| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
|
貼服底妝由肌膚做起- skin.BIOTICS
2013 年 9 月 6 日 星期五 |
啱啱介紹咗一啲新推出嘅粉底，
就有好多朋友都問: 粉底點先可以貼啲呀?
其實除咗上粉嘅技巧之外，
本身皮膚嘅狀態都好緊要架~
如果皮膚唔夠水份，唔夠滋潤嘅話，
上粉嗰時就可能會 "cake" 粉，
乾紋現形，甚至脫皮添~
所以想化個靚妝就要做足準備喇!
今次介紹嘅係含瑞士依佛登天然泉水嘅skin.BIOTICS細胞水凝激活系列
成份有HydraGenic Complex終極細胞水凝及注氧激活元素、
多種礦物質，仲有有機阿爾卑斯草本精華，有助抗氧化，
長效鎖水保濕達72小時，令肌膚又軟又滑~
左: 細胞水凝激活面部精華素
可以令之後嘅護膚品吸收得更好，
亦可以舒緩壓力、疲倦嘅肌膚~
質地好水潤，一推開好快就滲晒入皮膚~
中: 細胞水凝激活雙效修護眼霜
含Eye-Enhancing Complex眼部緊緻提昇因子，
有助膠原增生超過220％
有緊緻、改善浮腫作用~
Gel狀質地，唔黏膩~
右: 細胞水凝激活面霜
有效提昇肌膚水分及含氧量~
Gel cream狀質地，滋潤唔笠，容易吸收~
捱完夜第二朝用嚟急救皮膚都OK架~
厚敷加按摩，幫助血液循環~
咁就可以上妝貼啲啦~
| |
發表時間：2013-09-06 03:04 PM [ 訪客留言(0) ] [ 編輯日誌 ] [ 分享至FACEBOOK ] |
|
學生分享天地-Jan，多方面學習成為全面化妝師
2013 年 9 月 3 日 星期二 | 
大家好! 我叫阿Jan，
係2011全修班畢業的同學仔，
很高興有機會同大家分享我學化妝的點滴。
而今次我就同大家講下點解會揀
Janice Makeup Workshop學化妝。
| |
發表時間：2013-09-03 03:08 PM [ 訪客留言(0) ] [ 編輯日誌 ] [ 分享至FACEBOOK ] |
|
護膚品都要換季喇!
2013 年 9 月 2 日 星期一 |
又到轉季時候，護膚品都係時候要轉喇！
唔知大家有冇幫自己護膚品轉季嘅習慣呢？
夏天天氣又熱又濕，
用嘅可能會比較清爽啲，
冬天就要用番啲滋潤啲、保濕啲嘅Products,
對抗乾燥嘅天氣喇~
Cle de peau le serum煥活細胞精華 $2,500
即時軟化肌膚表面，幫助之後護膚品嘅吸收，
令護膚品功效發揮得更好，
提升細胞質素，穩定肌膚狀態，
真皮層活化因子令細胞吸收最合適嘅養分，
令肌膚更細緻柔滑
質地黏黏地，好水，
一推開好快吸收，
皮膚即時變得好滑好柔軟
右：Blue Therapy藍鑽緊緻修護眼霜 $390
左：Blue Therapy藍鑽緊緻修護面霜 $550
藍鑽緊緻修護系列含藍鑽緊緻活性成份束絲藻AFA萃取物、
楔基海帶萃取物同專利成份水源再生因子，
有效對抗肌膚鬆弛、暗啞同幼紋問題。
眼睛最容易暴露年齡嘅秘密，
Blue Therapy眼霜針對黑眼圈、色斑、魚尾紋、眼袋鬆弛等問題，
修復80%衰老跡象
面霜仲係專為亞洲女士配製添，
保濕抗老，令肌膚保持年輕
Creamy狀質地非常滑~
注重天然嘅你，可以試下Burt's Bees嘅極致保濕系列，
有效減淡因肌膚乾燥導致嘅皺紋同幼紋，
令肌膚保持幼嫩~
99﹪天然成份，不進行任何動物測試
左：極致保濕奇蹟面膜 $298
品牌推出嘅第一款面膜，
主要成份有快樂鼠尾草、苦橙皮精華、
益生菌保濕因子、瑪芙油等
通過皮膚科醫學測試，不會導致粉刺
仲可以當sleeping mask用，
第二朝早起身洗乾淨就OK喇~
右：極致保濕日霜 $298
不油膩配方，好快好容易吸收晒，
快樂鼠尾草有好強嘅補水能力，
為肌膚不斷注入水份
質感好滑，易推，唔會覺得黏膩
中：極致保濕活能眼霜 ＄298
通過皮膚科醫學測試及眼科測試特別嘅筆頭設計，
軟膠部分可以用嚟按摩眼周，消除疲勞，
有效淡化細紋及魚尾紋
唔想冬天皮膚dry到冇晒光澤，就要為你嘅肌膚做好準備喇！
| |
發表時間：2013-09-02 01:10 PM [ 訪客留言(0) ] [ 編輯日誌 ] [ 分享至FACEBOOK ] |
|
準新娘作戰秘笈之(3) - 婚前運動秘笈
2013 年 9 月 1 日 星期日 |
老實講，喺香港地，
十個女仔入面可能有過半都唔鍾意做運動。
但我可以話俾妳地聽，如果真係想喺婚前極速瘦身，
而且要瘦得夠靚，單靠控制食量係絕對唔足夠咖。
因為，如果只係靠節食減肥，
第一係無咁健康，容易令人睇上去更加憔悴；
第二無論乜嘢減肥餐單，一般都只能夠令體重整體下降，
又或者，好多時都只係令成個上半身縮咗個碼，
反而就好難話集中咁收緊某個身體部位
（例如手臂、屁股、大腿）嘅線條，
所以點解啲人成日話瘦身最先就係瘦咗個胸，
咪就係因為佢地太過倚賴節食囉。
所以，今個禮拜我地就為大家呈獻《準新娘運動秘笈》，
教大家根據自己嘅「體型重災區」，
趕喺結婚前做返一啲應該做嘅運動，
令自己瘦得夠快、夠靚同埋夠健康！
瘦得夠快
頭先都講過，如果想加快整體瘦身速度，
大家除咗要注意飲食之餘，適量運動係必不可少嘅。
但如果想更快見到效果，大家做運動嘅時候，
就要留意以下幾項基本要訣喇：
1. 選一項帶氧運動。
帶氧運動係指一啲運動量相對較細、鍛鍊耐力嘅運動，
例如慢跑、游水、健康舞、踩單車就係帶氧運動，
由於呢啲運動一般都需要持久咁活動同收縮肌肉，
對消滅身體脂肪係有莫大幫助咖。
2. 每個禮拜做三天。
即係平均每兩至三日做一次帶氧運動，
其實都唔算好多啫，大家加把勁啦！
3. 每次最少持續做半小時。
如果大家本身唔係做開運動，
可能未必一開始就可以連續不停郁動半個鐘頭，
話唔定做得10至15分鐘就會覺得好攰，
不過大家唔駛擔心，妳嘅身體慢慢就會習慣，
運動過幾次後，妳會發現就算過咗15、30分鐘，
身體都好似未攰咁，咁妳就可以慢慢加長個時間。
如果體能許可，每次可以做到1小時或以上，
咁效果就會更加理想！
4. 運動前要做10分鐘熱身。
呢一點可能好多人都會忽視，
又或者會覺得：熱身同瘦身有咩關係喎。
其實，熱身就好似為我地嘅肌肉做心理準備，
令啲肌肉更快進入「作戰狀態」，
咁當正式做運動時，啲肌肉就會更收放自如，
每一下收縮都會做得更結實穩定，
令運動效果更加理想。
5. 運動後要做10分鐘鬆弛動作。
做呢樣嘢嘅目的就好似係要話俾妳啲肌肉聽：
「我地打完仗，可以抖抖喇。」
令肌肉可以適時作出休息，
咁先無咁易腰酸背痛，
唔會影響下次做運動嘅進度。
6. 運動後兩小時不得進食。
運動後身體嘅吸收速度特別快，
如果喺運動後即刻食嘢咁就前功盡廢啦！
反而，喺呢關鍵嘅兩小時忍吓口，
身體就會轉而消耗體內已有能量，
咁咪可以幫助消滅脂肪囉。
瘦得夠靚
跟住，就要講吓點樣可以針對身體局部線條，
集中咁做一啲修身運動，
令自己瘦得嚟都可以Keep返個玲瓏身型！
等我地由上而下咁講啦：
拜拜肉
好多新娘都會選擇著露背婚紗或者晚裝，
而當著起呢種剪裁的婚紗，就最怕嗰啲可惡嘅拜拜肉現形，
敬酒嗰時啲拜拜肉晃吓晃吓，認真礙眼！
想杜絕呢啲乞人憎嘅贅肉，可試做以下呢Set動作：
1. 雙手各執一個啞鈴，無啞鈴嘅話都可以用字典等重物代替。
2. 站直，兩手下垂。吸氣。
3. 將手向兩邊提起到同肩膀水平位置。同時呼氣。
4. 慢慢將兩手放返落黎。同時吸氣。
5. 反覆做呢個動作5至10分鐘。
腋下
腋下嘅鬼崇肉亦都係新娘子嘅天敵！
呢啲肉又有人稱之為「副胸」，
經常喺著背心或者低胸裝時「Jit」出嚟，好肉酸！
想趕走呢啲肉，可試做以下呢Set動作：
1. 雙手十指緊扣互握，緊貼住心口位置。
2. 兩邊手踭盡量大幅度咁做打圈動作，
留意兩邊膊頭要放鬆。
3. 每日做10至15分鐘，
做嘅時候如感覺到腋下同心口肌肉有拉扯感覺，
咁就即係做岩咗喇！
背部
著露背晚裝，就最怕俾人見到背脊啲肉「Jit」哂出黎，
如果想擁有性感玲瓏嘅背部曲線，可以試下咁做：
1. 兩手叉腰，站立，腰部挺直。
2. 將兩邊手踭盡量拉向身後，同時呼氣。
3. 到極限時Hold住約3秒。
4. 放鬆至原位，同時吸氣。
5. 反覆做此動作10至15分鐘。
肚腩
新娘子如果有個大肚腩，
就好多Cutting嘅婚紗都著唔到，
以下呢Set動作，可以幫助妳減走妳個肚仔咖。
1. 瞓喺一個舒適嘅位置，可以係軟墊或者床上。
2. 將雙腳屈曲墊高，例如可放喺梳化或者床Pan上面。
3. 兩手交叉於胸前。
4. 做Sit-up動作，留意上身毋須抬太高，
大槪45度就足夠，如果夾硬抬至90度位置，
好容易會用錯咗腰力，反而對減肚腩無幫助咖。
5. 反覆做50吓左右。記住係上嘅時候呼氣，
落嘅時候就吸氣。
腰部
兩邊腰間嘅贅肉，亦都係阻礙新娘子揀衫嘅殺星，
想擁有一條苗條纖腰，可以試下做以下嘅動作：
1. 瞓喺一個舒適嘅位置，可以係軟墊或者床上。
2. 屈曲雙腿，腳掌應平放喺同身體水平嘅位置。
3. 雙手握拳，屈曲雙臂，
拳頭抬起肩膀位置，手踭指向前面。
4. 做Sit-up動作，每次抬起身體要快速轉動腰部一吓，
令右手手踭同左膝、左手手踭同右膝，
各快速觸碰一吓，之後先慢慢瞓返低。
5. 反覆做50吓左右。記住係上嘅時候呼氣，
落嘅時候就吸氣。
臀部 & 大腿
臀部同大脾線條如果夠靚，
著起人魚Cutting嘅婚紗晚裝，一定令人眼前一亮。
以下呢Set動作專針對Pat Pat同大脾嘅肥肉而設，
大家不妨試下啦：
1. 站直，挺胸收腹。
2. 原地提腿，做出「操兵」動作。
3. 留意每吓提腿，大脾要抬高至水平位置。
4. 反覆做10至15分鐘，
對收緊Pat Pat同大腿都有幫助！
瘦得夠健康
最後，要提醒大家，
呢個世界無乜嘢減肥方法係可以不勞而獲嘅，
要瘦，點都係需要下啲苦功，
所以第一件事就係要趕走身體入面嗰隻懶魔！
而且，如果想瘦得有效得嚟，又唔會影響健康，
除咗要勤做以上提到嘅各動健身運動，
仲要同時配合以下幾樣嘢呀：
1. 均衡飲食。
想知道多啲有關婚前飲食嘅貼士，
可以參考我地上個禮拜嘅《婚前飲食手冊》。
2. 充分休息。
做運動都唔好做到走火入魔呀！
要俾身體有足夠嘅休息，
先唔會出現疲勞過度嘅情況咖。
3. 保持心境開朗。
好多準新娘都有「減肥減上腦」嘅徵狀，
事事都以減肥行先，整到自己乜都做唔到，
咁樣好容易會影響自己嘅情緒咖。
Relax！得閒做返啲會令自己開心嘅事，
行街Shopping，食飯睇戲，用平常心去減肥，
千祈唔好因為怕肥而「潛水」，唔出席朋友飯聚呀，
咁樣收埋自己好容易出事咖，
老實講，今餐食多咗，咪做返多啲運動，
下餐食返少啲囉。No Big Deal！
都係嗰句：籌備婚事又好，護膚又好，減肥又好，
各位準新娘，無論婚前做任何事，最緊要開心呀！
下個禮拜，我地會送上《四季新娘妝容》特輯，
教大家喺唔同季節應該化啲點樣嘅新娘妝，
各位準新娘千祈唔好錯過呀！
By Brides Talk
| |
發表時間：2013-09-01 01:35 PM [ 訪客留言(0) ] [ 編輯日誌 ] [ 分享至FACEBOOK ] |
« | 124 | 125 | 126 | 127 | 128 | 129 | 130 | 131 | 132 | 133 | ... | 137 | »
|
