上個星期就同大家介紹左轉季嘅護膚品，
今個星期就同大家介紹啲緊緻系列嘅Skincare啦~
大家唔好諗住：嘩！我仲後生，唔洗用住啊！
隨著年紀增長，皮膚會慢慢衰老，
皮膚水分會慢慢流失，鬆弛，缺乏彈性，
漸漸變成成熟型皮膚！
所以唔一定年紀大先需要用，
拺skincare要睇返你嘅皮膚狀態而定，
大約30歲可能已經有需要用！
想對抗皮膚衰老嘅朋友快啲睇下我地嘅介紹啦!
Kate Somerville係荷李活嘅專業美容護膚專家，
被《People》雜誌譽為"Guru of Glow"的美容聖手，
唔單止擁有專業美容知識，
仲提供專業高級面部，身體及纖體療程，
並於2006年創立同名護膚產品系列，作客人療程嘅家用護理！
品牌結合左醫學知識同美容享受，
為顧客度身訂造個人嘅美容護理方案，
係美國成為一流嘅醫學美容診所，
荷李活星級名人都非常追捧嫁!
品牌今年三月正式進軍香港,
創辦人Kate Somerville更首度來港舉行了大型的發佈會。
今次我同workshop同事都有出席佢個event嫁!
係Event上見到Kate真人,
佢啲皮膚真係好好,
都分享左好多人用前用後嘅效果!
用完果隻product皮膚真係緊緻同飽滿左,
效果好自然唔會比人有硬膠面嘅感覺!
而我地同事irene都有跟janice一齊出席event,
等佢都分享下event後感啦!
Irene:
我係第一次跟Janice出event,
好開心Janice比機會我大開眼界~
當日除左可以親身試用之外,
仲有品牌創辦人Kate教我地點用啲Product,
令我地更加了解啲產品!
另外更加了解平時啲event流程,Setting等等!
幕後工作人員和PR們都付出不少!
Kate Somerville 升級抗皺治療精華（左）$870 / 75ml
Kate Somerville 升級抗皺治療精華加入左突破性科研抗衰老技術,
利用獨特嘅設計為皮膚底層注入氧氣,
全面提升肌膚彈力，使皮膚變得飽滿,
有效撫平易表情紋和即時減淡皺紋!
獨有升級*HydraFill™複合物配方,
分別是PFC-載氧體，透明質酸，稀有植物萃取物，
能提供急需的氧氣輸送，幫助面部肌肉放鬆，
為皮膚排毒，去除雜質，令皮膚更柔軟嫩滑！
亦能減淡皺紋,緊緻肌膚,改善膚色不均及暗啞缺水等衰老問題。
有深層滋潤保濕成分，能均勻膚色，提升光澤，
適合老化及暗瘡粉刺皮膚使用！
使用前先將整瓶搖勻，遠離臉頰，噴霧3次。
再按著按鈕，分2至3次橫向式噴霧於右邊臉頰（顴骨，嘴到耳朵及下巴線），
完成後立即按摩。左邊臉頰如是，最後橫向噴霧1次於額頭再按摩。
讓皮膚完全吸收後再使用其他Skin Care。
Kate「再生8」保濕精華液 （中）$1,505 / 30ml
採用左Restor8TM複合成分，
專門對抗8大衰老現象：
皺紋和鬆弛的皮膚、脫水和乾澀、
暗啞、色素不均勻、粗糙和毛孔粗大。
成分集合左多種維他命、營養成分、肽和抗氧化劑,
可令鬆弛的皮膚回復緊緻,
鎖住皮膚底層水分,令皮膚細胞飽滿,
更有助改善膚色和膚質!
Kate磨砂系列深層磨砂護理 （右） $780 / 60ml
深層磨砂護理有效去除老化角質層，
佢嘅微珠幼磨紗成份針對毛孔進行深層清潔，
水楊酸能保持肌膚平衡保濕，避免皮膚過乾。
Kate Somerville 香港銷售地點:
IFC Mall Lane Crawford,IFC Mall Podium 3,Central 8 Finance Street,
Canton Road Lane Crawford,Tsim Sha Tsui 3 Canton Road
GATINEAU最新推出嘅Collagene Expert™系列，
重點針對肌膚衰老，撫平皺紋及改善彈性，
集合左三種獨有回復年輕的膠原蛋白﹕
去端肽膠原蛋白(AteloCollagen)、可溶性膠原蛋白(Soluble Collagen)
及骨膠原蛋白(ProCollagen)。
成分有效補充流失嘅膠原蛋白，係肌膚表面形成保護膜，有效鎖住皮膚水份，
亦能為皮膚提供水分及形成薄膜達至深層補濕及皮膚更新！
更有助撫平皺紋，增加皮膚的柔軟度及飽滿度！
減少衰老跡象和回復肌膚活力！
Gatineau膠原蛋白柔滑眼部肌底液 （左）15ml
含豐富膠原蛋白，
質地好薄好爽，適合用於眼部！
可均勻膚色，減少皺紋，減輕眼部浮腫及改善眼部輪廓，
而且有深層補濕功效！
Gatineau膠原蛋白極嫩柔滑乳霜（右）50ml
含豐富膠原蛋白及彈性蛋白，
可抗氧化，深層補濕及促進肌膚重組！
使皮膚變得明亮、柔軟及有彈性。
Gatineau銷售地點:
GATINEAU Spa 活膚水療纖體中心-銅鑼灣店
銅鑼灣羅素街2-4號2000年廣場25樓全層
根據科學鑑證，唔少珍貴寶石均隱藏促進細胞增生的效能，
來自法國嘅Gemology係第一個以珍貴寶石和半寶石為原材料嘅美容品牌,
首次推出美鑽護膚系列，希望將大自然不可思議力量轉化為保守肌膚健康的活能量！
Gemology 融合左大自然嘅力量，重整肌膚自我調節系統，令肌膚回復活力。
珍貴的礦物寶石蘊含豐富人體及肌膚所需的微量元素，
Gemology悉心挑選的寶石包括有
鑽石、翡翠、橄欖石、菱鋅礦、月亮石、蛋白石、白晶、珍珠、赤鐵石等等！
鑽石是美鑽護膚系列的原材料，其他珍貴礦物寶石包括赤鐵石和橄欖石，
可促進膠原合成，緊緻肌膚，有效緩減皮膚衰老現象。
寶石抽取過程好複雜，先要過濾和分析，用酸性抽取技術提取適用的微量元素，
以鑽石為例，每100 公斤的鑽石只能提取100 克所需要的成分，十分矜貴。
配合新西蘭 Pure Bio Aqua 天然水和天然植物萃取物，讓肌膚享受真正的淨膚體驗。
結合獨特的水療美容技術，產品為肌膚提供最佳的防禦和保護，
打破皮膚因時間而衰老的定律。
GEMOLOGY 橄欖石緊緻精華油 $566/30ml
賣點是有寶石成分橄欖石，
含豐富鎂，提升人體細胞的ATP效能、
為皮膚細胞注入無限能量，可預防衰老現象！
另外加入精油成分，
可更生細胞、促進角質表皮增生，
提升膠原合成作用，緊緻肌膚！
精油成分有：
EO Wood Cadier – 更生細胞、促進角質表皮增生
EO of Rose – 提升膠原合成作用
EO of Grapfruit – 收緊肌膚、抵擋下垂
Gemology銷售地點:
BEAUTY CLINIC by Su
中環皇后大道中48號萬年大廈14樓
Tele:2522 7822
Peter Thomas Roth 抗皺爽膚水 $337/200ml
呢隻toning lotion不含酒精，係無油配方，
可以去除皮膚雜質同清爽肌膚。
成份有18種neuropeptides，縮氨酸，透明質酸
抗氧化成份維他命A, C & E，
有效減淡皺紋和細紋，
補充水分，而且帶有24K金粒子，可舒緩消炎。
使用後皮膚柔滑清爽。
佢嘅質地好水，倒出嚟已經見到一粒粒閃粉，
其實係24K金粒子，推開皮膚即刻吸收哂，
非常水潤，而且無添加香料成分！
不含刺激皮膚嘅成分，敏感皮膚人士都可以使用。
Peter Thomas Roth銷售地點
永安百貨(上環總店) , 莎莎(指定店鋪) ,
萬寧(中環國際金融中心,銅鑼灣總統戲院商場,旺角新世紀廣場)
Harvey Nichols (中環置地廣場)
睇完一系列嘅介紹~
唔知大家有冇邊隻想買呢?
有興趣就快啲去專櫃試下啦!
如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup
