Janice Lam (Makeup Artist) - QOOZA BLOG 網上日誌

janicelam : 個人主頁 - 相簿 - 訂閱 [ QOOZA - 論壇 - 登入 ]

人氣：252735

janicelam

暱稱： Janice Lam
性別：女
國家：香港

MORE...

最近沒有訪客

日誌統計

文章總數： 681

留言總數： 35

今日人氣： 77

累積人氣： 252735

RSS 訂閱

韓風掃落葉(二)Makeup Base篇

2013 年 5 月 18 日星期六

每次我去韓國狂掃accessories同埋衫之外

另外一樣嘢我好鍾意買嘅就係韓國品牌嘅打底makeup base喇

香港都有，不過選擇就少啲

之前就算唔係韓國買我都有喺泰國買covermark嘅makeup base

咁今次就見到韓國新出好多唔同嘅base

好多質地都好得意，我就買晒番嚟再試

今次想同大家分享咗呢啲base先

下次再講衫喇

好多韓國明星望落去好有光澤、好靚、

皮膚好水潤咁，究竟用咗咩產品呢?

Etude House新產品~

三支樽身包裝一樣樣咁

但質地同效果都唔一樣架

唧出嚟比大家睇下先~

右:透明gel狀

中:銀白色帶珠光

左:粉紅tone、少少 "令"身

右邊透明Gel狀質地好得意，好似搽咗凡士林咁

但冇凡士林咁令咁笠，爽身少少

搽咗之後睇上去就會好水潤，但感覺唔會太油

如果大家驚好油嘅話可以喺面頰或下巴位置加少少

又或者溝粉底用都可以做到水潤效果架

想光澤感重啲，可以揀左邊或中間嘅base

質地好幼滑、好易推、好薄

最緊要係咩??平!!!

平真係好緊要架嘛!

又平又好用就真係好值得推介!

計番港幣都係一百蚊多啲一支

大家去韓國嘅時候不妨去試下啦

或者如果淨係買一支都可以喺香港買

價錢可能大概都係差20%度

如果唔係買好多嘅話都可以接受嘅

呢支好似stick foundation咁嘅係Baby Glow Stick

扭出嚟用嘅，呢個質地好得意好吸引我去買

淡粉紅色透透地嘅

佢好似我第一支介紹唧出嚟透明gel狀個product咁

但係呢支效果就soft啲自然啲，冇咁令

如果覺得塊面突然間好乾，可以搽完base之後喺乾嘅部分

好似額頭位置好多時都有乾紋

就可以搽少少然後上粉

之前介紹過好好用嘅moistfull essence-in primer已經冇再出喇

新出嘅係好似hair spray咁嘅噴霧

我就覺得好似冇咁好

咁sales就介紹我試下呢隻Baby Glow Mist，質地同moistfull差唔多

如果大家之前想買moistfull又買唔到就可以試下呢個喇

呢個eyebase係我勁推介嘅產品

講咗數百次好好用

適合眼油人士，同埋好容易溶妝嘅人

咁今次我就唔係幫自己買嘅

因為之前已經買落好多stock喇

身邊嘅朋友知道我去韓國都叫我幾枝幾枝咁幫佢哋買

所以我都買咗十幾廿支番嚟

呢支就係防水眉筆，游水都無問題架~

其實好似liquid eyeliner咁~

畫出嚟效果都好自然

我對Etude House嘅base都幾有信心

之前試過嗰啲都幾好用

所以佢每次出新嘅base我都好樂意去試

好似moistfull呢個有顏色嘅base咁

如果皮膚好乾，又要有少少顏色去均勻番膚色嘅

呢個都係一個好好嘅選擇嚟嘅

佢嘅質地唔會好乾，亦都好易推

佢類似BB Cream咁

有時趕時間上唔到foundation嘅話

可以就咁搽完呢個上碎粉都OK

呢個都係有顏色嘅base

類似調膚色嘅底霜，可以全面搽

佢有啲粉紫嘅顏色

可以令面嘅光亮感重啲

膚色均勻啲，之後搽粉底膚色都會好自然

上面可以重點搽喺眼肚、下巴位置

做番highlight，令面嘅輪廓更加突出

最後兩支係新試用嘅BB Cream

右邊呢支係Nutree 出品嘅BB Cream

之前都有介紹過佢嘅蝸牛cream

我自己油性皮膚就覺得幾好用同幾吸收

呢個BB Cream就比一般嘅BB Cream更爽身同更薄

效果都唔錯架~

如果你鍾意好自然同怕笠嘅話就可以試試喇

可以喺Olive Young買，而家仲做緊特價添

所以去開韓國就掃番幾支番嚟喇

左邊係一個叫Primera嘅organic牌子

有朋友之前試過好好用託我去韓國買嘅

如果係敏感皮膚，唔想用咁多化學成分嘅嘢

呢個BB Cream就好啱喇

因為其實韓國品牌都比較少organic同適合敏感皮膚嘅產品

我試完覺得質地比較滋潤啲，適合乾性皮膚

好易推，最緊要係質地都好透薄嘅

大概25000-28000won度，百幾蚊港幣一支

除咗BB Cream之外，呢個品牌仲有其他skincare都唔錯

明洞有專門店，大家有時間可以去睇下~

除咗面之外，for body嘅我就買咗Holika Holika Leg Balm~

裡面有埋puff好方便~

就咁睇係紫粉紅色帶少少閃~

其實唔係淨係可以搽腳嘅~
搽手臂、鎖骨都可以架~

搽出嚟係透明令令地帶閃嘅效果~

陽光下或者燈光反射出嚟就好bling bling好靚架喇~

今次講住個base先

買化妝品我又點會買咁少呢~

留番下次再同大家分享啦!

分類: 未分類

發表時間：2013-05-18 03:16 PM [ 訪客留言(0) ] [ 編輯日誌 ] [ 分享至FACEBOOK ]

精華油的迷人力量

2013 年 2 月 20 日星期三

女仔除左要識得護膚，
化靚妝之外，
其實擁有一把秀髮都好重要！

有時見到D女仔化個妝好靚，
但頭髮就有好大問題，好似髮質乾旱、
髮尾開叉等問題，影響左整體既感覺。

可能係因為做得太多電染，

一D傷害頭髮既Treatment，但之後又無好好去修護返，

長年累月咁對D頭髮，頭髮一定唔靚啦~!

既然有心化個靚妝，點解唔做多一步等自己再靚D呢?

今次收到L'Oreal Professionnel 既產品!
由洗頭水到精華油都有~

非常全面既護髮體驗，真貼心!

全新推出既 "Mythic Oil Bar" 輕柔滋養護髮洗護系列

左面: Mythic Oil Bar Nourishing Shampoo
輕柔滋養洗髮露 (HK$138)

右面: Mythic Oil Bar Nourishing Conditioner
輕柔滋養護髮乳 (HK$176)

呢一個系列包含左堅果精華油同棉花籽精華油，
比較適合經常電髮同染髮既朋友，
因為堅果精華油係有修復同保濕既作用，
而棉花籽油係滋養頭髮，幫助頭髮再生既～

由於呢一個系列係比較滋潤，所以唔太適合油性頭皮既朋友。

Mythic Oil Bar Nourishing Masque
輕柔滋養髮膜 (HK$192)

除左含有堅果精華油，呢個髮膜仲有米糠精華油，

可以深層滋潤頭髮。

有時唔得閒去Salon 整Treatment ，
我都會用下Hair Mask當做焗油咁，
沖涼時，搽 D Hair Mask 喺頭髮度，
頭頂位置就唔需要，
之後戴返個浴帽，大概焗3﹣5分鐘，
頭髮就會好順滑架啦～

L'Oreal Professionnel 今次出左三種既精華油，
注重頭髮既朋友又多D 選擇啦～

由左面開始:

1: Mythic Oil 高效多功能護髮精華油
呢個之前已經出左就唔多講～

以下三款就係最新既精華油（＄280）：

2: Mythic Oil Milk
高效多功能護髮精華乳液

呢一枝就有蜂皇漿同百香果精華油啦，
呢D成份都可以加強頭髮既韌度。

咁就會適合返D頭髮比較脆弱既朋友～

3: Mythic Oil Rich Oil
高效多功能順滑精華油

呢枝有米糠精華油同堅果精華油，
由於呢兩個成份都能夠深層滋潤頭髮啦，
所以乾早既頭髮就岩哂啦

4: Mythic Oil Colour Glow Oil
高效多功能鎖色精華油

而呢枝主要成份有亞麻籽精華油同小紅莓精華油既～
保護髮絲，同埋可以Keep D 顏色耐D
最適合就係染左髮既朋友

介紹左咁多護髮既產品~
希望大家唔好再忽略頭髮既保養啦

如果有興趣既話，可以去L‘Oreal Professionnel 指定專業髮廊睇下架～
Hotline: 3180 1510

分類: 未分類

發表時間：2013-02-20 05:25 PM [ 訪客留言(1) ] [ 編輯日誌 ] [ 分享至FACEBOOK ]

好運迎新春

2013 年 2 月 6 日星期三

大家相信命理既話，

都會買d紅色內衣黎迎接新年～

會有好運嘛！

內衣呢d咁貼身既野....

除左要質地舒服之餘,

望出黎都要靚同自然！

所以揀內衣都係一種學問～

平時出job化妝果時，

見到好多model著果d內衣都唔係咁自然同舒服！

Regina Miracle呢個品牌都有介紹過～

今次想介紹新既collection.

雖然睇到好多𡃁模身材好勁，

但其實香港既女仔普遍都比較嬌小～

所以適當既push up係應該架！

著衫出黎會靚d~

唔知大家著過既push up bar

會唔會好硬、唔舒服呢？

如果會既話，以下係一個好介紹！

就係Regina Miracle既Celebrities系列～

利用waterpad既技術黎做pushup ，

係一種水加油既軟身水袋～

會隨著胸型黎承托返！

令出黎個效果會更自然，

同埋可以集中胸型～

而且係用原機棉，好軟、好舒服！

臨近新年，如果要買紅色內衣既話，

不妨試下呢個系列啦～

58-01

另外，我最近睇左d運程既書，

話我呢排都要紅色既內衣褲～

所以除左整套內衣之外，

亦想介紹d唔會“攝”罅既無痕內褲俾大家！

呢個款出左花邊添～

佢有好多顏色，好似鮮紅、桃紅、藍、黑.......

而且真係好舒服！

如果想著真正既無痕內褲既話，

就一定要試下呢條啦～

58-01

有興趣就要快d去睇下啦～

因為呢排仲有其他優惠做緊！

地址：銅鑼灣希慎廣場6樓605號店

旺角始創中心1樓112號店

59-07

分類: 未分類

發表時間：2013-02-06 06:02 PM [ 訪客留言(0) ] [ 編輯日誌 ] [ 分享至FACEBOOK ]

原來係咁架!

2013 年 1 月 24 日星期四

哈哈....終於上Basic班嚕!

話咁快已經上左3堂....

教左皮膚分析、介紹化妝用品同工具、

粉底同遮瑕~

因為之前我喺另一間化妝學校學過化妝~

跟住心以為頭果幾堂應該唔會太難姐,

點知.........

估唔到咁快就已經聽到傳說中果句:

"抺左佢再黎過!"

事緣係我用錯左顏色幫model上粉底,

令model塊面白左.....

雖然我之前係有學過,

不過我學既主要係舞台妝,

而唔係化完可以出得到街既靚女妝~

所以喺呢幾堂入面,

我已經喺心入面講左好幾次:

"原來係咁架!"

等我同大家分享下......

1.) 護膚

之前有個錯覺係盡量用清爽既cream同base幫model打底會好d,

以為咁就會出少d油,個妝唔會咁快溶~

所以無論個model既皮膚屬於油性、混合性定乾性,

我都係用同一set護膚品.....

有時未化完成個,就會見到個底開始裂!

而家至知個底要夠潤,

上粉至會夠貼同薄~

原來用合適既護膚品係一個靚底妝既第一步黎架!

2.) 底妝-粉底

由於之前學既係舞台妝,

用慣左粉條膏~

大家都知粉條膏好厚,但遮瑕度高!

如果個model皮膚唔太差既話,

通常上完粉條就可以skip左遮瑕個step~

因為上舞台個妝厚d都無問題,

d人咁遠唔會睇到個妝有幾厚!

但係而家化靚女妝要用返粉底液,

至發覺大獲啦!!!

以前用粉條要留意既係之後要唔要遮瑕,

因為粉條質地太厚,

上完第一次粉之後,

通常都已經會遮到哂原本既膚色~

所以就會忽略左"膚色均勻"呢樣野!

唉......搞到上堂果時,

自己成日睇黎睇去,
都睇唔到model塊面邊度膚色唔均勻~

原來粉底唔係咁易上架!

3.)底妝-手勢

以前學果時,Miss都有教我地上粉底既技巧,

所以當Janice再教果時,我都有d概念!

不過就無咁仔細,

連手勢、力度都要顧埋~

原來印實d粉底果時,

要用腕力同陰力,

咁至會貼同唔會印返起d粉底架!

4.) 遮瑕-力度

上遮瑕堂果時....

聽得Janice對我講最多既係:

"細力d!"

唉......因為之前讀果時,

為左要考d國際試....

要練習喺45分鍾化好一個妝!

可想而知,我地既手腳要幾咁快速啦~

快手既時候,

力度同份量就好易重手左連自己都唔知....

加上,用粉條膏既話,

遮瑕重手左唔會太覺~

但而家....真係好覺

原來遮瑕係要好輕力"high"上去架!

5.)遮瑕-用品工具

開頭學果時,
之前間學校送左一set化妝掃同化妝品俾我~
初頭真係好開心架!
岩岩學咩都唔識.....
但又唔知邊個brand d化妝品岩用黎學化妝~
所以我就用佢果set黎上堂!
當然...用用下都已經知道唔太掂,
但係無辦法.....自己唔識出去買~
果度d 老師又唔可以介紹我地去用d咩product~
因為佢地自己學校都有代理d brand 架嘛!
好似遮瑕咁......
我學既係喺粉底之後用
橙色同粉紅色既調色霜tune左黑眼圈先~
不過佢既質地好乾,
要溝cream用至唔會咁易出乾紋!
之後再上concealer,比較麻煩~

黎到workshop之後,
見到化妝櫃入面有一格係"遮瑕"~
入面有好多唔同色!
初時唔知.....
以為有2個質地既concealer,
跟住聽Janice上堂講解至知,
原來其中有d係近膚色既corrector黎架!
早知以前唔使溝得咁辛苦啦~
而且Janice仲有介紹有幾隻好用既brand俾我地添!

另外Janice亦有教我地點去揀一支好既遮瑕掃,
原來遮瑕掃都有分size,
用黎遮唔同既瑕疵架!

除此之外,上堂既氣氛亦好唔同~

之前學果度好多時都會由唔同既老師教,

好處緊係可以識多d人,

學多d唔同既手勢~

不過亦因為咁,

每次上完一堂就真係咁先,

下一堂又會係唔同既老師....

果位老師唔會清楚上堂既進度

或者同學跟唔跟到個進度~

但係呢度,每一堂都係Janice教!

雖然一個禮拜有幾班化妝班,

但Janice都會記得學生既進度~

有時仲會問返我地上堂學返既野,

確保我地上完堂係明白~

加上,我之前學果d係小丑妝、

老人妝、埃及人妝、流浪漢妝.......

練妝果時,只要捉到個神髓就可以過關~

例如化埃及人妝咁,

個精髓係喺條眉、眼線同服裝~

老師check妝果時,
就會focus喺呢幾樣野度!

除非真係好大問題,

唔係既話都唔會點執其他~

但係而家......

Janice真係會好認真咁去睇每一part!

而且當我地化緊果時,

佢都會一路check住我地個進度、

手勢同用果d product岩唔岩~

真係無得偷懶,

要過關真係唔易!

雖然每次上堂都好有壓力(驚化完Janice唔收貨!)

但我每一堂都揾返好多之前忽略左既位~

希望喺之後既課堂入面可以發現更多,

再同大家share啦~!

分類: 未分類

發表時間：2013-01-24 02:50 PM [ 訪客留言(0) ] [ 編輯日誌 ] [ 分享至FACEBOOK ]

化妝／入行第一步 ﹣Karen

2013 年 1 月 9 日星期三

都知道好多想學化妝嘅人,

揀讀邊間學校嘅時候都會好頭痛...

始終學化妝都唔係平架嘛!都唔想嘥咗筆錢~

今次我就以學生嘅角度分享一下揀學校要考慮嘅嘢啦~

我跟Janice學化妝之後,都有喺其他化妝學校學過

我覺得兩者都有幾大分別嘅~

例如教學方式同對學生嘅要求啦,

仲有學校提供嘅用品同出Outjob機會等等~

咁講下關於上堂嘅分別先~

Janice 出名底妝化得靚~

所以佢會用好多時間去教點樣打好個底~

講解相對會較仔細~

粉底唔貼同遮唔到眼圈都係同學們成日比佢挑剔嘅地方,

叫同學落咗個妝再嚟過都唔出奇架

而出面嘅學校係用好少時間去教底妝同遮瑕

我覺得如果我冇學過化妝嘅話,

用一兩堂就要我識化好個底妝,我會覺得有啲吃力

同埋佢哋好著重上妝嘅速度一定要快,

但技巧未做得好嘅話,快都冇用啦~

因為上堂嘅時候係唔使帶model,而係同學之間互化嘅

咁樣係會唔使咁麻煩,唔使成日驚搵唔到朋友幫手做model

亦可以親身試下其他同學嘅手勢嘅,

但只係化一半面嘅關係,所以好難留意到化全面嘅難處~

因為之前係workshop學嘅時候係化全面嘅

所以嗰時上堂會多啲時間去試,去練習

其實點做到balance都係其中一個難處嚟架~

搞到上堂成日都會overrun~

因為化全面相對都要多啲時間嘛~

另外出面學校用嘅全部係佢哋自己品牌

唔會有其他牌子嘅化妝品提供,

上堂亦只會介紹佢哋嘅products有咩好同點樣用,

所以好多種類或唔同質地嘅嘢都冇機會試到,

我諗一個學化妝或者鍾意化妝嘅人應該都會鍾意,

同埋想試唔同嘅products架~

最斃係佢哋有啲products唔係咁好用,

令學生更難去掌握化妝嘅技巧~

而且練妝只係提供場地,但化妝品要自備,

最麻煩係考試一定要用學校嘅粉底同碎粉!

即係一定要買嘢...

呢個真係一個好大嘅concern!!

我知道有啲其他學校都有提供products俾學生練妝或者考試,

但係就要同好多同學share用有限嘅嘢~

我覺得啲嘢好用嘅話,買都冇所謂~

因為第時有job嘅話都可以用得著~

最慘係唔好用,考完試就擺埋一邊,嘥錢又浪費!!

所以嗰陣係好懷念之前喺workshop,

可以試好多brands嘅products~

練妝同考試都可以用,唔使特登嘥錢買啲唔好用嘅products!

喺workshop嗰時我都會試下用唔同嘅products,

覺得好用嘅自己都會去買,仲會介紹埋比啲朋友架~

另外出面學校有提供好多機會比學生實習嘅

唔同類型大小event嘅outjob都會有,

其實我嗰陣都係想去下嗰啲function先揀呢間讀咋

Outjob 用嘅Products當然要用佢自家品牌啦~

出job products又要自己買,所以除咗學費之外,

都洗咗好多錢買學校嘅化妝品

咁workshop嘅outjob就可能只係要同學幫下手~

未必係從頭到尾化嘅~

始終啲outjob都係搵Janice化妝嘅,

都冇可能比你當練妝咁幫人做嘢~

化唔到Janice嘅standard,人哋都唔收貨啦~

好似上次我跟Janice去ME Magazine咁,
𠴱次係幫Chanel示範最新春夏系列嘅,
化妝當然係Janice操刀啦,
咁我就喺旁邊睇下學下嘢啦~
之前上進修班學嘅嘢,多數都係啲出街唔會化嘅妝，
呢次shooting就見識到原來可以將唔同年代嘅元素mix埋~
做出嚟嘅效果都可以好靚好fashion~
好多時出去做嘢,客人都可能會要求你化唔同嘅妝,
又或者有啲特別嘅style,
所以出去睇下Janice平時點做job,
同埋睇下工作環境係點~

有機會去見識下,都可以學到好多架~

有時見forum嘅人會計下唔同學校嘅學費,
睇下邊度抵啲,除番開每堂幾錢咁計,

我覺得就唔可以作為決定嘅指標嘅~

因為其實間間都差唔多價錢,有時你以為嗰間學費平啲,

但原來之後有好多嘢要幫佢買嘅,條數加埋可能仲貴添!

另外,就係大家都好concern國際認可嘅證書呢個問題喇~
其實如果有人想搵化妝師,
正常只會睇你嘅portfolio,睇下你化妝靚唔靚,
但唔會問你攞張cert睇嘅~
可能大家見到一啲品牌化妝師嘅招聘廣告會需要到張cert,
咁如果唔考cert,係咪就冇機會做到呢?
咁呢個問題就關乎到你讀嘅學校,
會唔會可以推薦到你去呢啲品牌度工作喇~