上次復活節教左大家做可愛小雞~
今次就教大家做返個和風可愛小髮夾!
做法非常簡單,
大家不妨親手做返個比屋企嘅小朋友啦!

今次要準備嘅配件比較多~
首先準備喜歡嘅羊毛顏色,氈針及海綿
針線,熱溶膠,火機,髮夾,小珍珠,蝴蝶結等

1.揀好喜歡的羊毛顏色
2.向前捲實
3.捲至圓形利用氈針篤實
4.篤成扁圓形

1. 準備針線
2.在中間位置串上針線
3.4.5.6.先利用針線分四等份,再重覆縫上,分成八等份花形即可

1.準備已完成的羊毛氈,溶膠,珍珠
2.把溶膠燒溶點上珍珠
3.痴上羊氈就ok

1.準備髮夾,蝴蝶結
2.利用溶膠痴實

1.準備痴好珍珠的毛氈及痴上蝴蝶結的髮夾
2.再利用溶膠痴實毛氈
3.咁就完成啦!

大家可以因應返自己鐘意咩色再配襯~
又簡單又可愛大家都快啲親手做返個啦!

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

近年不但流行韓式妝容，就連臉型大家都非常鍾愛全智賢的完美鵝蛋臉。如果你自覺自己只有國字口面或者包包面也不打緊，今日我就教大家如何利用shading(打陰影) 和highlight(打光影) 這兩個方法來營造小顏、立體輪廓甚至鵝蛋臉。

Q. shading 和highlight究竟有什麼作用?

亞洲人輪廓一般較外國人扁平和圓脹，外國人輪廓突出，許多時就算不做任何shading或者highlight都能夠做到立體妝容，相反亞洲人則需要利用highlight和shading去塑造立體輪廓。

上：highlight與shading的化妝工具
下：左和中是highlight掃，右是shading掃

Q. highlight有哪幾種?

- highlight一般有珠光色或者各種閃令的顏色
- 質地主要有膏狀、液狀和粉狀，當中液狀和膏狀較適合乾性皮膚
- highlight的效果可分為matte (啞色), shimmer(閃色)
- Shimmer適合乾性皮膚或燈光較暗場合以營造更立體效果
- Matte適合油性皮膚

Janice’s tips: 油性皮膚其實亦可使用shimmer色系，只需留意T-zone位置要少用。
液狀highlight可塗於底霜後，liquid foundation前以營造自然透肌b感。

Q. 如何從膚色去挑選highlight?

-       偏白皮膚可用白色或米白色
-       偏黃、黑皮膚可用米黃色或象牙色

圖為可塗抹highlight的正確部位

黑色虛線位置
-       T zone：適合所有臉型
-       眼兩旁：適合顴骨不突出臉型
-       下巴：適合所有臉型

紅色虛線位置:
-       眼肚下：適用於顴骨突出臉型，令臉容更柔和
-       下巴：適用於短小下巴，塗上後能令下巴看上較大和長

Janice’s tips: 如發現塗上過多highlight，
可用碎粉或compact foundation在過多位置輕印，以減輕誇張閃令的情況。

Q. 如何選購shading powder?

一般亞洲化妝品牌都有標明shading powder，顏色多為啡tone，
較深色，能塑造瘦面效果。
而大部份外國品牌稱之為bronzing powder。
若使用bronzing powder來打陰影的話就必須選擇不太令身的粉質。

以標準鵝蛋臉型為準則，按圖找出正確位置塗抹shading 

錯誤：用雙手按著腮骨位置量度，放太前就變成不自然的V煞臉
正確：用雙手量度腮骨位置，手前後移動直至找到自然鵝蛋臉，不太前也不太後

下圖為塗抹shading powder方法

第一掃：耳珠到腮骨底下巴位置，由後向前掃3下
第二掃：用多餘的份量稍微往上移再由後向前掃3下
第三掃：按自己最佳鵝蛋臉邊緣位，再由後向前掃3下以營造立體漸變效果

 Janice’s tips: 塗shading應由臉旁最外開始，由外深色至內淺色以營造自然漸變瘦面效果，塗抹手勢為後向前。

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

知道好多姐妹都好重視眼妝嘅部分，
不過都成日聽佢哋講有時因為用錯產品，
而令佢哋嘅眼妝Keep得唔耐或者整花晒，
尋日分享完大家都好重視嘅眼線筆，
今日就分享另一樣大家都非常重視嘅「睫毛液」！

睫毛質地:

Joan
睫毛偏長,睫毛偏軟身容易drop

Irene
眼睫毛都算長同密，而睫毛偏硬

Jellia
睫毛長度同濃密都係一般但就比較軟身

左1. Estee Lauder 無瑕極緻全效睫毛液 $230/6ml
左2. Lancome 黑鑽魅睫濃密防水睫毛膏 $260/6.5ml
左3. M·A·C Studio Sculpt Lash $165/10g
左4. Lancome 濃密大眼娃娃防水睫毛膏 $250/6.5ml
右1. Clinique 魔法羽翹睫毛液 $200/5.5ml
右2. Max FactorX濃艷激盈睫毛膏Excess Volume Mascara $138/20ml
右3. Laura Mercier Faux Lash Mascara $200/10g
右4. CK豐盈睫毛膏 $170/12ml

Clinique 魔法羽翹睫毛液

螺旋型掃頭好易掃上眼，
呢隻睫毛有豐盈同纖長效果，
又keep到好持久又唔會化開，
另外佢有首創感熱科技，
就算淚水、雨水、汗水等都唔輕易化，
用溫水就可以卸走。

防水度好唔錯,
即使噴到隻手濕哂都無溶開嘅情況~
對付眼水應該都冇咩問題!

而防油度就如上圖所見,
用落妝油敷完15秒再輕按都無咩甩!
防油度好好!

Joan:
Clinique呢支睫毛液刷頭圓大而且長,
刷頭上嘅毛有長短,
除左可以將睫毛搽到濃密仲可以將多餘嘅睫毛液拖走拉長睫毛!
睫毛做到好纖長,而且捲曲度都唔錯!

Irene:
佢裡面有好多纖維，所以可以增加睫毛嘅長度，
搽多兩三層，就更加纖長、濃密，
唔會有曱甴腳情況。
不過個刷都算幾大，所以搽時候要小心。

Jellia
個人覺得對於我唔太長嘅睫毛嚟講，
呢個螺旋型刷頭好似大咗啲，
搽嘅時候要小心啲，
纖維比較多，但一啲都唔會覺得重身，
搽咗上眼hold到全日都翹身。
纖長效果都唔算！

CK豐盈睫毛膏

結合咗創新纖維科技，
令到睫毛更加濃密、纖長同趐啲，
另外，佢嘅獨持精準孤形刷頭，
令睫毛膏可以好平衡掃上睫毛上。

呢隻防水度就一般啦!
都有啲溶嘅情況出現~

用落妝油敷完15秒再輕按就甩左一半!
防油度都麻麻!

Joan:
CK呢隻都做到濃密效果,
但睫毛液較濕所以比較重身,
搽完原本夾左嘅睫毛有啲drop!

Irene:
睫毛膏夠黑，濃密效果尚算滿意，
纖長效果都不錯，
不過刷頭都算大，
如果搽下眼睫毛，就會比較困難。

Jellia:
呢支睫毛膏濃密效果都OK，
刷頭雖然比較大，
但佢呢個掃頭設計又真係比較易搽到，
但因為我本身睫毛比較軟身，
所以捲翹效果就唔太明顯啦。

Estee Lauder 無瑕極緻全效睫毛液

呢支睫毛液集纖長、豐盈、捲翹同細纖分明嘅效果，
結合最新水溶性持久配方科技，
同防汗防潮配方，
可以keep到長達16個鐘，
佢嶄新纖巧型刷毛，
針對又直又極其短小下垂的睫毛，
輕輕一刷就做到根根分明嘅效果。

防水度唔錯,
差唔多冇甩過!

防油度就麻麻啦!
敷完輕按幾下差唔多甩左3成!

Joan:
呢支睫毛液刷頭好細,
容易控制睫毛膏份量,
做到纖長濃密效果!

Irene:
刷頭較細，容易搽，
濃密效果都非常好。
但睫毛液質地比較濕身，
所以搽完會有少少drop情況，
建議可以另外再用電熱棒。

Jellia:
呢支睫毛刷頭比較細，
好易搽到，
纖長效果都OK，
濃密效果比較好，
不過因為我嘅睫毛比較軟身，
所以搽完就有啲Drop嘅情況出現。

Laura Mercier Faux Lash Mascara

呢支睫毛有「10hrs 高效防水輕鬆卸妝配方」可以維持全日都有完美捲翹效果。
另外，智慧型 3D 假睫毛巨型刷頭可以做到假睫毛嘅效果。
成份有荷荷芭精華油，保護眼睫敏感肌膚。

呢支睫毛液有高效防水配方,
防水能力非常好!

防油方面都唔錯,
敷完落妝油甩嘅情況都唔係好勁!

Joan:
Laura mercier呢支都做到濃密增長效果,
而且捲曲度都唔錯!
長短刷毛拖走左多餘睫毛膏~唔會有打cake情況!

Irene:
Laura Mercier出嚟效果好自然，
濃密、捲曲度效果非常滿意，
搽多兩三層，都唔會有曱甴腳。
如果刷頭細多少少就最好喇！

Jellia:
呢支睫毛液真係啱晒鍾意自然嘅我，
我搽咗3層，都好自然，
睇落以為本身睫毛就咁，
又纖長又濃密又翹。

Lancome 濃密大眼娃娃防水睫毛膏

娃娃效果睫毛膏細緻覆蓋每根睫毛，
質地輕盈，可以塑造到大眼娃娃效果。

防水能力好好,
雖然刷頭攞睫毛液分量比較多,
但完全冇溶嘅情況出現!

防油能力都好高,
啱哂多眼油嘅人用!

Joan:
Lancome呢隻睫毛膏對我嚟講非常好用,
本身睫毛雖然長但容易drop,
但用左佢一日都冇drop down情況出現,
而且睫毛做到非常纖長效果!
防水防油能力都超高!唔洗擔心變熊貓眼!

Irene:
佢纖長效果非常好，
夾完睫毛，可以hold到夾完睫毛嘅捲曲度，
而且支睫毛液搽嘅時候會有玫瑰香味，
非常特別！

Jellia:
Lancome睫毛液真係好好，
我最鍾意纖長自然效果，
佢絕對做到！
令我本身唔係好長嘅睫毛都做到又長又翹嘅效果，
睫毛液仲有香味添，
我真係好推介呢支呀！

Lancome 黑鑽魅睫濃密防水睫毛膏

呢支睫毛液做到強烈濃密度，捲曲睫毛。
雙面的睫毛掃可以打造濃密同荷里活明星捲翹的迷人效果。
防水功效仲可持久12個鐘。

Lancome star嘅防水防油能力同上面果支一樣都非常好!
完全冇溶嘅情況出現!

Joan:
呢支睫毛膏不論纖長度,濃密度及keep個捲曲度好好~
而且刷頭偏細,
好容易控制搽嘅份量!

Irene:
而呢支lancome star，
纖長同濃密效果都兼顧得好好，
同樣可以hold到夾完睫毛嘅捲曲度，
而且刷頭夠細，容易搽眼頭眼尾。

Jellia:
Lancome睫毛真係唔錯，
呢支比起頭先個支更加濃密咗，
一樣做到好翹身，好纖長，
不過佢就無香味。

M·A·C Studio Sculpt Lash

近排都收到幾款唔同品牌嘅眼線筆，
所以今日想同大家做一個眼線大測試，
比較佢哋嘅防水、防油度，
仲有好唔好畫，畫頭幼唔幼等等，
當然唔少得有試用報告啦！
希望大家可以按自己需要，
搵適合自己嘅眼線筆啦！

首先比較吓筆狀嘅眼線啦！

上: Laura Mercier Longwear Creme Eye Pencil
下: Max FactorX Ecess Intensity Longwear Eyeliner

筆狀眼線就有Laura Mercier同Max FactorX呢兩款，
兩款都有寫住Longwear嘅字眼，
代表兩款眼線都好持久，
Keep到一日唔甩妝。

對比下個筆頭啦，
Laura Mercier就係傳統筆芯，
用到咁上下就要用鉛筆刨，而筆芯好軟，
可以輕易上色。
而Max FactorX就係旋轉筆頭，
就會方便啲，而且筆芯比較幼，
容易畫到一條幼嘅眼線。

到防水能力喇，
兩支都好強勁，噴完水再用手推都無甩，
所以普通眼水就應該難唔到佢哋。

之後再試佢防油同好卸度，
用水油remover，敷一陣再拎開，
大家都甩咗少少，Laura Mercier開始無咁實色，
而Max FactorX仲有一大半係到，
都算唔錯！

試用報告:

Laura Mercier

Irene:
佢畫出嚟係好實色同夠黑，
而且筆芯質地都好滑，可以好smooth就畫到條眼線。

Jellia:
呢支Laura Mercier眼線筆好出色，
筆頭好滑，好易就畫到條眼線，
如果唔想條眼線咁實色，
可以輕手啲輕輕畫就得啦！

Joan:
Laura Mercier呢支眼線筆好實又夠黑,
質地好滑好易上色!
輕輕畫就已經好出色啦~

Max FactorX

a

Irene:
每款顏色都好出色，
筆芯幼細好滑，可以輕易畫到內眼線，
而且好快就乾，不怕畫完就印污穢眼底。
防水能力都非常好，但就比較難落。
可能筆芯幼，所以比較易整斷，
畫嘅時候就要小心。

Jellia:
啲顏色好Sharp，
屬於油眼同眼水較多嘅我，
本身都好擔心會唔會甩得好勁？
點知佢比我想象中好！
輕輕一畫就已經好上色，
（不過要小心，佢筆頭比較軟比較易斷，
所以記得要輕手啲畫啦∼）
上咗眼好快就乾啦∼
唔會印到成眼都係！
仲可以KEEP到好耐添！
亦因為佢防水又防油，
所以相對比較難落妝啦。

Joan:
Max FactorX呢支眼線筆顏色好出,
而且推出左幾隻sharp色啲嘅顏色~
而家咁興眼線妝大家不妨畫完內眼線後,
再用鮮色啲嘅眼線筆畫返條外眼線做返個潮流眼線妝!

然後講吓眼線液，

上: MJ Line Hunter
中: Maybelline Hyper Sharp Liner
下: MJ Perfect Automatic Liner

首先有Maybelline嘅Hyper Sharp Liner，
相信大家對佢都唔陌生啦，
今次就出咗啡色。

而MJ就分別出咗新版本同新色，
MJ Line Hunter就改用雙面扁平筆頭，
粗幼眼線都畫到，
另外，仲有新出咗限定色，
紫色同紅色，
出嚟效果都好靚架！

筆頭方面，三支都好好畫，
而MJ Line Hunter Liner
同Maybeliner Hyper Sharp Liner都不相伯仲，
同樣畫到一條超幼嘅眼線，
兩個唔同之處就係MJ Line Hunter Liner
用雙面扁平筆頭，粗幼都可兼顧。

防水度，大家無化開嘅問題發生，
Waterproof功能都不錯。

而到用水油remover測試喇，
只有Maybelline Hyper Sharp甩咗少少之外，
另外，兩款MJ就仲可以keep到成條眼線係到，
防油度絕對高分，不過大家就要留意，
相對就會難卸妝喇！

試用報告:

Maybelline Hyper Sharp Liner

Irene:
呢支眼線筆嘅筆頭係超幼，
可以畫到0.01mm，
畫到一條好幼眼線之餘，
用嚟填補眼睫毛之間空隙非常好。

Jellia:
呢支眼線筆頭真係好幼，
畫幼眼線當然無問題，
而我用嚟畫粗啲眼線都好一流，
好輕易就畫到好尖嘅眼線，
用嚟填返睫毛空隙效果好好呀！

Joan:
Maybelline眼線筆大家應該都唔陌生,
佢呢支眼線筆頭非常幼,
好容易就畫到一條又幼又自然嘅眼線!

MJ Line Hunter

Irene:
眼線筆夠黑夠實，筆頭係扁身，
所以想畫粗時可以打平用闊身個邊嚟畫，
畫幼眼線就可以打橫畫，
粗幼都好容易就畫到，
而且防水能力都唔錯。

Jellia:
呢支眼線筆比較易控制，
因為佢筆頭比較扁身，
輕輕一畫就已經夠晒黑，
真係好易就畫到一條好幼嘅眼線，
我自己都相當鍾意！

Joan:
MJ Line Hunter扁頭設計不論粗幼眼線都好易掌握,
眼線色都好夠實!
而且防水防油能力高,唔洗怕溶妝變熊貓眼!

MJ Perfect Automatic Liner

Irene:
隻紫色非常特別，
上咗眼唔覺得好誇張，
平時想有啲新意思可以用佢代替黑色，
筆頭都好容易畫，
不過要擰墨水時，要小心份量，
好容易有"爆墨"情況。

Jellia:
呢支紫色眼線筆嘅色我好鍾意呀，
如果平時畫黑色／啡色眼線畫到覺得悶嘅話，
不妨試下呢支紫色啦！
好易上色又易畫，
建議擰一下印一印上手先，
避免太多墨而整花個眼妝呀！

Joan:
MJ呢支眼線筆好易畫,
液體狀比較實同出色~
擰墨設計防止左墨水容易變乾!
而且深紫色唔會好誇張,化眼線妝都係唔錯嘅選擇!

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

韓風大熱之下，
唔少愛美女士都追捧透薄無瑕嘅完美底妝！
成日比人問我化妝品問題~
十大問題之首第一就係“咩遮眼product好用啊？”
第二就係"邊隻BB Cream CC Cream好用,佢地有咩分別呢?“
呢啲問題真係聽十萭幾次,
呢排各大化妝品牌都推出新嘅BB，CC Cream，而加等我地同大家講下啦！
BB Cream一般具有遮瑕、防曬、滋潤、修護等all in one功效!
而CC cream針對改善暗沉膚，也保留BB Cream嘅修護效果。
普遍CC Cream質地較薄，遮瑕度比BB Cream低，
但質感較清爽透薄，適合喜歡妝感自然嘅人使用!
而加就等我地同事Joan同大家分享試後感！

Joan:
混合性偏乾皮膚，
容易出粒粒，面上比較多印，
冇乜血色！

＊此試後感為個人感受，各位請因應自己皮膚性質選擇合適產品！

首先同大家介紹左BB Cream先~

分別有:
laneige水感輕透BB Cushion霜(左)
肌研肌呼吸極粉嫩BB霜(右)

大家可以睇下個質地先!

Laneige水感輕透BB Cushion霜SPF50+ PA+++  $320/15gX2

而加就同大家試試呢隻BB Cushion~
佢加入左皇牌補濕成分Optimal Mineral Water及專利美白成分 MelacrusherTM,
有效保濕和美白,
加入左防汗防水配方,SPF50+及PA+++可強效防曬,
以獨特粉撲按壓海綿Cushion讓BB Cream充滿空氣,令妝容透薄貼服,持久不變色!

今次試用時皮膚有啲敏感泛紅,
而且本身皮膚偏乾,起左唔少粒粒!
但Laneige呢隻BB Cushion非常透薄,
薄薄一層已經遮左大部分粒粒紅印,
仲好易推添！
而且我皮膚屬混合性偏乾,用左BB Cushion面上都有光澤感,
效果非常好!

肌研肌呼吸極粉嫩BB霜 $128/40g

呢隻bb cream色號係亮白膚色,
含控油遮瑕配方,
而且添加左透明質酸,水解膠原蛋白,熊果苷及維他命C,
有效保濕及抗氧化,
低刺激性,不含防腐劑,酒精,香料及礦物油!

質地好creamy,上左面質感都好幼滑,
但可能我皮膚偏乾鼻翼旁都有脫皮現象,
而且佢偏透薄,
除左遮到部分紅印遮瑕度對比較多遮瑕嘅人都唔太夠!
可能要配合返遮瑕膏使用!
適合中性至油性皮膚人士使用！

講完BB Cream就到CC Cream~

CC Cream分別有:
Cellbone醫學緊緻淨白CC霜(左一)
Mac PREP+PRIME CC COLOUR CORRECTING SPF 30 Creme(左二)
Clinique全新特效水嫩補濕CC粉餅 SPF30/PA++(左三)
Mac PREP+PRIME CC COLOUR CORRECTING COMPACT(左四)

呢幾隻質地都各有不同！
大家都可以繼續睇落去∼

Cellbone醫學緊緻淨白CC霜 $360/30ml

Cellbone有精華素專家嘅美譽,
研發理念就是從基本的配方出開始,
採用的醫學成分屬世界知名權威性護膚配方,
所有產品皆具備醫學實驗證明，對皮膚有顯著嘅修護功效!
全新醫學緊緻淨白CC霜以美國尖端醫學美容技術將醫學美容成分,
精煉成精華原液並加入粉底,
配備醫學認可Broad Spectrum SPF30,
能阻隔UVA及UVB紫外線及改善膚色不均,
更以高濃度精華醫學成分如仿生胜肽及五胜肽,
能刺激膠原蛋白增生,改善肌膚鬆弛、幼紋等老化問題,
深層激活皮膚,提升肌膚緊緻度!

質感非常輕薄,
本身睇個cc cream比較灰有啲似早期BB Cream偏黃顏色，
以為效果會好暗啞,
但上面效果都做到均勻膚色,
遮瑕度就一般,鼻翼紅印都未能完全遮蓋,
遮瑕較多人士可能需要配合遮瑕膏使用!

銷售點：萬寧醫學美容專櫃