上次同大家分享左我個化妝袋有咩愛用產品啦，
今次就會用番呢啲產品化個日常妝容比大家睇啦，
妝容方面都係以自然為主，
呢個妝無論用黎番工定去街都無問題，
唔講咁多，即刻去片啦！

Before:

Final look:

 

如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Workshop Facebook

（版權所有，未經同意不得轉載。)

呢個星期氣溫開始下降，連相對濕度都下降埋，
相信大家面部嘅skincare都換咗季喇，
但好多時大家都會忽略咗身體嘅護理，
天氣乾燥同時會抽乾皮膚嘅水份，
所以今日就為大家介紹吓冬季嘅身體護理。

首先講吓大家每日都用，
但又經常都無為意佢嘅重要性，
就係沐浴露喇！
好多人都覺得每日用嘅body wash求其就OK，
但其實市面上有好多沖涼產品都有好多化學成份，
大家隨時會愈洗愈乾，嚴重仲會敏感皮膚生粒粒！

Anumi Herbal Range Nourish Body Wash $238/500ml
Anumi係一個澳洲生產嘅天然有機護膚品牌子，
所以佢啲產品一定有保證，
而呢一支body wash含有天然低泡成份，
有珍貴嘅玫瑰天竺葵獨、馬尾草、覆盆子等等混合物，
除咗滋潤肌膚仲有可以幫助肌膚再生，對抗衰老。
非常適合乾性及敏感肌膚 (包括如濕疹同皮膚炎)。

佢質地就係透明gel狀，
而且有陣陣天然玫瑰花香味，
嗅落真係好relax，
如果鍾意玫瑰味嘅你要試吓喇！

售賣點：西九龍海庭道18號奧海城2期地下G29舖

The Body Shop Wild Argan Oil Bubbling Bath $149/250ml
天氣凍冰冰最啱就係浸返個泡泡浴，
而且香港人生活壓力大、節奏又快，
得閒浸個泡泡浴都有好大減壓功效架！
而呢支Bubbling Bath主要成份係摩洛哥野生堅果，
仲有奥米加6及維他命E，可以深層滋養肌膚，
亦可以修護因過度乾燥而不適嘅肌膚問題。

用嘅時候只需要倒係浴缸，
然後直接開水喉就可以整到好多泡泡架喇！
而且佢有陣好香嘅堅果同花香味，
一邊浸心情都會特別放鬆，
仲會促進血液循環，皮膚都會紅潤架！

售賣點：The Body Shop專門店 

The Body Shop Wild Argan Oil Rough Scrub $ 199/200ml
認識好多朋友都話自己，
搽極Lotion都好似唔係好吸收，皮膚仲係好乾•
如果大家都有呢個情況，就代表你身體死皮比較多喇！
平時塊面會定期做深層清潔去死皮，
身體同樣都需要架！

Body shop呢款磨砂同頭先Bubbling Bath係同一系列，
成份都係有野生堅果油，而且好多微細磨砂粒子係裡面，
可以有效去除多餘角質同死皮之餘，亦都有滋潤補濕功能，
之後再搽body cream就更加吸收喇！

佢質地係gelgel地，而且粒子非常幼細，
感覺比較溫和，皮膚薄嘅朋友都啱用，
而且有淡淡堅果味，感覺幾舒服。 

The Body Shop Wild Argan Oil Body lotion $129/250ml
磨完砂就要搽body lotion，滋潤皮膚，
大家成日都見到好多product都有加堅果油，
例如，髮尾油、洗頭水等等，可想而知佢有幾滋潤。
同一個堅果系列嘅body lotion質感輕盈，
一啲都唔笠，而且好容易就吸收到
亦可以滋潤乾燥嘅肌膚，
適合鍾意清爽唔太笠嘅朋友。

Kiehl’s Soy Milk & Honey Whipped Body Butter $330/226g
如果皮膚比較乾，
用質地較薄身嘅body lotion未必夠潤，
就可以body butter喇！
質地比body lotion會厚身啲，滋潤性比較高，
可以搽係手踭腳踭位，比較乾嘅地方，

而kiehl’s呢款經典body butter，
成份有高效抗氧化作用嘅可可巴油、
beta-胡蘿蔔素及維他命E，保護同軟化肌膚。
佢雖然係body butter，但質地比市面body butter柔滑，
而且仲好易吸收，仲有帶少少蜜糖香味添。 

Kiehl’s Nurturing Baby Cream for Face & Body $220/200ml
大人要搽body cream，
小朋友咁幼嫩嘅皮膚就更加需要搽，
但好多家長都唔知市面有幾多種產品係適合自己小朋友，
而Kiehl’s就非常細心，佢有推出專為小朋友而設嘅面部及身體潤膚膏，
用咗獨特配方，成份裡面99%都源自天然植物，
而且產品以4-free配方性質溫和，
不含防腐劑Paraben、矽、礦物油同人造香料。
仲經過兒科專家、皮膚科醫生同媽媽測試及認可，
產品酸鹼值平衡，經過敏測試，適合日日使用架！

佢無色無味，
質地清爽又容易吸收，
可以24小時深層滋養，
同保護小朋友幼嫩、薄弱嘅皮膚。 

Innisfree Soybean Firming Neck Cream ＄170/80ml

講完大範圍身體護理，
就要講吓大家都會忽略到嘅地方，就係頸喇！
大家平時搽cream都只係搽完面就收工，
但唔會諗到頸部就最易暴露自己年齡，
如果大家用平時搽face cream搽頸覺得成本太高，
就可以試吓呢款innisfree頸cream，
佢內含濟州島發酵大豆自然發酵膠原蛋白促進因子，
能有助促進骨膠原生產，幫助肌膚回復彈性， 

而佢係霜狀質地，滋潤而不油膩，
仲有少少好似精油味道，
再加埋每日幫頸部同淋巴位做按摩，
可以加速吸收架！

Dr Schafter HPC Lipolysis Concentrate （售賣點：卓悅）

最後，冬天嚟就有好多party飯局要去，
呢啲時間就最易儲肥自己，
所以為大家介紹一款溶脂產品啦！

佢主要成份係精煉溶脂針精華，
提取自植物同天然大豆卵磷脂，
而溶脂針精華可以破壞脂肪細胞膜，
抽出三 酸甘油脂令脂肪細胞壞死。
再配合輔酶A同維他命BT將脂肪酸帶走。

呢支產品係適合任何局部肥胖位，
如肚腩、腰部、手臂或大腿等等，易肥嘅地方。
佢吱出嚟係黃色cream狀，而且有花香味，用嘅時候都好舒服，
而佢用法都好簡單，
沖完涼，吱適量HPC 精華搽係你想減嘅地方，
然後加以按摩，直至完全吸收，
而且佢搽完唔會發熱，搽完訓覺唔會唔舒服。

如果想效果更加明顯，可以係做運動前搽，
又或者可以配埋減肥貼膜，搽完HPC 精華，
再on top貼係搽完部位，可以加強燒脂架！

售賣點：卓悅 

如果以上嘅產品都未夠滋潤你dry爆嘅body，
就教多大家兩個滋潤小tips啦！
如果大家係轉季或天氣極乾燥時，
身體會乾到痕或起風癩，
就可以試吓用一個天然方法沖涼， 

又或者大家可以用body oil，
沖完涼就用佢嚟搽身，
之後先再用毛巾印乾皮膚，等佢慢慢吸收，
有即時滋潤效果㗎！
如果想再滋潤啲，on top再搽body cream就會潤身好多喇！

而且提提大家冬天雖然好凍，
但都唔好用太熱嘅水沖涼，
因為好易沖完涼加速抽乾水份，
會搞到皮膚愈嚟愈乾㗎！ 

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

（版權所有，未經同意不得轉載。)

空氣濕度開始下降，
開始feel到皮膚愈黎愈乾啦，
唔知大家開始左轉護膚品未呢？
好多人問點解塊面成日都出咁多油？
其實皮膚唔夠水份既話都會出多啲油架，
咁就會變成外油內乾既皮膚啦！
又有朋友問過係咪搽愈杰身既serum就愈好呢？
其實如果皮膚太乾用好杰身既serum係好難吸收架，
用水劑少少既serum就會有效滲透落肌膚底層啦，
仲會令之後搽既cream更加吸收添，
今日就會介紹幾款補濕精華比大家啦！

缺水既皮膚唔只會令你覺得好繃緊，
仲會令個妝好難持久架！
所以保濕精華素就變得好重要啦！

PHYTO-C B5 Gel ＄440/15ml
平均價錢:＄29.3/ml

入面含有維他命B5，係人體必需既維他命之一，
可以增強肌膚天然既保濕力。
另外仲含有醫學級別透明質酸，有超卓既補濕鎖水功效，
為乾涸皮膚注入水份。
搽左呢個保濕精華就可以解決因為乾燥而引起浮粉既問題啦！
質地比較水，一推開就好快吸收，
唔會痴笠笠，無咩氣味，
如果驚好笠既朋友用就岩曬啦！
B5 gel可以幫皮膚補水，
不過對乾性皮膚黎講就可能未夠潤，
之後要搽番cream先會更加滋潤啦！

保存期限：約3年
原產地：美國
售賣地點：中環萬邦行1013室 (Beauty Plus)

Kiehl’s Hydro-Plumping Re-Texturizing Serum Concentrate $470/50ml
平均價錢: $9.4/ml

當皮膚老化既時候，表皮既透明質酸就會減少，
而佢入面含有紫蘇葉精華就可以防止透明質酸減少，
可以將水份鎖住肌膚深處，
有助改善老化缺水既跡象。
另外，佢亦含有植物性甘油，
係源自於棕櫚、油菜籽同椰子，
佢就好似係超吸「吸水磁石」咁，
可以將水份引入肌膚，具有高度吸濕功效架。

gel狀質地，推開就變得好水，
無咩味道，吸收得好快，
搽完會好似有層保濕膜係面咁，
唔會太痴笠笠，
適合中性至乾性皮膚使用。

保存期限：開封後12個月
原產地：美國
售賣地點：Kiehl’s各大專門店

ISA KNOX TE‘RVINA waterfull repairing serum $998/50ml
平均價錢: $19.9/ml

大家都聽過胎盤對皮膚好好，
入面含有ISA KNOX既專利成份rHPP-8TM 及rHPP-M TM ,
佢地經過重組後既蛋白質係同人既胎盤蛋白質好相似，
所以唔需要用到真正既人類胎盤就已經做到好卓越護膚效果啦。
可以改善乾燥、鬆弛、皺紋同暗啞既問題。

質地係比較稀身，呈水狀，
有陣清清地既花香味，
好快吸收都好易推開。
隔一陣就變得好清爽，
搽完乾紋即刻無咁現呀！
油性皮膚就岩曬用啦。

保存期限：約3年
原產地：韓國
售賣地點：銅鑼灣告士打道311號皇室堡1樓108號

Fresh Line 天神之蜜皇家蜂蜜美肌精華 $469/30ml
平均價錢: $15.6/ml

蜂蜜除左可以飲用之外，而家好多護膚品成份都加入左佢架，
好似呢支精華入面就加入左蜂王漿、蜂蜜同蜂蠟啦，
佢可以幫助延媛肌膚老化、促進細胞再生，亦可以修復肌膚添。
除左呢啲滋潤成份之外，
佢仲加入左金盞花、蘆薈、燕麥蛋白同月見草油，
幫助鎖緊水份，抗炎同保濕。
容易發炎既暗瘡皮膚就可以試下用佢啦！

呢支係lotion狀質地，比較滋潤，
一搽上面既時候會有少少黏既感覺，
不過隔一陣就好快吸收，仲有陣好香既蜂蜜味道添。

保存期限：開封後12個月
原產地：希臘
售賣地點：旺角亞皆老街8號朗豪坊2樓 Fresh Line專櫃

The body shop Drops of Youth $399/30ml
平均價錢: $13.3/ml

蘊含海茴香幹細胞及有機毛櫸樹芽精華，
加上有機巴西棕櫚樹油，可以激活肌膚細胞再生，
強化肌底膚質，有延續細胞修復再生既顯著效果。

gel狀質地，一推開就變成水狀，
推開就變得好清爽，
有少少草本既味道，
適合油性皮膚使用。

保存期限：開封後12個月
原產地：英國
售賣地點：The body Shop各大專門店

ZA perfect solution youth whitening serum ＄189/30ml
平均價錢: $6.3/ml

除左有保濕效果之外仲想要美白既話，
ZA呢支精華就幫到你啦！
佢含有柚子柑橘萃取同維他命C可以促進骨膠原同透明質酸產生，
令皮膚更加緊緻有彈性，亦可以令肌膚更透亮同擊退暗啞，
而今次亦全新採用美白激活成份4MSK，
可以抑制肌膚既黑色素產生，改善唔均勻膚色同表面既黑斑。

質地為lotion狀，好容易推開，
推開之後都唔會笠，
仲好快吸收，
同時feel到皮膚變得好水潤添。

原產地：越南
售賣地點：莎莎、萬寧、屈臣氏

Benafion Ultra Facial Serum  $269/30ml
平均價錢: $8.9/ml

含有植物抗敏精華、海藻糖、甘油同天竺葵香薰油等成份，
可以幫助改善因為缺水而出現既乾紋、暗啞同敏感問題，
令到皮膚回復水嫩亮澤又有彈性。

比較厚身既gel狀質地，
剛搽上去既時候會有少少黏既感覺，
吸收既時間要耐少少，
無咩味道，
適合敏感性皮膚使用。

保存期限：開封後60日
原產地：香港
售賣地點：九龍旺角登打士街56號栢裕商業中心10樓09-13室（彩豐行）

大家記住搽完serum之後都要搽番cream架，
中性至油性既皮膚就可以揀番個清爽少少夏天用既cream ,
如果皮膚好乾既朋友就要揀番個滋潤啲既cream啦!

如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Workshop Facebook

（版權所有，未經同意不得轉載。)

之前我們分享過今年流行的大紅、莓紅等的紅唇妝，
若想加點變化看起來更加配合秋冬氣息，
可將今季大熱的紅色eye shadow分別用於眉毛和眼妝上，
不用擔心出來效果過於誇張，
因為只要用色得宜，就能展現個人迷人一面，
加上同樣流行的闊邊classic hat，
簡單完成這個charming微醺酒紅浪漫妝容。

所需彩妝品:

BURBERRY/ Lip Velvet Bright Poppy #311 $245

LUNASOL/ Soft Contrasting Cheeks #EX01 $340

Maybelline New York/ Eyestudio Color Tattoo 24 #30 $65
MAC/ Eye Shadow #UNBASIC WHITE $135
MAC/ Eye Shadow #PASSIONATE MATTE $135

LUNASOL/ Brow Styling Compact N #BR03  $340
Maybelline/ Fashion Brow 24hr Coloring Mascara #3 $79

因眼妝以酒紅色為主，所以眉毛也要配合略帶紅色，
用莓紅色eye shadow加淺啡色眉粉，
再用紅銅眉gel令眉毛顏色化成啡紅色。

STEP 1 :
化眼影時先用紅銅色creamy狀eye shadow塗勻眼窩及下眼線位置。

STEP 2:
然後用剛剛的莓紅色eye shadow on top由眼睫毛位掃開至眼窩位置。

STEP 3:
用米白色highlight眉骨，加強立體感。
之後可用黑色眼線筆先畫內眼線，然後粗略畫外眼線，
而下眼線就大慨畫到2/3位置，勾出眼型，
再用掃輕輕掃開外眼線邊位，打造酒紅色小煙燻眼妝。

STEP 4:
塗上黑色睫毛液，加強眼部輪廓。

STEP 6:
因眉毛及眼部以深紅色為主，所以胭脂會選用淺珊瑚色，
由權骨位打斜向下掃，同時修飾面部輪廓。

STEP 7:
咀唇用上暗莓紅色，先塗上中間兩唇位置，
再用手指印開，感覺較實色咀自然，
中間可再加塗唇色，造成漸變效果。

TOTAL LOOK:

如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Workshop Facebook

（版權所有，未經同意不得轉載。)