相信呢篇文大家等左好耐啦∼

俾同學仔同Blogger 吹我快D寫關於我平時著既衫係邊度買∼

其實大部份既衫我依家都係網上買，好耐無出街買衫啦!

一來同一件衫喺銅鑼灣可能賣$500，喺旺角可能賣＄350，但喺網上賣可能仲會平D‥

二來我真係無太多時間去行街，去慢慢睇，所以近兩年我都係網上買衫既。

http://www.zipia.net

呢個網站係大家最想知道，因為呢個網站係朋友介紹俾我，

之前唔知個朋友介唔介意我介紹出黎，但佢已經恩准左我啦，
所以我就立即寫呢篇文！

呢個係韓國網站，大部份韓國網站都係得韓文，但呢個就有英文提供。

只要開左個Account，咁就會顯示埋價錢俾你睇，好方便架！

（注意：價錢係用美金計算的）

我鐘意呢個網站有幾個原因：

一：男女裝既Model 都好靚仔靚女，睇到都好開心！

最重要係每件產品都有好多Model著住既相可以俾大家作為參考，唔洗估估下件衫著上身係咩樣既。

Detail 位都好仔細咁影…

二：好有效率！試過最快四日就有，而最遲十日左右就有，佢係用DHL寄黎既。

如果留言問野都好快會有回覆，跟得幾好架！

三：每日都有更新，新衫、新鞋、新飾物

每一次上去睇野都好開心！

四：俾錢方便，我都係用Paypal 俾錢。

五：最重要係實物同相係一樣!

我自己大約有70﹪既衫都係喺呢個網站度買既，而Size方面如果佢寫係 “ one size "既話就似香港既中碼 ，咁我自己就會揀有細碼既衫去睇。

要買滿$300 美金先送貨，需要另加運費，喺俾錢個度會有個總數係你買衫既錢同埋運費一次過計哂俾你睇，唔洗等月結單就知道買左幾錢。

第二個我要介紹俾大家係一個外國網站：

http://www.asos.com/

ASOS呢個網我第一次上去睇我都用左幾個鐘去睇呀，因為實在太多野睇啦，好似一本Magazine咁，有最新既Trend，outfit 俾大家去睇！

Join 咗member，就可以買野啦！

ASOS 個對換率就有HKD，非常方便！

價錢方面就中等價錢啦，但係成日有唔同既promotion，所以一得閒去睇下有咩做discount，有D都幾吸引。

我鐘意呢個網站有幾個原因：

一：好多野睇，除左基本衫、褲、鞋之外，仲有化妝品、大肚婆衫、泳裝、太陽眼鏡等等…

另外仲有大量豐富既潮流資訊，有時諗唔到點著都會上去參考參考架！

二：除左有Model 著住產品既相俾你睇之外，仲有 ” Catwalk ” 睇，係Model 著住件產品行catwalk既video。

真人試範既Video，已經比起淨係睇相生動得多。

三：資料十分詳細，產品資料相信每個網站都一定會有，但ASOS有埋試範Model 既Size 等你可以大概去就下自己應該著咩Size。

洗衫方法都會有提供，十分窩心。

四：有好多BRAND，唔單止ASOS自家品牌，仲有出名既牌子都有。

五：免運費!

ASOS送貨都快架，大概一星期就到。

大家得閒上去睇下啦，或者可以Share 下你地去開邊個網買衫~

後日就係聖誕節,
大家既行程係咪已經好full呢?!
通常喺呢d時候都會大吃大喝,玩到好夜.....
如果無好好護理,
未過完聖誕就已經發現自己d皮膚變得乾燥、
暗啞或者毛孔大左!
Dr.Wu 係台灣一個好出名既醫學品牌~

今次就介紹佢既2大"明星"產品俾大家，
為皮膚打好基礎，迎接聖誕！
到時化妝都會貼d啦∼

杏仁酸亮白煥膚精華係一支低敏高效既serum~
Dr.Wu既研發團隊經過多重肌膚測試同臨床實驗，
發現濃度18%既杏仁酸係最溫和
而且煥膚效果比較顯著!
除左可以清除表面既角質，更可以深入毛孔清除黑白頭粉刺~
呢支精華液入面仲有玻尿酸和聚葡萄醣體等四大專利複合煥膚成分!
有助解決暗沉、膚色不均、毛孔粗大、
斑點、痘痘、皺紋等問題~
唔使日日用，keep住每星期用2、3次就ok!
佢係liquid狀,無添加香味∼
當然.....杏仁酸亮白煥膚精華係一個居家煥膚療程....
佢既效果唔會有美容院既咁快同明顯,
但只要keep住用就會見到皮膚有改善架啦~

Dr. Wu另一個皇牌係玻尿酸保濕水凝露，
已經改良到第三代啦∼
佢係用第三代智慧型多分子玻尿酸，
加強左保濕功效！
仲加左法國有機露珠草、海洋膠原蛋白、
活性酵母精華等多重保濕修復精萃∼
再搭配Dr.Wu特殊微導傳輸系統，
做到類離子導入既保濕效果，
令肌膚充滿有彈性！
好岩天氣乾燥既時候用∼

喺乾燥既冬天，護膚唔單止係女性既專利，男性都需要！
如果唔係就好易乾到皮，甚至敏感∼
加上而家d男士工作繁忙，應酬又多........
除非天生麗質，唔係既話，
皮膚應該都會偏乾。∼
Lab Series Skincare for Men推出左一支高效修護精華素﹣
Instant Skin Booster，
重點用黎修護疲憊既皮膚∼

嶄新既技術﹣FirmaBoost^TM complex,
可以令皮膚回復狀態！
呢個係一個雙爪方式，分左“外在”同“內在”∼
外在係複合物成份可以令表面皮膚感覺更緊緻！

同時間亦喺內在強化皮膚既天然膠原纖維蛋白網絡，
令外觀睇落更緊緻∼
佢既質地輕盈，唔笠，
而且搽完會有清涼既感覺，會幾舒服！
好岩多應酬同工作壓力大既男士用∼

除左要keep住一個年輕既面孔之外，
一對潤滑既手,

都可以俾人一種後生既感覺~

但係平日既洗手液、消毒gel，

都會令雙手變得乾燥!

特別係我地呢行...每次化妝前後都要洗手~

所以hand cream對我黎講好重要!

最近APIVITA 新出左一系列唔同香味既護手霜，

用有機金縷梅水取代一般水分作為基底，

有加強抗氧化同舒緩既作用!

佢分別有茉莉、金絲桃同蘆薈既香味,

而我收到既係茉莉味既~
呢支係用有機蜂膠、有機乳木果、可可油、
 有機橄欖果油、有機蜂蜜萃取物、
蜂膠萃取物同茉莉香薰油等製成~ 
因為入面全部都係天然成份，
並無任何Parabens防腐劑、矽化學物、

丙二醇、乙醇胺或者礦物油，
特別岩敏感性皮膚既人用∼

另外仲有天然玫瑰香薰皂，

係用天然成份同100%有機香蕉油，

有補濕同舒緩既作用~
而家仲有gift set,一次過可以試哂6款既香薰皂添!

另外，前排我去左La Prairie既event，
係為白鱘魚子亮肌系列加入新產品而搞既！
相信大家對呢條line都唔會陌生∼
白鱘魚子亮肌系列主要成份緊係奢華黃金魚子精華啦！
當中既魚子係經嚴格監管，由環保運作既漁場抽取而來，
更能夠發揮到緊緻同保濕既效果。 
呢d優質既黃金魚子精華，有奧米加三型脂肪酸同海洋DNA， 
可以為肌膚補充所需既養分、提升抗氧化功能！
除左皇牌既黃金魚子精華之外，
其他既成份都好珍貴架∼
好似有人參精華、馬尾草精華.....
能夠抑制同預防肌膚持續老化，
 令肌膚可以keep住透白同緊緻∼

La Prairie果日仲精心為我地準備左個lunch~
每款食物都加左白鱘魚子落去架！
好好味∼

除左有咁美味既白鱘魚子午餐外，
仲有得試佢個eye serum同cream阿∼
多謝哂

 

 今次想介紹2個日本牌子俾大家~

首先係IPSA,

有用過既話,都知佢既quality一向都唔差!

特別係我之前有介紹過一盒4色palette,

可以用黎做shading,鼻影,highlight同胭脂，

一盒咩都有齊,好方便∼

我地好多同學仔都好鍾意用!

所以今次就再介紹多2件IPSA既產品俾大家~

第一個係"The time reset lip essence"

之前都有介紹過唔同既潤唇膏俾大家試,

好似有我用開既雪花秀,Elizabeth Arden既Eight hour cream,

仲有Fresh既lip balm~

我自己好怕擦唇膏,

因為我個咀好易敏感~

敏感起黎咀唇側邊d位會痕、乾什至甩皮!

潤唇膏我亦唔係隻隻牌子可以用,

不過頭先講果幾隻,

同埋IPSA呢個lip essence我都用到!

呢支The time reset lip essence入面

主要由強效導引鎖水分子揉合2種分子而成,

第一種係特殊分子A,

佢可以將水份鎖住,形成一個膜,

令咀唇表面持續水潤~

另外一種係特殊分子C,

能夠將水溶性高效分子鎖喺角質層,

然後慢慢滲透去咀唇入面!

長期用既仲會改善暗啞同減淡唇紋~

佢好似平時用開透明lip gloss既質地咁,

而且吸收得好快!

初頭擦完會令d,

過一陣吸收左就會無咁令~

我會介紹俾大家,

係我覺得佢同雪花秀果支一樣,

唔使成日補!

有d潤唇膏擦果時感覺幾滑同滋潤,

但過左一陣,飲下水,食下野之後,

就會開始乾!

因為果d潤唇膏係油性比較重,

所以佢既持久度比較短,好快就會乾~

不過IPSA呢支同之前介紹果d,

都可以keep到好耐,

唔需要成日去補!

如果一到冬天個唇就會好乾、甩皮,

但又要擦唇膏既話,

之前我都會介紹d blogger同同學仔

用Cle de peau既唇膏,佢真係好潤~

除此之外,IPSA既唇膏亦幾好用架!

到底點樣去分別一支唇膏潤唔潤呢?

其實可以由佢既包裝度睇到~

每逢個包裝比較幼長,

同埋扭完出黎,扭唔返入去既話...

果一類唇膏都會係較滋潤同creamy!

好似IPSA呢隻,雖然佢可以扭得返落去,

不過佢亦偏幼身,所以都會係creamy d!

有人會問,點解粗身做唔到滋潤性高既唇膏?

有時我地擦擦下粗身果d唇膏時,會斷左!

係因為佢太潤,唔夠硬身.....至會咁易斷~

所以大家會見到IPSA大部份既唇膏個包裝都係比較幼長,

呢個設計令支唇膏唔會咁易斷!

另外,想出黎個顏色自然,IPSA都係一個唔錯既選擇~

佢d顏色包括nude tone、earth tone、偏橙、粉橙都有,

係一d自然既顏色,平時一定會用到!

除非個咀好乾啦.....咁就擦左潤唇膏先~

如果唔係既,我覺得直接就咁擦都ok!

 

相信大家喺香港應該未見過呢個牌子,

佢個包裝都好靚、好得意~

Elegance係一個日本品牌,

之前有介紹過佢其他d product~

好好用!但相對d價錢都唔平....

大概係Lunasol果個grade既價錢!

佢既眼影,眉筆好好用,同埋好襟~

D 顏色亦好上色，
睇到係咩色，上到眼都係果隻色∼

大家知日本牌子既眼影都偏淡色，

不過呢個就會比較上色，幾靚！

另外，我會推介Elegance既眉筆，

係因為眉筆好難揀，有時係顏色唔岩，

又有時係quality 唔好∼

畫完無幾耐就會溶，或者唔上色.....

而呢支就好好啦∼

擦完之後唔會咁易甩同溶，

但相對個價錢都好似係貴d∼

所以好坦白講，有時貴野個quality又係真係好d既！

如果大家去開日本想搵呢個牌子既話，
一般既藥房係唔會見到....
要去D大型既百貨公司至會搵到架∼

 

 等我下一次再介紹d新牌子俾大家啦∼

 

 雖然而家至係11月頭,
不過好多brand都陸續出X'mas彩妝啦~
每年最抵買化妝品同護膚品,
就係X'mas既時候啦~
因為會出d平時唔會出既set,
好似幾合一既palette,有哂眼,胭脂同唇既化妝品~
又有d 係買滿指定兵價錢加少少錢就有埋X'mas set...
有時真係比起平時買抵好多架!
就算唔係自用,用黎送禮或者
交換禮物都係一個唔錯既選擇~

而打響頭炮既就係Estee Lauder啦!
上星期我就被邀請去左佢地既event,
今次係主要睇佢地黎緊會推出既一系列X'mas彩妝同set裝!
Wa......真係好多野睇~
每逢X'mas Estee Lauder都會出香水膏,
佢地每一個手工精緻,而且產量唔多~
好開心可以睇到咁多年黎所出既香水膏款式,
有d真係好靚~

左邊係今年出既香氛膏,主題係星空~
其中有幾個仲係由美國殿堂級設計大師Jay Strongwater親自設計架!
好似一個個襟章咁,好靚~
不過價錢都唔平,大約成九百幾至三千幾蚊...
但有收藏價值既!

右邊係限定版既星座粉盒,
好明顯每一盒上面都會有唔同星座既圖案啦~
入面係Lucidity 澄光半透明粉餅,
而且喺開關釦子既位置加左Swarovski落去添!
細細盒,帶出街好方便~
如果想買指定星座就要留意下啦,
因為佢每款推出既時期都唔同架!
而價錢就係$880/個~

跟住就係睇佢地d gift set啦~
有d都好吸引!!!
等我陣間同大家share先~

 

睇完咁多咁靚既野之後,仲有d X'mas甜品,
令我差d以為已經係12月24號咁~haha....


如果大家覺得頭先既香水膏同星座粉盒太貴既話,
可以睇下下面呢d X'mas set !


我覺得最吸引係呢個set,點解?!!!
因為佢有齊多色眼影、胭脂、唇膏、唇彩、
眼線筆、睫毛液、卸妝乳、化妝掃同埋個化妝箱~  
最緊要係買滿左$580既化妝品,
再加$580就有啦!
五百幾蚊就有齊一set化妝用品同
一個靚靚化妝箱~
真係幾抵!
用黎送禮自用都得,咩都有嘛~
另外,亦都好岩化妝師用,
因為好多時化妝都要跟半日或者一日,
一袋二袋真係好麻煩!
呢個用黎做touch-up就方便得多,又齊全~
而家就已經有得買啦,仲唔快d去睇下?!

另外,Estee Lauder亦出左幾set lip同eye既套裝,
每一件產品都好實用!
而且細細支,好岩帶出街或者旅行用~
只需要買任何一件化妝品加$320-$330就有啦!

除左化妝品之外,仲有skin care既~
呢幾款都好岩喺冬天既時候用,
如果大家都有用開既話,
就唔好錯過啦!
不過唔使咁心急,
呢幾set化妝品同skin care套裝
11月12號至出!
大家要留意下啦~


去完event走果時,Estee Lauder既同事送左袋gift俾我,
入面有d好有X'mas氣氛既party用具、 薑餅人
同升級既Time Zone系列~
等我下之再同大家分享下升級左既Time Zone啦!