近期見返好多舊朋友，
佢哋都話我塊面細咗好多，問我做過啲咩嚟，
其實我只係勤力咗按摩姐。
想有即時瘦面效果，除咗靠醫學美容外，
我哋都可以用唔同按摩手法嚟瘦面，
好多人塊面未必係因為脂肪或肌肉而大面，
可能係因為水腫或淋巴位唔通順，
而變得口腫面腫，
所以今日就拍video教大家用唔同按摩手法瘦面喇！

所需用品：

踏入冬天，唔知大家係咪仲用緊夏天嘅護膚品呢？
係嘅話呢個星期應該開始feel到皮膚有啲dry，
摸下塊面好似冇之前咁滑咁。
當然啦，轉季時候皮膚容易變得乾燥敏感，
所以係時候轉用適合而家皮膚狀況嘅護膚品喇。

如果你嘅皮膚好乾，但係又有出油狀況，
好可能係皮膚底層缺水，
呢個時候就要為肌膚補補水喇！

Elemis骨膠原海洋極致滋潤乳霜 $1,280/50ml
含皇牌成份小團扇藻，提升肌膚水份、柔軟度、緊緻度及彈性。
其他主要成份如綠藻含豐富氨基酸及酵素，
有助真皮及表皮連接黏合，令肌膚更緊緻，
紫球藻、銀杏脂質體高效抗氧，
可阻隔導致肌膚老化嘅自由基。
玫瑰及含羞草純精油，有效平衡及保護肌膚。

雖然叫做ultra rich cream，
但係一推開感覺係幾薄身，
一啲都唔笠，而且好快吸收，
搽完感覺好水潤。
好適合油性缺水皮膚使用。

如果你缺水得嚟又容易過敏，
可以考慮以下呢個品牌嘅產品。
韓國美容品牌Belif嘅產品都不含礦物油、合成香料、
合成色素、合成防腐劑、動物有害成分，
只採用純草本植物，性質溫和。

左：Belif洋甘菊透亮嫩膚酊 $440/75ml
從有機及無污染嘅洋甘菊中提煉達93%嘅洋甘菊精華，
以多次提煉及發酵程序煉製出高效成分嘅洋甘菊酊劑，
能紓緩同修補繃緊脆弱肌膚，
加快肌膚血液循環，增強肌膚吸收能力，
改善紋理同膚質，令皮膚回復生氣。
於爽膚水後，塗精華前使用。

水狀質地好似toner咁，質感水潤。

右：Belif西番蓮籽油鎖水啫喱 $480/50ml
水油配方，長效保濕同滋潤。
配方中嘅油分從西番蓮籽壓榨萃取，
含大量亞麻油酸，防止肌膚水分流失，
促進血液循環，令皮膚更有彈性。
同時能軟化舊角質，鎖緊肌膚底層水分。

Gel Gel地推開幾滑，感覺水潤。
完成所有護膚程序後或上妝前作保濕精華用。
平時上妝前唔建議用Gel狀嘅product,
但係呢個gel就無問題，佢好快被皮膚吸收，
好似形成一個鎖水層咁鎖住水分，令皮膚保持水潤。

如果你係乾性皮膚，乾到有少少繃緊感覺嘅話，
可以用啲潤身嘅cream或者face oil，
改善乾燥狀況，令肌膚回復柔滑。

右：Shiseido Future Solution LX Total Protective Emulsion SPF15 $2,030/75ml
獨創輕感水凝乳化技術，更快被肌膚吸收，
維持理想水分平衡，
減少皺紋、改善暗啞同不均勻膚色，
令皮膚更有彈性，有光澤。

lotion質地易推易吸收，感覺滋潤唔黏膩。

左：Shiseido Future Solution LX Total Protective Cream SPF15 $2,030/50ml
多效日霜有效隔絕有害環境因素，
改善皺紋同鬆弛問題，
令皮膚更有光澤，柔滑。

比較厚身嘅cream，滋潤度高，
好易推開，唔會太黏膩，
乾性、極乾性、成熟型皮膚
或需要提升功效嘅朋友可以一試喇。

想加強滋潤度嘅話，不妨試試face oil丫。
法國品牌Caudalie採用天然成分，
不含動物成份、Parabens防腐劑、礦物油等對皮膚有害物質。
性質溫和唔會引起敏感反應。
對過敏或乾燥皮膚尤其適合。

左：葡萄籽C15高效抗氧眼唇霜
中：葡萄籽C15晚間抗氧護理油 $380/30ml
右：葡萄籽晚間滋潤護理油 $380/30ml

葡萄籽C15高效抗氧眼唇霜

眼周同唇邊位置比較容易出紋，
一定唔可以忽略護理架，
呢個眼唇霜不含香精，性質好溫和。
主要成分有高效抗氧嘅穩定性葡萄籽多酚及維他命C，
而蕨類植物提取物及五胜肽能
能改善皺紋、黑眼圈及浮腫，
促進膠原蛋白合成，令肌膚更緊緻嫩滑。

gel cream狀質地幾清爽，
好快吸收，一啲都唔笠。

Caudalie嘅護理油含100%天然植物配方，
100%活性成份及極高純度天然精油，
幫助修復肌膚，令肌膚更滋潤。

葡萄籽晚間滋潤護理油含6種珍貴天然植物油，
包括玫瑰精油、土耳其天竺葵、芝麻油、
迷迭香萃取、荷荷包植物油及葡萄籽油，
能減淡泛紅皮膚及舒緩紅腫過敏肌膚，
保濕滋潤，軟化肌膚，抗炎、抗氧化。

葡萄籽C15晚間抗氧護理油含5種精油同3款植物油，
包括甜杏油、麝香玫瑰植物油、檀香精油、適合過度勞累嘅肌膚，
於夜晚自我更新，回復平衡狀態，
淨化肌膚在日間所受嘅侵害，
消除堆積喺肌膚表層嘅毒素，改善暗啞肌膚。
有橙花、苦橙花及薰衣草味道，有助消除疲勞。

皮膚乾燥有可能令皺紋更明顯，
以下就介紹一個幫助減淡皺紋l嘅潔面產品比大家啦。

Pixel Clinical Wrinkle Wash Away $438/30ml
配方中嘅填充粒子喺真皮層填補皺紋下陷，
以分子填充方式令皺紋凸起。
主要成份有歐洲七葉樹、木賊精華、木瓜酵素、死海鹽等，
歐洲七葉樹有清潔同鎮静效果，
性質溫和，不刺激皮膚。
木賊精華有效收細毛孔，抗敏抗刺激，
促進膠原蛋白同彈力蛋白合成，
加上木瓜酵素能軟化角質，令皮膚光滑有彈性。
死海鹽含豐富礦物質同微量元素，包括鈉、鉀、鈣等，
加強細胞代謝、排出毒素。

Gel水狀質地，加水後泡沫唔會太多，
用後皮膚好滑，唔會有繃緊感覺。

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

（版權所有，未經同意不得轉載。)

又到咗每月一次嘅好物雷品分享啦！

身為shopping精嘅我地平時買買埋埋都唔少野架，
當中梗係會遇到中伏嘅產品啦！
今日就等Workshop同事分享下有咩值得推介先。

好物：

Jellia:

KOJI Linequeen極細防水眼線液-黑色 $85

我最鍾意就係買眼線筆嚟試，
而今次好好彩買到支唔錯嘅眼線筆，
價錢又好合理，
只係85蚊係SaSa就買得到！

佢係幼身嘅liquid eyeliner，筆芯只有0.1mm，
粗幼度好易handle，易畫又實色又快乾！

呢支眼線筆真係好防水，
因為我眼尾成日流眼水，
好多其他嘅眼線筆會好容易化，
但呢支就無呢個問題，我出完街再返到屋企都唔洗補呀。
如果同我一樣成日流眼水嘅人可以試下。

Christy :

SANA New Born眉筆 約＄9X

呢支眉筆係我去日本買番黎既戰利品，
我特別鐘意佢係因為佢好容易畫之外，
仲非常持久，平時最尷尬就係條眉去到下午就開始甩色，
不過佢就無呢個問題發生啦！
畫出黎仲好soft好自然添。
而且佢3合1既設計好方便，
一支已經有齊眉筆、眉粉同螺旋刷，
帶出街用就好方便啦。

Irene：

3M暗瘡貼

大家知我好日都唔會生暗瘡，
但可能近排成日夜訓、又大壓力，再加埋又轉天氣，
我額頭就開始不停出暗粒，同埋敏感與暗瘡之間嘅物體，
前幾年都試過有咁嘅情況，都叫做有少少經驗，
一嚟額頭停止搽滋潤性面霜，只係搽水分產品。
避免額頭太有營養，不停爆粒粒，
最好當然連妝都唔好化，不過工作需要又真係比較難。

但每當生暗瘡或暗粒時，我都會即刻拎呢個暗瘡貼出嚟，
假如個粒暗瘡放咗膿或有傷口，我都會夜晚用暗瘡貼過夜，
可以吸走傷口分泌物或膿，防止漫延到其他地方，
而且我仲覺得可以令傷口快啲好返，
好推介俾成日生暗瘡朋友！

雷品：

Christy ：

Pdc 膠原緊緻溫感面膜 ＄120

我自己平時好鐘意敷GEL MASK,
見到呢支面膜入面含有緊緻成份，膠原蛋白同玻尿酸，
敷上去仲識發熱我就好有興趣啦!
點知我用完一次已經想掉左佢！
首先，佢有一種好人工既花果味，我就唔太鐘意啦！
質地好黏笠，黏到好似膠水咁，
非常難推！
敷完唔覺得保濕左，仲覺得好蹦緊，
而且仲有少少痕既感覺，
敏感皮膚就建議唔好試啦。

Ivy：

B﹠C BROWLASH EX 24小時防水眼線液 ＄79

當初買呢支liquid eyeliner既原因，
係因為本身用開呢個牌子既mascara，
覺得支mascara好好用、好輕身，又有自然既效果。
但呢支liquid eyeliner就令我有啲失望喇…

佢質地偏水，
劃上眼度要一段時間先乾，
一個唔小心畫眼線時眨左下眼就好易沾污眼皮，
都幾麻煩！
而且佢唔夠實色，
筆尖又唔夠幼身，
較難畫到線條較sharp既眼線，
初初買佢係因為見佢個包裝寫住24小時持久
但我唔係油眼 4,5個鐘後眼頭位置已經開始溶喇…
市面上我覺得仲有好多較好既選擇，
所以唔會再用佢喇！

UNA：

面部清潔掃 (大約$80)

因為自己塊面好易出油，
容易積聚油脂，加上呢支掃價錢平過香港，
(香港見過賣$108, 日本賣$80左右)
所以就買咗喇！

打開用時覺得佢嘅掃毛好軟，
感覺其實真係幾舒服嘅….
不過用完感覺好似無咩特別。

效果純粹係令潔面液起得多d泡泡,
應該係因為呢支掃嘅毛太軟喇，
感覺清潔唔到毛孔內比較深層嘅污糟嘢，
用完塊面都唔覺得有特別乾淨。

另外，由於呢支掃嘅結構設計，
每次用完直到第二次再用時都未乾，
好多時掃毛都係處於濕淋淋嘅狀態，
其實咁樣會令掃毛內更容易積存細菌。

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

（版權所有，未經同意不得轉載。)

秋冬就黎到，
除左要開始揀轉季岩用既護膚品外，
嘴唇護理一樣唔可以忽視架。
唔知大家會唔會同我一樣，
無論咩季節個嘴都長期處於乾燥既狀態呢？
而每個袋都總要有支潤唇膏，
遇正有日唔記得帶都要即刻衝去買番支呀！
市面上有好多唔同類型既潤唇膏選擇，
今日就會試幾款唔同既lip products比大家睇啦！

講到擁有最全面既唇部護理產品既品牌就一定有Fresh份啦，
由lip polish，lip serum，lip treatment都有齊呀！

我自己個嘴就比較乾，有時仲會甩皮添，

所以唇部磨砂就好重要啦！

呢個唇部磨砂磨完之後個嘴就變得好平滑，
磨完死皮就會無曬架啦。
唔小心食到仲會有甜甜既黃糖味添。

Lip serum 就唔係好多brand 都有出，
而佢就好岩唇部極乾既人用，
搽上去好水好薄身，
先搽黎打底再搽潤唇膏就更加潤啦！

佢既潤唇膏係品牌既皇牌之一，
有分有色同無色的，
唔好以為搽上去會好紅呀，
其實個顏色搽出黎好自然，
如果唔鐘意搽唇膏既你就可以試下啦！

而呢款望落去成支唇彩咁，
其實係佢地另一款既lip treatment黎架！
搽上去既感覺會比較厚身，
不過就好有光澤感啦。

MAC mineralize tinted lip balm

呢款lip balm 個樣都係成支唇彩咁，
而佢入面就含有反光粒子，會顯得個嘴好潤澤，
張相見到支lip balm 好似好深色，
不過搽上去就唔係好實色果種感覺啦。

JILL STUART既包裝一向走華麗公主風格，
令好多女仔都愛不釋手呀！
而佢就出左支crystal lip essence ，搽上去無咩色但會有少少令身效果，
個嘴仲會陣薄荷既感覺添。

而佢地出既lip balm就無帶閃粉，會有淡淡既粉色，
而白色果個就係透明無色既。

Ettusais 就出左stick狀同tube狀既潤唇膏，
Stick狀果支會帶有少少紅色，而tube狀就分有色同無顏色，
tube狀果支就更加潤身但唔會笠架。

Sulwhasoo essential lip care

雪花秀既潤唇膏都係好多人既愛用品，
而佢呢支lip care就係帶淡粉橙色，入面仲有好微細既閃粉。
當lip gloss搽都得，搽完唔會覺得好粘笠，
不過就好滋潤啦！

AVENE係敏感朋友既救星，
有朋友個嘴唇會比面部更加敏感，
搽完唔岩用既lip product，唇邊就好易出粒粒，甚至會痕癢！
唔好以為佢叫lip cream就以為好笠呀，
其實佢都比較gel 狀質地，亦無咩氣味。

Dior rouge serum lip treatment

佢含有高濃度護唇成份，會令唇部滋潤平滑。
搽出黎亦有銀光效果，令到唇部輪廓更加立體架！
如果唔想感覺個嘴太反光，搽薄薄一層就足夠啦。

Dior Lip Glow color reviver balm

呢支潤唇膏望上去係肉色，
不過搽上去既時候就會出左少少粉色同令身既效果啦！

belif sugar coat lip balm

佢呢個質地就有啲似凡士林，不過就比凡士林更薄同滋潤少少，
無咩味道，亦無顏色，
不過過一陣會feel到開始乾就要再補啦！

Rodial glam balm

唔知呢度有無玫瑰既FANS呢？
呢個lip balm 一打開就有好香既玫瑰味，
而且仲唔係好假既人工香味，
真係又香又滋潤呀！
搽完唔覺得黏嘴，個嘴既唇紋仲無咁現添！

Elizabeth Arden lip protectant stick

Eight hour cream 可以話係支萬用cream,
上堂我地都用佢當潤唇膏搽，
不過佢會有一陣草本既味道，
未必個個都鐘意架！
而呢支stick狀既eight hour cream一樣好潤但就無咩草本味啦，
好抗拒草本味既朋友就可以試下呢支啦！

Maybelline baby lips

講到平靚正之選一定係非Maybelline莫屬啦，
價錢親民得黎，品質都好好，
仲有防曬度SPF20，
佢有好多味道選擇，呢支就有好香既蜜瓜味啦！
佢搽完出黎唔會有閃粉，亦唔會好令身，
學生們帶番學用就岩曬啦!

介紹左咁多款唔同既護唇產品比大家，
唔知邊款岩你地心水呢？
大家可以根據自己唔同既需要揀番款lip product潤住過秋冬啦∼

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

（版權所有，未經同意不得轉載。)

平時教學生化妝或者幫model化妝都會遇到暗瘡性皮膚，
有時她們都會問我應該如何處理，
其實不只是十零二十歲的後生仔女，
成年人也飽受暗瘡困擾的煩惱。
早前就收到一位來自馬來西亞的女讀者來信求助，
她已經30歲，但還是滿面痘痘，皮膚很乾。
其實面部皮膚乾燥、空氣污染、
工作壓力等都可引致痘痘出現，
隨著年齡增長，肌膚不像年輕般自我修復，
容易形成「外油內乾」的問題。
我雖脫離青春時代好一段日子，
但仍不時長出痘痘 ，
但長期化妝可能令暗瘡問題變得更嚴重。
究竟有什麼方法改善暗瘡皮膚，令上妝效果更好呢？

去死皮Toner

CLINIQUE/ Anti-Blemish Solutions Clarifying Lotion $180

具有消炎成分，性質溫和，
特別為暗瘡肌膚配製，
可有效減少過剩油脂分泌，預防暗瘡。
配方中蘊含可吸收油脂的粉末，去除死皮。

清潔面部可以選用清爽的洗面產品，
若想清潔乾淨毛孔，可配合洗面刷使用。
洗面後，記得要用toner去死皮、角質層，
而選用CLINIQUE是因為它有消炎成分，
而且性質溫和，使用時先搖勻，
然後取合適份量於棉花上輕抹全面，抹走死皮，
亦可用手指加棉花輕捽死皮多的位置，
這樣可令肌膚更易吸收。 

保濕Toner

Kanebo/ DEW SUPERIOR lotion concentrate II $520

Gel狀toner濕潤補水，滲透力高，
而且它有活化、緊緻作用，
讓肌膚回復彈力，改善乾燥，
調理過剩皮脂及毛孔粗大問題。

消炎toner有酒精成份，用後可能會較乾，
而且有機會表面濕底層乾，想要肌膚飲飽水，
之後可以用Gel狀toner為皮膚補充水分。
使用時用手取合適份量拍上全面，
局部位置如額頭、面頰等若較乾，
可再倒多些拍上有需要位置，
面部水分足夠亦可減少油脂形成。
之後可因應個人需要使用日常用的面霜或精華素，
你會發覺比平時更易吸收。

抗皺精華

Kate Somerville/ DermalQiench Liquid Lift Advanced Wrinkle Treatment $870

為皮膚急注氧氣，對抗皺紋、鬆弛的皮膚，
植物萃取物解決膚色不均和乾燥問題，
含透明質酸瞬間保濕，而且長效補水。

成年人肌膚較乾就會容易出現乾紋，
但大部分去皺精華過於黏稠，
我都好怕產品太滋潤以致生暗瘡，
但這個去皺產品質地近似水狀，毫不黏膩，
平時我會噴於額、眼位置，
輕拍幾下就已完全吸收，有效減少乾紋形成。

暗瘡啫喱

ORIGINS/ Spot Remover Anti-blemish treatment gel $150

治療初冒起的小暗粒或較嚴重的紅腫暗瘡。
配方溫和，減低對皮膚的傷害，
同時有效消炎殺菌，減輕皮膚紅腫和收細患處的毛孔。

之前有段時間，我面部的暗瘡問題好嚴重，
試過好多不同牌子，不是乾就是kick粉，
最終找到這枝ORIGINS的暗瘡gel，
用了好多年，不會kick粉，
消炎效果亦很好。使用toner後，
在暗瘡位置直接塗抹，再配合需要直接上base和foundation便可。

遮蓋暗瘡

CLINIQUE/ Anti-Blemish Solutions Clearing Concealer $170

有效隱藏暗瘡和發紅肌膚，效果持久，
亦備有消炎功效，減低暗瘡再度爆發的機會。

有時為出外應酬，即使有暗瘡時亦難免要化妝，
所以最好配合有消炎成分的concealer去遮蓋暗瘡，
但市面上的消炎concealer選擇比較少，
大部分亦比較乾，而CLINIQUE這枝concealer的質地水潤，
更可遮蓋紅印，消炎成分亦有效預防暗瘡惡化。
用手指拿適當份量輕按紅印或暗瘡位置即可。

Before:

After:

成年人暗瘡有很多成因，
所以不能只塗一些藥用成分的用品解決問題。
若肌膚太乾的話，暗瘡反而會變得嚴重，
這時候就需要補水。
嚴重暗瘡者，最好聽取醫生建議和因應個人需要選擇中醫或西醫，
西醫打針效果較快但西藥可能會有副作用；
中醫從身體內部慢慢調理，所需時間則較長，半年至一年不等。