雖然依家天氣仲係好熱，
日頭仲係成三十幾度，
但係轉眼間，
各大品牌都已經出左秋冬既化妝品系列喇！
其實之前我已經開始慢慢介紹架喇，
今次想再同大家介紹既就係
Chanel、Burberry、M.A.C既最新及限量版Products
今季Chanel既秋冬Collection就出左15支唇膏，
每一隻顏色都好特別架，
我自己本身就好鐘意紅色既唇膏，
出去做野或者自己化妝呢，
我都必定會用Chanel唇膏既，
因為鐘意佢既質地夠滑、夠潤，
就算唔查潤唇膏都okay，唇紋亦都唔現，
今季既Collection都一樣有以上既優點！
不過今季Collection都佢既特別之處，
今季既顏色唔會太閃，會比較實色少少，
出黎既唇色同本身唇膏上既顏色既會差唔多∼
我自己好鐘意紅唇，
咁係自己既唇膏盒裡面都有五、六十既色既紅色唇膏，
因為唇膏既顏色只要差少少，
就用好似桃紅、啡紅、紫紅等等唔同既紅色，
出黎既效果都可以有好大既分別！
所以我自己就好鐘意用一D唔同既紅色唇膏，
黎去Mix & Match返唔同既style，
相信呢Set新出既唇膏將會成為我化妝箱新加入既Products
咁如果唔想太誇張呢，以下呢D顏色就好適合大家喇，
裡面有啡Tone，姐係比較Earth Tone少少既顏色，
亦都有Peach Tone，都係望出黎都會比較自然一D既顏色，
大部分既女士都絕對可以Carry得到!
想特別D、Sharp D？
咁就可以留意下面呢幾支喇！
呢5隻色既唇膏呢，大家就可能比較少見D喇，
我自己就好鐘意右邊兩支，姐係橙Tone個兩支，
因為橙色既唇膏出面既選擇就比較少D，
今次Chanel出既呢兩隻色，
無論係秋冬天定係夏天，我地都可以Carry到架！
另外仲有3支唇線筆可以比大家襯返，
分別有橙色、粉紅色同埋紅色，
比大家去襯返唔同顏色既唇膏既∼
跟住就講下Burberry推出左既秋冬系列粉底、
Eye Shadow，仲有唇膏！
先講左粉底先∼
今次收到Burberry 8支唔同膚色既粉底，
Burberry既粉底一路以黎都係比較透薄同埋易推既，
一般人都好易控制，
咁今次呢個系列既粉底同以前咩分別呢？
我地用左其中一隻黎試，
今次呢隻粉底會有比較Nude同啞緻既效果，
一般皮膚易出油，有油光既話，
我地就可以用呢類比較Long Lasting D既粉底，
佢會令皮膚無咁易出油∼
而且呢次出既粉底既Coverage比起之前更好，
同埋佢有好多唔同既Colour Tone，
可以比到唔同既選擇大家
佢分別有黃Tone同粉紅Tone，
當然我地亞洲人既話用黃Tone就已經Okay架喇，
可以做到好自然、查左好似無查既效果！
佢亦都好適合容易泛油、出汗、溶妝既朋友，
再加上可能面上瑕疵比較多、
有雀斑或者暗瘡既話，都好適合用架!
因為呢隻粉底既Coverage比較好，所以都推介大家試下。
跟住到左我既至愛 --- Burberry既Eye Shadow喇
今次就收到3隻色，都係啡Tone為主既，
我自己平時化妝都好鐘意用啡Tone既Eye Shadow，
特別鐘意中間個隻顏色!
佢有少少啡紅色既效果，
如果用黎做Smokey eyes 既話就好靚喇！
其實我地可以3盒一次過用哂既∼
眉山眼頭位可以用銀白色，
眼窩位就可以用左手面既啡色，
或者同中間既啡紅色對調用都無問題架！
大家有無留意到下幅圖既唇膏顏色呢？
佢同上面Eye Shadow既顏色Tone係好似架！
一支係啡紅既唇膏，另一支就係啡色既，
用完整個Look出黎會比較Elegant少少，
因為深色唇膏比人感覺都係較為成熟少少既
不過呢2支唇膏既顏色都唔會太實，
反而會有D透明感既效果，而且用落都唔會話太深色既。
其實今季都好流行唇部既化妝，
如果我地可以大膽少少既話呢，
我就推介大家可以試下左面個支啡紅色唇膏，
用落Styled之餘又不失高貴
加上Burberry既唇膏質地本身都好夠滋潤，
我自己都試過Even唔查潤唇膏都可以有好滋潤既效果，
但又唔會太潤、太Lup∼
我亦都收到M.A.C既限量版Products，
裡面包括一個化妝袋、一支唇膏、Lip Gloss同埋唇線筆。
雖然大家見到化妝袋上面個個公仔既咀唇係紅色啦，
但係裡面既唇膏就唔係紅色既∼
裡面既唇膏係我地亞洲人好易Carry到既粉色∼
呢隻唇膏既顏色係會比較實少少既
呢支Lip Gloss係帶有橙橙地同閃既效果既，
M.A.C.既Lip Gloss其實都係比較厚身少少，
所以查出黎絕對做到同Lip Gloss本身一樣既顏色效果架！
大家可能會比較忽視左唇線筆既用途啦，
咁其實係咪一定要畫唇線呢？
咁其實又未必既，
但係如果本身你既唇形、唇線係唔係太實，
又或者想改善唇形呢，
我地只需要買一支唇色既唇線筆咁就Okay喇！
咁又唔需要紫色襯紫色、紅色襯紅色、啡色襯啡色等等喇∼
如果大家想畫唇線既話，
我就建議大家可以揀一支自己唇色既唇線筆！
| 
