唔知大家平時有無搽Serum嘅步驟呢?
平時我地係搽面霜之前都會搽Serum黎加強功效。
Serum其實有好多種類
今次我地會針對各種唔同嘅肌膚問題同大家講唔同嘅Serum。
首先, 介紹幾支功效係改善皺紋, 提升緊緻度,
提升皮膚彈力嘅Serum。
BareMinerals Active Cell Renewal Night Serum $380/30ml
皮膚最好嘅自我修護時間就係夜晚我地入睡之後。
BareMinerals Active Cell Renewal Night Serum
入面有ActiveSoil Complex複合物,
可以緊緻皮膚毛孔, 促進皮膚細胞嘅新陳代謝。
Night Serum 係睡眠能有效咁調理膚質,
強化肌膚彈力同保濕度, 令我地嘅皮膚更健康更幼嫩。
質地好水, 好爽身, 唔笠, 好快吸收。
CLARINS 纖面緊緻精華 $620/ 50ml
Clarins纖面緊緻精華質地滋潤,
無論面部嘅脂肪定係水腫問題都可以解決到。
入面嘅巴西香可可當中含咖啡因可以消除脂肪。
紅球薑同埋柿果萃取物可以加強淋巴循環作用, 排除多餘水份。
柿果萃取物就可以阻止皮膚纖維組織因為過氧而變得鬆弛。
呢支精華其實係1999年已經出現, 直到宜家已經係第四代,
全新第四代特別嘅地方就係可以做到V臉型, V雙頰, V頸顎。
香味係花香味, 感覺好清新 。
質地容易推開, 有保濕感覺而且快吸收。
呢支精華唔單止可以搽下巴V位,
成塊面都可以搽佢架。
都市人大部分都生活緊張，
常常受壓，睡眠不足、飲食失衡，
直接破壞皮膚嘅纖維結構，
導至皮膚過早老化。
如果你都有以上嘅問題，
覺得自己皮膚更生過程開始減慢，
可以試試以下HR呢個Serum。
HR Powercell Youth Grafter $1480/50ml
NASA美國太空總署研究發現鹽生植物有極強生命力，
就算喺再差嘅環境都可以生長，
被視為綠色再生力量。
HR從中取得靈感，將兩大植物幹細胞結合造成Powercell配方，
將再生力量功效放大9倍。
植物幹細胞濃度仲係第一代Powercell基底精華露嘅兩倍添！
HR Powercell Youth Grafter入面嘅兩大植物幹細胞，
分別係海洋冠狀植物幹細胞同海濱刺芹，
海洋冠狀植物幹細胞促進細胞分裂，
加快修復纖維組織，
回復肌膚嘅保護屏障。
海濱刺芹可保護肌膚皮層，
免受游離基傷害，有高抗氧功效。
從而改善皺紋、 鬆弛, 暗啞等等嘅皮膚老化問題。
搽完之後皮膚摸落好柔滑，唔笠,
一開始搽仲有種清涼感覺。
好多人以為成熟型皮膚用嘅產品好油膩，
但HR呢支精華質地完全唔油膩。仲有保濕感覺。
夏天相信大家好多機會接觸紫外線，
就算平日留係室內工作都好容易受到室內燈嘅影響,
令皮膚容易出現黑色素同雀班。
所以下面同大家講幾支精華正正係針對雀斑, 面黃,
黑色素等等嘅問題。
Dermacept Brightening C20 Serum＄840
C20 Serum將濃度高達20﹪嘅純維他命C (L-ascorbic acid左旋維他命C) 保存喺新鮮、穩定嘅狀態之下，
有效滲透至真皮層，高效抗氧，
同時促進膠原蛋白合成，緊緻肌膚，
有效抑制同淡化黑色素、暗瘡印，
改善暗啞膚色，促進血液循環，
抑制皮脂分泌，達至水油平衡，
令肌膚更滑，毛孔更細緻。
適合不同膚質及孕婦使用。
質地油狀，感覺好滋潤，
使用時可以慢慢配合按摩加快皮膚嘅吸收。
Trilogy 草本亮白美療精華 ＄395/50ml
Trilogy 係首個紐西蘭護膚品牌獲國際認可嘅
NATRUE Natural Cosmetics Certification天然護膚產品認證,
佢嘅皇牌產品有機認證玫瑰果油仲係紐西蘭銷量第一嘅護膚產品。
而呢支美白serum成份有草本美白複合精華GIGAWHITE,
不刺激皮膚、不吸收紫外線、
有助防止黑色素形成，均勻膚色，
減淡因年色齡、日曬同暗瘡等形成嘅色斑及色素沉澱。
其他成份有甘草及桑樹萃取、奇異果、
白茶及銀杏精華同埋天然礦物亮白因子，
重點加強美白效果，對付色斑。
仲有蘆薈精華令質地更滋潤補濕，
敏感皮膚都適用。
質地水潤, 好爽身, 搽完好快就吸收晒。
肌膚暗黃並唔係色素問題,
所以單靠美白產品係唔可以有效改善泛黃問題。
以下會同大家講兩支有關改善肌膚泛黃問題嘅 Serum。
Innisfree 淨肌去黃煥采精華露 $250/ 50ml
香港天氣潮濕, 加上空氣污染, 都市環境轉變等等,
令皮膚表面變得暗啞, 泛黃。
為了針對香港女性肌膚狀態問題,
INNISFREE 為香港市場研發左一個
全新嘅全新亮膚方案 – 淨肌去黃煥采系列，
系列當中含大量檸檬酸(Citric Acid) 同二醇酸(Glycolic Acid),
可以有效去除皮膚表面老廢角質,
改善色斑問題。
當中嘅美泰葉提取物(Longevicell)高效重點改善肌膚底層暗啞泛黃問題,
令皮膚回復光澤。
而且淨肌去黃煥采系列的4 free配方:
無防腐劑, 無人工色素, 無動物性原料, 無硫酸酯
使用時可以更呵護得到皮膚。
質地較為水質, 好清爽同埋吸收得好快,
搽完皮膚摸落唔油,有保濕感覺。
味道帶檸檬味, 用時感覺好清新。
Estee Lauder 亮肌抗氧保濕精華 $620/ 30ml
女士好關注暗黃膚色嘅問題,
而造成暗黃膚色嘅兩個主因就係肌膚累積過量嘅黑色素同黃色素,
會吸收外界中令膚色通透嘅藍光, 令皮膚黯黃。
另外, 當肌膚缺乏膠原蛋白, 就會削弱肌膚嘅透光能力,
令皮膚睇落暗啞無光。
Estee Lauder 全新嘅 Nutritious Rosy Prism 亮肌抗氧保濕精華,
當中全新嘅Rosy Prism 終極排毒亮肌科技,
可以溶解由環境侵害而來嘅暗黃皮膚。
Nutritious Rosy Prism 亮肌抗氧保濕精華主要由三方面發揮功效:
1. 排毒 – 擊退, 預防由環境引起嘅皮膚泛黃問題。
2. 中和 – 抵禦外界自由基侵害, 修復損傷, 預防暗啞, 泛黃問題。
3. 滋養 – 為肌膚提供足夠水份, 能量同礦物質, 令皮膚健康粉嫩有光澤。
質地輕盈, 有少少花香味
香味清新。
搽後皮膚感覺清爽, 嫩滑, 而且吸收得很快。
如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup
