Janice Lam (Makeup Artist)
janicelam
暱稱: Janice Lam
性別: 女
國家: 香港
« September 2019 »
SMTWTFS
1234567
891011121314
15161718192021
22232425262728
2930
最新文章
新手化妝師入行小tips
10個上妝Do’s & Don...
來∼看看今年流行過的...
[ Fashion Gossip ] 今...
熟齡護膚品試用
文章分類
全部 (681)
每月文章
訪客留言
最近三個月尚無任何留言
最近訪客
最近沒有訪客
日誌統計
文章總數: 681
留言總數: 35
今日人氣: 3
累積人氣: 165402
RSS 訂閱
RSS Feed
學生分享天地-Ivy,追回浪費的青春,勤力練妝,抓緊機會
2013 年 9 月 30 日  星期一

 


今次分享嘅同學仔Ivy係個非常勤力嘅學生,
每逢放假日子都會返Workshop練妝,
所以由最初學化妝到而家都進步咗唔少!


今次應邀同大家分享我既心路歷程,好榮幸啊!
其實平時我都有留意其他同學仔分享,好多都好有共鳴。
希望大家睇得開心,哈哈~ 
由細到大,我都係無咩目標既人。
中學成績總是比上不足比下有餘。
因為無邊科成績特別突出,
選科都係選一啲沒無咁討厭既科目罷了,
更加唔好講對自己既前途有清晰既目標。
讀上左大學,畢業了,出黎工作左一年半,係中學做文職。
雖然有一班可愛既同事,做得開心。
但年紀愈大亦要為將來打算,搵個有前景既工作,
就開始尋找自己真正有興趣既工作。



我鍾意唱歌,諗過可唔可以唱歌搵食。
試過跟朋友夾歌,但練多幾次後發覺唱歌當娛樂還可以,
但係要我不停咁練同一首歌就真係唔係咁啱我。
我又鐘意欣賞靚衫飾物,諗過可唔可以做時裝設計師,
但時裝設計師除了設計仲要縫紉製衣,我又唔鐘意。
最後就諗到化妝師喇。平時我除左畫眼線,
用睫毛液和遮瑕膏之外,好少化全妝。
心諗先上個基礎班睇下自己有無興趣,
反正學識左就算將來唔幫人化自己亦有得著。
加上我性格活潑,又討厭被束縛,喜歡新奇有創意既事物。
化妝師既工作多姿多彩,可以容許我著自己喜歡既衫,
整自己喜歡既頭。工作時,我可以做番自己。
2013-09-09-21-19-39_deco2013-09-09-21-20-19_deco

至於點解揀workshop學化妝,其實其他同學都分享過。
免費化妝品提供,無限次預約練妝,交通方便,環境優雅舒適等等…
對我黎講最最最重要既係堂堂都係janice老師親自教導。
學費係貴,但一般既化妝學校收費都唔平,
緊係跟個叻既老師學抵啲啦。
讀大學一個學期都要兩萬幾,
仲要四年先畢到業,大學老師又不會貼身教導。
最緊要知道自己有無興趣,勇往直前,唔好猶疑。
就好像我以前唔會追巴士,但現在我會追喇,
因為機會過了就唔會有,我已經浪費左好多時間,唔想再遲到喇。
記得當初交左學費戶口得番三位數,連化妝掃都要問朋友借錢買,
令我好珍惜每次上堂同練妝既機會。

學校規則嚴,老師亦都嚴。不過嚴師出高徒係真既。
我好鐘意老師既嚴,令我知道自己做得好唔好,仲有邊啲地方要改進。
係老師身上我學到做化妝師既專業。
我發覺老師好重視同尊重model
因為而家model可能係自己既朋友家人,
將來就係客戶,即係米飯班主。平時上堂老師對我地嚴厲,
但同model講野時就變得好溫柔,提醒我地要時刻以model為先。
老師亦都唔鐘意同學上堂遲到,
練妝約左突然無到,用完啲野唔執好就走。
其實呢啲都係訓練我地第時出黎做野要由細節做好。
job總唔能夠遲到失場同整亂人啲地方。
所以一個成功既化妝師唔係淨係化靚個妝就夠,服務態度都好緊要。

學左三個月,我覺得最難既係底妝同畫眼線,
花既時間亦係最多。
啱啱開始練妝時我差唔多要三個鐘先搞掂個底妝。
因為未掌握到上妝既手法,又唔知化到點先算ok
成日搞好耐,坐到model腰骨都痛埋,自己都腰骨斷。
不過練多左快手左,自己信心亦大左。
model仲鼓勵我話我進步左,好開心∼
畫眼線亦係一大挑戰!平時自己化自己都唔覺得咁難,
原來幫人化要好小心先得架。
一個唔小心篤到model標眼水,真係朋友都無情講,
條眼線立即化開晒,真係喊都無謂,哈哈。
其實我好幸運我既朋友都好信任我支持我,
陪我練妝做我既model,無限感激~

除左化妝,我地仲要做功課搵reference
籍此認識多啲唔同既面形眉形等。
而家出街見到啲路人都會不自覺研究下佢地既面形同眉形。
如果唔係做左份功課,平時都唔會留意到呢啲。

IMG_2402IMG_2404
IMG_2405IMG_2406
IMG_2407IMG_2408
 
其實自己一直都想做一本scrapbook收集起平時睇雜誌見到既靚造形同靚妝,
私底下都會將啲靚look儲起,
當儲定reference又好得閒欣賞下又好,睇下都開心。


將來我希望可以係化妝師呢行發展。
有左目標,我覺得自己有左方向,人亦踏實左。
我會繼續努力,力求進步。
係呢度想鼓勵埋我啲同班同學仔,
一齊努力,順利畢業!

分類: 未分類
發表時間:2013-09-30 02:58 PM  [ 訪客留言(0) ] [ 編輯日誌 ] [ 分享至FACEBOOK ]


簡單易用 ﹣Clinique最新化妝品系列
2013 年 9 月 29 日  星期日

 



大家經常都聽到Clinique嘅skincare係非常好用,
尤其個3 step skincare system,

但好少會聽到有關佢地嘅makeup products。
唔知大家有無試過呢?

而Janice同好多同學仔,
都好鍾意用佢地嘅gel liner架!
咁今次好開心收到clinique,最新makeup collection。
我地就試咗幾款俾大家睇,每一款都好好用架!

Line-67

IMG_7561IMG_7563

首先收到一盒好得意嘅gift box,

佢可愛之處就係,

好似好耐年前小朋友玩lucky draw咁,

掀開面頭個張紙就會見到件products。
等我地為大家介紹下啦!

Line-67
IMG_7640


首先介紹咗個eye base先,佢有三隻色,

可以揀返岩你膚色嘅眼base。

而佢質地好似concealer,
但當你用手指印開,


就會變返matte,而且唔笠身架!


呢個eye base好適合油眼用架,


當我用落妝水去抺個眼妝時,


發覺個eye base令個eye shadow食得好實,


用油水remover先落到!所以一定唔易溶妝!

IMG_7634IMG_7635

而且原來用3號最深色嘅eye base,

可以當做eye shadow咁用!
慢慢印推,就變咗matte質地啡色eye shadow,
真係可以達到一物兩用呀!

IMG_7656IMG_7655

Line-67


跟住就有最新嘅四色eyeshadow,

今次clinique嘅眼影真係好貼心,
點解咁講?

IMG_7568

因為佢每一個eye shadow鏡位,

 

都有圖教大家去match返啲顏色


好岩唔識化妝或剛剛開始化妝嘅朋友!


而且佢都好上色,質地都算creamy。


IMG_7569
附帶嘅掃同棉棒都有埋數字幫大家分返開架!

IMG_7713IMG_7715
我就試下跟返個圖去化,

1號白色掃眼窩位或者眉骨位,

之後用綠色搽係眼頭位,
再用2號深藍綠色係眼尾,
IMG_7700IMG_7694

記得交接位要blend返鬆,

唔係就好明顯有兩隻色係對眼到架喇!

最後用個黑色做眼線,係下眼尾都要掃上

特別要填返眼尾嘅三角位呀!

Line-67

IMG_7573

而佢呢款兩色眼影夠簡單又易用,

唔識化妝嘅朋友都好易handle,
亦都好岩鍾意化淡妝嘅朋友。

IMG_7631

我就試咗淺粉色同莓紅色!

IMG_7636IMG_7646

同樣用咗eyebase打底先啦!

好似鏡位個圖咁用淺粉紅掃上個整個眼窩位,

莓紅色搽上眼線位,
慢慢blend上去眼摺,

然後掃少少係下眼尾,

IMG_7632IMG_7630

再用佢紫啡色眼線筆match返,
搽埋mascara就得喇!
係唔係好容易呢?

Line-67

其實真係估唔到Clinique,
連makeup products都做得咁好!
所以大家下次再去Clinique counter時,
唔好淨係睇佢skincare呀!
連makeup product都要睇下,
總有一款岩你架!

分類: 未分類
發表時間:2013-09-29 02:08 PM  [ 訪客留言(1) ] [ 編輯日誌 ] [ 分享至FACEBOOK ]


我要抗氧!
2013 年 9 月 28 日  星期六

 


好多女生做護膚程序好著重保濕、美白,
但其實抗氧化都好緊要架,
大家知唔知點解呢?
因為環境污染愈來愈嚴重,
游離基不斷侵害肌膚,
影響細胞嘅修復能力,
日積月累就會造成好多肌膚問題,
好似缺水、皮膚暗啞、皺紋等,
所以做好抗氧化嘅功夫係護膚嘅重要一環嚟架~

以下介紹嘅skincare產品,
由乾性肌膚至油性肌膚都照顧到,
而且有保濕、抗氧化、抗皺、美白去斑等等嘅功效,
對抗大部分女性關注嘅肌膚問題,
相信大家都會有興趣了解多啲,
等我同大家介紹下啦~
 

JaneClare全部產品都含豐富嘅草本及中藥成份,
不含化學物質、人造色素及礦物油成份~

左:煥采美顏素+E
高純度精華油及維生素E
重點修補破損皮脂層,
含高效抗氧化成份,對抗衰老問題,
適合乾性、成熟、暗啞肌膚~
 

油油地嘅感覺,剛推勻後好油"令",
等幾分鐘之後就吸收晒,
感覺好潤,好啱冬天乾燥天氣用~

中:HA深層保濕精華 $360
主要成份有蘆薈、仙人掌、青瓜、銀杏、
西柚提取液、金鏤梅提取液、薰衣草精華,
含透明質酸(HA)嘅HydroSpark水壩技術,
高滲透力,為肌膚注入500倍以上水分,
喺皮膚表面形成一層透氣嘅水化粘彈膜,
阻隔細菌、灰塵,
修補油性阻隔層,強化細胞鎖水能力,
緊緻肌膚,令肌膚回復彈性~
 

質地Gel Gel地,好快吸收晒,
感覺水潤~

右:HA眼部保濕啫喱 $520
主要成份有蘆薈、當歸、銀杏、馬尾草、玫瑰果等,
當歸能促進血液循環,有效改善眼袋,水腫,
銀杏中含大量黃酮體,
有抗氧化功效,減退眼部幼紋及皺紋~
 

質地比精華"杰"身,黏黏地,
印薄後好快吸收~
 
以上兩款係JaneClare嘅HydroSpark水壩技術控油保濕系列,
所以質地都會比較清爽架~
 
 

WELEDA紅石榴緊緻系列
紅石榴含豐富營養如石榴多酚、花青素、蕃茄紅素、亞麻油酸等
抗氧化功能比綠茶高出3倍,
有效促進肌膚自我更新修復能力,
減淡細紋及皺紋~

紅石榴緊緻眼霜 $480
主要成份有有機紅石榴、澳洲堅果油、
向日葵萃取、花竹柏萃取、維他命A,
有效抗炎、緊緻、減淡皺紋,
強效抗氧化,抵抗游離基~

紅石榴緊緻精華素 $550
主要成份有有機紅石榴、蘆薈葉精華、石榴萃取,
緊緻肌膚,減淡皺紋,有即時保濕效果~
 

較水嘅Gel狀質地,非常清爽,仲有微香~
 
 

SkinCeuticals高效多重淨白抗斑精華 $980
以獨家雞尾酒配方研製,
結合兩種淨白抗班成份,
1﹪多元亮白複合物+0.5%鞣花酸,
加上高濃度水楊酸及酵母萃取物,
可有效改善膚色唔均勻,頑固色班,
強化真皮層,預防新生及舊有色素再度形成~
 

白色乳液狀,一般有美白成份嘅產品會比較乾,
但呢個抗斑精華幾滑幾滋潤,
亦好容易吸收~
 
 

TATCHA The Ageless Collection

左:滋潤抗老活膚乳霜 $1,650
含豐富嘅芍藥、山梔子及艾蒿,
有效促進膠原蛋白合成及改善微循環,
沖繩紅藻及透明質酸滋潤度高,
能改善膚質,減少皺紋,
適合乾性肌膚使用~


右:明漾緊緻活力眼霜 $1,200
含芍藥、薏苡仁及忍冬萃取物,
能促進微循環,減少眼部浮腫、黑眼圈、衰老斑點,
沖繩紅藻及透明質酸滋潤眼周肌膚,減少皺紋,
適合所有膚質使用~


TATCHA呢個系列都係好滋潤,
所以質地都比較濃稠架~

以上介紹嘅產品由乾性至油性膚質都照顧到架,
好似WELEDA紅石榴系列嘅質地就好水質,
適何中性至油性肌膚使用,
而TATCHA嘅質地就較厚身同滋潤啲,
就算喺冬天極乾皮膚都好啱用!
哪一款適合你呢?

分類: 未分類
發表時間:2013-09-28 02:42 PM  [ 訪客留言(0) ] [ 編輯日誌 ] [ 分享至FACEBOOK ]


方便又快捷的BB/CC Cream
2013 年 9 月 26 日  星期四

 


 

有好多姐妹都好鍾意用BB/CC Cream,

因為貪佢夠方便!

夏季個時,我哋就介絡咗係夏天用嘅BB/CC Cream

係時候講埋秋冬季新推出嘅BB/CC Cream喇!

今次就試咗Cremorlab,Ettusais, Dior同Origins!

Line-65

Diorskin Nude BB Creme $400 共三色

好多時侯買BB cream,都係得一兩隻色,

一係就好深,一係就好白

而今次dior新出嘅BB cream就有三款色調俾大家

咁就適合所有肌膚!

呢支BB cream內含Jisten筋骨草,

有紓緩肌膚功效架!


IMG_7540

質地唔算好厚,亦都唔係好難推,

大概3,4下就推勻,
感覺都算清爽,唔太笠,

而且有淡淡香味好舒服!

IMG_7541

本人就覺得佢幾滋潤,

一啲都唔乾,適合中性至乾性皮膚

佢都遮到7,8成黑眼圈,

好滿意佢嘅遮瑕效果!


IMG_7542

(右邊面)
Line-65

Origins Smarty Plants 能量逆轉智能CC霜 $290 只有01色


唔知大家會唔會覺得成日化妝,

令到自己皮膚薄咗呢?如果係,就可以試下呢支CC cream 

佢有好多天然成分去保護皮膚,

包括有深海熱泉酵素,佢會將損害皮膚嘅游離基,

所以你會見到CC cream裡面有好細嘅粒子,

但當你推開嘅時候就俾皮膚吸收咗!



IMG_7532


而且佢仲會轉化成水份,

所以試上面個陣,推開就好似變得好水,

質地好薄,好易推!


IMG_7533

因為佢大量天然成份,質地又薄,
好岩敏感或者皮膚比較脆弱嘅朋友,
減少用粉底對皮膚嘅負擔!

而且可以均勻膚色,
普通返工落街都岩用!


IMG_7534
(右邊面)

Line-65


Ettusais BB Mineral Liquid 零油光輕透BB礦物粉底液 $195 共兩


好多BB cream都比較笠身,

油性皮膚有多時都用唔到

而呢支BB cream就可以解決呢個問題喇!

因為用咗無重柔新配方,

 

可以修飾毛孔,而且有防油光粉末吸走油光!
IMG_7544

吱出嚟質地係好水,輕輕推幾下就得,

而且上面一陣就好快乾!

IMG_7537

感覺完全唔笠,仲會好滑!

出嚟效果好matte,唔會有油光感,
而且可以修飾到毛孔添!

非常清爽!遮瑕度適中!

如果油性皮膚或追求啞緻妝感嘅你就岩哂喇!


IMG_7538
(左邊面)
Line-65

IMG_7460

T.E.N Cremor Skin Tone up CC Cream $232 一隻色

韓國文化講求養生,

所以經常用當地嘅天然資源

去滋潤身體同皮膚。

而呢支CC cream係有豐富礦物溫泉水成分,

可以滋潤同保護皮膚!


IMG_7526

你唔好見佢白色咁奇怪,

其實裡面有好多微型調色膠囊,

慢慢開就會變返你自己嘅膚色,



IMG_7527

質地會比剛剛Ettusais同Origins厚返少少,

不過推幾下就推勻!

佢會比較潤身啲,好岩勁乾皮膚係冬天使用!

而且可以均勻膚色,
出嚟效果塊面都比較有光澤感!


IMG_7530

 

(左邊面)

 

Line-65

每一款BB/CC Cream,都有唔同特點,

最重要係了解自已膚質,

搵岩適合自己嘅product,

咁就唔有用錯product情況發生架喇!

分類: 未分類
發表時間:2013-09-26 02:30 PM  [ 訪客留言(0) ] [ 編輯日誌 ] [ 分享至FACEBOOK ]


10月化妝課程最後召集! 因反應熱烈,特別加開4堂個人化妝班!
2013 年 9 月 25 日  星期三

 IMG_0031IMG_0046

非常感謝大家的熱烈支持! 

9月班才快要完成,轉眼間10月的化妝課程就已差不多全full了! 

如果你有興趣學化妝,那就事不宜遲! 早點為自己的前途訂下目標,早點向著自己的夢想出發!

現在只剩下最後2個學額呢,要報名就快快參考以下課程資料:




14堂基礎化妝課程 (只餘2個名額)

上課日期: 27/10 (逢星期日上堂) 
時間: 5:00pm-8:00pm

課程特點:
-- 適合有志投身化妝行業或有興趣鑽研化妝技巧人士,本身無化妝經驗亦可
-- 由淺入深,從基本底妝以至不同化妝技術逐步教授
-- 如何為客人作皮膚分析並按不同種類膚質作適當處理
-- 妝前皮膚護理, 認識皮膚基礎, 膚色, 膚質, 肌齡等不同皮膚的護理方法.
-- 重點教授遮瑕技術,按不同皮膚質素打造高清零暇貼服的妝容
-- 完成課程後會獲發證書乙張,並有資格選擇新娘化妝或媒體化妝進修深造

課程內容: 
第一堂:    
化妝師專業操守
化妝師入行守則,與客人溝通技巧
化妝箱設備及衛生
化妝工具介紹
分辨化妝工具的優劣與保養

基本皮膚護理知識
皮膚分析
針對不同皮膚進行不同的妝前護理
五官比例及各種面形仔細分析

第二堂:     
貼服化妝技巧
妝前底霜、粉底選擇
按膚質選擇及應用適合粉底的技巧
問題肌膚化妝前急救方法

第三堂:    
超貼薄眼部和臉部遮瑕秘技
不同臉部瑕疵的遮瑕方法
不同質地的遮暇用品運用:遮瑕液, 遮瑕霜, 遮瑕筆, Stick狀遮瑕及其功效 

第四堂:    
面部輪廓修飾(陰影、鼻影、光影)
室外內之光線與妝容配合

第五堂:    
認識修眉工具
專業修眉技巧
改善高低眉方法
眉形與面形配襯
眉形修飾畫法及顏色選擇
眉粉/眉筆/眉Gel運合使用

第六堂:    
仔細分析眼形
改善各種眼形化妝技巧(淺眼妝) 

第七堂:    
各種眼線筆的最佳使用方法
畫眼線技巧(眼線筆)
眼形分析及眼部化妝(啡色眼影)

第八堂:    
畫眼線技巧(液體眼線筆)
眼形分析及眼部化妝(雙色眼影)

第九堂:    
多種雙眼皮膠紙運用技巧
假眼睫毛與不同眼形的配搭
多種假眼睫毛(包括單根和裙狀)配戴秘技
眼睫毛膠水選擇

第十堂
眼部化妝(煙燻妝)

第十一堂: 
立體輪廓胭脂塗抹技巧及胭脂修補方法
唇形分析及畫唇技巧
特別唇形改善方法: 過薄、過厚、大嘴變細嘴,立體唇形塗法

第十二堂: 
日妝及晚妝示範
快速超貼薄補妝技巧

第十三堂: 
日妝轉晚妝實習

第十四堂: 
考試 + 作品拍攝 (價值$2500)




問: 是否每堂都要自備model??

答: 沒錯。 有些化妝學校為了方便大家,會讓同學選擇互化半臉,但我們並不建議,並且最好每次都帶新Model上堂,只有這樣大家才可以學習化到不同種類的輪廓,才有機會練習和進步啦! 說到底受益都只是同學們。



大家亦不需要擔心找不到model上堂的, 在我們workshop內部群組,大家均可以互相邀請彼此做model,今天我幫你,下次你又可以幫對方! 
如有需要,也可以提早4天通知我們協助recruit model的。




31堂新娘化妝實用班

上課日期: 27/10 (逢星期日上堂) 
時間: 5:00pm-8:00pm

此為優惠課程,當中已包括14堂基礎課程,完成後大部份學員已能掌握高清零暇貼服妝容,專為沒有化妝經驗,但希望入行或轉行做新娘化妝師度身設計,課程實用性極高。

課程特點:
-- 重點講解新娘化妝師專業操守及與客人溝通技巧
-- 以不同model作多種類型新娘妝容示範,針對個別輪廓特徵教授最合適妝容和化妝技巧,務求學員能夠獨立處理客人,為新娘修飾缺點,突出優點
-- 分析由婚前、pre-wedding以至大日子當日的化妝技巧.
-- 婚宴流程須知
-- 由專業髮型師教授新娘髮型設計,令你有能力由妝到頭都一手包辦,加強全面服務


課程內容:
第一堂:    新娘底妝
各種粉底質地認識 + 顏色選擇
各種底霜及改善色霜應用
粉樸上粉底技巧 + 碎粉掃運用
青筋+血管+黑眼圈+暗瘡+雀斑+墨痣+專業遮瑕方法

第二堂:    眼妝技巧
雙眼皮膠紙運用(雙面/雙面/膠水/網狀)
單眼皮及大細眼改善方法
粉狀、液狀與膏狀眼影運用
內外及上下眼線畫法
快速配戴仿真眼睫毛的技巧和運用
大小睫毛夾運用
濃密睫毛液塗法

第三堂:    新娘日妝
立體胭脂與唇彩技巧
輪廓修飾技巧

第四堂:    新娘日妝轉晚妝、極速轉妝及補妝技巧
室外室內之光線與妝容配合
裙褂/婚紗/晚宴妝容要點
錯誤妝容修補技巧

第五堂:    姊妹、奶奶、新郎化妝
妝容與禮服顏色配合
新郎化妝要點和技巧
長輩化妝要點和技巧
快速伴娘姊妹團化妝要點和技巧

第六堂:    新娘日夜造型實習

第七堂:    考試 + 作品拍攝(價值$2500)



問: 上完堂會有Outjob機會嗎?

答: 有。所有學員都可以申請Outjob. 而Outjob是按同學的出席率和表現去甄選的。
我們Brides Talk的業務有提供新娘化妝服務,所以我們的學員較外面一般化妝學校有更多新娘化妝Outjob機會。為真正的新娘化妝最能鍛煉個人技巧,因為你遇到的都是實實在在的客人,這對日後自己獨立接job有莫大幫助。


4堂個人小組化妝班

4堂班精簡而實用,所以這課程每次差不多一開班就即時full的了! 
好多時我都會優先安排時間給進修班上課,但實在很感謝大家的支持,近幾個月這4堂班真的有超多人查詢,所以特意抽了時間再開多一班:

上課日期: 28/10 (每逢星期一上堂) 
時間: 7:30pm-9:30pm

課程特點:
-- 適合OL或簡單化妝經驗人士,課程精簡但已包括完成一個全日、晚妝的基本技術
-- 教授如何按照自己的臉型輪廓,利用簡單技巧進行改善和修飾
-- 教授如何打造一個自然而立體剔透仿如雜誌內見的貼服妝容
-- 完成此課程已能夠為自己打造清麗的日妝或豔麗的晚妝

課程內容:

第一堂:    
基本皮膚護理知識
仔細皮膚分析
化妝工具介紹
貼服化妝技巧
妝前底霜、粉底選擇及應用

第二堂:    
超貼薄眼部和臉部遮瑕秘技
不同臉部瑕疵的遮瑕方法
面部輪廓修飾(陰影、鼻影、光影)

第三堂:    
眉形與面形配襯
眉粉/眉筆/眉Gel運合使用

日妝: 
仔細分析眼形
眼線筆及gel eyeliner的使用方法及技巧
eyebase運用
雙眼皮膠紙運用技巧

第四堂:    
快速由日妝轉晚妝秘技
liquid eyeshadow運用
假眼睫毛配戴秘技
眼睫毛膠水選擇


問: 個人班要買products嗎?

答: 不用。我們的所有課程都會提供化妝品,而且全是國際知名品牌,你可以藉住這短短4堂試用到不同產品,以後就曉得為自己選擇好用的makeup products了。 至於化妝掃、濕粉撲之類,基於衛生問題是需要自行帶備或購買的。


問:我每天都很晚才下班,根本沒有時間每星期來上堂,但平日見客有個端莊的儀容真的非常重要,有沒有方法可以讓我以超短時間學識化個靚妝? 

答:有! 單對單速成化妝班適合你!



單對單速成化妝班
課程特點:

-- 特別適合工作繁忙的職業女性,可按個人需要和程度度身訂造課程
-- 可編制速成班讓學員於短時間完成課程
課程內容和上課時間都會是為您而tailor-made,  有興趣歡迎來電查詢,收費是按每1.5小時計算,並由我Janice Lam親自教授。

以上課程內容或有更改,如有疑問歡迎留言查詢。
分類: 未分類
發表時間:2013-09-25 03:02 PM  [ 訪客留言(0) ] [ 編輯日誌 ] [ 分享至FACEBOOK ]