眼周肌膚脆弱，缺乏保養好容易有乾紋、皺紋、鬆弛等問題，
有冇試過朋友覺得好好嘅eye cream推介比你，
但你又覺得好似冇乜用呢？
未必係佢呃你嘅，只係可能個product唔適合你啫，
所以要保養得宜，首先要識揀啱自己嘅product!
我今次會介紹唔同質地同function嘅eye cream，
大家針對自己嘅需要，揀番適合自己嘅eye cream啦！
首先係清爽型嘅眼霜，仲有緊緻功效，
想雙眼firm啲更有神就要留意喇。
Planet Eve Organics Super 5 Firming Gel
來自澳洲嘅有機護膚品牌，
所有產品都有澳洲有機認證，
100﹪成份源自天然植物萃取及不作動物測試。
含五種活性成份包括，有機保加利亞玫瑰、
亞馬遜巴西莓、蘆薈、銀杏、相思。
筆狀同走珠筆頭設計好方便，
只需一按頂部，eye gel就會pump出，
份量剛剛好夠搽雙眼，
用走珠一邊搽一邊按摩，
涼涼地舒服之餘仲可以去眼腫，仲有好香嘅杏仁味。
Gel狀質地亦好易吸收，
搽完有啲黏黏地、皮膚緊緻嘅感覺。
另一隻eye gel推介就係金箔成份產品好出名嘅SASSOU喇。
Goldwaver系列Gold Eye Shiteru金箔眼霜 $630
含99.99金箔成份、水溶性骨膠原、尿囊素、海藻糖，
有助修護受紫外線破壞後嘅細胞，
幫助撫平淡紋、淡化黑眼圈及
增加肌膚彈性，緊緻眼周肌膚。
一打開就見到好多金箔喺入面!
包裝盒裡面仲有教你搽眼霜嘅方法。
除咗可以早晚搽之外，仲可以用作眼膜。
厚敷喺眼周大概5分鐘，
再用指腹輕輕按摩至完全吸收就可以，唔使沖水架。
如果你係缺水皮膚，眼周有少少細紋，
想搽潤身少少可以睇下以下嘅產品啱唔啱你喇。
Laneige Perfect Renew Firming Eye Cream $410
含Skin Charger Complex成份，
對抗游離基，預防眼紋形成，
高效保濕因子Ceramide Repair Water保持肌膚水潤狀態，
令眼周肌膚唔會繃緊，預防缺水細紋。
薄薄地嘅creamy質地，唔會覺得黏笠。
上圖係ULTRACEUTICALS嘅eye cream，
兩款各有不同功效，
先介紹左面嘅Ultra C Firming Eye Cream($740)，
含Microelastin多胜肽微粒，重點修復受損彈力蛋白，
其他主要成份有左旋維他命C、紫檀茋、燕麥、沒藥醇、透明質酸，
能抗氧化，預防肌膚鬆弛，改善黑眼圈，改善幼紋皺紋。
質地好特別，好似遮毛孔product咁，有薄薄一層粉粉地嘅感覺。
而右邊嘅Ultra A Perfecting Eye Cream($740)嘅主要成份有
Ultra-Reti維他命A、乳木果、咖啡因、六胜肽、透明質酸，
不含苯甲酸酯類防腐劑、化學物及人造色素。
有效抗氧、促進細胞更生及角質更新週期，
膠原蛋白及透明質酸合成提升肌膚密度，
有效撫平細紋、減少油脂粒、改善眼部浮腫及眼袋。
質地類似一般cream狀眼霜，
感覺上比Laneige潤身少少。
SUiSSE REBORN緊緻修護眼霜
濃縮嘅活躍植物成份有效對抗眼部細紋同黑眼圈，
同時滋潤肌膚，令肌膚變得更滑更細緻。
質地幾水潤，好易吸收，完全冇黏膩感。
如果你嘅眼周肌膚好乾，搽咩cream都好似唔夠咁，
或者可以考慮搽cream前搽咗serum先架。
又有另一個有機品牌介紹比大家喇。
Huiles & Baumes 嘅產品含95%以上嘅天然或源自天然嘅成份，
植物成份中至少95%源自有機種植架。
Huiles & Baumes Eye Contour Serum $569
成份有具抗氧功效嘅黑加侖子精華油、天然金盞花同珍貴玫瑰果種子油
有助減退黑眼圈、眼部浮腫、細紋、皺紋，令眼周肌膚緊緻有彈性，
亦能舒緩眼部疲勞。
雖然係油劑，但係都唔會好油淋淋，
亦唔需要攞好多份量，一兩滴印開就可以。
如果你皮膚比較敏感，可以留意Avene嘅product。
Avene Eluage Eye Contour Care $350
主要成份有Avene抗敏活泉水、
透明質酸誘發因子、維他命A醛，
能幫助收緊、減退黑眼圈、去除眼部皺紋。
淺黃色嘅eye cream質地幾幼滑，
感覺幾潤身。
如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup | 
