秋意漸濃，
最重要係各大品牌都出哂秋冬makeup，
當然我哋都唔少得教大家化一個秋冬妝啦！
而好多fashion show都有化以下嘅妝容，

感覺非常型格，仲好有個性添！
今次Irene就教大家化一個簡易版，
啱哂今個月萬聖節型住去慶祝呀！

化妝工具：

1. Estee Lauder Pure Color Envy #08 Infamous Sky
2. Paul & Joe Waterproof eyeliner #01
3. NARS Blush #Unlawful
4. Shu Uemura Rouge Unlimited Supreme Matte #Diva Red

化妝步驟：

今次就用咗藍色tone嘅眼影，
感覺更加型格。

Step 1. 首先用深藍色由眼尾三份一掃起，
而方向要微微上揚，留意眼尾到眼中間要深至淺blend開。

Step 2: 將銀色掃上前眼窩位置，中間要同剛剛深藍色混和。

Step 3: 用眼線筆畫上內眼線和填滿眼睫毛之間位置，
然後再用深藍色掃上下眼線三份一位置。

Step 4: 用眼線筆畫上下內眼線三份一位置。

Step 5: 最後掃上眼睫毛液。

因為呢次係型格造型，係胭脂方面就揀咗橙啡色，
亦可以做埋shading， 一舉兩得。

Step 6:  由髮鬢位置打斜掃，加深輪廓。

最後唇妝就用咗紅色唇膏。

Step 7: 由中間搽起，要用手指印開，令整個效果更加soft。

Total Look:

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

（版權所有，未經同意不得轉載。)

又到左同學仔分享時間啦！
我地想比大家知道多啲同學仔想成為化妝師既心路歷程，
除左係當做reference比其他心思思想學化妝既人睇，
仲希望比大家知道化妝師既前景、變化，
正所謂「行行出狀元」，
近年化妝師已經成為愈來愈受人重視既職業，
當中仲不乏男生架！
今次搵黎既同學仔都係岩岩開始讀basic班，
唔知佢地又因咩原因報讀化妝班，又有咩目標呢？

正職為導向設計顧問既同學仔Janet，
一直都對化妝有興趣，
為左增值自己，就開始學化妝。
佢既目標係想化到客人滿意，自己又鍾意既妝容，

Janet雖然有一份正職，但佢都好想正式成為化妝師，
佢明白呢行競爭好大，不過覺得可以長遠發展。
想轉行原因係佢已經好厭倦本身既職業，而且工時過長，
發覺應該趁早轉行，雖然佢覺得自己已經遲左，
不過好好既係Janet既屋企人都好支持佢。

Janet曾經都學過化妝，而個時係喺網上forum睇資料，
揀左學費比較相宜，覆蓋範圍比較多既大型化妝學校。
不過後來佢發覺導師教學馬虎，
只完成教既部份，亦懶理學生係咪真正學到野。

所以有左經驗之後，
Janet話佢今次選學校更清楚自己想學習既方向，
亦有更實在既概念、學習對象。
之後再做reserach，認識到workshop老師Janice既作品，
係佢想學習既種類、風格，所以就揀左呢度學習。

Janet自言經過多次資料搜集，發覺價錢已經係其次，
因為有不少學校價錢貴，但課程質量與學費不成正比，
而身邊亦有不少朋友學化妝，所以都有聽取唔同意見。
佢認為搵學校最主要係師質、風格同學習場地，其次係價錢。

另一位同樣係讀緊basic班既Angie，
佢想學化妝既原因都係對靚既野感興趣，
鍾意化靚女妝，而佢目標係想學化新娘妝，
因為佢覺得新娘化妝喺呢行好大需求，有利長遠發展。

Angie宜家做緊文職工作，不過佢就暫時未想轉行，
因為佢認為自己只係讀緊basic班，又未達到自己要求，
但幫人化到個靚妝係好有滿足感同好開心，
所以佢覺得自己準備好先會考慮轉做化妝師。

咁岩Angie未黎學化妝之前原來都有喺其他學校學過，
不過由於間學校有啲私人糾紛就令佢無繼續學落去，
而且學完只係有少少得著，同付出既金錢時間唔成正比，
又用左好多錢買好多用品、工具，覺得唔值得。

後來有朋友介紹workshop，佢亦都有自己上網再作深入了解先決定，
佢認為搵一間化妝學校，朋友既口碑同feedback好重要，
不過佢都會自己再上網search多啲資料，
平日睇下報紙雜誌入面既星級化妝師，
留意每個化妝師既作品會唔會吸引到佢等等。

Angie話佢雖然學緊basic班，但都覺得學到好多野，
每樣野都教得好仔細，就算係小至產品介紹都一樣，
學校又會share用品，唔使同學盲摸摸亂咁買。
佢認為自己學化妝前後，令自己變得更仔細，
學得更多細緻技巧，一個靚女妝都有好多唔同變化，
就算係幫自己化妝都好大得著。

Angie笑言Janice真係好似呀媽咁，好nice好親切，
雖然每次都見到佢好攰，但總係無限量付出心機，
好專業咁教每一個人，令佢好感謝Janice既教導。

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

（版權所有，未經同意不得轉載。)

有時翻開雜誌，都會看到既vintage又性感的紅唇妝，
明星如Taylor Swift、Emma Watson就經常以紅唇示人，
而在今季歐美大大小小的fashion show裡也不乏紅唇model，
同時，韓風襲港，不少女生都開始接受並大膽嘗試大紅唇色，
但大紅色未必個個都carry得到，
化在自己身上往往覺得分別很大。
所以，女生不可不知今季的另一必hit唇色－莓紅唇色。

自然上班look：
適合OL的淡粉紅自然唇色，不誇張，
好多女生藉口上班疲累而懶化妝，
這個就是她們的best buy！
因為它容易塗抹，趕上班也不會畫出界，
而且十分滋潤，又不會像lip gloss般黏稠，
為唇乾或有唇紋的女生解決尷尬問題。
塗上它後的亮澤感像是自身咀唇的柔和光澤般。

Clinique/ chubby stick baby tint #02 $160

這枝lip stick塗抹後透薄、亮澤，滋潤度高。
塗上它後會因個人體溫而有深淺色度變化，
喜歡自然唇色的女生，就可以帶著這枝lip stick去上班，盞鬼又好用。

before:

after:

由於顏色不鮮艷，若沒有時間或唇形不夠靚的女生可於整個咀唇塗上，
就算上班或外出都十分適合。要打造更自然的感覺，
就可先塗中間位置，再用手指向外印開。

韓系氣質唇妝：
要打造韓國女生般的甜美氣質，
又厭悶了shocking pink或大紅唇色，
就可以試試Bobbi Brown這枝紅莓色。
塗上它後膚色顯得均勻、白晢，給人一種柔美的感覺。

Bobbi Brown/ Art Stick #B63 $240

lip stick質地比較creamy，帶些微光澤感，
但不是matte色調。只要輕輕塗上一層已非常上色，
莓紅色適合皮膚白晢的女生。

1.豐滿厚唇
想修飾唇形，令唇形更圓渾，
可由唇山到兩邊上唇線畫成呈微彎的弧形線，
薄唇的女生可畫成豐盈厚唇，令人感覺甜美。

2.漸變咬唇妝
初初學化妝的女生，未必想要誇張唇形，
就可以於中央部分厚厚的塗抹，咀唇開合幾次，再用手指推開。

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

（版權所有，未經同意不得轉載。)

好多人一聽到整嘢食，仲要係ｄ要用焗爐嘅嘢食就覺得好麻煩！
其實市面上有好多「預拌粉」選擇，
大家只需要買包預拌粉再加上好少嘅材料就可以整到架喇！
噚日我就整咗曲奇餅喇！

首先睇下整曲奇嘅材料

Betty Crocke Cookie     1包
牛油        100g
蛋           1隻

***剛才同大家講過「預拌粉」，預拌粉係指大家製作曲奇, 
麵包等需要烘焙嘅食物時所需嘅粉類拌勻嘅粉，
可以減少大家係烘焙前秤量、過篩混和等等嘅工作時間。
大家買包預拌粉之後只要添加牛奶或水、雞蛋，
混合一下，就可以準備焗爐焗架喇!***

而我呢次買嘅 Betty Crocke Cookie 就係預拌粉嚟架喇!
所以大家見到我只用咗好少材料就足夠。

Betty Crocke Cookie 入面仲包埋碎朱古力粒，
對於初初試焗嘢食嘅新手嚟講真係超級方便呀！

1. 先將蛋同牛油混合
***大家可以預留少少牛油, 等焗曲奇時可以搽d牛油落牛油紙度***

2. 之後將d蛋同牛油同包Betty Crocke Cookie粉混合

3. 之後大家其實可以用手將材料混合,
因為用手會更方便架!

4. 將所有材料混合好

之後就可以入焗爐喇!

放入焗爐只需要焗八分鐘就可以拎返出嚟！

大家如果想焗得靚真係唔可以好似我咁貪心，
見到有空位就放ｄ料落去！

如果曲奇之間太少空間，焗出嚟會痴埋一堆架！

焗出嚟會變咗咁！
同埋焗完之後大家唔好咁快移動佢地，
等佢地比風吹下，變硬咗少少先！

至於最終整出嚟嘅份量其實唔止整咁少嘅，
大家預可以焗到四盤上面咁嘅份量！

雖然今次第一次整曲奇唔係整得好靚，
但我覺得味道方面好成功架！
特別係岩岩焗完，變硬咗少少就咬開佢，
鬆化嘅口感真係出面嘅包裝曲奇產品好難食到！
而且製法簡單方便。
大家放假時不妨試下∼

呢次我買呢包預拌粉其實口味比較適合外國人，比較甜嘅！
如果大家唔鐘意太甜嘅話，
市面上呢類預拌粉其實仲有好多唔同牌子架，
大家可以睇睇佢嘅成分再作選擇！

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

（版權所有，未經同意不得轉載。)

之前同大家分享過好多扮靚website同youtube channel，
今次就同大家介紹lifestyle方面既野，就係美食啦！
推介一個美食網店，網上訂購好方便；
另外係煮食youtube channel，鍾意落手自己下廚煮飯仔就要睇下喇。

唔知大家鍾唔鍾意開party？
以前成日叫到會，啲野食都係煎炸野意粉炒飯，
厭悶？宜家多左好多選擇架喇！
今次就介紹為食鬼之選OysterMama比大家，
網上自訂野食，開party就岩晒啦。

網址：http://oystermama.com/

話明OysterMama，其實係以生蠔做主打既網店，
生蠔款類超過50種，美國法國澳洲等等平時食唔到既都有，
而且生蠔空運送到，非常新鮮，價錢亦都比一般餐廳平，
喜歡食生蠔既朋友一定大滿足！

除左生蠔，佢地亦有提供其他海鮮、肉類、熟食，
同埋餐、調味料、工具等等，應有盡有，
BBQ或者打邊爐都可以order各種美食飲料。

至於訂購方法都好簡單，只要將自己想要既食品加到購物車，

左邊就會有清單update總數，詳情同confirm就要按結帳，
跟住填寫返個人資料同運送日期時間就OK架啦！
買滿300蚊就可以免運費，
而且網上訂購唔需要比錢先，全部都係以貨到付款形式，
到貨後check好左就比錢，
我覺得呢點真係唔錯，可以保障返消費者。

網上confirm左張單之後亦有專人即日打電話再confirm多次，
佢地亦都會介紹返邊隻生蠔岩返季節食，
再問下你會唔會加單減單，service好好。

如果唔想以網上形式訂購，
亦可以打電話、fax、facebook inbox或到門市購買，
方便唔同買家既需要。
真係睇到都好想快啲order幾款美食同家人朋友分享呀！

除左order野食，呢度會唔會有喜歡落廚既朋友仔呢？
最近我就經常瀏覽呢個youtube channel「煮家男人 Bob’s Your Uncle」。

網址：https://www.youtube.com/user/bobsyouruncle1981

其實宜家有好多教人煮野食既youtube channel，
點解我會介紹呢一個呢？
因為佢真係好好笑，成日都一路講其他野一路教煮野，
放工返到屋企睇下呢個channel輕鬆下，
學下煮野食之餘又有得笑下，
同男朋友或者老公一齊睇就唔錯喇！

煮家男佢煮既野食係世界各地，
唔同國家既野食或甜品，甚至飲料都有。

前排睇呢個大阪燒既時候就順便講下「女人要keep」既topic，
佢仲叫大家千祁唔好去旺角既莎莎，
要去就去尖沙咀九龍酒店地下果間，
打側手翻都得咁話，盞鬼又抵死。

除左閒話家常，煮家男煮野食既過程同步驟都十分清晰，
亦會list晒煮食材料喺下方，方便大家搵齊材料。

我就試過整呢個大阪燒同lemon cheese cake，大成功！
不過無影到相，下次有機會再整其他野食一定同大家分享，
希望你地喜歡今次介紹既呢兩個website啦。

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

（版權所有，未經同意不得轉載。)