又到咗每個月一次同大家分享好物雷品嘅時候啦，
每次一到呢個時間，我哋workshop同事都好興奮，
囉出大家都覺得好用嘅嘢推介比大家，
有時本身想買嘅嘢居然比另一個同事評為雷品，
咁就可以慳返唔洗買啦∼

好物:
Irene

Maquillage Soft Brow Liner 約＄190

呢款眉筆係我自已畫眉嘅最愛，
無論用係自己或者幫人化妝時，都係非常好！
佢有三隻色，淺啡、深啡同灰色，
而我就有淺啡同深啡，顏色上呢兩隻色就用得最多。
我鍾意佢嘅原因，首先色tone上大部份亞洲人都啱用，
而且畫出嚟好自然，筆芯比較幼身，
好容易勾畫眉型，特別係眉尾位置。
仲有筆尾有埋螺旋刷，方便大家刷鬆顏色。

另外，佢質地較硬身，畫完出嚟條眉係好soft，
唔會令立立，而且可以keep到一日唔甩，
如果你條眉係好油，好易溶眉，
我都非常推薦呢支眉筆。

好物:
Jellia

Florihana Rosa Alba Organic Floral Water $ 182

我本身都好鍾意Organic嘅Product，
呢支白玫瑰花水係我近排最愛，
一倒出嚟就有一陣好Fresh嘅玫瑰味，
佢質地係好似水咁，
搽咗上面好爽身！

特別係而家咁熱嘅天氣，
我好討厭搽完Skin care好笠身咁…
呢支絕對無呢個問題！

佢個蓋都幾好呀，細細地，
因為始終係水嘅質地，
如果個頭太大就好易倒得太多浪費花水啦！

我屬於中性T字位易出油嘅皮膚，
所以我夏天就唔會搽太多嘢上面，
而家我都係清潔完皮膚之後，
首先就將花水倒係cotton上輕輕抹上面一次，
之後倒花水係掌心到，再輕輕拍打塊面，
咁啲皮膚就軟咗好多。

Karen:

Paul & Joe Cheek Color#6 (Refill) $200
睇上去係偏紫嘅粉紅色，平時好似少見啲，
一盒有兩隻色，分開用或者mix埋一齊用都得，
深淺色搽唔同位置仲可以做埋層次感。

胭脂帶微粒閃粉，就咁肉眼睇好似好閃，
但掃上面之後效果好自然，
好有光澤感，皮膚睇起嚟滑啲添。
持久度亦好好，唔使成日補。

Una

BareMinerals Foundation Primer Base ($200)

因為我皮膚顏色比較深,
所以平時化妝底霜都會選擇d無顏色同埋唔閃!
呢次我推介 BareMinerals 呢支 Base就係無色嘅!
(同系列我記得有隻係有顏色)
呢支 Base 搽上面完全唔焗, 唔乾，
摸落仲好滑! 

上粉嘅時候仲會覺得D粉易推咗, 無咁易浮粉! 
佢搽出嚟嘅效果同感覺係最吸引我嘅地方! 
其次係BareMinerals 出名成份唔傷皮膚,
使用期間我皮膚都無出現任何敏感情況!
所以我覺得值得推介比一d皮膚難上妝又怕焗嘅朋友!

雷品:
Irene

Mentholatum Acnegia Medical Cream

之前去日本上網睇吓有咩必買嘅藥妝，
而其中一樣就係呢個暗瘡膏，
雖然自己唔係經常生暗瘡，
但諗住買一支傍吓身，
我記得佢價錢唔平，都要差唔多一百蚊一支。

但其中試過幾次生暗瘡用佢，
搽完過咗一晚夜，
第二朝完全唔覺有咩改善，
連續用咗幾日粒暗瘡都冇謝到，
所以可以話完全無料到!

雷品:
Karen:

Selena五層敷面化妝棉
有次本身用開嘅化妝棉用完，
經過莎莎就諗住求其買一款用住先，
用化妝棉最怕啲棉絮痴住塊面，
睇一睇個包裝寫住：表面經水壓處理，不起毛和殘留棉絮於面上。
而且價錢唔貴，所以就買咗。。。

用完之後就覺得係兩回事，
就咁睇相都見到一啲毛粒，
質地好“鞋”，好唔舒服！

包裝話可以一塊化妝棉撕開5片敷面，
咁我就諗住慳啲，試下一塊化妝棉分開兩塊或者三塊用嚟抹面，
點知一抹就捽埋一舊，而且甩毛甩得好勁，
抹完面仲有啲棉花痴住塊面，完全唔掂！

雷品:
Una:

Elite JUST PERFECT Make up base （約$ 80）

之前見佢質地睇落好似平時用開嘅 Base 嘅質地，
又貪佢平過用開嗰支，所以就買咗。
質地厚過我上面讚嗰支BASE，
搽完好爽，水潤效果唔掂。

用咗一段時間，
發現皮膚起咗好多油脂粒，

上次同大家分享咗台灣買嘅家品，
今次就講下台灣嘅美食啦！
去到台灣又點少得食呢？
我就好鐘意去佢地嘅CAFE喇，
價錢抵，種類又多，而且食物仲好好味添 ！

呢間係台灣忠孝敦化站附近嘅CAFE，

 門口擺咗好多 SANRIO 嘅卡通人物公仔
我地係出面望入去見到 CAFE 裡面都擺咗好多公仔㗎！

不過我地最想去嘅係隔離間Dazzling Cafe ！
所以呢間下次再去啦！

鐘意去CAFE嘅朋友相信都知道Dazzling Cafe 係香港都開咗分店，
比個 tips 大家，如果大家想去台北呢間 Dazzling Cafe 試嘅話，
可以打電話去book 位！記住要準時到，因為佢地只會比多10分鐘大家，
如果大家 overtime 咗嘅話佢地就唔會比你入㗎啦！
今次我地點咗佢地一個最出名嘅吐司, 意粉同埋果茶去試試。

首先講下個吐司先，其實開頭店員拎個吐司嚟嗰陣我地都唔係好識點切，
店員見我地無咩反應就即刻幫我地切咗落去，
切開咗個包之後，就見到中間ｄ吐司其實一早切好晒，
呢個吐司好好味，入面嘅吐司每一件都搽咗蜜糖，味道唔會太膩太甜，
麵包軟硬適中，加上味道甜甜地，口感好好！
食落成個感覺好新鮮，值得推介！

另外，我地 order 咗明太子意粉同果茶，
整體上明太子意粉味道 ok 嘅，不過就覺得佢嘅醬汁比較稀。
至於果茶，我覺得大家都不妨一試，
我叫嘅係蘋果加提子嘅果茶，
感覺唔會太甜，帶少少酸，係我本身幾鐘意嘅味道！
同行嘅朋友就點咗蜜桃蘋果茶，佢就覺得味道太甜唔太岩飲喇。

另外，大家去試嘅話就要記得快d 睇想食咩，快 d order定，
因為佢規定一個半鐘頭內就要埋單，
如果嘥太多時間睇食咩嘅話，之後食嘅時候就會食得好急㗎啦！

地址: 台北市大安區忠孝東路四段205巷7弄11號1樓

之後想同大家介紹嘅就係杭州小籠包店
呢間食店我地食過覺得好好味，
當時都特登坐車去食嘅，因為聽朋友講佢地嘅小籠包好正宗，好好味
去到之後覺得佢好似我地香港一ｄ「茶居仔」嘅風格，
枱枱凳凳都比較矮，如果身型本身比較高大會坐得比較辛苦，
我身型比較嬌小，所以無咩問題。

因為佢地 Menu 上面有好多唔同種類嘅嘢食，
我地諗住佢嘅份量應該唔係好多，所以樣樣都叫Ｄ，
後來先知我地叫嘅份量已經足夠四個人去食！

我地好盡力咁食晒所有嘢，
但最後都係食唔晒！

起初朋友推介佢地嘅小籠包，
但我覺得香港都食到呢種水準，
我反而想推介佢地嘅南瓜糕, 豆沙鍋餅同埋酸辣湯。

南瓜糕入面係豆沙同埋蓮蓉餡，唔太甜唔太膩，
感覺好似食緊和菓子咁，
就算凍咗食味道都係唔錯，外層嘅皮都唔會痴牙！

另外，我推介嘅豆沙鍋餅味道都係唔太甜，
而且充滿芝麻香味。
同樣價錢又平又好食！
叫咗成枱咁多食物都只係大概港幣二百蚊左右！

地址: 台北市大安區杭州南路二段53-5號

行到累，我地係東區見到一間好中式嘅舖頭
我地以為係佛堂，原來入到去係賣果汁嘅舖頭嚟，
入去坐低發覺呢間舗頭入面有好多正宗涼茶可以飲㗎。

我就叫咗杯木瓜奶，呢杯係我四日台灣旅程入面飲到最好味，
感覺最新鮮嘅其中一杯！
之前係西門町買過一杯我覺得口感唔太好味，太甜，落得太多糖，
Ｄ奶仲有Ｄ似乳酪味道。

朋友叫咗杯類似銀菊露嘅茶，
飲落同香港飲到嘅有Ｄ唔同，
香港嘅飲落有Ｄ甜，比較人工化，
而呢度嘅味道就好似細細個時去一Ｄ正宗嘅涼茶舖飲嘅菊花茶咁，
飲落好清，唔太甜。
如果大家去到東區嘅話見到間中式嘅舖頭，又係賣嘢飲嘅，
我建議大家可以入去試試！

講完涼茶之後我地又講返 Cafe，
呢間 Cafe 都係東區入面嘅，
我地之前都有去過呢間 Cafe 影相,
我覺得佢入面嘅風格同我本身嘅口味都好相似。
入面嘅嘢食其實唔係好多，
都係一Ｄ好簡單嘅蛋糕，咖啡同埋茶。
但如果大家行到好累想搵個舒舒服服嘅地方坐下嘅話，
呢間舖頭就好岩啦！

入面嘅裝修好靚，
之前我都曾經 Post 咗係 facebook 話係自己屋企，
咁當然唔係我屋企啦！我都希望我新屋可以做到咁靚，
香港嘅屋比較細，而且樓底無咁高，
都好難做到咁。
所以我每一次去到台灣，都會去一去呢間舖頭坐下。

除咗CAFE之外，我地都去咗一間好有意式家庭feel嘅意大利餐廳。

呢間意大利餐廳叫「Osteria By Angie」，
Osteria即係家庭式小酒館，
呢度接待客人同煮食都係由主廚一手包辦，

無論環境同招呼都係好親切好warm咁，
每日主廚會親自到市場揀食材，
所以客人可以問主廚當日推介再點菜架。
主廚用意菜手勢煮台灣本土新鮮食材，都幾特別架。

台灣人平時好早食飯，
所以呢間餐廳九點鐘就 Last Call 架啦!
大家要去真係要預早起程去啦。

ｄ嘢真係好好味，而且唔膩，
特別係明蝦手工寬麵,

佢地嘅自家製寬麵非常有咬口!

整體上嘢食嘅價錢唔算太貴！

地址: 台北市中山區樂群三路61號
(週一公休)
星期二至星期五
12:00pm~14:30pm (last order 14:00pm)
18:00pm~22:00pm (last order 21:30pm)

星期六至星期日
11:30am~14:30pm (last order 14:00pm)
17:30pm~22:00pm (last order 21:30pm)

食完嘢之後, 我地去咗西門紅樓創意市集,

呢度係專門賣一d本地原創嘅產品，
有好多台灣年輕嘅創意藝術家擺攤，
所以有好多人特登嚟行下街，睇特別嘢架。
而我都係呢度買咗兩對好特別嘅自家製品牌耳環!

市集時間：每週六 14:00-22:00、週日 14:00-21:30

另外, 我仲係台灣買咗一d 好細支嘅個人用品

好似NIVEA上面呢支止汗劑,
我係香港都係用開呢隻,但係唔見有咁細支,
太大支帶出Trip真係好唔方便,
所以見到台灣有咁細支就買咗幾支出 trip用!

另一支 liese 又係細細支,
有時我地出去化妝好多嘢要拎,
所以細細支真係方便好多!

當中我仲買左支好MINI嘅乾洗粉,
其實呢支乾洗粉唔係我自己用嘅,
因為有時出 job 有D Model 真係唔鐘意洗頭
d 頭髮太笠嘅話其實真係好難set,
呢支乾洗粉可以即時令佢地頭髮清爽d,
咁個頭就易set好多。
呢支乾洗粉有三個味道：無味，花味，車厘子味，
我怕車厘子味太人工化,
又唔想買無味遮掩唔到頭油味,
所以最後買咗花味！

如果化妝師們出 job 都有遇到呢d問題,
不妨去開台灣嘅 watsons買嚟試下~

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup

上個禮拜去咗台北四日，主要係工作，
其中兩日我地要去進行拍攝，

因為仲要周圍去搵景，
所以已經用咗行程一半嘅時間，

當然我地寓工作於娛樂，當工作完成晒之後，
我就會周圍搵嘢食同行街買嘢，
呢個都係我最大嘅興趣黎！
今次想同大家分享返今次去台灣買嘅一D特別嘢，

首先，我地從家品講起！

最近屋企裝修緊，都想添置返一Ｄ得意嘅家品，
香港都會有一Ｄ靚嘅家品，但可惜我覺得價錢真係太貴啦，
因為價錢問題我睇完之後都係無買到！

近年台灣開咗ｄ叫生活館嘅舖頭，
呢ｄ舖頭入面小至沖涼產品, 餐具，
大至傢俬, 擺設通通都有。
今次去到台灣去咗呢Ｄ舖頭，
買一Ｄ我地平時用到嘅野，價錢平之餘，仲有好多款式揀，
今次想同大家介紹西門町入面有一幢賣家品嘅地方，
叫做　WORKING HOUSE。
地址係台北市萬華區昆明街98-1號。

佢係西門町入面其中一幢大廈，入舖頭已經全間賣家品野,

呢D就係佢地今季最新出既家品CATALOG
影得好靚, 好似一本家居雜誌咁
咁點解咁吸引我入去睇呢？
因為入面所有都係Ｄ好細碼嘅傢俬擺設嚟嘅！

要知道香港Ｄ屋唔係好大，
外國果Ｄ係好靚，
但家品同傢俬太大嘅話我地間屋都擺唔到。
所以就吸引咗我入去睇啦！

間舖頭入面差唔多所有屋企用到嘅嘢都有，
小至沖涼物品, 香薰…

大至傢俬, 擺設, 盆栽都有晒！

價錢唔貴，而且產品設計嘅風格都比較年輕D！
好適合一Ｄ新婚夫婦又或者一D年青嘅獨居朋友。
如果大家去到台灣買嘢食買到悶嘅不妨去睇睇啦！

咁我買左D咩呢？

我買左把梳，因為我想買把大梳已經好耐，

但係香港呢類梳都比較貴Ｄ，
而且自己平時無咩時間去睇，
所以見到呢把梳就覺得好似我平時想買嗰類型嘅梳！

又撞正減價，所以就買左呢把梳返香港試啦！
返到香港試落就覺得梳嘅時候好舒服，
好似按摩緊頭皮咁，
大家得閒記得要梳多Ｄ頭，
因為梳頭可以促進血液循環，會無咁易甩頭髮，
而且頭髮生長嘅速度都會快Ｄ。

呢把梳我仲比咗同行位朋友試下，
可能係大梳嘅關係，佢同我都覺得用完把梳梳頭之後頭髮滑咗。
呢把梳價錢非常抵買，大約幾十蚊已經有一把。
香港專業Ｄ嘅梳都已經要百幾蚊，

所以大家經過開嘅可以去試下！

另外就係呢個雀仔形狀嘅夾仔

之前自己都買過一Ｄ士多啤梨形，車厘子嘅都買過，
但感覺太細路女，
所以當我見到呢款夾仔時就覺得好好，
大家試想下係屋企掠緊衫嘅時候，
夾衫見到好似一隻隻雀仔係度飛緊咁，
咁樣做家務都會覺得好開心
返屋企做家務時見到Ｄ咁靚嘅家品，
自己都會做家務一路感覺好開心。
而呢個雀仔形狀嘅夾仔都好抵買，
十幾蚊左右已經有一大包！

之後我就去咗另一間專賣文具, 家品嘅舖頭睇,
買左兩個沖涼嘅刷刷

點解會買呢? 好似相入面灰色長型果個…香港都有啦!
其實香港係有呢類款，
但顏色就無呢種顏色啦！
香港多數得白色，鮮粉紅色同鮮粉藍色，
顏色太女仔, 感覺又太膠，
呢隻色我覺得中性Ｄ，
而且本身自屋企嘅設計都無咁colourful嘅嘢，
所以當時一見到襯到色就即刻買啦！

而另一個大家見到麵包形狀，
形狀好得意，沖涼時見到都會沖得開心ｄ！
而且價錢都好平，十幾蚊已經有個。

至於上面呢個一隻隻雀仔其實係吉嘢食嘅籤嚟!
見到佢形狀好得意, 顏色配搭又靚，
勝在價錢又係好平，
就算比自己擺係屋企又或者送比朋友新屋入伙都係好好嘅選擇嚟！

大家見到上面呢張相，
我印象係Facebook見過唔少人 post 話買呢個 bra top，
話好好，可以改善「寒背」問題同埋有豐胸嘅效果。
我見口碑咁好又多人買，
岩我經過台灣西門町一間好大大型, 有三四層高嘅舖頭，
入面有賣女性用品, 化妝品, 護膚品, 食物, 就算廚房用品都有得買，
咁岩又見到呢個 bra top!
叫「美華泰流行生活館」
地址: 台北市中華路一段88號

初時第一次睇我無諗過買呢個 bra top，
因為一摸上手覺得佢個 pad好厚，
覺得太誇張，
雖然自己無嘜事業線，但都唔洗咁強勁。
所以行完之後都無去買。

但之後因為有朋友托我去買，
先知道原來個 pad係可以拆出嚟，
咁就買咗啦！

呢個 bra top 視乎大家需唔需要一個豐胸嘅效果，
如果要而自己本身又唔算豐滿嘅話，
佢個 pad 嘅厚度其實直接著佢都已經可以接受，
不過本身豐滿嘅話我就覺得有ｄ誇張啦！

我都試過幾日，佢都屬於一個好似著咗吊帶嘅 Tube Top，
係一個好舒服，好輕嘅 bra。
同埋佢嘅物料其實都好好，
雖然好似好厚身咁，但質地上都係好透氣，唔會焗，
如果大家想試嘅話，
我都覺得大家值得一試嘅！

不過如果本身要承托力好好嘅 Bra 嘅話，
我諗佢呢方面就可能唔太足夠啦！

另外，呢個 bra top 我見西門町街邊嘅地方就賣 NT499
而我去呢間舖頭只賣NT399，
有黑,白兩隻色，有細碼至大碼，

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

所以今日就同大家做一個Mascara大測試，
比較佢哋嘅防水、防油度，仲有試用報告，
等大家可以按自己需要揀番啱自己嘅Mascara！

Maybelline Volum’express Magnum2.0瞬盈睫毛液極緻濃密版 ＄129

新配方比上一代Magnum睫毛液增加至200﹪骨膠原，
令睫毛更濃更黑，同時滋潤保護睫毛。
特大掃頭同細密掃毛能貼緊每根睫毛。
孤形設計順番眼形，眼頭到眼尾都可以平均地掃上睫毛液。
防水防油防暈染，令妝容更持久。