由細到大睇電視，
都會見到男主角係教堂入面掀起新娘子的頭紗親吻她，
係所有來賓的見證之下成為合法夫妻。
但係，一般新娘子比人既刻板印象，
都係純白婚紗加上簡單長頭紗，
造型比較保守，感覺無太大驚喜。
其實，除左一般最常見長度及腰的頭紗之外，
新娘子仍然有其他長、中、短頭紗可以選擇，
大家只要根據自己面形、髮型以及婚紗再加以配襯，
就可以跳出電視劇框框，立即成為眾不同既前衛新娘！

長至拖尾頭紗

長至拖尾頭紗比人一種經典而莊嚴既感覺，
選擇係教堂行禮的新娘一般都會戴呢款頭紗，
由教堂盡頭一步一步行到牧師前面前，
頭紗亦會慢慢舖滿中間通道，感覺非常浪漫。
但有一點值得注意！這種長度的頭紗上，
唔適宜有過多點綴，
例如閃石、珍珠等，盡量以輕、薄為主。

合適髮型：由於頭紗已經感覺非常隆重，
如果你仲梳一個複雜髮型就非常誇張，
而且頭紗都會完全遮住髮型，咁樣梳左就等於無梳，
豈不是白費心機？所以髮型方面，
盡量以簡簡單單，整整齊齊為主，
建議梳上一個高梳式髮髻，將瀏海梳起露出乾淨前額，
再配上大波浪的長髮，就可以令新娘子望上去更大方高雅。

合適婚紗：由於頭紗偏長而感覺奢華隆重，
如果呢個時候你著上一條可愛短婚紗的話感覺就會非常突兀。
新娘可以挑選一條低調而帶有古典宮廷味道既復古婚紗配襯，
就好似英國凱蒂王妃咁，唔需要過多細節裝飾，
都可以襯托出女性既柔美氣質。(婚紗款式由Brides Talk提供)

中長度頭紗

中長度頭紗算是大熱款式，
幾乎所有新娘都會使用它，貪其非常容易carry，
配襯不同風格婚紗都無問題！
如果你嫌簡潔薄白紗過於單調的話，
可以選擇裝點綴了蕾絲花邊、小花、珍珠或水鑽的款式，
令整體造型更有味道。亦有女士喜歡加上小皇冠，
頭紗就應該避免有太多裝飾，
否則感覺會非常混亂，令人唔清楚你既重點擺係邊。

合適髮型：其實好多髮型都可以輕易配襯中長度頭紗，
除了剛才提過的高梳式髮髻之外，
一些捲髮造型，又或者可以立體的髮髻都非常適合。
當然，如果你主張極簡主義的話，
可以先將瀏海中分，再將頭髮夾直或捲至微曲放於背後，
同樣可以營造出簡單而清純的風格。

合適婚紗：正如剛才所講，如果頭紗上已有太多細節及裝飾，
婚紗款式應盡量以簡潔為主，
一般A-line、ball gown及魚尾等款式都可以接受，
但裙上絕不能有過量裝飾如水晶或珠片等。
相反，如果你已選好一條華麗閃爍而極多細節的婚紗的話，
那只要戴上輕薄的頭紗即可。(婚紗款式由Brides Talk提供)

迷你頭紗

如果睇厭左長頭紗，迷你頭紗又合唔合你心意呢？
其實所謂既迷你頭紗即係禮帽同面紗的混合品，
長度一般屬於肩線以上。
迷你頭紗使用時會遮蓋新娘部份妝容，感覺若隱若現，
增添不少神秘感。大家亦可選擇配上蕾絲、鑽飾、珠片、
羽毛及絹花等等既頭紗，增加份量感之餘，
又可以mix & match出獨一無二既感覺。

合適髮型：想將迷你頭紗的配搭出最佳效果，
可以配襯上一個爽朗短髮，令整體造型更統一。
短髮一向比人隨意既大方感，
如果此時再配一個長至拖尾頭紗，
感覺上唔太match，反而迷你頭紗就岩岩好！
既唔會喧賓奪主，又可以突出新娘面形以及輕盈的髮型，
散發出清新活力氣息！

如果你本身是長髮，但而又想配戴迷你頭紗的話，
可以將頭髮往後梳成一個大髻，
縮短頭髮的長度以配合頭紗，簡潔得來又不至於過份沈悶，
正好配合風格獨特的迷你頭紗款式。

合適婚紗：相信會挑選迷你頭紗的你一定是勇於嘗試新風格，
所以選婚紗時可以更大膽。
短身婚紗配上迷你頭紗可謂perfect match，
打破傳統身娘比人既固定印象，
露出一雙白滑美腿，展示出你最青春而活力一面。
另外，a-line、希臘女神style的婚紗亦非常合適，
保證令一眾來賓留下難忘印象！
時裝界非常流行的Low high skirt裙擺款式亦算係一個唔錯既選擇。
前短後長的剪裁既可以顯露腿部性感的線條，
長至拖地的尾擺又能散發高貴典雅的氣質，
一件婚紗可以滿足新娘子兩個願望，
絕對是非常聰明既選擇！

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

講畫眼線就當然唔少得“貓眼線”啦！
cat eyeliner可以話永不過時，
但好多人都覺得好難畫到一個靚嘅貓眼線，
例如角度、點樣balance兩對眼等。
究竟需要咩技巧？
今日就會每step by step教大家，好簡單咁畫貓眼線。

貓眼線最重要係夠實且修長，
眼尾微微向上揚，咁就可以自然做到一對迷人貓眼。

大家畫前可以選擇用gel liner或liquid eyeliner。

眼線步驟：

1. 首先用黑色gel liner填滿內眼線位置。

2. 不要忘記眼頭的內眼線！

3. 在眼尾畫一條向上揚的線。角度就似向去眉尾方向畫。
（注意畫完左眼後，要同時畫上右眼。以確保雙眼的眼線平衡！）

4.  由剛畫上的線作起點慢慢向下畫，形成一個空三角形。

5. 然後將空三角位置填滿。

6. 由眼尾順延畫一條外眼線。

7. 慢慢畫去眼頭位置。

8. 最後加上眼睫毛液。
（想突出眼線，面部胭脂和唇膏可以選淡色為主，
效果不會太誇張，日常返工都適用。）

Tips:

1.點樣可以搵到向上揚嘅角度？
大家就可以好似我圖中甘，用支掃由鼻中間打斜45度左右，
你會見到眼角同眉尾連接嘅方向，大家就可以跟呢個角度去畫，
咁樣兩隻眼就會balance架喇！

2. 畫貓眼用啡色定黑色好？
其實如果想對眼睇落去soft啲，就可以選擇啡色eyeliner，
但你想對睇落去誇張啲，for特別function就可以用黑色喇！

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

 由開班教授學生化妝技巧到依家為止，

workshop已經培育左好多學員成為專業化妝師，
好多更已經開始自己接job，正式向化妝師呢條路邁進。
之前曾經有好多同學係呢到share過自己既經歷，
今次我地就搵左兩個學生Heidi同Vivienne
同我地分享下點解要黎呢度學化妝同學到d咩，
我地一齊聽下佢地點講！

大家好，我叫Heidi，我本身係做文職，
日日坐office，其實是一個很怕悶既人！加上自己又貪靚，
對化妝美容非常有興趣。自己成日都睇好多雜誌或video，
學習唔同既化妝技巧，但一路以黎都只係可以
幫自己化一些基本的妝容，稍為複雜的妝就未必能
handle得很好。

幫自己化妝都沒有什麼大問題後，
令我反而更想挑戰幫別人化妝，但我相信當中應該需要更高技巧。
經常睇雜誌都看見Janice的報導或專欄，
加上又上網睇左好多關於Janice既化妝blog，
我發現佢既技巧以及想法都比較符合我心目中想要既野，
咁岩最近又可以在工作以外抽出空餘時間，
於是就的起心肝去跟Janice學化妝了！

在這裡可以為不同model化妝，
加上所採用的skill每次都唔相同，
感覺上很專業，真係令我學到好多技巧，
依家幫人地化妝都唔再驚，而且可以因應唔同人的皮膚狀況、
面形輪廓同喜好，去為佢地化一個完美妝容，
將大家打扮得更靚同比人讚，我相信呢樣亦係每位女士最想得到既轉變！

大家好，我叫Vivienne，跟左Janice學化妝都已經一段時間，
過程中真係令我學到好多不同既技巧，
更令我發掘到自己對化妝既興趣，
原來比自己想想像中大好多好多架！
我自已本身係從事銀行業，性質都比較沉悶，
學完化妝之後真係令我有想轉行的衝動！

其實自己一向都有上網睇Janice既blog，
內容真係非常豐富，化妝、美容、髮型等不同方面既資訊都有照顧到，
知道她亦有開班教授化妝技巧，於是就心血來潮決定上黎報名，
正正式式跟隨專業導師學習正確既化妝知識。

學了一段時間後，已經大概掌握了不少基礎技巧，
但我覺得自己學習進度比其他同學慢，
需要較多時間去pick up，所以自己一直非常比心機去學，
希望可以在這裡帶走更多知識。

另外，這裡最吸引我來上堂的原因，
莫過於其提供的化妝品，全部均是有名的國際大牌子，
如: Chanel、YSL、Estee Lauder等等，
我相信其他化妝學校未必可以好似呢度咁樣，
提供咁多高級品牌既產品比學生使用。
加上，平時自己根本唔會比咁多錢去買唔同化妝品去試用，
但來到這裡上堂，可以一次過接觸不同化妝品以名護膚品，
慢慢逐隻試用，直至找到最適合自己個那款為止。

Janice的workshop另一個非常吸引我的地方係，
有了國際品牌的化妝品後，令我更容易搵到朋友
來當model比我練妝。以往佢地都會好擔心化妝學校，
只會提供便宜而劣質既化妝品比學生使用，
不希望自己塊面會因為咁而敏感或出現各種問題，
所以非常抗拒做model比我練妝。
相反，workshop只提供優質產品比學員使用，
所以在搵model這方面確實令我輕鬆唔少！

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

一直以來我們都教了女士不少化妝、美容的技巧，
可能有人會認為我們偏心，
忽略了對懷孕婦女及小孩的照顧。
有見及此，我們精選了數款適合懷孕婦女
及小孩使用的護膚及潔膚用品，
希望更周詳及更全面地照顧所有人，
包括大家身邊最愛的家人！

Kiehl’s嬰兒面部及身體按摩膏
Nurturing Baby Cream for Face and Body $220/200ml

全新獨特配方的嬰兒面部及身體按摩膏，
蘊含99%源自天然植物成份，
提供24小時深層滋養及保護嬰兒幼嫩薄弱的皮膚，
對抗敏感及乾燥。 經兒科醫生測試，防敏感，
性質溫和。產品內含雲呢拿、蘋果、梨子、草莓等成份，
而有別於一般的護膚品，它並沒有明顯的味道。

質地屬於水潤的cream 狀，輕輕一推已經迅速被皮膚吸收，
為肌膚注入充足水分，在這個嚴寒冬天使用可謂最適合不過。
除了可以按摩身體外，更適合臉部及全身使用，
用後皮膚非常乾爽，絕不油膩，比起一般的BB油，
這款cream非常適合嬰兒的敏感肌膚使用。

Nabelle 洋甘菊金盞花乳液
Organic Chamomile & Calendula Lotion $298/150ml

產品中主要含蘆薈有機蘆薈汁、
葡萄籽油椰子等德國洋甘菊等天然成份，性質溫和，
不否有害化學物質及香料。
德國洋甘菊可紓緩嬰兒因敏感而引起的不適，
特別針對濕疹及皮膚發炎等嬰兒經常出現的問題。
再配合葡萄籽油，可滋潤肌膚，為皮膚築起天然保護屏障。
而金盞花油具癒合功效，促進皮膚細胞更生，
並有效撫平孕婦最關心的妊娠紋，
無論懷孕前後均適合使用，
令你肌膚迅速回復至少女階段。
一支乳液兩母子均適用，確實非常貼心！

乳液呈「杰」的質地，
的確要花上一點時間才可以將它完全推開，
用後皮膚仍然非常乾爽，絕不黏立。
雖然沒有其他產品的香氣，但卻沒有刺激氣味，
令人更放心使用這支
天然乳液。

Nabelle有機茶花籽油
Cameilla Seed Oil $548/50ml

有機茶花籽油所含不飽和脂肪酸達80%以上，
是最易被皮膚吸收的天然植物油。
有些孕容怕搽油，因為怕太’立’，
但臨盆時皮膚往往會變得比較乾而且脫皮，
不得不塗上甩乳液保濕。
而這支它茶花籽油質地比一般精油爽身，
少了一份油膩感，卻多了一份清爽感。
產品聞上來有陣淡淡的茶花籽油，
令人非常容易接受。
每天潔膚後將適量茶花籽油均勻塗在面上或身上，
輕輕按摩直至完全吸收。當中豐富的維他命、蛋白質及
甘茶素有助強化和保護肌膚的鎖水機能，
有效預防膠原蛋白流失，
增加面部皮膚彈性並改善皮膚質素，修補受損細胞。
茶花籽油用途非常廣泛，不但適用於面部護理，
亦有潤髮效能，將適量的茶花籽油揉於掌心
抹在髮尾部份令頭髮更見光澤，
亦能促進頭髮生長，讓秀髮變得亮麗富光澤。

SAMPAR芬芳滋潤沐浴露(圖左)
Dew it Again Shower Gel $220/150ml

除了用對的護膚品外，潔膚用品也同樣重要。
SAMPAR Dew it Again Shower Gel蘊含蘊含乳木果、
薄荷精華油、植物糖等成分，帶有淡淡的薄荷味，
於温和潔淨身體同時，
有效加速新陳代謝，去除一切汚垢，
並且有效滋潤及柔軟肌膚。我們每天淋浴時，
水中含有氯氣及鉛等化學成分，
而這支Shower Gel正正可以中和以上成分，
因而減低對肌膚的刺激。
和一般的淋浴露一樣，它適合每天使用，
可直接塗於濕的肌膚上或用海棉搽上，
加水混合至超泡後即可，適合所有肌膚使用。
用後肌膚明顯變得非常乾淨，觸感柔滑。

SAMPAR美體潤膚乳(圖右)
Joyous Body Milk $420/150ml

使用完芬芳滋潤沐浴露後，可以一併使用
美體潤膚乳，令孕婦達到更佳的保濕及緊緻皮膚效果。
潤膚乳蘊含乳木果、薄荷精華油、植物糖等成分，
帶有迷迭香、天竺葵等花香味。
淋浴後要立即塗上潤膚乳，
深層滋潤及提升肌膚的防禦力，肌膚可以即時回復彈性，
重現柔嫩、緊緻的健康狀態。
孕婦在生產過後，皮膚通常會容易鬆弛，
更可以加強彈性，預防身體的肌膚出現鬆弛現象。
因面出現細紋，而這支潤膚乳則適合任何肌膚使用，
孕婦也絕無問題，除了可以緊緻肌膚、減退乾紋及幼紋外，

Avene高效滋潤潔膚啫喱(圖左)
Cold Cream Ultra Rich Cleansing Gel $180/200ml

單看質地，還以為這是一支水份保濕霜啊！
取出Cleansing Gel後，稍微加點水，先在手心搓揉至起泡，
細緻泡沬可以溫和潔淨肌膚，
而且絕不會引起刺激敏感。
使用後肌膚柔滑舒服，非常滋潤保濕，
更有效改善因敏感問題所引起的脫皮及乾燥現象。
它適合極乾燥皮膚、敏感發炎、脆弱皮膚使用，
不添加任何香料，沒有特別氣味，可避免過敏現象出現，
嬰兒、兒童及成人的面部及全身肌膚也絕對適合使用。

Avene舒活保濕面膜(上圖中)
Soothing Moisturising Mask $240/50ml

霜狀面膜富含Avene活泉水（73％）和植物油成分，
特別為脆弱的敏感肌膚而設，
有效舒緩發炎、過敏現象。
產品內多種保濕成分及養分，
可於肌膚表面形成保護屏障，為肌膚補充水分，
並鎖住肌膚水分。面膜呈乳霜質地，
薄薄地搽一層已經可以為為缺水的表皮肌膚迅速注入水分，
肌膚變得飽滿富光澤，特別適合轉季天氣使用，
第二天起床面部仍然會非常水嫩。
同樣不添加任何香料，所以沒有任何特別氣味，
媽媽可以放心使用！

Avene高效滋養護唇啫喱(上圖右)
Lip Cream $98/15ml

護唇啫喱加入乳木果油，維他命E成份，
帶有清新乳木果味，
能迅速滋養唇部肌膚，回復柔軟，
改善脫皮、乾裂、爆拆等唇部問題。
護唇啫喱是透明狀，質地非常清爽，
不「杰」身也不油膩，只要塗上薄薄一層，
雙唇已即時變得’令’身，而且非常long keep，
可作為日常潤唇，亦可用於塗唇膏前打底，
塗上一次之後有效維持數小時，
令雙唇時刻保持滋潤。

Biolane純水潔膚露 $220/750ml

這枝別稱BB水的潔膚露，
顧名思義是連BB般幼嫩的肌膚均適合使用。
所以連小朋友也適用的話，如果有敏感性肌膚的
成年人使用時也絕無問題。
潔膚露含專利天然成分Hydra-bléïne®「水解小麥蛋白」，
由小麥胚芽油及小麥蛋白組成，
在肌膚表面形成保護膜，
有助保持表皮滋潤，減少水分流失。
產品更將潔膚及滋潤功能合一，
有效防止因水分蒸發引致的皮膚乾燥問題。
BB水帶有舒服而不濃烈的香氣，
性質溫和，有助維持皮膚原本的酸鹼值，
適用於面部及身體上特別脆弱的部位，
可以卸除日常淡妝。水潤質地令皮膚非常清爽舒服，
workshop的同學經常用這支卸妝水清潔，
使用後皮膚會即時變得滋潤幼滑，而且不會蹦緊。
除了卸妝外，更適用於清潔身體任何部位，
包括手腳等脆弱位置，大大減少水分流失，
舒緩肌膚乾燥問題。而且750ml包裝只需要$220，
使用一整年也絕無問題，非常划算。

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup