得緊緻、細滑，同有光澤架！
大家唔好以為精華素就一定好笠呀，
太乾既皮膚搽太杰身既野會好難吸收，
而呢支精華素就好水狀，
無咩氣味，搽完好快就會吸收，
仲會覺得好似有層透明保濕膜係面咁。
皮膚好缺水既話，可以用佢倒係化妝棉上，
然後敷面作為急救之用，上妝都會貼啲架！
SK-II FACIAL TREATMENT REPAIR C HKD$695 / 30ML
佢含有4倍濃縮的Pitera天然活膚酵母精華，
具有超保濕和深度滋潤既功效，
可以有效減淡皺紋，平滑粗糙膚質同提昇彈性。
佢亦含有特殊緊膚醣蛋白，幫助收毛孔並拉近肌膚細胞，
等肌膚緊密又細緻，
當中含有既醣醛酸可以幫助潤澤肌膚，
就好似全日都敷緊修護面膜咁呀！
岩曬皮膚乾燥粗糙者使用。
佢係屬於啫喱狀精華，不過一推開就變得好水，
而家天氣咁乾，就岩曬缺水既皮膚補下水啦！
質地非常薄，唔會好笠亦好快吸收，
搽完會覺得皮膚既水份同彈性會有即時既改善。
建議如果皮膚真係極乾既朋友，
搽完呢個精華素係半乾濕既狀態就可以搽番個cream，
會容易吸收啲架。
GLYCEL 幹細胞VII複活再生精華 $1580/30ml
含有7大幹細胞精華，包括蕃茄幹細胞、
雙花扁豆幹細胞、覆盆子幹細胞、紅桑莓軒細胞、
咖啡幹細胞、仙人掌同嫩膚生物三胜肽。
另外，亦含有強效抗皺成份，
可以全面抗黃，防禦紫外線同游離基侵害，
仲可以預防肌膚衰老，同時促進細胞代謝，幫細胞補充大量養份。
而最重要可以幫助肌膚深層滋潤，幫肋減少幼紋同表情紋添。
呢度大約係半泵既份量就可以搽勻全面，
亦可以係有需要既地方再搽多啲份量。
質地屬於半透明狀既lotion質地，
搽上面既感覺好滑，有淡淡花香味，
好快吸收又唔會好笠。
表情紋同乾紋仲即時無咁現添。
GLYCEL 幹細胞VII 複活修護晚霜 $1680/50g
搽完精華素後想效果更加顯著就可以搽埋晚霜啦！
性質好溫和，有助舒媛同鎮靜肌膚，改善泛紅問題，
而佢亦可以增強骨膠原及彈力蛋白，
可以減淡紋理同改善鬆弛肌膚，幫皮膚注水補濕，
將水份鎖於肌膚底層，令皮膚更加水嫩細緻。
呢個晚霜帶少少淡粉色，有好淡既花香味，
屬於較薄身既cream唔會太厚，
而且好好推，吸收完塊面會好滋潤但唔會好笠。
TIME RESPONSE Skin Renewal Creme $3280/50ML
品牌將珍貴綠茶「雨前一™」注入產品中，成為最重要既成份，
其實好多產品都有加入綠茶成份，
但點解佢特別珍貴呢？因為佢並非一般綠茶！
品牌有個自家既濟洲綠茶園，
以人手採摘綠茶樹第一片長出既嫩葉，
此時既綠茶係最香，色澤最靚，
活性效能比維他命E高出200倍，非常珍貴架！
呢個係全效活膚修護霜，蘊含由綠茶幹細胞、
綠茶皂苷同EGCG兒茶素等3種綠茶元素
組成Advanced TIME RESPONSE ComplexTM，
可以幫助改善缺水、角質老化、黃褐斑、色斑、
鬆弛及皺紋等肌膚問題。
加上超過60種草本植物獨特組合，
包括珍貴松茸、竹汁液、韓國人蔘等，
會修復受損的表皮細胞，為肌膚注入抗氧化、
補濕、美白等強大修護力量，
而且佢仲可以深入真皮層，
修復皮膚細胞基因，發揮顯著抗老功效，
可以改善暗沉，缺乏彈性等老化現象。
呢個咁正既cream仲會作全年慈善義賣，
每賣出一瓶就會全數捐比慈善機構，而且仲不扣除成本，
大家買到野之餘仲做到善事，
真正由內靚到外啦！
呈淡粉色，有好淡既人蔘味，
質地比較杰身，搽完要隔耐少少先可以完全吸收，
有好保濕既感覺，
佢屬於比較潤身既cream，適合晚上使用，
佢有睡眠面膜既效果，幫助你全晚保濕，
第二朝起身就好有光澤既感覺啦。
可以話係極乾皮膚既救星呀！
TIME RESPONSE Eye Renewal Creme $1910/15ml
佢一樣係蘊含由豐富綠茶幹細胞、
綠茶皂苷及EGCG兒茶素三種綠茶元素組成
Advanced TIME RESPONSE ComplexTM ，
可以激活眼周青春基因，
對幼嫩既眼周肌膚具極強修復功效，
可以達致緊緻提升、淡化眼部細紋既效果；
而佢含有既綠茶咖啡因可以促進肌膚微循環，
改善浮腫、眼袋及黑眼圈問題添。
呢個係屬於cream狀既眼霜,
質地比較rich, 吸收得好快，都係有淡淡人蔘味，
搽完眼底即刻變得好滋潤好滑，乾紋都無咁明顯。
TIME RESPONSE Intensive Skin Renewal Ampoule
$3550/ 7ml x4
呢個係四星期既深層賦活療程，
佢除左有專利成份Advanced TIME RESPONSE ComplexTM，
當中高濃度EGCG既抗氧化功效比維他命E高達200倍，
有效延長細胞壽命，促進膠原蛋白合成，
而且可以預防膠原蛋白退化。
呢個獨特設計既四星期療程，
可以為肌膚注入高濃縮綠茶抗老化能量，
幫肌膚表層回復水潤嫩滑，明亮膚色同全面回復緊緻彈性架！
la prairie CELLULAR SWISS ICE CRYSTAL EMULSION $2880/50ml
入面含有石鹼花，佢係生長於阿爾卑斯山既花朵，
亦係la prairie新加入既成份，
佢可以增強肌膚既保護機能，
防止陽光射線對肌底造成深層傷害。
另外，佢仲有瑞士冰晶複合物，
可以維持皮膚幹細胞既更新潛能，
促進肌膚再生，強化肌膚對抗氧化壓力既天然防禦，
更加可以幫助對抗自由基添。
lotion狀質地，質地比較薄，
好快吸收唔會笠，有少少花味，
非常保濕，
搽完上去有種好自然既光澤感，
但又唔會太令身好似出油咁。
CELLULAR SWISS ICE CRYSTAL EYE CREAM $2170/20ml
呢個眼霜除左含有石鹼花同瑞士冰晶複合物之外，
仲有白花天堂鳥精華、咖啡因同花煙草幹細胞精華等，
可以幫助撫平皺紋、減褪眼底的黑眼圈及浮腫。
另外，乳木果油同透明質酸可以令眼底肌膚更加保濕同幼滑。
呢個眼霜質地都好rich，感覺好滋潤，
好容易吸收，都有少少花香味，
搽上眼底會有提亮作用，
感覺上黑眼圈就都無咁明顯。
有好多朋友問過究竟護膚品應唔應該成set咁用呢?
其實我地建議最好都連埋一set用，
因為唔同品牌既成份溝埋一齊,
有機會會產生化學反應，有可能會引起敏感，
如果用埋一set既護膚品就可以發揮最好既功效啦!
如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Workshop Facebook
（版權所有，未經同意不得轉載。)
| 
