Janice Lam (Makeup Artist) - QOOZA BLOG 網上日誌

janicelam : 個人主頁 - 相簿 - 訂閱 [ QOOZA - 論壇 - 登入 ]

人氣：252632

janicelam

暱稱： Janice Lam
性別：女
國家：香港

MORE...

最近沒有訪客

日誌統計

文章總數： 681

留言總數： 35

今日人氣： 158

累積人氣： 252632

RSS 訂閱

打造飽滿櫻唇

2014 年 4 月 28 日星期一

成日睇好多廣告相，
見啲Model個唇豐滿得嚟又水嫩，
一啲唇紋都無，究竟點先可以做到呢個效果呢？
今日就會示範用唔同品牌嘅lip gloss，
打造飽滿嘅櫻唇。

MAC Mineralize Gloss $180

呢款lip gloss，全新包裝有12款新色調，
裡面加咗77種礦物酵母複合物成份，
所以非常滋潤，搽完好令身，
因為佢質地比較厚身，會有少少黏黏地，
所以上色度都唔錯架，平時出街返工非常啱用。

Jill Stuart Jelly Lip Gloss N $170

以上兩隻色都係新色，而且仲係限量架，
裡面加入咗新成分cherubic fresh oil，
而且滋潤得嚟一啲都唔笠。
質感豐厚仲好容易推開，令雙唇好飽滿，
搽完仲有少少豐唇嘅感覺。

Lancome Lip Lover

佢唇蜜系列有好多隻色，呢到只係一少部份，
由Nude到好鮮艷顏色，有閃唔閃都有。
佢質地一啲都唔會痴笠笠，好保濕，
仲可以撫平唇紋，上色度都唔錯，
感覺好水潤同薄身。

Lunasol Full Glamour Gloss $230

呢款lip gloss都介紹過幾次喇，
佢質地唔笠身，裡面有閃粉。
而呢一隻顏色比較淡，可以令自己咀唇顏色平均啲，
所以單搽都OK！
搽完仲有玻璃咀感覺，唇型睇落更豐滿。

Makeup For Ever Aqua Rouge

呢款唇彩係兩頭，一邊係唇彩一邊係透面lip gloss，
而佢最出名就係waterproof，而唇彩係matte質地，
游水都唔會甩，所以卸妝就要用水油remover。
佢質地好rich好滑，而且搽一層就夠實，
大家鍾意令身就可以加埋透明lip gloss喇！

另外，身邊好多朋友都話搽唔到唇膏，
尤其而家興韓式咀，要搽sharp色唇膏，
一搽就出哂死皮，怕咗咁話！
塊面要去死皮，其實咀都要架，
而咀個肌膚仲幼嫩過面部皮膚，
所以我哋可以揀返專為咀唇而設嘅磨砂。

而Bliss就推出咗一set唇部磨砂套裝。
裡面有一部唇部角質磨砂器同唇部磨砂膏，

首先個磨砂膏用微粒狀嘅糖、杏仁同核桃殼，為唇部角質
而且仲有荷荷巴油、橄欖油、乳木果油等等成份，滋潤雙唇。

再加埋個專有膠刷頭，代替用手搽磨砂膏，
可以促進唇部血液循環，做完雙唇更柔軟。

大家用嘅時候就最好就擺定一個位置30秒，
唔需要自己打圈架。
其實成日出死皮都有好多原因，
一來少搽潤唇膏，二來如果大家成日都舔咀，
搞個咀愈嚟愈乾。
所以大家最好介咗呢個壞習慣，
記得得閒就要搽多啲lip blam喇！

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

分類: 未分類

發表時間：2014-04-28 12:27 PM [ 訪客留言(0) ] [ 編輯日誌 ] [ 分享至FACEBOOK ]

多功能防曬產品推介

2014 年 4 月 27 日星期日

大家選用防曬產品嘅時候，
想要嘅function可能唔止係防曬咁簡單，
所以今次介紹嘅產品有防曬度高嘅，
適合敏感肌同BB嘅，有均勻膚色嘅、遮瑕作用嘅，
防水、防汗嘅，相信一定可以滿足晒你嘅要求啦！

介紹防曬產品又點少得Shiseido呢，
Shiseido絕對可以稱得上為防曬專家，
品牌喺1954年已經出第一款防曬產品，
並於日本最先創立SPF標籤。
咁多年嚟一直研發改良防曬產品，
先介紹品牌皇牌防曬系列。

以上兩款防曬都用咗獨家防曬技術SuperVeil-UV 360，
確保防曬均勻覆蓋凹凸不平及最微細肌理，
全面隔絕紫外線。
防護成分ProfenseCEL複合物，
防止傷害細胞同DNA，預防色斑同皺紋形成。
含抗氧化成分Thiotaurine及蒲桃葉精華。

左：Shiseido Perfect UV Protector SPF50+ PA++++ $320
高度防曬效能，阻隔UVA，UVB，
防水，防汗，不堵塞毛孔，
特別為猛烈陽光而設。
亦可用作makeup base,
以一般潔膚產品或落妝水卸除就可以，
面部同身體都適用架。
想保持最好防曬效果，記住要取足夠份量，
亦要經常塗抺，尤其喺出汗、游水或用毛巾抺乾皮膚後。

奶白色乳液狀，質地水潤，
易推，唔笠身，
推開變透明色好自然。

右：Shiseido Urban Environment UV Protector Extra Mild SPF30 PA+++ $320

不含紫外線吸收劑、酒精、香料、防腐劑
配方溫和，專為敏感肌人士而設，
出生後28日以上嘅BB都用得，
面部同身體都適用，
防水，不易阻塞毛孔，
高度保濕，可用嚟做日常makeup base，
能有效對抗UVA及UVB，保護肌膚。

相比起嚟，呢隻一唧出嚟比較creamy，
但係一推都係水潤感覺，
而且一啲都唔笠，感覺清爽，
搽完唔會白色一撻。

Shiseido嘅防曬產品咁全面，
點會忽略化妝時嘅防曬步驟呢。
成日有朋友問去游水化妝得唔得，
又驚濕水溶妝流白汗好尷尬，
Shiseido防曬粉底系列就幫到你啦！

全新防曬粉底含ProfenseCEL配方，
有蒲桃精華、槐樹根精華及虎耳草精華，
防止紫外線造成嘅細胞及DNA傷害，
抑制酵素活動，預防皺紋同色斑形成。
粉底採用特製塗層粉末，高度抗水，
根據粉底類型，混和最合適比例嘅油分做出防水功效，
令底妝keep得耐啲，冇咁易溶妝。
另外，儲水分複合物FX含多種高度保濕效果嘅穩定成分，
如透明質酸、甘油等，形成保濕薄膜層，
令底妝keep住水分，唔會咁易出現cake粉、甩皮情況。
含美妝粉末反射光線，
修飾不均勻膚色、粗大毛孔、幼紋，
防水、防汗、防油脂配方，令妝效更持久，
不堵塞毛孔，而且以一般潔膚產品或落妝水卸除就可以。

全天候抗禦防曬條狀粉底SPF36 PA+++ $200
防水、防汗，有效阻隔UVA同UVB。
就算游水或大量出汗之後都可以keep住靚妝。

呢隻色比較深，唔係好match膚色，
但係撇除顏色方面嚟講，
質感好滑，推開好薄身貼服，
而且唔會覺得乾，
仲可以當遮瑕膏用，
適合瑕疵較多嘅人。
可以直接用手指或粉撲塗上面。

平時做戶外運動或者去游水曬大陽嘅時候想皮膚靚啲精神啲，
就要配備一隻防水、防汗嘅粉底喇！

全天候抗禦防曬粉餅SPF35 PA+++ Refill $200, Case $70

有7種顏色選擇，可乾用或沾濕粉撲使用，
防水、防汗、防皮脂。適合日常使用。
如果要水上活動就建議揀番粉條喇。
想遮瑕度高啲，可以再局部印壓上面。
平時一早出街，下晝想補防曬嘅話，
呢個粉餅就好方便喇。

佢嘅質地好滑，好薄身，
遮瑕度唔錯，能抑制皮脂過量分泌。
夏天易出油，帶備一盒出街，
補妝又可以補防曬。

右：IPSA高效防禦抗曬乳液 SPF50+ PA++++ $270
現時最高嘅PA系數PA++++，
結合新研發Multi-Blocking Sun Shield技術，
高效隔絕紫外線UVA及UVB，抑制黑色素，
預防肌膚氧化，防水、防汗、防油。
成分有蒲桃葉精華、黃芩精華及透明質酸。
有效保持肌膚水分，
甘草酸對日曬後皮膚乾燥或者皮膚灼熱
就可以有消炎及舒緩作用。

質地好水，好清爽，
推開後變透明，唔會泛白，
亦冇一般防曬嘅粉感。

左：IPSA抗敏防曬保護霜SPF30 PA+++ $250
質感清爽，性質溫和，
低敏配方，無添加香料、色素、礦物油、酒精等添加劑，
不堵塞毛孔。
出生滿28天嘅嬰兒亦適合使用。
含枇杷葉精華及艾蒿精華，有效修護角質層肌膚，
形成抗敏保護膜，阻隔紫外線及空氣中嘅污染物。
一粒珍珠大小分量就夠塗均全面喇。

質感好似普通面cream咁，
完全唔似一般防曬果種粉感，
亦唔會搽完覺得白咗，
好易推勻，一啲都唔笠。

除咗有透明色嘅防曬之外，
以下嘅介紹有潤色作用，
可以作為打底改善膚色，
仲有BB cream選擇添，
好多人都想一支搞掂晒防曬、遮瑕、均勻膚色，
以下介紹應該幫到你！

Clarins清透美白防曬系列
專為敏感肌膚而設，100﹪礦物配方，
預防老化，防止黑斑形成，
成分有來自法國嘅卡塔路爾有機哈蜜瓜精華，
以毫微膠囊技術，將抗氧化及抗老化嘅植物萃取成分包住，
塗上面之後就會釋放出植物成分，
提升抗氧化能力。
含獨家抗污染複合物，以天然植物及生物科技成分調配，
對抗環境污染對皮膚嘅傷害。
以上三重防護能有效阻隔UVA及UVB。

清爽美白防曬乳SPF 40 PA+++($360)
有3種色調，分別係透明色、杏色同肌膚色，
迎合不同嘅需要，
如果平時有搽粉底，可以選擇透明色，
用嚟打底有提亮作用，
而杏色可均勻膚色，有助遮蓋紅印瑕疵，
肌膚色帶淡粉紅色，如果你膚色偏白，
想改善膚色，睇上去紅潤啲，可以試試！

Oil Free質地好水，推開後清爽，
仲好有光澤，令皮膚睇上去水潤啲，
亦可修飾細紋。

相信好多人都想防曬同粉底一Take過，
咁不妨試試清透美白BB霜SPF 40 PA+++($360)，
有防曬作用，能均勻膚色，又有遮瑕效果，
咁多功能，一次過滿足晒你嘅要求！

效果好有光澤，可均勻本身明顯泛紅嘅皮膚，
而且好薄好自然，
唔會好似一般BB Cream比人好笠嘅感覺，
塗勻後唔會痴笠笠。
如果瑕疵多嘅建議再搽遮瑕膏或上粉底。

包裝底部亦有expiry date，
開封後18個月要用完喇。

Dermacept by Dr. Zein Obagi 活膚日用防曬液SPF50+ PA++++
含專利配方超級UV Cut 阻隔成分，
有效阻隔最長UVA波段對真皮層嘅侵害，
預防肌膚老化。

添加Bright Change Powder，
可以將有害嘅紫外線轉化為對皮膚有好處嘅藍光，
藍光有效促進細胞新陳代謝，
令肌膚更細緻，增加透明感，
仲可以深入真皮層，
有助彈力蛋白及膠原蛋白形成。
平常日曬就唔使驚啦。
裡面含有Active Base保濕成分同積雪草提取物，
提升天然保濕因子含量，
強化基底膜，幫助傳遞養分及水分。

留意濕疹皮膚、傷口同敏感肌就不適用喇！

質感好水，易塗勻亦冇黏膩感，
推開唔會有白咗嘅情況。

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

分類: 未分類

發表時間：2014-04-27 02:27 PM [ 訪客留言(0) ] [ 編輯日誌 ] [ 分享至FACEBOOK ]

新娘髮型教學 – 髮「飾」魅力

2014 年 4 月 26 日星期六

好多新娘子係結婚時特別重視化妝同髮型，
往往忽略咗頭飾嘅重要性，
大家千其唔好忽略頭飾嘅魅力呀!
頭飾就有一種畫龍點睛嘅效果，
今次就由同事Jellia為Irene set唔同髮型配襯唔同嘅大熱頭飾，
打造唔同嘅造型比大家睇下!
除咗造型之外，
仲示範咗個髮型教學比大家睇下添!

今次就教大家整呢個非常百搭嘅髮型，
無論著婚紗或者晚裝同咩面型嘅人都襯得到。
好多人都覺得好似好難整咁，
其實做法好簡單，
幾個Step就做到啦，
大家都可以試下整呀!

Step 1: 先用粟米夾夾鬆髮根

Step 2: 用Carmen卷分part卷晒成頭頭髮

Step 3: 削鬆頭頂頭髮

Step 4: 用髮夾固定頭髮

Step 5: 將頭髮由右至左用髮夾固定

Step 6: 將頭髮由左至右用髮夾固定

Step 7: 最尾嘅頭髮用髮夾固定

Step 8: 將頭飾放係置中

Step 9: 用電熱棒卷前陰頭髮

完成啦~

教完大家SET新娘髮型，
而家就同大家分享下唔同嘅頭飾啦!

閃石頭飾一直都係新娘們大熱款式，
今次我就整咗一個比較簡單整齊嘅髮型，
更能突出個人高貴氣質!

另一款又係有唔少新娘都特別鍾意，
就係簡單嘅閃石珍珠款式，
其實呢類型嘅頭飾唔係單單配襯到整齊嘅髮型，
亦可以襯到下面嘅髮型呀!

除咗以上2款髮型之外，都可以參考下下面嘅髮型丫。

皇冠頭飾更加係新娘必備嘅款式添!
不過揀皇冠都有小小tips,
因為有啲人會擔心帶皇冠好誇張，
其實只要唔好揀啲太突出太大嘅款式，
選擇平身啲嘅款，出嚟效果就完全唔同啦!
以下我就揀咗啲自然款式嘅皇冠示範比大家睇。

想打造韓Feel啲可以set呢類髮型配搭 ~

至於呢類華麗啲嘅皇冠，我哋可以襯返以下嘅髮型。

比人高貴大方嘅感覺。

大家都可以好似上圖咁配搭，
一樣都好靚㗎！

呢類頭飾除咗做到以上嘅韓式，高貴大方感之外，
亦可以打造甜美感嘅造型。

分享咗幾個唔同髮型配唔同頭飾，
唔知你哋又鍾意邊款造型多啲呢？

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

分類: 未分類

發表時間：2014-04-26 12:50 PM [ 訪客留言(0) ] [ 編輯日誌 ] [ 分享至FACEBOOK ]

三種方法打造三款夏日眼妝

2014 年 4 月 22 日星期二

平日大家化妝嚟嚟去去，都係化吓返工妝，
用嚟用去都係啡tone eyeshaow，
悶悶哋大家都可以試吓新意思，
就算返工化唔到，平時出街都有煥然一新感覺。
而今日會用三個品牌，
以不同嘅眼妝化法，
示範三款唔同感覺嘅妝容。

JILL STUART Jewel Crystal Eyes $380

首先就化一個夏日清新嘅妝容先啦，
今次就用JILL STUART最新2014 Summer Collection。
同樣都係打開盒就有好香嘅花香味，
而眼影質地比較shimmer，裡面有好多大粒珍珠閃粉，
顏色比較鮮色，又粉紅又藍又綠咁，
一見到就感覺好fresh好young.
今次限定兩款，分別係#101 sapphire breeze同#102 coral flower，
而我就揀咗感覺清新脫俗嘅#101湖水藍色示範比大家睇。

好多女仔見到呢啲藍色綠色覺得好靚，
但係又驚好似好誇張或者唔知點用，
其實一啲都唔難架！

今次化法以藍綠為主色，加上粉紅色highlight，增加甜美感覺，
呢個妝感覺比較柔和啲，
所以用深啡色眼影做一條soft眼線，襯番成個tone。
整個眼妝感覺好fresh架！

1.用大號眼影掃上粉紅色(#2) highlight眉骨位。
2.用中號眼影掃將綠色(#1)塗於眼窩。
3.用圓頭掃將藍色(#3)掃上前眼白位。
4..用圓頭掃將粉紅色(#2)highlight下眼頭。
5.最後用超細號眼影掃，用深啡色(#4)畫條眼線，眼尾稍為拉長。
完成！

用後感：
易上色，大粒閃粉嘅效果令眼睛好bling bling，
整體感覺都好soft，唔會覺得好誇張，
如果係初學者，粉紅、藍、綠單獨使用都OK，
塗眼窩位置令眼睛有啲光感，
或者再加少少深啡色已經可以好靚，非常易用！
皮膚白淨嘅人用呢類粉色會較適合。

如果想化一啲深色啲或者party少少嘅眼妝，
可以試試Lancome全新嘅幻醉雙效五色眼影。

呢個系列總共有9款，上圖只係其中一部份咋。
一盒齊備深淺色，
無論早上返工淡淡嘅日妝定係
夜晚去街去party濃啲嘅晚妝都可以一盒搞掂晒，
而且好易就做到富層次感嘅眼妝。
眼影亦可乾濕兩用，
濕用嘅話可以用盒內棉棒沾少少水，
顏色就會較深同實色，
乾用顏色會soft啲，亦較易handle。

今次揀咗#DO2紫色眼影，好多朋友都怕用紫色會眼腫，
其實只要化嘅位置正確，
就唔會有咁嘅情況架喇！

呢個化法主要想增加眼部立體感，
以紫色為主色塗於眼頭眼尾，
shimmer顏色喺中間，
光線反射嘅時候就會有反光效果，
令眼形睇上去深色位置凹，淺色shimmer位置凸，
塑造出眼部立體感。

1.用大號眼影掃上淺粉紅色(#2)highlight眉骨。
2.用中號眼影掃將淺紫色(#5)塗於整個眼窩。
3 & 4.以中號及細號眼影掃將紫色(#4)塗於眼尾及眼頭。
5.用中號眼影掃在眼珠中央加上帶shimmer嘅淡紫色(#1)。
6.用超細號眼影掃將下眼頭及眼尾塗紫色(#4)。
7.用圓頭掃於下眼中央掃上淡紫色(#1)。
完成！

用後感：
非常上色，好易blend開，
每隻色都有好細嘅閃粉，
其中#2仲有shimmer效果，
顏色配搭可以有更多選擇，
可以用唔同化法去做唔同效果。
深淺色有齊晒，日妝轉晚妝好方便！
比較適合皮膚白淨嘅人。
總括嚟講超實用，顏色好靚！

如果你係新手化妝，未敢嘗試之前咁多color嘅眼影，
可以睇下以下earth tone嘅示範。

M.A.C.柔彩礦物四色眼影盒 $380
整個系列有六款，分別係金色系、灰色系、綠色系、藍色系、紫色系及粉色系。
而上圖(左至右)係金色、灰色同綠色系。
每盒以淺至深嘅顏色配搭，
化日妝同晚妝都好適合。