相信唔少人係頭髮方面都會有唔同嘅煩惱，
煩惱可能係頭髮太粗太硬，
又或者好似西方人咁頭髮有毛躁問題。
對於呢ｄ煩惱，
唔少人都以為只可以靠負離子又或者無方法去解決。
做負離子嘅話效果好唔自然， 死板板，望落感覺完全唔 soft，
而且一做要定期不停去做，
因為當新嘅頭髮長出嚟之後，
頭頂嘅頭髮就會睇落好篷鬆，
因為咁呢次我就介紹好好嘅 Hair Treatment 比大家。

早前我就去做咗KK絲蛋白重塑護理，
KK絲蛋白重塑護理用到嘅產品入面
有珍貴嘅絲蛋白同埋角蛋白，
可以修復受損頭髮，令頭髮變得柔軟、順滑、不糾結。

個 Treatment 有幾個 Step，
產品分開兩個系列(shaping同埋smoothing)，
按客人髮質需要度身調配唔同系列嘅產品。
 

首先，髮型師用Purifying Shampoo徹底清洗頭髮，
洗淨頭髮同埋髮根位置。
呢個洗頭水洗完之後會有種乾旱嘅感覺，
髮型師幫我梳頭果陣都有D ‘CAKE CAKE’地，
呢個步驟作用係將頭髮唔乾淨嘅嘢徹底洗走。

做完第一步 深層清潔之後，頭髮第一感覺係好粗嚡，
 

之後髮型師幫我邊吹乾少少D頭髮，邊用專業嘅梳，
配合適當嘅拉力同埋熱風吹乾頭髮。
吹乾之後頭髮己經感覺順滑咗好多。

當頭髮梳順咗之後，
會再搽第二個步驟用到嘅產品落D頭髮度，
再用直髮器夾落 D頭髮度，
呢個步驟唔係為夾直頭髮，
而係利用直髮器嘅熱力迫支配方入面嘅成份入D頭髮最內層，

夾完之後會即時睇到D頭髮順滑咗好多 。

最後就會用分一個個 Section
搽上Kerasilk Sealing Serum,
之後再吹乾,
就可以做到個好滑既效果。

本身自己D頭髮其實唔係太乾,
但曾經做過一D Treatment 係用栗米鉗夾過髮根位置，
因為之後無做拉直頭髮嘅步驟，
所以髮根位置長到髮尾位置之後，
髮尾位置嘅頭髮變得好難梳，好 ‘Cake’，

做完呢個 Treatment 之後，我覺得髮尾真係順滑左好多。
比起做 Treatment 之前易梳咗好多。

但做完呢個 Treatment 之後
發現呢個 hair treatment 好好多，
聽髮型師講返效果可以維持到大約三至五個月左右，
而整個過程其實都幾長時間同埋髮型師要好細心去整，
我咁短頭髮都用左兩個幾鐘，
長頭髮聽講要用三個幾鐘先整完，
但係都可以維持到好耐。

有 D 朋友頭髮好硬身, 好粗, 好毛躁嘅話,
唯一方法就係做負離子。
但宜家呢個 Hair Treatment 係負離子以外既方法，
而效果望落比負離子自然好多。

KK 絲蛋白重塑護理: HKD $2,000-2,500

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

Holika Holika Naked Face Balancing Primer
韓國非常流行用帶有shimmer的base打底，
但大部份都比較潤身，油性皮膚就不適用。
但Holika Holika這款base，
有微珠光效果感覺非常自然，
而且質地非常清爽完全不黏笠，
適合混合至油性皮膚夏天使用。

Holika Holika Naked Face Long-Lasting BB SPF20 PA++
如果想找一款完全無光澤感效果的bb cream，
它就十分適合你了。它質地非常爽身且不黏笠，
出來效果是matte finish。而且遮瑕度十分理想，
眼圈位置都能覆蓋到7-8成，
十分推介給油性皮膚或瑕疵較多的人。

Maquillage Perfect Multi Base BB SPF30 PA++
這款質地比較水潤和透薄，而且很容易推開，
上面後會帶少許令身，能提升皮膚光澤感，
適合有乾紋和暗啞的乾性皮膚。

Laneige BB Cushion SPF50+ PA+++
Laneige BB Cushion，質地水潤貼服且不厚身，
還有中度遮瑕，泛紅位置或暗瘡印都可以完全覆蓋，
而它防曬度比較高，
適合經常在戶外活動的朋友和化妝初學者，
隨時補妝都十分方便。

Etude House Precious Mineral Magic Any Cushion SPF34 PA++
如果普通落街或返工，只需要有薄薄遮瑕和防曬效果，
這款bb cushion就非常適合你。
這個系列有4種色調，包括針對蒼白肌膚而設的粉色、
改善敏感泛紅膚色的綠色、
提亮暗啞膚質的Peach色和自然膚色，
可因應不同肌膚作調色功能，有均勻膚色作用
，而且質地水嫩薄透，能打造一個透薄底妝。

Isa Knox X2D2 Essence UV Cushion SPF46 PA+++
這款BB cushion同樣清爽透薄，遮瑕度都不錯，
而且帶有少少光澤感，能掩蓋面上的乾紋，
令肌膚看起來更健康光滑，能營造自然無瑕妝感。

最後，大家最好親身到專櫃試試質地，
還要根據自己皮膚狀況和需要，
選擇屬於自己的bb Cream，才能減少撞板機會。

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

七、八月正正係濕氣旺盛嘅時候，
“濕”喺中醫裡又叫陰邪，
濕邪過盛易傷脾臟，
身體亦會變得虛弱。
要先去濕邪，身體先可以吸收藥物、補品嘅功效架。
另外，嘆冷氣，飲凍嘢、食生冷嘢，
都會助長體內濕邪，雖然夏天天氣好熱，
但係最好盡量忍下啦。

睇下自己有冇以下濕重嘅特徵先啦。
1. 朝早起身仍然覺得好累，
好似訓極都唔夠咁提唔起勁。
2. 大便軟而粘身，顏色發青。
3. 脷苔厚、粗糙發黃。
係咪覺得好似講中咗自己咁呢？
唔使擔心，等我同大家分享幾個簡單又方便嘅去濕好方法啦！

呢幾包係早幾日執嘅湯包同茶包，
份量已量好，分晒一包包，
唔使去藥材舖逐樣執，執完又唔識煲咁麻煩，
每個包裝上面仲標明晒成份、功效、主治同用法，
知道晒詳細資料咁就飲得安心啦。

其實煲湯都可以好易架，
下面呢款10分鐘就搞掂！

黃芪綠豆杞子湯

成份有黃芪、綠豆、枸杞子，
有清熱解毒、補氣升陽功效。
將材料洗乾淨，將6碗水煲滾，然後落材料大火煮10分鐘，
隔渣淨係飲水，分開幾次飲都得架。

如果平時坐office冇得煲湯，
可以試下以下呢款，用保溫壺焗就得喇！

田七薏米湯包

成份有田七、生熟苡仁、淮山、蜜棗等，
有活血通絡、健脾利濕功效，
主治胸悶、腹漲、水腫、脾胃不適，
用保溫壺焗一個鐘就搞掂，非常方便！

再簡單啲嘅浸泡方法都有！

消脂祛濕茶

成份有人蔘、澤瀉、冬瓜皮等，
可有助降脂、潤腸通便、益氣健脾。
對高血脂嘅人尤其適合，
只要放入保暖杯浸泡，仲可以多次加水飲。
真係超方便呀！

除咗以上幾款湯水，仲有好多其他有食療效用嘅選擇架，
比如薏米紅豆湯，
比例亦可隨意調較，洗乾淨材料放落水煮，
可去渣淨飲水，放多啲水就可以飲足一日喇。
淨飲水仲可以分多次飲添。
另外，薏仁茶、綠豆薏米粥等都係唔錯嘅選擇，
大家不妨試試。

以上嘅資料都係比大家作參考，
平時用嚟調理身體，作為保健之用。
如果仍然覺得身體唔舒服，
持續好累、有肚痾等情況，
建議去睇睇中醫，了解番自己嘅體質底子，
再慢慢調理身子喇。

 如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

身邊有好多朋友都問：
而家流行嘅洗面機買唔買得過呢？
究竟同用手洗面有咩分別呢？
但又心思思唔個買唔買好！
所以今日就會同大家review有用洗面機同無用嘅效果，
解開大家心裡面疑團啦！

   

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

無論冬天又或者夏天,
相信女仔都好鐘意自己無時無刻都散發住香噴噴嘅味道。
唔知大家平時又鐘意咩香氛味道呢?

今次我地會同大家講幾款香味風格唔同嘅香氛,
仲會介紹到幾款身體修護系列嘅產品。

首先會介紹兩款香水,
第一款係 LE LABO 嘅香水
LE LABO 係上個月進駐香港
係香港灣仔星街開設左首間專門店

LE LABO 香水特別嘅地方係人手新鮮調配,
收到訂單才製作，所有精油成份與酒精分開存放，直至
顧客購買那一刻，才於顧客面前即場調製。

客人可以指定係香水樽上面印製自己指定嘅人名, 字句同埋日期。

呢個咁體貼嘅服務,
大家睇到係未都覺得 LE LABO 嘅香水咁獨一無二呢?
無論送比挈愛, 又或者送比自己紀念都好適合!

LE LABO 嘅classic collection 當中嘅皇牌香水 – Rose 31
將法國著名嘅格拉斯玫瑰製成香水, 往往令人聯想到女性嘅性感。
Rose31 就將呢種芳香轉化成自信剛強的氣息，令男士都岩用。
LE LABO 除了香水產品更有沐浴啫喱、潤膚乳、室內噴霧及蠟燭等等的產品。

講完一支香味男女都岩用嘅香水之後
想同大家講講 2014年新推出嘅 BURBERRY女士淡香水。
BRIT SHEER 早係2007年已經誕生。
今年六月推出全新瓶身設計嘅
BURBERRY BRIT SHEER

2014年新設計嘅香水瓶,
比2007年推出嘅瓶身精美通透,
粉紅色嘅瓶身突出左呢支水嘅香調核心-粉紅牡丹,
格紋覆蓋著透明嘅瓶身, 感覺摩登。

香水主調係牡丹花香,
基調係白麝香,
淡淡嘅清新花香味為主,
適合鐘意清新花香味嘅女士。
而且花味比果味香水更持久，最近天氣咁熱成日流汗，
想香水味道維持得耐，呢類花香味相信係唔錯嘅選擇嚟架!

( HK$450/ 30ml, HK$590/ 50ml, HK$790/ 100ml )

介紹完兩支香水之後,
同大家講下 L’occitane au Bresil 當中兩個系列

先講 JENIPAPO 系列
JENIPAPO(格尼帕果) 係全球第一大熱帶草原巴西塞拉多草原嘅種果樹。
格尼帕果有修護, 保濕同埋抗氧化功效。
呢個系列味道係水果甜味為主,
開始時西瓜味, 後變為芒果味

格尼帕果沐浴油
入面嘅配方溫和潔淨，
加上格尼帕果精華同埋葡萄籽油，
可以滋潤皮膚，仲可以增添身體香氣。
曬完太陽肌膚感到乾燥的話，
用完呢支沐浴油後會感覺到肌膚變得嫩滑。
而且不油不膩。
（HK＄195／250ml）

格尼帕果身體防曬油 SPF 15
當中含天然植物成份，
容易被肌膚吸收，
而且有SPF15保護肌膚，
防止曬傷。
質地很清爽，完全唔笠，
推開後很快就被皮膚吸收。
而且更散發著水果甜味。
（HK＄210／150ml）

格尼帕果走珠香油
初調: 西瓜, 佛手柑,柑橘水果雞尾酒
中調: 格尼帕果, 「Pina Colada」香調, 茉莉花, 芒果, 百合
基調: 麝香, 檀香木, 奶香, 雲呢拿

開始搽時會聞到陣陣西瓜香味，
慢慢就會變成芒果味….最後就係甜甜嘅雲呢拿味。
當中有格尼帕果精華, 蜂蠟, 礦物蠟混合物,
輕巧嘅瓶身設計方便出外旅行攜帶。
（HK＄210／10ml）

格尼帕果防曬唇彩SPF25
入面有格尼帕果精華， 天然植物油同埋合成防曬因子。
可以預防UVA同UVB，更可以滋潤唇部。

質地非常滋潤，
搽後雙唇效果水潤,
散發微微雲尼拿甜味。
(HK$115/ 15ml)

之後就講 L’occitane au Bresil VITORIA REGIA 系列
呢個系列係根據一種黎明時候下垂，夜晚先會綻放嘅亞馬遜蓮花。

呢個系列嘅香氛味道效果會先帶嚟蘋果加上柑橘調嘅清涼感，
之後就會有陣陣蓮花味。呢種水中花香非常獨特。

蓮花古龍水
初調: 香橙, 檸檬, 蘋果
中調: 梔子花, 蓮花, 鈴蘭
基調: 麝香, 向日花, 琥珀
同時加入亞馬遜流域的蓮花精華
初時聞到檸檬香味, 慢慢香味就轉為以淡淡蓮花花香為主。
（HK$330/ 100ml）

蓮花潤膚乳
入面有亞馬遜流域嘅蓮花精華同乳木果油，
令肌膚柔軟幼嫩。
搽完之後肌膚唔會感覺痴笠笠，
好水潤嫩滑，
仲散發住微微蓮花香味。
（HK$250/250ml）

暮光睡蓮花瓣皂
花瓣皂外型獨特，
天然植物配方，遇水轉變為綿密細緻泡沫，
可以溫和潔淨肌膚，當中嘅維多利亞睡蓮精華，有效保濕肌膚，
用後肌膚不會感覺繃緊，而且散發著微微花香味。

最後，同大家介紹一個上月才進駐香港尖沙咀海港城嘅香薰品牌 ﹣ SABON。
SABON 係一個來自以色列嘅身體護理同埋家居香薰品牌。
1997年係以色列開設左第一間專門店，
現時全球有超過二百間專門店，
遍佈歐洲，美國，日本等四十個城市。
第一次去到 SABON 嘅時候,
覺得 SABON 比我感覺好熟悉,
諗起之前係東京新宿曾經入過呢間香薰專門店。
當時就係被 SABON 咁靚嘅裝修同埋店內產品嘅香味吸引而入去。
入到去聞到嘅香味都無人造香料味，感覺好 Relax!

SABON 店內裝置最大嘅等徵係有一個「幸運井Wishing Well」,
係以色列一個傳統習俗嚟，
以色列有個傳統，就係洗手可以帶來幸運。

SABON 店內中央嘅幸運井，
水源由腳下嘅踏板控制，希望顧客可以試用各式和樣嘅產品之外，
可以旁過幸運井洗手，
體驗SABON嘅祝褔。

SABON 嘅皇牌產品﹣ Shower Oil
入面有豐富嘅Omega 3,6,7,9,
維生素A＋D嘅橄欖油，鱷梨油，荷荷巴油同埋小麥胚芽油。
而且有好多種唔同嘅香味選擇：金鳶尾花，茉莉，薰衣草蘋果，
檸檬羅勒，芒果奇異果，麝香等等。

泡沫細緻豐富，香味清新為主，
當中嘅天然潤膚油有潤澤肌膚嘅效果。
(HK$270/ 500ml)

SABON Body Scrub

Body Scrub 入面嘅海鹽來自死海，
可以去除皮膚嘅角質，更新皮膚。
另外， 入面仲加入左天然潤膚油同維命E，
去除角質嘅同時，仲可以保護同滋潤皮膚。
用時感覺海鹽質地非常幼細,
用完之後即時見到皮膚白淨左同滑左。

SABON Body Lotion

SABON 嘅 Body Lotion 潤膚露高度保濕，而且香氣持久。
Body Lotion 有好多種香氣選擇：薑橙、金鳶尾花、茉莉、薰衣草蘋果、及玫瑰花茶等。
如果係平日淋浴之後搽上適當份量再輕輕按摩，
可以令肌膚更加全面咁吸收。
(HK$130/50ml)

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup