眨下眼又一星期啦!
唔覺唔覺都教大家做左小手工一個月,
唔知大家有冇試過自己做呢?
今次再教大家做一個睇落好複雜但其實好易嘅小花戒指啦!

先介紹下啲材料工具

工具材料分別有:
藍色,紫色和紅色羊毛,海綿,氈針,
(購自羊毛氈材料店手作仔)
地址:深水埗西九龍中心7樓蘋果商場7070號鋪
戒指底坐和白膠!

小tip:大家可以因應自己鐘意嘅顏色再作配色嫁!
同埋大家可以睇返自己需要做橡根,髮夾,扣針等!

1.先準備6份大約5cm長的羊毛
2.向前捲實
3.利用氈針篤成扁圓形
4.記得尾部羊毛預留返做接合!

1.重覆以上步驟6次
2.將已完成的6個扁圓形重疊
3.利用氈針將重疊位置篤實
4.篤至花形即成

1.向前捲實
2.篤成圓形
3.放在花花正中再篤實
4.篤至圖中形狀

1.準備8粒藍色波波
2.圍住紫色羊毛圍邊
3.利用氈針篤實
4.即成

1.在預先準備好的戒指底托擠上白膠
2.痴實即完成

<<DIY森林系髮夾>>
http://www.girlstalk.hk/blogs/?p=7444

<<心心相印小吊飾>>
http://www.girlstalk.hk/blogs/?p=7172

<<迎春接"福">>
http://www.girlstalk.hk/blogs/?p=6732

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

尋日就有Irene示範咗3個品牌嘅春裝眼影妝，
今日就等我Jellia同大家分享另外3個品牌嘅春夏眼影啦，
而家就示範下點用佢哋嘅眼影，
嚟化呢3個不同感覺嘅春妝啦！

第一個就係我一直都好鍾意嘅眼影品牌 ﹣ Lunasol 砂景淨化系列

今次呢個系列係用砂景嚟做主題，
眼影顏色都係好自然，
塗上眼效果係好柔和。

而家就化個柔和效果嘅眼妝先：

Step 1: 首先用1號眼影掃上整眉骨位做highlight
Step 2: 用3號眼影掃係眼窩位置
Step 3: 用4號眼影掃係雙眼皮位置上
Step 4: 同樣用4號眼影掃係下眼尾位置
Step 5: 用1號眼影掃係眼頭位置
Step 6: 用眼線筆畫眼線

成個Total Look：

今次佢嘅眼影同過往有啲唔同，
過往色調都係由淺至深色，
今次呢個系列顏色就係偏自然為主，
淡淡嘅顏色加上小小閃粉，
就算係新手都好易上手！

下面個4款就係 Laneige Pure Radiant Shadow $260/6g

眼影含有珍珠末成份，不單止有潤膚嘅作用，
仲令到佢嘅質地好滑添！
閃眼影部份只要輕輕一掃就已經好閃，啲色好出呀！
啱晒鍾意bling bling嘅姐妹們！

係時候用示範一個bling bling眼妝比大家睇下先∼

Step 1: 用2號眼影掃係眼窩及眉骨位做hightlight
Step 2: 用4號眼影掃係雙眼皮位
Step 3: 用1號眼影掃係眼窩位置
Step 4: 用4號眼影係下眼尾2/3位置
Step 5: 用3號眼影畫下眼頭位
Step 6: 畫上上眼線再塗上睫毛液就完成

成個Total Look：

呢盒眼影真係好百搭，
佢一盒裡面有2隻好閃嘅色又有2隻matte色，
當日妝用：可以用2號色打底，用4號色畫眼線，出嚟效果好自然！
當晚妝用：可以加上1號色塗係上眼蓋位置，
眼妝即係bling bling咗，如果想化個楚楚可憐嘅韓妝，
又點少得整個卧蠶呢？
可以用番1號色或3號色打亮眼頭就輕易做到啦！

日式，韓式嘅眼影都試過啦！
個人認為Lunasol個盒嘅色會常用啲，失手機會幾乎係零！
介紹完日系嘅Lunasol，韓系嘅Laneige
而家介紹埋歐美品牌Clinique嘅眼影啦！

Clinique All About Shadow $275/4.8g
初初一打開盒眼影嚟睇，其實覺得無咩特別，
以為都係一盒matte色眼影，
點知一試上手，質地好滑之餘仲有珍珠光澤添，
啱晒眼部輪廓唔明顯嘅我！

打開個盒就見到佢有個圖教我咩色塗係咩位置，
有時新手見到一盒幾隻顏色嘅眼影，真係唔知點塗先靚，
有咗呢個教學圖，真係易上手啲∼

頭先2個妝都係比較粉色，
所以今次我就試下個藍色眼影啦！

Step 1: 用1號眼影掃係眼窩及眉骨位做hightlight
Step 2: 用3號眼影掃係雙眼皮位
Step 3: 用2號眼影掃係眼窩位置
Step 4: 用4號眼影係上下眼尾2/3位置
Step 5: 用3號眼影畫下眼頭位
Step 6: 畫上上眼線再塗上睫毛液就完成

成個Total Look：

唔知大家會唔會都同我一樣，有時買咗盒4色眼影番嚟，
其實用嚟用去都係個2色色，頂盡都係3隻色，
總係淨番另一隻色唔知點用！
歐美品牌嘅化妝品比我印象係實用為主，我覺得真係無錯！
今次嘅Clinique就做完全發揮到呢個實用效果啦！
佢一盒4隻色，真係4隻色都用到！
佢仲好細心教埋你點用添！真係唔錯！

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

過完新年，好快就準備踏入春天喇，
代表各大品牌開始推出春夏系列嘅新產品，
今個星期就會為大家介紹，最新收到嘅eye shadow palette，
仲會示範點用個palette添！
而今日就有Burberry, Maquillage, YSL。

YSL Flower Crush Palette #Pivoine Crush $580

呢款eye shadow palette，係春季限量版嚟架，
佢一盒有5色，而顏色都係粉色為主，
裡面有兩款質地，有matte同shimmer，
上色度不錯，而且出嚟效果仲好靚添。

而呢個系列係以花海為創作靈感，
所以大家見到呢個print ad，
係唔係完全感受到俾花海圍住嘅感覺呢？
事不而遲，教吓大家點用呢個palette化個靚妝啦！

Step 1：用中間米黃作眉骨 Highlight。
Step 2： 將左下角珊瑚粉色，掃上整個眼窩。
Step 3：再用右上角香檳橙色掃上前眼蓋。
Step 4：之後掃上左上角粉紅色，再將兩色blend開。
Step 5：用右下紫色掃在三份二下眼線。
Step 6：最後畫上內眼線，搽上睫毛液。

Total Look！

Burberry Complete Eye Palette $390

而Burberry春夏系列，感覺同其他牌子好唔同，
帶有春天嘅氣息外，
都不失以往嘅英倫有型風格。

係顏色方面就新出咗，
玫瑰粉紅色同鼠尾草綠色，非常特別！
佢質地幼滑，顯色度同樣非常出色，
而且質地唔算太閃，鍾意低調嘅朋友就啱哂！

而今次就用綠色做春妝示範，

Step 1：首先用左上第一，米黃作眉骨 Highlight。
Step 2： 用淺啡色掃上整個眼窩。
Step 3：將第三隻淺綠色掃上眼蓋後，再用鮮綠色由眼線位blend開。
Step 4：用鮮綠色掃在三份二下眼線。
Step 5：再用米黃色打亮眼頭。
Step 6：最後畫上內眼線，搽上睫毛液。

Total Look！

Maquillage True Eye Shadow $320

Maquillage呢款palette口碑一直都唔錯，
而今個春季就出咗兩款限量色，內裡同樣有5種色調，
顏色非常百搭，而且好啱嚟緊情人節用添！

呢款眼影效果出嚟好自然，
好適合啱啱開始化裝嘅你，唔小心重手咗都唔覺呀，
而且眼影盒裡面仲教埋大家點用添！

而眼影質地帶shimmer，仲好幼細添，
輕輕掃上眼都好上色，而且容易blend開。
今日就會用一個淺藍色做一個自然淡妝，

Step 1：可以用左邊白色/米黃色作眉骨 Highlight。
Step 2： 用右上角淺藍色掃上整個眼窩。
Step 3：之後掃上右下尾二的淺啡色在眼摺。
Step 4：再用右下角深啡色繪畫作眼線。
Step 5：同樣用深啡色畫在三份二下眼線。
Step 6：最後搽上睫毛液。

Total Look！

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

大家好!我係Joan~
唔經唔覺已經畢左業四個月,
上一次都分享過為左爭取時間我係同一時間完成大學學位同埋學化妝!
係呢幾個月自己都試過接下job,
而上個月開始都加入左workshop幫手,
不時都可以跟Janice出下job!
今次就等我分享下出Job嘅經歷啦!

自己接Job同跟Janice出Job都有一個共通點,
就係要快快快同快!
當然快得黎都要靚同正啦!
首先講下自己接嘅Job先啦!
好想同大家分享一個晚宴Job同新娘飲宴Job

呢個太太晚宴妝係我畢業後第一個接嘅化妝Job,
果日好突然,係朋友介紹即日接嘅Job,
諗返都覺得自己大膽,
接呢個Job連埋化妝完妝都冇半日,
完全冇諗過會唔會帶漏野,個客想化咩妝等等!
好彩太太最後好滿意個妝,
佢另外兩個朋友都即場要求幫佢化埋個簡單妝容!

令外一個新娘飲宴妝其實係我從加拿大返黎嘅表哥表嫂擺酒,
知道我學完化妝特登唔搵MUA留返俾我化,
再一次多謝佢地對我嘅信任,
由於佢地係外國返黎有好多應酬,
臨時遲左一個鐘頭返酒店,而我只係淨返一個鐘頭化妝set頭!
時間非常緊湊,好彩到最後都趕得切化哂成個妝,佢地都好滿意!

經過幾次經驗先知一手一腳由底妝到完妝真係一啲都唔容易,
當你背負住一個Job係身,其實壓力都幾大,
因為客人將佢重要嘅一日交俾你,你都會想做到最好嫁!
咁分享完自己接嘅Job,
之後就分享跟Janice出outjob啦!
可能你地會話:你自己接Job就大壓力姐,
咁跟outjob做助手唔會啦呱!
你地又錯啦!老實講,其實係一樣甚至更大壓力嫁!
大家都知道Janice化妝技巧真係大師級,
搵得Janice化嘅都係大Job,要快靚準之餘仲唔可以出錯,
一做錯野影響嘅唔係自己聲譽而係Janice同Workshop,咪話唔緊張!

言歸正傳,
我都跟Janice出過幾次Job,
咁今次就分享代表Workshop出去化Halloween妝同埋最近一次出去化雜誌大頭妝做助手

Halloween果次係義工形式幫小朋友畫鬼臉,
好次好輕鬆咁,但其實我地team係六個鐘內化左200幾個小朋友,
真係連去廁所嘅時間都冇!
但係好好玩嘅!果日連大朋友都玩得好盡興嫁!

而雜誌大頭妝就真係比較大壓力啦!
雖然我地只係做助手幫手抹下妝轉下妝,
抹妝嘅時候先發覺原來都要好講究~

有啲妝容會用油彩幫model填滿眼蓋,就連眉毛位置都染滿顏色,
抹嘅時候要抹走顏色又唔可以抹走底妝都幾難嫁!
由於懶左冇咩練妝連最基本落妝都生疏埋,
真係抵話!轉妝最後都係要Janice親自出手!
Janice一出手二三下已經抹返乾淨之餘仲補返靚個底可以繼續轉造型啦!

大家睇到咁多個造型,其實都係當日先知道主題即場設計~
原來出黎做Job好多時都唔會預先知道化咩妝,妝嘅主題係啲咩!
所以除左基本功之外~Janice成日叫我地睇多啲留意多啲係無錯嫁!
大家真係要儲定多啲"貨"啊!
大家都唔想有朝一日自己接Job人地叫你諗個造型你企左係度唔知點化嫁~

咁多個造型當中,我最鐘意呢個粉紅妝容~
大家望落去個妝係咪好出色呢!
單單眼妝嘅部分已經運用左不同嘅粉紅打造層次感,
望落去出色之餘又唔會死實實!
其實Janice都係用返Workshop嘅Product出Job,
只要個Base打得好,記住平時上堂成日講嘅基本技巧"壓色",
平時嘅Product都可以運用係雜誌大頭妝容上嫁!

出Job除左係化妝方面要幫手之外,其實係Team Work!
可能你見到Model擺Pose要輔助工具你又要去幫手,試燈您又可能要做下Model!
你可能會話呢啲唔係你工作範圍!但加快左成個流程,對成team都有好處啦!
所以話做野真係唔好怕付出~你幫到手就一定要幫!
人地肯比機會你學多樣野,對自已都有好處啦!

如果唔係跟住Janice出Job,我都唔知一幅雜誌相背後要做咁多野嫁!

連Model指甲呢啲細節都要留意!真係學到唔少野啊!
所以大家同學仔想做到快靚正,
真係要付出時間,勤力練習,唔好怕付出怕辛苦,
因為一生疏左就要從頭開始嫁啦!
今次分享到呢到~下次再同大家分享啦!

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup