Janice Lam (Makeup Artist) - QOOZA BLOG 網上日誌

janicelam : 個人主頁 - 相簿 - 訂閱 [ QOOZA - 論壇 - 登入 ]

人氣：252701

janicelam

暱稱： Janice Lam
性別：女
國家：香港

MORE...

最近沒有訪客

日誌統計

文章總數： 681

留言總數： 35

今日人氣： 43

累積人氣： 252701

RSS 訂閱

Budget Buy系列 – 又平又靚的唇膏唇彩

2013 年 11 月 16 日星期六

本身自己嘅唇色較淺同埋容易乾燥，
潤唇膏同唇膏係我每日出街必備妝物，
所以成日見到啲靚唇膏或者Lip Gloss都好想買，
何況今個秋冬咁流行鮮艷唇妝，更加要多啲留意同入貨啦！
今次Budget Buy系列想同大家介紹一系列價錢相宜嘅唇妝產品，
自然系同Sharp色系任君選擇，有選擇困難症嘅朋友就唔使擔心啦，
疊埋心水買哂咁多隻色返屋企慢慢試都唔會肉痛呀！

MAJOLICA MAJORCA 閃耀唇彩（限定色）
#RD412 鮮蘋果（上）/ #RD311 毒蘋果（下） $75@

70%補濕成分，質感水潤，滋潤而完全無黏膩感，
酒紅色嘅毒蘋果添加咗微細閃粉，
有閃令效果，令唇形更豐盈飽滿。
想試試化紅咀但又怕太誇張嘅朋友，
可以試下呢隻稍微自然少少嘅酒紅色。

顯色度：＊＊＊＊
滋潤度：＊＊＊＊
推介度：＊＊＊＊
售賣店：指定屈臣氏及莎莎

Peripera Peri’s 持久顯色水漾唇彩（共五色）$60@

韓國唇妝專家Peripera登陸香港啦！
可愛嘅小惡魔包裝由韓國藝術家Mari Kim設計，好Cute呢！
呢款屬於香港少有嘅液體狀唇彩，
用手指點一點，印一印，好輕易就做到韓式咬唇妝效果，
有多種水果萃取物，所以搽落有甜甜地嘅香味架，
含多種維他命潤唇補濕，仲可以當胭脂用添，
咁平買返去仲可以一物兩用，好抵呀！

顯色度：＊＊＊＊
滋潤度：＊＊＊
推介度：＊＊＊＊
售賣店：指定屈臣氏

Mentholatum Water Colour水彩潤唇膏系列（共六色）$37.9@

唔搽唇膏有時睇上去真係好Pale，
不過如果你唔慣搽唇膏，但又想唇色紅潤啲，
呢個自然粉紅唇色系列嘅潤唇膏就啱晒你喇！
仲可以有潤唇膏嘅滋潤效果添！
含超級透明質酸同Ceramide，為雙唇持續鎖水，
而Maxi-Lip成分就有豐唇作用，效果可以媲美唇膏架，
今次我試呢款#1經典粉紅好靚，
改善唇紋之餘，有水潤透亮嘅效果。

顯色度：＊＊＊＊
滋潤度：＊＊＊＊
推介度：＊＊＊＊
售賣店：全線屈臣氏、莎莎、卓悅、各大超市及藥房

MAXFACTOR COLOUR ELIXIR
激艷絕色唇膏筆（共9色）$88@

筆狀設計易於控制，
多數咁出色嘅顏色都會乾身啲，
但呢支唇筆就幾滋潤，感覺唔會好乾，
亦唔會令唇紋暴現，另外顯色度非常高，
輕輕一畫已經可以遮蓋本身唇色，出到原色效果。
好似呢啲咁Sharp嘅顏色就最啱啲咀唇較薄嘅朋友，
可以營造豐滿嘅Sexy Lips效果！

顯色度：＊＊＊＊＊
滋潤度：＊＊＊
推介度：＊＊＊＊＊
售賣店：指定屈臣氏及莎莎

今次Budget Buy款款產品嘅推介度都好高呀！！
因為真係非常唔錯！好有驚喜！
愈試愈開心！哈哈～～
大家快啲買嚟試下啦！

分類: 未分類

發表時間：2013-11-16 01:18 PM [ 訪客留言(0) ] [ 編輯日誌 ] [ 分享至FACEBOOK ]

今個X’mas，一起來化個出「色」彩妝！

2013 年 11 月 14 日星期四

購買化妝品，最怕產品顯色度不足，
即是產品看上去顏色很Sharp，但化到臉上卻如同透明。
尤其在聖誕節這些重要日子，要化出一個搶眼Party妝，
所用的產品不單要顏色夠靚，更要有十足的上色效果，
令化出來的妝容更容易達到顏色豐富、輪廓鮮明的妝效。
而今次要跟大家推介的彩妝品，除了顏色非常吸引，
其優勝之處更正正在於那極為突出的顯色度，
無論是唇膏、唇彩或甲油，只須掃一層，便能塑造豐潤色澤，
讓大家能輕鬆化出一個Eye-catchy的出「色」X’mas Look！

首先要推介的是Dior全新推出的聖誕彩妝系列，
今年Dior以「Golden Winter」作主題，
創作了一系列閃閃生輝的彩妝產品，
大部分的產品包裝都以金色作主調，奢華兼充滿節日氣氛！

Diorific Golden Winter真彩唇膏 #878 Frimas $290

這款玫瑰粉紅色唇膏是今個聖誕的限量色澤，
配方中混合了閃爍的珠光粉末，令唇色更添透亮。
唇膏質感細緻易推，感覺滋潤，有效填補唇紋，
最重要是顯色度與覆蓋度都夠高，塗一層已非常上色，
閃粉光澤度亦調校得恰到好處，化出來的唇色Glamorous得來
又不會顯得浮誇累贅，易於配襯濃艷眼妝，值得推介！

Diorific Jewel Manicure Duo 珠光美甲組合 $320

來到聖誕佳節，女生都會想好好幫指甲扮靚靚，
而Dior全新推出這個美甲組合就是大家的不二之選。
先塗上金光色的甲油，趁甲油未乾馬上灑上閃銀粒子，
待乾後，便能打造出閃爍華麗、色澤鮮明的立體甲藝！
留意灑粉石時要加倍小心，稍一不慎便很容易灑了一地，
不過Dior亦細心地附設了一個金色小漏斗，
方便把多餘的閃石收集回瓶子內，
也是一項頗具心思的設計。

Diorific Perfumed Illuminating Powder
香氛亮妝蜜粉 $660
香噴噴的黃色面部閃粉，有偏粉紅和偏白兩色選擇，
可以用作額頭、顴骨、鼻樑、下巴等位置的Highlight，
塑造更「令身」及輪廓較重的妝效，適合化派對夜妝時使用。

同場加映！其實，除了聖誕系列，
Dior早前亦推出了Rouge Dior 60周年紀念系列，
當中包括32款全新唇色及4款全新甲油，
顏色突出，也是打造節日妝容的「出色」之選！

Rouge Dior傲姿唇膏 #539 Trafalgar（上）/ #999（下）$270＠
質感順滑，配方中蘊含Rock Samphire Extract，
聲稱可刺激細胞更新，令唇部肌膚更細滑，並帶來豐唇效果。
這兩款顏色經典耐看，備有透亮光澤，而且顯色度高，
塗一層已能徹底覆蓋嘴唇原色，效果自然，方便好用。

Dior Vernis美妝指甲油 #999 Rouge $195
顏色以Rouge Dior的經典唇色為靈感，
配方中的Silicium微量矽成分有效強化指甲，
所以待乾後指甲摸上去會較厚身，有Gel甲效果，
加上色澤鮮明，顯色度與覆蓋度都很理想，
塗一層已可營造很突出的甲色，還有Soft Gel的錯覺，不錯！
值得留意的是，這款甲油掃頭尺寸較大，
塗抹較大塊的指甲時可以很方便，但到小尾指就要額外小心了！

接著還想跟大家介紹Giorgio Armani Beauty的聖誕系列，
創作總監今回從品牌的時裝主題「Eccentrico」攝取靈感，
所以每件產品無論包裝與顏色都充滿前衛的Fashion味道，
而且產品都具有高效顯色度，驚喜十足。

Lip Maestro唇彩 #303 Dazzling（上）/ #302 Clash（下）$260@

這款唇彩覆蓋度出奇地高！
毋須打底，輕輕塗抹一至兩層，已能達至如此明顯的色澤，
而且這兩款一深一淺的橙色亦有別於一般聖誕別注唇色，
既有節日的繽紛色彩，又別有一番年輕、時尚的活力，
可以打造出與別不同的Stylish聖誕妝容呢！

The Eccentrico Star Palette胭脂粉盒 $650
鮮紅色的包裝同樣充滿前衛味道，
胭脂粉末共有四個色澤，不規則地分佈在胭脂盒內，
可分開使用，亦可用化妝掃打圈一次過取四色同時使用。
由於胭脂顏色較淺淡和「令身」，質感亦很輕盈，
對亞洲人來說可能較適合用來當Highlight用。

分類: 未分類

發表時間：2013-11-14 11:05 AM [ 訪客留言(0) ] [ 編輯日誌 ] [ 分享至FACEBOOK ]

今個秋冬要向毛燥髮質講拜拜！

2013 年 11 月 8 日星期五

踏入秋冬，受到靜電同乾燥天氣影響，
好多女仔都會遇到一個煩惱：
朝早起身啲頭髮梳極都梳唔順，
而且仲冒出好多亂七八糟嘅毛毛，
令成個頭睇上去又乾罕又凌亂，認真肉酸！
今次就想同大家介紹幾款專為針對毛燥髮質而設嘅產品，
為大家嘅頭髮補充營養同水分，撫平惱人嘅Frizz，
令大家每朝出門前唔使又洗頭又吹頭咁麻煩，
都可以帶住一頭柔順秀髮出門！

首先要介紹嘅係kms california嘅皇牌系列TAMEFRIZZ，
呢個系列專門為天生鬆散毛燥嘅髮質而設，
配方入面加入咗獨有嘅「De-Frizz技術」，
可以調整髮絲嘅內外結構，唔單止順服頭髮表層，
更加可以修復髮絲受損嘅底層，徹底改善毛燥問題。
系列除咗洗頭水、護髮素之外，
仲包含頭髮用嘅Cream、Lotion同髮尾油，
全方位撫平毛燥髮絲。

其中呢款TAMEFRIZZ Smoothing Lotion $190 / 150ml，
專為較幼細易斷嘅毛燥髮質而設，
蘊含巴西樹果精華同洋槐樹精華，
可以為髮絲提供豐富維他命E，保濕兼順服頭髮。

使用時，只需擠出呢個份量喺掌心，
然後利用雙手將乳液均勻搓開，
再塗抹至半濕嘅頭髮之上，然後用風筒吹乾就得咖喇！
如果想再快手啲，亦可選擇直接塗抹喺乾髮之上，
雖然乾用嘅效果未必有濕用咁持久，但勝在夠方便，
可以即時撫平啲毛毛，亦都可以快速解決髮尾開叉嘅問題。
留意髮頂位置毋須塗抹太多，只集中搽喺髮中至髮尾即可，
以免令頭頂顯得油立立呢。

試用喺乾嘅髮尾上面，可以見到髮絲周邊嘅Frizz貼服咗，
而頭髮嘅紋理亦明顯地整齊咗，變返一條條而唔係亂咁叉，
同埋從表面睇，頭髮嘅濕潤度同光澤度都有改善，
整體而言係無咁雜亂，髮質係靚咗。

跟住就想同大家介紹MATRIX呢款
Total results Moisture Cure 2-Phase Treatment
瞬間保濕修護噴霧 $99 / 150ml。
從透明樽身可以睇到，噴霧包含兩層液體，
上層乳白色嘅係杏仁油，有助滋潤髮絲，
令頭髮更加順滑易梳，同埋可以加添髮絲亮澤；
而下層藍色嘅就係甘油，有保濕作用，
為髮絲持久補充水分，令頭髮摸起上嚟都柔軟啲。
呢款產品同樣可以用喺乾髮或濕髮之上，毋須沖洗，
使用前先搖勻兩層液體，再噴喺髮中至髮尾就可以，
甚至可以洗頭前使用，令洗頭期間頭髮唔會打「Kick」。
而如果想發揮最佳效果，就係洗頭後噴喺濕髮之上，
再用風筒吹乾，咁之後24小時頭髮都會柔順無毛燥咖！

最後要同大家介紹嘅就係MA CHERIE新出嘅
Perfect Shower Moist 保濕護髮噴霧 $68 / 250ml。
呢款產品配方加入咗「Moist Touch」成分，
利用獨特嘅「AQ納米乳化技術」，為髮絲補充水分，
撫平因乾罕天氣或者睡姿導致嘅外翹髮絲同埋毛毛，
最重要當然又係毋須沖洗，只須噴喺唔聽話嘅濕髮之上，
然後將頭髮梳返整齊，再等待風乾或者用風筒吹乾就得！

分類: 未分類

發表時間：2013-11-08 10:48 AM [ 訪客留言(0) ] [ 編輯日誌 ] [ 分享至FACEBOOK ]

嬌蘭的聖誕狂野美妝

2013 年 11 月 5 日星期二

雖然聖誕節仲有成個幾兩個月先到，

但各個彩妝品牌已經急不及待咁推出佢地嘅聖誕系列，

件件產品都靚到不得了，真係睇到眼都花埋！

今次就想同大家一齊先睹法國嬌蘭嘅聖誕產品，

今年佢地用咗「Crazy Paris」作為系列主題，

顏色嬌艷奪目，令人聯想到紅磨坊嗰種巴黎獨有嘅狂熱色彩，

今個聖誕想瘋狂咁徹夜狂歡，呢個系列就啱哂大家喇！

首先一定要同大家介紹嘅焦點產品係呢款

CRAZY PARIS Eye Palette Neon Look 巴黎夜狂熱眼妝組合 $660。

右邊打橫嘅係四款顏色突出嘅Eye Shadow，

由上至下分別為紅棕色、淺啡色、米白色同桃紅色，

乾用濕用皆可，除咗個別使用，亦都可以混合塗抹。

而左邊打直嘅係兩排啞光眼線粉，同樣可以乾濕兩用。

今次我地就用呢個Eye Palette同大家示範咗兩個聖誕妝容，

一日一夜，一嬌媚一狂野，大家不妨按喜好做個參考！

Day Look – 嬌媚巴黎Lady – 粉紅Tone

1. 先喺眉山位置掃上米白色嘅眼影作為Highlight。

2. 眼蓋中心就掃上桃紅色眼影作為主色。

3. 跟住喺眼頭加添一啲帶閃嘅淺啡色眼影。

4. 再喺下眼線嘅眼尾位加一啲淺啡眼影，令輪廓更突出

5. 最後畫上黑色眼線，可選擇乾上，令整體感覺更通透自然。

6. 完成了！一個自然嬌柔的聖誕日妝。

Night Look – 狂野巴黎女郎 – 啡Tone

1. 先喺眉山位置掃上淺啡色眼影。

2. 眼蓋中心就掃上紅棕色眼影作為主色。

3. 跟住喺眼窩位添上黑色眼線粉，再輕輕Blend開

製造性感迷人嘅Smoky Eyes妝效。

4. 下眼頭就掃上桃紅色眼影，令成個妝嘅色彩更豐富。

5. 然後喺眼尾位置添上灰色眼線粉。

6. 最後再畫一條實一實嘅黑色Liquid Eyeline，

成個眼妝係俾人一種性感狂野嘅感覺。

跟住就要同大家介紹一下兩款聖誕限量嘅唇膏啦啦！

第一款係ROUGE G DE GUERLAIN寶石唇膏嘅

聖誕限量色號863 PROVOCATIVE $460。

呢款唇膏嘅特色在於顏色非常實，

搽一層已經可以得到非常堅固嘅妝效，

呢隻限量顏色仲好Sharp，用黎化紅唇妝簡直一流。

再加上呢款唇膏獨有嘅附鏡唇膏盒造型，

最適合喺聖誕除夕呢啲日子帶出街補妝呢！

而另一款焦點唇膏產品就係

ROUGE AUTOMATIQUE水凝亮彩唇膏嘅

聖誕限量新色660 ILLUSION $280。

驟眼睇會以為呢隻紫紅色好蝦人搽，

其實呢款唇膏色澤好透亮，薄薄搽一層，

出嚟嘅會係帶啲啲閃嘅梅紅色，

一啲都唔難Carry，仲好適合用黎打造迷人嘅X’mas Look添！

值得一提嘅係呢款唇膏質地好水潤，又好易推開，

啱哂喺冬天乾燥日子使用！

到咗冬天，各品牌都出唔同嘅粉底，

一般都會比較滋潤啲，

如果易出油可能又未必咁啱，

但有時未必本身係油性皮膚，

有可能係太乾所以出油，

咁就要揀支潤得嚟又keep得耐嘅粉底喇

TENUE DE PERFECTION親肌修顏粉底液 $455

三種揮發性油份，令粉底更柔潤，

遮瑕、控油都好出色，

其中嘅Timeproof長效複合物有助固定粉底，

令妝容更long-lasting,

外國品牌多數有分粉紅tone同黃tone，

亞洲人用黃tone就會自然啲，

我自己就好鍾意用嬌籣嘅粉底，

易推，遮瑕度好又滋潤，讚!

左:幻彩流星夜狂熱亮澤彩妝粉餅 $580

中:幻彩流星夜狂熱限量彩妝粉 $440

右:LES VOILETTES輕薄蜜粉粉餅 $420

先由左面開始，呢個粉餅帶粉色tone,

用個掃全面掃一掃，即時紅潤啲，

面青青嘅朋友啱晒，用完面色會好啲，

中間就係好得意嘅波波彩妝粉，

帶淡粉紅、淡紫、藍色呢啲較淺嘅color tone,

比較適合皮膚白嘅朋友，

另一特別之處就係佢會比較 “令”身，

如果皮膚乾，欠缺光澤感就最啱喇!

最後右面係pressed powder,

如果本身有乾紋，驚上得多碎粉好厚唔自然，

可以試試呢個蜜粉餅，

滋潤性高，搽多咗都唔會覺得乾，

仲有珠光粒子令皮膚睇起嚟滑啲添!

面上要有光澤，頭髮同body一樣要閃令令~

夜狂熱小黑裙香體閃粉 $650

每年都會出嘅香體閃粉，我都有集齊架，

今次限量版新裝有小黑裙加熒光粉紅泡泡噴球，

多咗一份神秘感同性感，

有Guerlinade,甜杏、保加利亞玫瑰等散發嘅淡香味，

而且有少少“令”身，噴一噴頭髮同Body，魅力指數即時UP!

CRAZY MANICURE夜狂熱甲油 $190

Party Girl當然要緊貼美甲潮流，

右面好似夜空紫藍嘅顏色

加上左面帶藍色調嘅top coat做出螢光效果，

喺燈光昏暗嘅Party都見到你啦~

分類: 未分類

發表時間：2013-11-05 02:49 PM [ 訪客留言(0) ] [ 編輯日誌 ] [ 分享至FACEBOOK ]

budget buy – 抵用MASK篇

2013 年 11 月 3 日星期日

正所謂,平有平用貴有貴用,啱啱出嚟做化妝師,
一定冇Janice咁多sponsor, 我同Karen唯有周圍搜尋邊度有平靚正嘅護膚品,
今次我地搵到4款$100內既mask：

Nature Republic 蘆薈mask $32 (Colourmix有售)

之前有朋友去韓國買過Nature Republic
嘅sleeping mask比我，覺得都幾好，
但以我所知香港冇專門店，
所以有次去澳門見到有專門店就入咗去逛逛，
就比我見到呢個蘆薈mask,嗰陣係夏天，
超熱超曬，諗住返到酒店可以敷下都幾好喎
，仲寫住特價添，$69實在係好合理，
點知返到香港，竟然見到Colourmix有得賣，
仲要特價平一半！！即時晴天霹靂！
原來自己買貴咗仲以為已經好平，激死我！
雖然只係幾十蚊，但買貴咗就係覺得唔抵。。。
呢次事件教訓我要多啲周圍行，咁先唔會買貴嘢。

講番個mask先，其實我幾鍾意用嘅，
因為一打開蓋已經有陣好清新嘅味道，
好refreshing,敷完感覺好清爽，好啱油性皮膚嘅朋友，
蘆薈mask有舒緩作用，雖然我係乾皮膚人士，
夏天時候會敷得密啲，而家有時我都會敷下，
而且厚敷都唔會肉痛！仲可以當sleeping mask用架!

innisfree mask $10/ 塊 (innisfree有售)

第一次用都係朋友喺韓國買返嚟嘅，
而家進駐咗香港就好方便喇，
雖然價錢比韓國貴，但係都算fair，
而且佢有好多選擇，逐塊買又得，真係唔錯！
相入面嘅全部都係保濕系列，我嘅皮膚成日都好dry，
好需要補水。之前都買過innisfree滋潤度較高嘅mask，
好似蜂皇漿，金奇異果咁，但係我就覺得保濕系列，
例如bamboo滋潤得嚟感覺水啲，舒服啲。
另外一個推介原因就係精華嘅份量好多，
皮膚就算幾乾，敷完10分鐘度都仲有好多精華，
我就梗係唔會嘥，搽埋手腳，涼涼地好舒服

連眼嘅位置都可以敷埋，
慳埋eye mask嘅錢呀! 的確好划算!
而家入冬天氣咁乾燥，如果大家都好似我咁缺水嘅都不妨試試！

森田藥粧蝸牛修護原液面膜 $59／10塊（萬寧有售）

內含酵母精華（柔嫩，緊緻，保濕肌膚）,
蝸牛萃取精華（修復，促進纖維母細胞的合成新生）,
有機夢蝶草（有效減少肌膚玻尿酸流失，水潤保濕、抗氧化，捕捉自由基）
同埋有機神奇草（有舒緩、柔敏、修護功效）。

依款面膜內含好多精華，打開包裝,內裡仲見到好多精華,精華比較水狀,好滋潤，
好適合秋冬咁乾燥時候用，包裝上建議敷約10-15分鐘，
但仲淨好多精華，我通常會敷20-30分鐘（視乎皮膚狀況而定），
我會敷埋條頸，唔好嘥咗啲精華呀！
敷完後，連乾紋都冇咁明顯呀！
而且好平，平均唔駛$6塊，成日敷都唔會肉赤！

Sexy Look 極美肌深層亮白純棉黑面膜 $ 65 ／5塊（萬寧有售）

平時見紙面膜係白色就見得多啦，
但依款紙面膜就係黑色就第一次見，
佢用咗最新科技，將活性炭織入純棉布膜度，

可以吸出多餘油脂、污垢，深層清潔毛孔，
去除多餘嘅角筫，以黑吸黑，改善肌膚暗啞問題，
透出潔淨而又亮白光澤嘅肌膚。
佢主要用途係提供肌膚深層保濕力，提升肌膚透亮度。
主成分有；膠原蛋白（魚）、三胜肰、黑珍珠萃取、
蠟菊萃取液、雷公根（積雪草）萃取精華、黑蜂花蜜、黑曜石萃取、傅明酸。

大約敷10﹣15分鐘，敷完後，不用過水,
但我覺得深層清潔毛孔效果就唔明顯啦,用返洗臉或其他深層清潔好過,
但皮膚就冇咁暗啞，亮白咗少少。
一個禮拜敷一次左右就足夠！

分類: 未分類

發表時間：2013-11-03 01:09 PM [ 訪客留言(0) ] [ 編輯日誌 ] [ 分享至FACEBOOK ]

« | 114 | 115 | 116 | 117 | 118 | 119 | 120 | 121 | 122 | 123 | ... | 137 | »