唔知大家有冇留意開開架牌子嘅產品呢？
好多都係價錢大衆化而且品質仲唔錯添，
今次我地就會介紹一啲開架牌子products比大家,
睇下你啱唔啱用啦！

相信好多女生都好鍾意韓風，

又有新韓國潔膚品牌登陸香港喇！
I Love Yo!係以韓國為生產同研發基地，
100﹪天然製造，
無酒精、無防腐劑、無抗菌劑、無石油成份、無PEG，
最新推出1分鐘卸妝潔面乳酪 $138/90g，
分別有牛奶、蘆薈、草莓三種選擇，
我試呢個係蘆薈味，
唔知佢係咪加咗yogurt嘅關係，
個味道好似以前食嘅蜜瓜吹波糖味，
質地係膏狀綠色。
放工返屋企咁累，佢一匙嘅份量就可以極速落妝洗面，
的確係好吸引！

銷售點：萬寧

肌研白潤美白系列相信大家對佢一啲都唔陌生啦∼
呢支白潤美白乳液 $105/90ml
可以抑制同淡化黑色素，
減少雀斑同色斑，
唔單止令到膚色均勻啲，
仲可以修護番因曬親而引起嘅乾燥暗啞皮膚。
呢款乳液無味，乳白色，
搽咗上面好易推開，皮膚亦好快吸收。

而呢款係肌研濃極潤美白面霜 ＄219／80g
佢成份有高純度熊果苷、維他命C誘導體同透明質酸，
高純度熊果苷同維他命C誘導體有助抑制同淡化黑色素，
減少雀斑同色斑，改善暗啞膚色。
而1克嘅透明質酸就可以鎖緊6公升水份，
即時令皮膚提供足夠嘅水份，
滋潤角質層，令皮膚更滑
面霜質地係啫喱狀，透明色，都係無味嘅，
搽上面好易推開，好水潤又唔會笠，
一樽就有齊精華素、面膜同面霜嘅3合一功效，
啱晒懶人用呀！慳番唔少時間添。

銷售點：萬寧、屈臣氏、SaSa、卓悅、各大零售店同藥房

呢枝係Loreal 活力緊緻光學嫩膚系列嘅活肌修護高效精華水 $145/30ml，

今次呢個系列加入咗皇牌抗老成分Pro-xylane，
科學證實咗有效激新3重年輕能量，
有助修護細紋，緊緻毛孔，令皮膚更有彈性。
精華水質地真係好似水咁又無顏色，
有小小香味，
採上面好易推開，皮膚好快就已經吸收晒，
同埋真係即時滑咗。
除咗當係toner用之外，仲可以用嚟做導入。
搵緊精華嘅你哋可以試下呢枝呀！
真係唔錯。

銷售點：Loreal 專門店、萬寧、屈臣氏、SaSa、各大零售店同藥房

呢set係 Neutrogena home Facial肌膚年輕組合，
分別係皇牌Hydro Boost水活保濕面膜 $119.5/5片，
微份子緊緻潔膚儀＋12片潔膚棉 $329/套。
佢哋嘅皇牌Hydro Boost水活保濕面膜相信都有好多人用過，
3D推壓式面膜設計，
有助令面膜裡面嘅高效水活保濕精華更深入肌膚，
令乾燥嘅皮膚即時補充番水份，飽滿，柔滑。
除咗呢盒mask之外，
我哋都有放佢哋嘅 Hydro Boost Treatment Lotion 係workshop上堂用，
用過嘅同學仔都大讚好用，
價錢又平，真係好推介大家試下。

而呢部微份子緊緻潔膚儀比起佢前一代更好用，
因為我都有買過上一代細細部嘅Deep Clean Wave Power Cleanser用，
都已經係年前啦∼2008年。
等咗6年終於出咗呢部機，
呢部潔膚儀唔單止用嚟潔膚，去角質，仲可以緊緻肌膚，
佢嘅微震功能有助皮膚更生，
用1星期用2﹣3次到，唔單止塊面乾淨咗，
就連啲幼紋都明顯有改善添！
另外，呢部潔膚儀仲有得揀微震同強震，
（震嘅力度都比上一代強。）
自己可以選擇啱嘅力度嚟用，
加上價錢都係幾百蚊就有一部，
未有潔膚儀又心思思想買嘅你，可以試下呢部丫。

銷售點：萬寧、屈臣氏、SaSa、卓悅及Neutrogena客戶服務熱線：2736 3885

而家正正係櫻花正開嘅時候，
Garnier 就推出咗 Sakura White 系列，
真係令鍾意櫻花嘅我好心動呀！

呢個係櫻花透白早安霜，
成份有櫻花透白精萃，維生素B3同維生素CG,
呢啲成份可以深層滋潤肌膚，改善色斑問題，
令皮膚更滑更透亮，
佢質地比較潤身，好保濕，
淺粉紅色，仲有一陣好香好舒服嘅花味添！

第二款就係Gentle Cleansing Foam，
成份都係有櫻花透白精萃，
加上質地係粉紅色啫喱，
都係有陣好香嘅花味，
我好鍾意啫喱狀嘅清潔產品，
可以做到溫和清潔，
洗完面都感覺好清爽，
但又唔會令塊面好乾。
 

最後呢款係櫻花透白面膜，
成份有櫻花透白精萃，維生素B3同維生素CG,
呢啲成份可以深層滋潤肌膚，改善色斑問題，
令皮膚更滑更透亮，
呢個mask質地係羽量纖維，
一塊mask就有10倍嘅精華液，
令皮膚更易吸收，
皮膚更粉嫩同透白。

銷售點：萬寧、屈臣氏、SaSa、卓悅

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

多謝大家咁踴躍參加，短短幾日已經有過二百粉絲參加！
所以被抽中嘅得獎者真係好lucky呀！

先公佈兩條問題答案：
1）以上兩款產品，邊一款連BB都用得呢？
答案：抗敏防曬保護霜SPF30 PA＋＋＋
2）日本防曬系數最高可以做到PA幾多個＋呢？
答案：4個

今次差唔多所有參加嘅朋友都答啱晒呀！
恭喜晒以下所有得獎者！
得獎者可以獲得抗敏防曬保護霜或高效防禦抗曬乳液一支！

得獎名單：

1. Molly Hui
2. Leanne Wong
3. Nicole Lai
4. Micky Yuen
5. Jacky Wong
6. Gladies Yip
7. Yanmi Chan
8. Chloe Chow
9. Katy Cheung
10. Carmen Wan
11. Carrie Mak
12. Calla Tam
13. Michelle Ho
14. Jenny Cheung
15. Cecilia Kwok
16. Hayley Yau
17. Lok Lok Lau
18. Vienna Lam
19. Yuki Yim
20. Kero Luk
21. Megu Man
22. Iris Fung
23. Nicole Cheng
24. Kaki
25. Karen Lau
26. Joan Kwong
27. Elaine Tam
28. Irene Chu
29. Kavi Tsang
30. Jellia Ho

得獎者請留意以下條款及細則：

＊Workshop會以facebook inbox message通知得獎者。
＊由於可能有同名得獎者情況出現，得獎者以收到facebook inbox message為準。
＊領取獎品時需出示閣下得獎通知message。(不接受Screen Cap Image)
＊得獎者必需親身領獎，不接受代領。
＊一位得獎者只可領取一份獎品，即不接受一人有多於一個facebook得獎。
＊得獎者可獲贈其中一款防曬產品，得獎者無權選擇。
＊得獎者必須於領取獎品時拍照，並即時將照片張貼於
Janice Lam Makeup Workshop及IPSA HK facebook page。
＊得獎者須於30/4/2014或之前到workshop領取獎品，
逾期者當自動放棄，獎品亦會轉交後補得獎者。
＊不可以轉讓給其他人。
＊不可以轉為其他服務。
＊不可以轉換為現金。
＊如有任何爭議，Janice Lam Makeup Workshop將保留最終決定權。

今日想同大家講解吓，
大家都好關注嘅眼部遮瑕。
有好多人都唔清楚點選擇適合自己嘅concealer，
特別係眼底，因為每一個人嘅情況都有差別。
好多人揀錯concealer令眼圈，睇落更灰，
如果眼圈位遮唔好，就算上哂眼影眼線，雙眼都係好無神。
所以我哋就為大家主要分咗四種類別，
睇吓你係屬於邊一種啦！

第一種:眼圈問題不大/眼位不太乾

如果黑眼圈問題不大，解決辨法就非常簡單。
大家可以選擇遮瑕液，佢質地偏薄身，
薄薄搽一層，就可以掩蓋眼圈輕微色素，
而且睇落去一啲都唔厚重。
另外，遮瑕液水分比較高，容易推開
本身如果眼位都容易出油，又或者唔太乾，
選擇遮瑕液就可以減少溶妝問題喇！

Shiseido Sheer Eye Zone Corrector

Shiseido Natural Finish Cream Concealer

HR Magic Concealer

第二種:眼位好乾易出紋

眼部好乾又多乾紋仔，太清爽嘅遮瑕膏就未必啱你喇，
你哋可以選擇creamy狀嘅concealer，
佢質地會潤身啲，遮瑕效果都非常好，
而且有好多品牌會係concealer裡面，
加入護膚品成份，遮蓋色素之餘，
仲可以滋潤雙眼！
不過留意份量唔可以搽太多，
而且最好用遮瑕掃上，效果就更貼服。

Eestee Lauder Re-nutriv Concealing Duo

Benefit Hydrating Crease-control Concealer

Laura Mercier Secret Concealer

第三種: 眼圈黑色素非常嚴重

我身邊都有好多朋友，
都俾佢嘅嚴重黑眼圈困擾，
用過好多唔同products，都係搞唔掂。
我哋就歸納咗呢幾款遮瑕膏，
對付黑色素一流。
而且可以根據皮膚需要去選擇添，

潤身質地:

Lancome Le Corrector Pro Concealer Kit (上)
Eestee Lauder Re-nutriv Concealing Duo (中)
Laura Mercier Secret Concealer  (下)

清爽質地:

HR Magic Concealer (上)
Shiseido Natural Finish Cream Concealer (下)

第四種: 眼圈又青又紅

Bobbi Brown Corrector (上)
YSL Toche Eclat Collector (中)
Make Up For Ever Concealer Palette (下)

有時遮完個黑眼圈，
都仲係覺得對眼青青紅紅，
呢個時間就需要用到correcter喇！
大家見到啲顏色，又綠，又橙，又紫咁，
係唔係真係搽得上眼？
其實大部份眼圈，除咗黑色素之外，
都仲有其實色素係眼底，
所以我哋就要根據自己眼底去選擇應對嘅顏色，
例如帶青嘅眼圈，就可以用粉色嘅correcter，
帶紅嘅眼圈，則可用橙色嘅correcter
咁就可以中和原本出現嘅青青紅紅色素喇！

揀啱遮瑕用品後，
大家切記上遮瑕膏時，
要薄薄一層一層掃上，再用手指輕輕印開，
咁就可以輕易趕走黑眼圈。

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

差唔多兩個月無同大家分享好物雷品~
今次就等我親自分享我覺得好用同唔好用嘅Product~
由skincare到粉底都有!
大家快啲睇下有無野啱用啦!

好品:

Clarins Face Treatment oil

呢隻Treatment oil我用左好多年,
真係推介左無數咁多次,
成日都聴人講好怕塗油,
好驚太油又驚塗左功效唔明顯,
我平時就會用哂Skincare再係乾嘅位置ontop加,
有時仲會當佢係一個保護膜輕輕拍上面,
第二朝皮膚就會又軟又滑！
有d beauty consultant會教大家用左油先再上skincare,
當然每個人用法都有唔同,我都係鐘意用左skincare先再用油!
皮膚偏乾人士都可以試下啦!

Etude House收毛孔水

呢支收毛孔水清潔真係一流,
通常我洗完面就會用毛孔水抹面再塗Gel toner同skincare,
即時睇到棉花灰灰黃黃,污糟野出哂嚟之餘,
仲慢慢改善左我鼻翼兩邊甩皮嘅情況~
重點係佢大支價錢又平~非常抵用!

Clinique(左)/Nars(中)/benefit(右)遮毛孔Product

近排好多朋友都話我皮膚好左毛孔又細左,
問我用左咩Product,
其實我啲毛孔無細到,只係遮左姐~
等我介紹下我近排常用嘅遮毛孔product啦!
Clinique嘅遮毛孔base遮得好好,
而且唔乾,就算厚左都ok!
而Nars果隻都遮得唔差,
重點塗T位控油效果非常好!
benefit呢隻就可以focus係毛孔粗大位置當碎粉咁用,
遮毛孔效果非常好,但唔建議係其他位置上,因為會比較乾!

雪花秀粉底液

啲人成日話我皮膚好左又有光澤,
其實係呢排轉用左雪花秀呢隻粉底液~
雪花秀嘅skincare就用得多,非常好用,
原來佢嘅粉底液都好好用,
一句講哂易推,潤身又唔笠,遮瑕度高又唔厚粉,
唯一唔好就係佢色號選擇唔多,深膚色人士未必有啱色粉底,
價錢就真係唔知幾錢,

但質地好creamy用量少少就ok,
所以呢支都有排用!

IPSA Face Color Designing Palette

呢盒Palette大大話話我都用左十年,
一盒可以做到胭脂、光影同陰影效果,
細細盒非常方便,而且有埋掃仔細去街出trip就一流!
佢嘅光影好令身,但唔係油令係好滑身嘅令,
另外鼻影顏色都好自然,我地workshop都係用呢隻嫁!

RENE Furterer(左)/Kerastase(右)髮尾油

我平時好少用護髮素,
通常會用髮尾油代替,
RENE Furterer呢隻髮尾油適合染髮後髮質,
用後清爽唔太笠,
而Kerastase呢隻係精華髮油,
好適合乾旱髮質人士使用,
由於我成日電髮尾,髮尾cake爆,
所以我吹頭前後都會用佢嫁!
髮尾即刻滑哂又唔笠,推介!

雷品:

espoir眼遮瑕

介紹左咁多隻好野, 我都試過中伏嫁!
今次嘅雷品就係韓國品牌espoir嘅眼遮瑕,
其實呢個品牌嘅其他產品都唔差,
我睇呢隻遮瑕好似好夠潤,
仲以爲好似我一路好like嘅estee lauder白金系列眼遮瑕,
而且顏色似Bobbi Brown corrector,
諗住百幾蚊好抵用!

點知一試就知大件事,
上眼顏色完全唔啱之餘仲好浮好唔貼,
好似唔會同皮膚融合咁!
百幾蚊都可以省返!

介紹左咁多大家有無啱心水先?
有嘅就快啲去睇下試下啦!

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

好多朋友都知道我同朋友合夥搞左Production公司,
加上近排想搬屋更加留意左唔少室內設計嘅野,
但我鐘意嘅Style都係偏外國風~
係香港可以搵到嘅reference真係少之有少啊!
今個星期就同大家講下我呢排資料搜集嘅家居設計啦!

係香港搵嘅Design公司都好普通無咩選擇,
一般都係燈槽,假天花,款式一式一樣,
由其果啲射燈,我就最唔鐘意!
我鐘意嘅Style係Victorian Style同Country Style啦!
會比人感覺好warm!
以前都儲落唔少裝潢設計同美化家居嘅書~
大家可以睇下啲相先啦!

從客廳講起,
Victorian Style同Country Style多數以木地板為主,
Details著重於天花線同牆身線,
有好多圖案會以花為主!
所以好多人就誤以為呢啲Style好女仔,
女孩子就怕唔太適合另一半所以都唔敢去設計呢啲Style~

其實Victorian Style都唔一定得好多lace,玫瑰花等等,
有啲設計都會比較中性嫁!
好似以下呢幾幅相咁會focus左米黃,淡灰牆身等等!
帶出呢種感覺之餘又唔會好女性化,
仲會有種簡潔舒服嘅感覺!

如果客廳唔夠大,
大家都可以考慮打通廚房做open kitchen~
除左可以增強空間感外,
仲會令感覺更整體!

如果地方唔大的話,
除左大裝潢嚟滿足自己之外,
仲可以置啲復古花紋書枱,化妝枱等!

另外都可以從一啲小擺設方面點綴下家居,
例如一啲花邊鏡,水晶燈(唔係金光閃閃過種),小花盆栽,
時鐘,窗簾或玻璃門等,
都可以帶出Victorian Style,
仲可以做到好warm好舒服嘅感覺!

如果同我一樣鐘意外國風都可以參考多啲人地嘅設計,
呢幾個Web都係我平時睇開嘅~
呢兩個就係雜誌嘅網站
www.countryliving.com/
www.houseandgarden.co.uk/

而呢個就係外國傢私嘅網站
外國style嘅家品香港真係少之有少!
www.indiajane.com/

不過啲傢私嘅價錢都偏貴,
大家參考完都可以上淘寶搵下啦!
我平時都會上淘寶尋下寶搵下有咩擺設啱用嫁!
希望睇完幫到大家為自己嘅家居佈置下啦!

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup