我哋workshop又再舉辦有獎問答遊戲益大家喇！
首先多謝大家一直以來對我哋支持，
所以我哋定期會舉辦唔同活動俾大家參與。

而今次獎品就係“修眉﹠畫眉指導”（價值＄250），
由於Janice教過咁多班個人化妝班之後，
發覺好多同學仔對條眉都好有要求，
但自己又唔識去點修/畫自己條眉先係啱。

所以我哋就決定同大家玩個小遊戲，
估中以下圖中嘅人，跟住我哋嘅step去做就得㗎喇！
放心，我哋會俾tips俾大家嘅！
名額有20位，會以抽籤方式抽出得獎者。

1. 無綫當紅花旦。

2. 無綫當紅花旦，有時會唱吓歌。

3. 近期韓劇好紅嘅女主角。

4. 韓國一代女神。

5. 國際知名中國女演員

6. 台灣性感女星

Step 1: 首先係Blog 留言，留底email、電話同名，
而且要估中相中6位人物。

Step 2: 之後click到Janice Lam Makeup Workshop讚好，share到自己嘅wall。
(要設定為公開，否則我哋check唔到，就當棄權)

Step 3:  最後要print screen或電話cap圖send去我哋inbox，
確認係like咗我哋嗰Page。如圖示。

Term & Condition
＊遊戲截止日期為2/28/2014，時間夜晚11:59pm。
＊我們會以抽籤形式，抽出得獎者。
＊得獎名單會在3/6/2014公佈，並以email通知。
＊我們以留言名稱和email作準，使用服務時要出示得獎email。
＊必須根據我們提供的兩個時段(其中一段)進行，否則會當作棄權。
名額會再抽籤轉予其他人。
＊修眉服務需在公佈名單後，兩個月內使用（截止日期：6/6/2014)。
＊修眉服務不可以指定化妝師。
＊不可以轉讓給其他人使用。
＊不可以轉為其他服務。
＊不可以轉換為現金。
＊如有任何爭議，Janice Lam Makeup Workshop將保留最終決定權。

今次介紹嘅產品都係嚟自歐美著名尊貴品牌最新嘅護膚產品，
其中一個仲係3月先會進駐香港添！
我地就率先為大家介紹一下啦！

By Terry Cellularose Brightening CC Lumi-Serum (＃1) ＄840

加入先進嘅玫瑰生物技術護膚元素,
配方有白玫瑰細胞White Rose Native Cells有助細胞更生，
維他命E有助抗氧化，葵花籽油幫助維持肌膚水潤。
光線折射微粒同柔焦微粒有助隱藏色斑，
增加肌膚光澤感，修正唔均勻嘅膚色，
仲有淡淡嘅玫瑰花味。

質地好水，帶珠光色可改善暗啞膚色，有提亮效果，
上粉底前用可以令皮膚睇起嚟有自然嘅光澤感。

By Terry Baume de Rose ＄610
呢個係品牌嘅皇牌產品，今次出咗十週年特別版，
樽身有好多心心圖案，
呢個星級護唇霜含百葉玫瑰花蠟同大馬士革玫瑰花蠟，
有效軟化同緊緻唇肌，
高度滋潤嘅乳木果油對付唇紋就最work喇，
搽唇膏前用嚟打底咁就冇咁現唇紋，
亦都可以避免太乾或甩皮情況，
睡前塗厚厚一層可以當lip mask添，
有好香嘅玫瑰花味，鍾意玫瑰香味嘅朋友一定like!

質地滋潤而唔黏膩，用嚟潤唇打底非常好！

la prairie呢個尊貴系列嘅主要成份包括
三種喺極惡劣環境下都能夠生存嘅植物：
挪威虎耳草、高山雪鈴花及瑞士雪藻組成嘅瑞士冰晶複合物，
植物細胞精華，透明質酸等，
挪威虎耳草及高山雪鈴花喺極嚴寒地方亦能生長，
有極強細胞保護機制，
瑞士雪藻能抵抗猛烈紫外線及強光傷害，
因此品牌利用三種植物嘅特點研發出瑞士冰晶複合物，
幫助對抗衰老，促進細胞更生。

右：la prairie瑞士冰晶細胞新生精華 $2,800
主要成份有複方植物油，抗衰老天然萃取及瑞士冰晶複合物，
增強肌膚抵禦力，
油質嘅特點有效防止水份流失，持續保濕。
可以單獨用或mix埋其他保濕cream一齊用架。

質地唔會好杰身，唔會覺得好油淋淋，
塗勻後好快滲入皮膚，唔會有黏笠感覺。

左：la prairie瑞士冰晶細胞新生乳霜 ＄2,800

能鞏固肌膚抵抗力，增強自我修復能力，
深層保濕，抗老化。

特別嘅水包油啫喱霜質地，質感幼滑，
好容易吸收，潤身而唔會笠痴痴。

Kate Somerville星級抗皺治療精華

大家對Kate Somerville呢個名可能會好陌生，
品牌嘅護膚產品系列喺2006年創立，
喺美國荷李活已經係好出名嘅專業美容護膚專家，
仲係好多荷李活名人嘅御用護膚品添。
抗皺治療精華嘅HydraFill複合物配方有3大抗衰老成份：
PFC﹣載氧體幫助大量氧氣注入肌膚底層及為皮膚排毒，
透明質酸有持久保濕作用，
仲有稀有嘅植物萃取物令肌膚更細緻有光澤，
配方能有效減淡表情紋、皺紋，增加皮膚彈性，
改善膚色唔均勻、暗啞、缺水等問題。
適合老化及暗瘡粉刺皮膚使用。

大家見到咁特別嘅噴咀設計，可能都估到佢嘅質地，
呢個精華用法有別於一般嘅精華，唔係就咁搽上面架，
而係噴上面，所以用前要先搖勻，再噴上面，
早晚用一次，首先遠離面部噴3次，
再分2至3次橫向式噴於右邊面(顴骨，咀到耳朵及下巴線），
之後輕輕按摩，重覆做左邊面，最後橫向噴1次於額頭再按摩，
盡量避開眼睛同咀唇，
等皮膚吸收晒之後就可以搽其他護膚品就可以喇。
品牌嚟緊3月就會進軍香港，大家到時留意下喇！

查詢：93624299／51931131

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

之前都有講過，用胭脂可以令個面色好啲、紅潤啲，
而今季春夏，有好多品牌，
都出咗好多新款同新色胭脂，膏狀、粉狀都有，
所以今年除咗唇妝之外，
一個紅粉霏霏嘅胭脂妝都係嚟緊一個主要makeup trend。
而我哋會逐隻試俾大家睇，總有一款啱你。

Clinique Cheek Pop $180

今季clinique新出一個膏狀胭脂，
係以春日鮮花作為主題，
大家睇到佢咁靚嘅包裝就知道啦！

而佢質地同普遍膏狀胭脂有唔同，
texture唔會太濕同creamy，絕對唔怕痴笠笠，
而且係面推開後就會變成粉末，
質感好細滑，容易印開，仲好易上色添。
佢仲有個特點，就係可以用掃拍上面都得架，
手同掃都可以。

#4 Plum Pop

# Peach Pop

而本身胭脂帶有珍珠光澤，
所以出嚟效果非常自然，令面型更加突出，
而我就最鍾意#4 plum pop，
搽完有粉紅霏霏感覺。
而另外Peach Pop，初頭會以為橙，
但上咗面就係蜜桃色，粉同橙之間，好特別呀！

Lunasol Sand Natural Cheeks $230

Lunasol胭脂出名夠自然，而今季就推出全新胭脂，
佢一盒混和咗三隻色，同今季沙漠主題非常貼切，
顏色方面就有限量兩色，Natural Pink & Natural Orange。

EX02 Natural Orange

上面效果好自然，帶有少許光澤感，
就算唔小心重手咗都唔覺。
粉質幼細同貼服，唔會有飛粉情況發生，
而且試用嘅橙色，感覺好健康。
有時大家要化nude妝/自然妝容，
用呢款胭脂就可以做到似有還無效果。

YSL 限量珍藏版亮彩胭脂 $385

啱啱新春，YSL推出咗限量珍藏版亮彩胭脂，色調得一隻，
佢包裝非常特別，以刺繡風格花卉作靈感。
胭脂裡面就有深淺相同色調同質感，
混合埋一齊，就可以做到一好有層次嘅胭脂。

胭脂本身係好出色同好sharp，
所以大家掃嘅時候要輕輕印攞，
輕輕拍上面珠，就可以做到好自然嘅玫塊紅胭脂，
面色就會顯得好紅潤架喇！

LANEIGE Pure Radiant Blush $240

呢款胭脂有6隻新色，每隻色都好自然架，
胭脂內含雲母成份，可以有效提升皮膚明亮度。
而佢系列有兩大色系，粉茶色同粉色。
粉色就可以令肌膚白皙通透，
粉茶色，就可以打造健康膚色，
而當中#06 natural Shading仲可以做陰影粉添。

#2 Baby Purple

#4 Blossom Coral

佢係Matte質地，唔鍾意胭脂帶閃，呢款就啱哂，
而裡面嘅#2 Baby Purple我就最推介，
因為佢粉色得嚟係帶少少紫，
唔係好多牌子會有呢隻色，
搽完感覺真係好靚，又夠自然，真係做到慢慢透出感覺。

Make Up For Ever HD Blush Creme

Make Up For Ever 成立咗30周年喇，
佢就特意出咗一系列嘅彩妝，
而呢款高清胭脂霜就係其中一樣喇！

#210

佢質地比較creamy、柔滑，用少少印上面就可以，
而我用呢個粉紅色，就夠哂baby pink，
顯色度高色澤又持久貼服，
用嚟化返個女神妝就啱哂喇！

Ettusais Essence Cheek $120

ettusais新出一款膏狀胭脂，
裡面含有68%精華成分的「水潤精華胭脂」，
有三種顏色揀，包裝細細支帶出街touch up好方便，
而且價錢仲好相宜添。

#素肌緋紅

佢質地就比較水潤，唔會好杰身同黏膩。
如果大家成日覺得用粉狀會太乾，
大家就可以選擇呢個款質地胭脂，
質地滋潤，唔係cake住cake住，
顯色度非常好，仲好持久。

Ettusais限量玫瑰胭脂 $150

呢款限量玫瑰胭脂又再度登場喇，
第一次都俾佢包裝吸引住，而今次就得一隻色。
呢款胭脂不但包裝吸引，裡面成份仲係不含香料，
而且加添咗保濕防荳成分，暗瘡/敏感肌膚都可以用。

盒底仲有附設粉撲，
放便出街補妝。

因為玫瑰花裡面有唔同深淺度嘅色調，
而外圍就係帶珠光嘅粉色，
所以好容易就營造到好有立體感嘅胭脂。

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

眨下眼又2月中啦!
等我地同大家Update下啲課程!
除左本身嘅課程外,
我地4月會推出"一Course兩證書"新課程比
「13堂專業化妝進修班」（或其他專業化妝班）嘅同學，
有興趣考證書嘅同學仔快啲留意下啦!
令外收到唔少電話查詢課程嘅同學仔,
特別同學仔父母都會好擔心有冇保證,
不用擔心,我地雖然無試堂服務,
但歡迎同學仔留電話做上堂model,
同埋報名時帶埋父母上嚟查詢,增加你地信心!

教左咁多年化妝收都到唔少學生係未報讀前都會Concern係證書問題,
尤其同學仔嘅父母都好擔心無國際證書有冇認受性,
當然啦,俾咁多錢學化妝,
除左學技巧都想搵一間有保證嘅化妝學校保障出路!
我地Workshop畢業嘅同學仔其實好多都入左行,
自己有工作室接Job,甚至獲大品牌邀請做化妝師同美容顧問!
所以報讀左我地Workshop嘅學生出路都好大,大家唔需要擔心!
但考慮到大家Concern係證書問題,
所以我地都會增設一個精讀證書班俾我地嘅同學仔報讀,
等我地介紹下先啦!

呢個課程其實係For於Janice Lam Makeup Workshop
修畢「13堂專業化妝進修班」（或其他專業化妝班）的同學報讀,
除了可獲頒Janice Lam Makeup Workshop的校內證書以外,
仲可報讀「5堂City&Guilds證書精讀班」!
提高我地學員認受性!
咁兩者分別係邊呢?
我地Workshop嘅校內證書主要針對現時嘅市場需要,
教返多啲潮流妝容,點同客人對答,
甚至化妝品嘅知識,令同學仔學以至用,能夠與時並進,
容易投身化妝師行業!
而City&Guilds證書精讀班專為有意考取City&Guilds國際專業證書嘅同學而設,
課程會以City&Guilds的評核標準為指標,以理論課為主,為學員提供集中培訓,
助學員考獲國際認可的專業資格,為化妝師職途鋪路!
初入職嘅化妝師如果將來有志成為導師一定要考呢張證書,
因為呢張證書係考導師最入門資格嚟嫁炸!

「5堂City&Guilds證書精讀班」
6/4 (Sun) 7-10
$3000
(註:8171-01證書考試費另計)

課程內容:
第一堂:介紹考試內容,分析皮膚結構
第二堂:化妝前要準備工作,面膜應用
第三堂:睫毛及眉毛護理,染眉漂眉
第四堂:化妝準備工作,示範考試日妝晚妝
第五堂:重溫考試內容,預考

我地暫時只開一班,有意報讀嘅同學仔快啲報啦!
因為City&Guilds嘅考試一年得兩次分別係6月同12月,
如果錯過左就要等到12月嫁啦!

4堂個人化妝班
3/5 (Sat) 12:00pm-2:00pm

之後介紹我地每次都極快滿額嘅4堂個人化妝班啦!
我地嘅4堂個人化妝班會因應同學仔自己皮膚性質同面型去講解適合自己嘅妝,
由揀護膚品開始,
到揀粉底,遮瑕,畫眼線,痴雙眼皮,假眼睫毛等
教大家化一個啱自己嘅日妝晚妝,
非常適合初學者!

另外我地發現同學仔對條眉都好有要求,
有同學仔試過搵人修效果又唔理想都幾苦惱!
而加新班我地會加送修眉服務一次,
由Workshop化妝師因應每個人唔同嘅眉型單對單指導,
令同學仔識得化個靚妝之餘又有返條靚眉!

14堂基礎化妝初班
15/4 (Tue) 7:30pm -10:30pm

如果想投身於化妝師行業都可以考慮下我地嘅專業化妝班!
我地嘅14堂基礎化妝初班課程會由淺入深,
會教授基本化妝,專業化妝師操守守則等,
按不同臉型輪廓教授化妝技巧作修飾改善,令學員能處理不同對象、妝容

31堂新娘化妝實用班
15/4 (TUE 7:30pm -10:30pm)

當中有新娘日夜妝容、新郎化妝、轉妝、補妝及專業髮型等課堂,
包括14堂基礎化妝初班及17堂新娘化妝髮型班
令學員更深入了解各種面形特徵,掌握高清零暇貼服妝容
新娘課程部份會以不同model作示範,因應不同輪廓教授合適的妝容和技巧,
突出新娘優點,打造一個不過時的新娘妝,
分析由婚前、pre-wedding、大日子當日的化妝技巧.
由專業髮型師教授新娘髮型設計,令你有能力由妝到頭都一手包辦,
加強為顧客提供全面服務

27堂進修媒體化妝班
15/4 (TUE 7:30pm -10:30pm)

呢個Course係For有意係媒體方面發展嘅學生報讀,
會教授一啲年代妝,
課程包括14堂基礎化妝初班及13堂專業化妝進修班
當中包括一啲fashion及trendy嘅妝容，
如紅唇、剔眼線，閃粉妝，裸妝，大眼妝，韓妝，不同年代妝容等
進一步訓練各方面化妝技巧如線條平衡,為同學打好化妝底子

包括14堂基礎化妝初班，13堂專業化妝進修班及17堂新娘化妝髮型班
循序漸進，訓練學員成全面嘅化妝師
44堂專業化妝全修班價錢會更優惠!

51堂專業化妝全修班
15/4 (TUE 7:30pm -10:30pm)

51堂專業化妝全修班主要針對有意於媒體方面發展的化妝師,
課堂包括14堂基礎化妝初班，13堂專業化妝進修班，
17堂新娘化妝髮型班及7堂創意化妝班
全方位學習，掌握不同類型化妝技巧及潮流,
利用化妝品以外的東西創作Creative妝容,
增加滿足感,成功感!

10堂專業髮型進修班
22/3 (SAT 7:00pm – 10:00pm)

由中環出名髮型師教授時代感較重的髮型,
課程內容由基礎學起,
包括T鬆頭髮,夾頭,工具運用,加假髮髮芯等等
為各位同學仔成為全能化妝師作好準備!

報名及查詢：
Janice Lam Makeup Workshop
地址：銅鑼灣謝斐道528號2樓
電郵：[email protected]
電話：28366553

之前教大家整嘅幾款指甲都比較Girl Feel啲，
所以今次就教大家呢款比較中性一啲，
又易handle又易襯衫嘅款式！
大家準備好就開始啦∼

所需用品：

1. 指甲底油
2. 深藍色指甲油
3. 指甲面油
4. 金屬珠仔
5. 珍珠
6. 閃石
7. 半圓銀片
8. 鉗

第一款：

所需用品：
指甲底油，深藍色指甲油，指甲面油，金屬珠仔，
閃石，半圓銀片，鉗。

首先塗上指甲底油
Step 1. 整隻指甲塗深藍色指甲油
Step 2. 用鉗將是大閃石貼於指甲中間位置
Step 3. 用鉗將細閃石圍圈貼係大閃石外
Step 4. 用鉗將4粒半圓銀片貼係細閃石外
（分別係上，下，左，右）
Step 5. 用鉗將8粒金屬珠仔貼係最外圍
Step 6. 最後塗上指甲面油

第二款：

所需用品：
指甲底油，深藍色指甲油，指甲面油，金屬珠仔，鉗。

首先塗上指甲底油
Step 1. 整隻指甲塗深藍色指甲油
Step 2. 用鉗將2粒金屬珠仔貼於指甲最左邊個行
Step 3. 用鉗將3粒金屬珠仔貼於指甲最中間個行
Step 4. 用鉗將2粒金屬珠仔貼於指甲最右間個行
Step 5. 塗上指甲面油
Step 6. 完成指甲款式

第三款：

所需用品：
指甲底油，深藍色指甲油，指甲面油，金屬珠仔，半圓銀片，鉗。

首先塗上指甲底油
Step 1. 整隻指甲塗深藍色指甲油
Step 2. 用鉗將大閃石貼係指甲中間下方
Step 3. 用鉗將4粒金屬珠仔貼於大閃石外圍
（分別係上，下，左，右）
Step 4. 用鉗將銀色半圓指甲片貼係金屬珠仔上面

Step 5. 用鉗將金屬珠仔貼係銀色半圓指甲片上面
Step 6. 最後塗上指甲面油

第四款：

所需用品：
指甲底油，深藍色指甲油，指甲面油，金屬珠仔，鉗。

首先塗上指甲底油
Step 1. 整隻指甲塗深藍色指甲油
Step 2. 用鉗將3粒金屬珠仔貼於指甲最左邊個行
Step 3. 用鉗將2粒金屬珠仔貼於指甲最中間個行
Step 4. 用鉗將3粒金屬珠仔貼於指甲最右間個行
Step 5. 塗上指甲面油
Step 6. 完成指甲款式

第五款：

所需用品：
指甲底油，深藍色指甲油，指甲面油，金屬珠仔，珍珠，銀色半圓指甲片，鉗。

首先塗上指甲底油
Step 1. 整隻指甲塗深藍色指甲油
Step 2. 用鉗將珍珠貼係中間2/3嘅位置
Step 3. 用鉗將6粒金屬珠仔分別貼於珍珠嘅左右兩邊
Step 4. 用鉗將2粒銀色半圓指甲片貼係金屬珠仔左右兩邊
Step 5. 用鉗將2粒金屬珠仔貼係銀色半圓指甲片左右兩邊
Step 6. 塗上指甲面油

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup