上次就分享咗點解會係Janice到學化妝，今次就想講下出outjob時，
係Janice身上仲學到啲咩啦！

唔經唔覺係workshop學嘢都有3個月，
之前都有跟過Janice出outjob，
第一次出outjob嘅時候同大家一樣，
真係好緊張，有啲不知所措！
但做做下就無咁緊張，慢慢就習慣咗！

係出outjob時，一邊睇Janice化妝偷下師之外，
仲要留意Janice下一步想做啲咩，就要為Janice準備好，
如果次次都要Janice講出口，就會拖慢進度，
所以要打起十二分精神架！

除咗之外，化完妝唔代表收工架！
Janice成日都教我哋要拎定touch up嘅嘢，
影咗相就問下攝影師可唔可以睇下，
影出嚟個妝有無甩漏，塊面有無出油，隨時要去補妝。
有時個shooting需要人幫手嘅，我哋都要幫忙協助下架！

好多化妝學校都會教大家出job時，
需要帶啲咩工具，有咩化妝、補妝技巧，
基本化妝師要知道嘅嘢！

但好少會講做化妝師要抱住咩態度去做嘢，
其實呢樣真係好重要架！而Janice都經常講，
啲人會唔會再搵你做嘢，除咗你化得好唔好之外，
你每次做嘢都要跟得好足，唔好化完之後就算，
咁樣自自然然啲人就會記得你架喇！

之後有一次，Janice叫咗我同Frances出outjob，
我化妝，Frances就整頭，
嘩！第一次自己出job幫人化妝，
仲要係Janice對我有信心先會交俾我，
我更加大壓力，絕對唔可以衰添呀！
雖然係化普通靚女妝，但都唔可以忽視架，
前幾日，自己都係屋企諗定個妝係點，啲色點襯等等。

當日非常之趕，要一個鐘多啲要set好頭化好妝，
真係要好快手，有少少"拿手唔成勢"，
之後去到拍攝場地，影完第一個造形，
就要轉妝，因為場地有限，我哋就要係更衣室到化！
而更衣室啲燈比較暗，好難睇到個妝，

而且要5分鐘就要轉好個妝，真係好大挑戰！
好彩Frances都係旁邊幫下我，提點我！
所以平時勸練妝係好重要，唔係次次化妝環境都係好好！
化完返到workshop，都有同Janice事後檢討，
講返有邊到需要改善，下次先會有進步！

所以做化妝都唔易架，除咗化/set得一手好妝/頭，
態度都好重要架！

我嘅香水收藏持續增加中，太好了!

數目直逼二百支，就嚟多到冇位擺喇!
今次嘅香水介紹，其中有我最愛嘅玫瑰花香，

今次仲有男士香水介紹添，
即刻同大家分享下啦~

Roses de Chloe淡香水噴霧
由2008年推出嘅Chloe Signature淡香精
到2012年嘅L’eau de Chloe淡香水玫瑰香調各有特色，
好多女生朋友都好鍾意Chloe香水，
每次有新香水都會即刻去試，
今次Roses de Chloe有大馬士革玫瑰精華，
加上佛手柑、木蘭花，
唔會覺得味道太成熟，仲幾清新添，
最後有白麝香、琥珀，
鍾情玫瑰花香又想味道long-lasting啲嘅一定要試試啦~

$580/30ml $835/50ml $1020/75ml

Repetto EDT Natural Spray

Repetto芭蕾舞鞋大家都好熟悉，
今次破格推出首款同名香水，
你會唔會一樣鍾情於佢呢?
之前去歐洲Repetto嘅時候，
都有送咗sample比我，
嗰時已經覺得香水味道幾清香~

香水粉色嘅設計好配合品牌嘅特色，
樽身都好特別，唔係正面純粹嘅圓形，
從側面睇就可以發現到佢嘅曲線喺磨砂與透明效果之間，
符合芭蕾舞主角嘅形態

相比起上面介紹嘅Chloe香水，
Repetto主調都係大部分女生都好喜歡嘅玫瑰
但係有梨子同櫻桃花，仲有柳丁花，
味道比較sweet啲，
最後係香草豆莢同琥珀木香，
如果好鍾意玫瑰花香同香草味嘅就啱晒喇~

$380/30ml $590/50ml $790/80ml

Anna Sui La Vie de Bohème波希米亞香水
靈感來自波希米亞嘅活力，
波希米亞人嘅生活方式大膽、浪漫、
有點摩登、藝術氣息，好有個人風格，
所以香水樽嘅設計都充滿住浪漫氣息，
玫瑰花圖案配啞光效果嘅香水瓶，
薰衣草色嘅香水由樽身透出嚟，
好似花蕾嘅樽蓋上面有隻金色蝴蝶，
翅膀有少少軟身質地，幾得意~
一開始噴嘅香味係玫瑰清香，
但相比起之前兩款同樣有玫瑰花嘅香水，
Anna Sui有梨子、火龍果、勃艮第莓果，
相對會比較甜啲，亦都切合番品牌嘅特色，
比較少女一啲，
除咗玫瑰花外，仲有牡丹花香，
最後係木香氣息：麝香、黑色香草同檀香木調
想試下花味又唔想比人感覺太成熟嘅，
Anna Sui 呢個比較sweet啲香味嘅就啱你啦~
$395/30ml $545/50ml $705/75ml

以上介紹嘅都係有玫瑰花香嘅香水，
如果你對玫瑰冇特別喜好，
可以睇下Balmain Eau d’Ivoire啱唔啱你~

前調：佛手柑、無核小葡萄乾
中調：桂花、杏子、白玉蘭、檸檬
尾調：麝香、廣藿香

初時係較為清甜嘅香味，
中段有杏子嘅甜香加少少呍呢拿味，
外國人會比較喜歡呍呢拿味道，
而亞洲人一般唔會特別喜歡，
呢個夾雜住檸檬香味嘅呍呢拿相對會較淡，
感覺仲fresh啲添，
鍾意清清地淡香味嘅不妨考慮下~

$380/30ml $530/50ml $765/100ml

雖然Bottega Veneta Pour Homme淡香水係for men,
但如果唔係太鍾意花香或者太甜味道嘅女士都可以試試架~

男士香水嘅設計當然唔會好似女士香水咁花巧啦，
但係都有佢嘅特別之處架，
底部有BV signature嘅編織格紋，
炭灰色樽身配上黑色皮扣嘅設計好男性化，
有勞丹脂、冷杉、佛手柑，
味道係清新嘅木香，唔會好濃烈，
所以都適合喜歡味道中性啲嘅女生架~

$655/50ml $860/90ml

大家都知Shiseido，無論護膚品定化妝品都有一定質素！
今次就好開心收到 Shiseido 全新嘅秋冬化妝Collection，
有最新嘅眼影、眉粉、唇膏同埋唇彩，
本catalog，裡面仲教埋每個product點襯！

Shiseido仲好有心思，仲送咗啲macaron
而顏色都係match返唇膏啲顏色，有得化仲有得食！

我就用咗呢collection化咗個日妝同晩妝俾大家睇！

Clinique升級激活激光修護精華素
$520(30ml) $745(50ml) $1280(100ml)

採用LF Peptide Complex創新光子多肽複合科技，
連續使用可達至63%醫學激光去紋功效，
加上快樂鼠尾草萃取，溫和去除老化角質，
令肌膚更幼滑，
刺激天然膠原蛋白增生，令肌膚緊緻有彈性，
可撫平細紋，修復紫外線帶來嘅傷害，
脆弱嘅眼周肌膚都適用，
同時修護眼部、面部及頸部皺紋

Radical活顏嫩肌精華 $1,600

高度修復肌膚及大幅度增加肌膚水分雙重功效，
令後續嘅護膚功效更好，
配方有Trylacel複合物，
含咖啡豆、綠茶等舒緩及修復成份，有效抗氧，
高效保濕、鎖水、重建肌膚防護功能，
促進肌膚形成天然保濕因子，
有效刺激膠原蛋白合成及肌膚再生

雪花秀以尊貴人蔘草藥護膚產品為人熟悉，
其中皇牌產品First Care Activating Serum潤燥精華
有助暢通肌膚血氣運行及排毒，
作為保養嘅第一步，
而今年品牌研發咗全新產品Luminature Essential Finisher固本津液，
顧名思義就係保養嘅最後一步，
有助鎖住已吸收嘅精華，
以110杯綠茶浸泡5支人蔘根提煉出專利成份Green Ginseng Complex,
鎖住肌膚水分同增強其他保養品嘅吸收，
配合品牌核心成份「滋陰丹」，
加上柔順珍珠粒子，令肌膚更晶瑩亮白、滋潤、有光澤，

右:First Care Activating Serum潤燥精華 $600
左:Luminature Essential Finisher固本津液 $650

Dorissiderm Lipid Prescription肌底重建柔潤精華$980

嶄新脂質導向複修配方LIPID PRESCRIPTION,
針對乾性或成熟肌膚各種問題，
能迅速補充油脂保護層養份，
瞬間令皮膚回復柔軟、彈性

Paul & Joe保濕嫩肌精華修護面膜 $600

全新嘅Serum Mask啱晒平日太忙，冇時間做護膚嘅朋友，
因為呢個serum mask係夜晚瞓覺敷嘅，
等你可以休息之餘，又可以做到護膚，
真係又慳時間又方便，
配方有滋潤嘅杏仁、山桑子、小茴香及錦葵精華，
有保濕舒緩功效，
瞓覺時形成保護膜，抵禦環境侵害~

以上嘅精華素各有針對性嘅功效，
唔知又符唔符合你需要呢?
想改善皮膚就唔好偷懶喇~