「補妝補到變咗「粉樣」？
眼底出現溶妝唔知點算好？
平時返工返到皮膚乾爭爭？ 」

相信以上幾個問題唔少人都會遇過，
平時我地嘅 Video 教室教大家彩妝技巧，
今次我地就會教大家幾個補妝小貼士！

事不宜遲，平日遇到呢D問題嘅朋友快D睇下我地下面嘅Video 教學啦!

(版權所有, 未經同意, 不得轉載）

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

早前為大家介紹咗日本嘅 Beauty youtuber，
相信大家睇完都學到唔少化妝技巧。
今次我地都會同大家介紹兩個同扮靚有關嘅網站同 YOUTUBE 頻道。
另外仲會推介一個 Blog 比鐘意去旅行同睇飲食資訊嘅朋友睇！

首先要share比大家既係日本人氣穿搭網站WEAR！

網址： http://wear.jp

可能有啲朋友仔都有留意或者已經 join咗member，
因為佢地宜家除咗website 之外，仲出左app方便大家隨時update。
大家可以去 App Store 或者 Google Play download。

好多時買咗好多衫係度，到出街時就唔知著咩好，
對住個衣櫃發呆…
有時又會著左上身衫之後唔知下身襯咩好，
苦惱完一大輪最後可能都係著返平時著開果啲衫。

呢個網/app嘅好處係可以比大家睇多啲唔同嘅配搭，學下點襯衫。
仲可以save低人地嘅相隨時搵返嚟睇。

Join左member仲可以upload自己嘅配搭share比其他人睇！

最方便係，大家除咗可以search近期流行咩服飾之外，
仲可以link埋去啲官網度online shopping！

日本女仔除左著衫講究，其實連 hair style 都一樣咁講究㗎！

想知道佢地啲髮型係點整？
咁就要follow以下呢個髮型channel啦！

網址： https://www.youtube.com/user/sukisukiboy1

呢個YouTube channel有過百個髮型教學。
雖然啲教學係講日文，不過睇住步驟去做都完全無問題。

淨係睇到啲圖就已經好想跟住試下整！

入面除左一般長髮嘅教學，
就連中長度或者貼膊頭長度嘅髮型都有架。

如果嫌平時出街齋綁馬尾 ，紮髻好無新意同太單調，
呢個 youtube 頻道仲會教大家用好多唔同款式嘅飾物去點綴，
感覺即刻kawaii晒！

之後就為大家介紹一個網站，
相信好適合鐘意睇 FASHION SHOW 後台花絮嘅朋友，

網址：http://maccosmetics.tumblr.com/

呢個網站更新得算幾密嘅，
主要擺放最近 FASHION SHOW 嘅後台情況，
入面有好多唔同類型嘅妝容，

睇呢個網站可以令大家化妝方面攞到多D靈感之外，
大家仲可以偷下師，
因為係花絮入面有時會影到化妝師用緊咩工具化到個效果出嚟！

讀緊化妝進修班嘅同學仔同埋鐘意睇 Creative 類型妝容嘅朋友值得睇睇呢個網站呀!
(注意，雖然係品牌MAC嘅網頁，但呢個網並無佢地產品嘅有關資料，
呢個網只擺放咗佢地出活動化妝嘅花絮，
如果大家對佢地嘅產品資料有興趣，建議去返佢地嘅產品網頁了解）

睇完一D同扮靚有關嘅網站同youtube 頻道介紹，
我地打算推介一個同旅遊飲食有關嘅 Blogger 比大家!
佢經常介紹光顧過而又有特色嘅食店，
而且仲好詳細㗎！

佢就係 Blogger – Sara

網址： http://blog.xuite.net/sarahkoreatravel/hk

呢位 Blogger 寫嘅 Blog 多數都係介紹韓國一D好有特色嘅食店，
因為 Sara 本身係香港人嚟，所以寫嘅 Blog 都係用中文寫，
對於對韓文一竅不通嘅朋友真係好方便!

Sara 每次介紹除咗會影低食店環境相片之外,

仲會影好多特色食物嘅實物相片同價錢等等，

每篇介紹總會加上餐廳嘅資料同埋前往嘅方法，
而且解釋得非常詳細，每次都會附上地圖上同埋加上路線指示前往方法！

如果打算去韓國自遊行之前做定功課睇下去邊品嘗美食嘅話，
睇下 Sara 嘅 blog 就岩晒喇!

今次介紹咁多，下次再為大家推介一D 值得一睇嘅網站啦！

(版權所有, 未經同意, 不得轉載）

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

近排出trip的次數非常頻密，
所以不如跟大家分享一下我出差或旅行時，
化妝包包內必備的有用小物!
去旅行最緊要保持有型又輕便，
當空間有限的行李箱已放滿襯好的衣服鞋襪，
對於必須攜帶的美容妝物就要格外細心挑選。

以下幾個產品是我近期旅遊必備，相信愛旅行的你應該也合用：

1)    清爽護膚1 set過 – CHANEL 重譜肌律活膚系列

夏天旅行最愛是享受陽光與海灘，
但到熱帶地方最怕塊面立痴痴，
而CHANEL這套護膚系列一共有3支，
包括LE JOUR日間重整護膚液,
LA NUIT 晚間重組能量液和LE WEEKEND週末重生凝露。

LE JOUR: 能幫助改善肌膚的天然節奏，
喚醒沉睡的皮膚，有效去除角質從而提升皮膚吸收力，
令皮膚更能配合日間護膚程序。

用法: 每天早上洗臉後塗精華素前使用。

CHANEL重譜肌律活膚系列共有3支，小巧輕便外形特別適合旅行時使用

LE JOUR日間重整護膚液 HK$680 / 50ml

LE JOUR的質感

LA NUIT晚間重組能量液：質地透薄輕柔，
能形成保護膜將所有晚間護膚品逐步滲入皮膚底層，
幫助進行細胞收復。

用法：每晚塗面霜後使用。

LA NUIT 晚間重組能量液HK$680 / 50ml

LA NUIT的質感

LE WEEKEND週末重生凝露：
當中的甘醇酸複合物能更深層清除角質，
令上妝更容易，妝容更持久。

用法：每星期一或兩天，
早晚以LE WEEKEND周末重生凝露代替平日慣用的精華液及面霜。

LE WEEKEND週末重生凝露 HK$850 / 50ml

LE WEEKEND的質感

2)    Kiss me liquid eyeliner
(莎莎化妝店有售)

平時大家挑選liquid eyeliner多會選毛筆狀，
因為一般見到蘸墨式的eyeliner都會覺得怕怕，感覺麻煩又論盡。
但憑經驗市面上8成毛筆狀眼線筆於2小時內眼位便開始變熊貓!

經我多次從工作中測試，蘸墨式的eyeliner中以kiss me最防水防油，
由朝早到凌晨12時下班都沒有溶妝，
塗上的時候偶然會出現一舊舊的情況，
所以我會在眼頭使用筆狀eyeliner，
而眼尾就使用kiss me來達至最perfect效果。

Step 1: 用筆狀eyeliner先畫眼頭部份
Step 2: 用kiss me畫眼尾
Step 3: 修尖眼尾

3)    泰國蚊怕水
(泰國各大超級市場有售，售價約HK$15)

這支蚊怕水可謂又平有效又方便! 我試過多款不同蚊怕水，
要不味道太大，要不毫無效用。
而這支蚊怕水是一位泰國朋友介紹，用後真的完全無蚊埋身!

4)    Nivea止汗劑
(旅行裝Nivea止汗噴霧，莎莎卓悅有售，價錢約$9。)

去熱帶地方就算輕輕鬆鬆都好容易焗得一身汗，
女仕們就必須多加留意自己的體味，
有時候大意起上來一身狐仙味就夠嚇人。
這支Nivea止汗劑我用了3年多，
個個人認為是多個牌子中最爽身最止汗的。
Nivea有走珠或者噴霧兩種，我個人較喜歡噴霧，感覺更清爽。

 如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

(版權所有，未經同意不得轉載。)

一到夏天，女仔最想就係瘦身成功扮靚靚出街。
好多女仔以為自己好肥，但係減極都好似無咩分別，
呢啲情況可能係體質性水腫（下面簡稱水腫）而唔係肥。

水腫除左影響外貌啦、身型啦，
其實仲反映到身體嘅代謝情況唔係咁好。
日常飲食習慣其實係引致水腫嘅最大元凶！

而因為長期坐喺寫字樓，又少做運動，
大部分女仔多都係集中喺下半身水腫，
令到人有腰肥腳粗嘅錯覺，好慘！

除咗要多啲郁動吓同做返多啲運動，
亦可以試吓由飲食方面著手。
至於食咩可以改善水腫嘅問題呢？
我地就搵左啲去水腫嘅食物、湯水同食療比大家參考吓。

不過要記得每個人體質都唔一樣，
要知清楚自己體質先可以對症下藥架！

﹣食物篇﹣

以下介紹既十種食物都以去水腫為主，但切記唔好為左去水腫而食太多，過量可能會有反效果架！

1.赤小豆：《本草綱目》粥條裡寫著，赤小豆粥，利小便，消水腫。赤小豆性平，適合多種人士食用，亦對較易出現水腫的產婦有利。

2.紅豆：與赤小豆同樣具備消腫、排毒、利尿的功效。紅豆味甘而性平偏涼，還具有補血作用，可以用作改善怕冷、低血壓等。

3.薏仁：可以在四神湯、八寶粥裡加入薏仁。中醫指出，薏仁可以促進血液和水分新陳代謝，有利尿、消水腫作用。薏仁最善利水，特別是濕盛於下身者更宜食用，但是性微涼，脾胃過於虛寒，四肢怕冷較重的人就不適合進食。

4.木瓜：消水腫、治腳氣。《本草綱目》記載，木瓜治濕痺腳氣。

5.冬瓜：連皮燉湯可以利尿去濕。《食療本草》記載，味甘，微寒。利小便，益氣耐老。冬瓜水或冬瓜湯都有效去濕，但體質寒涼就不適合。

6.椰子水：有解熱、去水腫功效。性質寒涼。因含有豐富鉀、鈉和其他礦物質，夏天可用作解暑。但椰子水果糖糖份高，不易飲太多。

7.海帶：消水腫，纖維多，但未必適合胃部消化不好人士。《食療本草》記載，海帶具有使人消瘦的作用。經研究證明，海帶確實可以消除血脂，減少脂肪在心臟、血管和腸壁等沉積，促進膽固醇排除。

8.馬鈴薯：營養豐富，含有豐富的無機鹽。無機鹽中的鉀元素含量很高，可幫助身體排出因食鹽過多而滯留在體內的鈉，促進身體排出多餘的水分。

9.綠豆：清熱解毒，利尿、利水、消水腫。綠豆具有健脾作用，幫助女性維持荷爾蒙分泌正常，保護肝、腎、脾等功能。屬性寒涼。

10.香蕉：含豐富纖維素，屬性微寒。香蕉含高鉀含量，高鉀能夠幫助人體排除體內的鈉，有效改善水腫情況。豐富纖維素則可幫助排便。

﹣湯水篇﹣

三皮飲（一人分量）：
川加皮五錢、陳皮錢半、生薑皮四錢。
川加皮帶毛刺，宜放入湯袋包煎，
湯料略洗後，注入五碗水，
大火煮滾後再轉中細火煎存約一碗溫服。

此湯水有助去水腫，
川加皮又名五加皮，性味辛溫，
有袪風濕、補肝腎，利水消腫之效；
陳皮又叫橘皮，也是味辛性溫，
入脾、肺經，有健脾理氣，化痰燥濕之效﹔
生薑皮性味辛涼，助行水消腫。
湯水性質微溫，適合寒性體質人士。

另外，宜家坊間都會有現成藥包湯包賣，方便生活忙碌嘅都市人。
好似田七薏米同綠豆杞子湯，都有去濕功效。
就咁沖熱水焗或放滾水煲十分鐘左右就飲得！
長氣提多次，記得要根據自己體質去揀適合自己嘅湯水。

﹣食療篇﹣

赤小豆粥：
赤小豆30-50克，大米50克，白砂糖適量。
先將赤小豆溫水浸泡2-3小時，
然後撈出放入煲内，加水500毫升左右。
以大火先將豆煮爛，再放入大米，改以細火慢慢熬粥，
待粥快熟時，加入白糖，稍煮片刻即可。

提提你：赤小豆外形微長而色赤褐，質地較硬；
紅豆則外形稍大，形狀較圓，呈鮮紅或微紅色
唔好搞錯呀！

希望大家睇完都可以成功踢走水腫，
趁夏天未完之前，變得又窈窕又健康，
著住靚靚泳裝同陽光玩遊戲啦！

（所有圖片及資料來源：互聯網）

 如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup