以下介紹嘅產品未必係最新products嚟架，
係我用咗一段時間，覺得效果唔錯先推介比大家架

Dorissiderm Calming Cream

如果大家有留意開我facebook嘅話，都知道介紹過呢個cream，
上個禮拜敷完mask之後突然間敏感，
塊面一撻撻紅晒，仲凹凹凸凸卜起，
即刻就好驚啦，咁啱最近有個PR朋友比咗一支敏感嘢我，
好彩我拎咗番屋企，情急之下就攞出嚟試，
夜晚搽完之後，第二朝已經平復咗好多，
仲有少少凹凸咁啦，
連續用咗三日之後敏感情況就舒緩番好多，
我平時用就洗完面即刻搽呢個cream打咗底先，
但要留意呢個cream唔係for滋潤皮膚嘅嘢，都要搽番日常嘅嘢，
我就當用作打底霜，on top再加其他護膚品，
效果都好好，而家有邊啲地方敏感嘅話，
我都會即刻用佢，
價錢就唔記得喇，但知道萬寧有得賣嘅，
如果有興趣就可以睇下喇

La Prairie Loose Powder
好多朋友或者學生都問邊個碎粉好呀？
其實好嘅碎粉最緊要就唔乾啦，
同埋睇上去夠自然，
咁乾嘅原因有機會係自己本身用嘅份量太多，
所以識得控制份量好緊要，
有啲碎粉真係比較乾身，咁如果本身有紋嘅話，
就會好易現晒出嚟，
除咗之前介紹過嘅chantecaille之外，
我另外嘅首選就係呢個La Prairie碎粉喇，
自然，唔會乾，好soft好滑，
碎粉都係用嚟定妝啦，
完全可以做到以上功能，
一盒大大盒都好襟用，
我日日化妝用咗半年都未用晒，
計番都幾抵用架

Guerlain Success Future-Night Care
平時都一直用開嬌蘭嘅產品，
無論係蘭花系列定係蜂皇漿系列我都好鍾意用，
皮膚好乾嘅時候，我就好鍾意用呢個蘭花系列，
大家唔好以為蘭花系列好厚好rich,
質地滋潤得嚟好快吸收，
好鍾意佢嘅味道好清唔會太濃，
又做到firming同滋潤效果，
好多時搽啲cream都只係表面滋潤，
但洗完面都會好乾，
但係呢個cream就實係可以做到改善嘅效果

Clinique Pore Refining Solutions
遮毛孔嘅product我都有介紹過Loreal同Clarins
另外我好常用嘅就係Clinique喇，
有咩好我就唔多講喇，
大家睇睇下面張相啦

真人示範！（真係我自己個鼻嚟架！）
大家都見到啦，因為我係油性皮膚
鼻嘅位置，毛孔相對會比較粗大嘅，
同埋細個時都係暗瘡皮膚啦，
搽完之後毛孔冇咁明顯，同感覺滑好多，
搽完有少少matte嘅質地，
令皮膚冇咁易出油，
妝前或者唔化妝都可以搽呢個做base嘅，
當然唔單止可以搽鼻啦，
面頰位置毛孔粗大都可以用架

HR Prodigy Powercell Eye Care
咁多牌子點解我會推介HR呢，
原因係之前workshop喺Facebook做咗個promotion,
送咗100 set samples比大家，
當中都有我嘅朋友參與過，
佢地番屋企試完之後，
唔止一個，而係有十幾個朋友都對呢個系列嘅products讚不絕口，
話估唔到HR除咗Mascara出名之外，
原來skincare都咁好用，
咁我就好好奇啦，係唔係真架？
咁多互不認識嘅朋友，
不約而同咁讚，
咁我梗係要試下啦，
一試原來真係好用喎
我成日都推介eye cream比大家，點先叫好用呢？
潤得嚟快吸收，吸收得嚟唔好有油脂粒，
冇油脂粒之餘又要有效果喎，
咁HR呢個eye cream就完全做到我嘅要求，
作嘅質地好滋潤，但係滋潤得嚟又唔“笠”，好快吸收，
咁多數搽完之後，我會用番佢個銀色頭輕輕按摩，
令吸收快啲，最緊要係真係做到firming效果，
滋潤番眼周肌膚，冇咁多紋，
我平時搽一支essence一支eye cream先有呢個效果，
但係呢個淨係一支eye cream就搞掂，
所以呢個係我近期極力推介嘅eye cream

Rodial Glam Balm
呢個product就for 紋嘅
Balm狀質地比較滋潤少少，
似搽娥羅納英咁滋潤，
我會用嚟搽眼尾同埋最重要嘅頸紋，
頸紋一但形成就好難好難會退，
有時可能係天生，同埋年紀愈嚟愈大，
我覺得啲頸紋就比以前更加明顯啦，
每朝早起身或者訓覺之前我都會搽頸同搽少少呢個balm喺眼尾有紋嘅地方，
睇到質地會比較厚身啲，rich少少，
因為有紋嘅地方多數都比較乾，
所以rich少少我都接受得到，
逢係有紋嘅地方都可以搽架

Nivea Deodorant
我試過好多品牌，喺SASA又買過啲crystal精石嗰種，
一張紙抺嗰種、spray,走珠式都試過，差唔多所有款式都試過，
愈試愈多，好多都唔係講到咁好用，
有時出outdoor做嘢都會幾大汗，
咁我就驚自己出太多汗有陣味，
影響自己影響人，
咁我就試好多唔同牌子，有平有貴，
除咗好耐之前介紹過卓悅嘅一隻紙之外，
但係嗰隻紙抺完一次，幾日都唔使用嘅，
咁我就驚化學成份太多，
對underarm唔係咁好，
之後有空姐朋友介紹我呢隻，
話身邊好多朋友都話好好用嘅，
咁我就買嚟試啦，
咁我就覺得佢嘅止汗效果唔錯，
同埋價錢都好平，
之前喺屈臣氏買，買兩支再送一件product,
好抵，不過唔知而家仲有冇，因為我係大概兩個月前買嘅，
如果大家試過好多都冇效，希望呢個經濟實惠嘅選擇啱你喇

Kiehl’s Strong-hold Styling Gel
大家可能見我出鏡都會放頭髮落嚟，
但係平日我唔想髮尾咁傷同慳時間，
我多數會紮辮，因為成日做漂染，電粟米，
頭髮都斷咗好多，搞到好多髮絲好短，
一枝枝豎起晒，好似好亂咁，
呢個gel hold得好實，同埋唔“笠”，
有時搽呢啲gel會覺得好硬好實同好濕，
呢個gel就可以做到好natural嘅效果，
搽咗都唔係好覺，所以我自己紮辮要做到好整齊嘅都會用佢

以上介紹嘅都係有平有貴嘅，
都唔一定貴嘢就最好嘅，
有時平嘢都ok嘅，
下次試多啲新products就再介紹比大家啦！

這世界每天都有新美容產品推出，但有些舊產品卻能屹立不倒，其歷久不衰必有原因。

像我這些慳家媽媽窮畢生精力尋找至抵，更重要是至好用products, 直到今天總算有少許收獲啦，今天lalafa就和大家分享10款正斗經典美容產品! 這些產品不單好用，有些放在家「看門口」，就是你先生和你孩子都合用。

1. 花王黑頭貼

不經不覺原來花王黑頭貼已是16年前推出的產品，相信應該有不少中學男女也曾用過吧! 事實上我身邊仍有不少男性朋友仍在使用中。
每次撕下鼻貼均能清晰看見一條條黑頭柱，相信是其受到永恆愛戴的原因!

2. PONDS卸妝冷霜

這個廉價冷霜已推出差不多有100年，應該是你的祖母們和母親們也可能有用過。
這個卸妝霜有效保留肌膚水分，於卸妝的同時，再配合適量按摩更可以幫助提升肌膚彈力！

3. Elizabeth Arden 8 Hour Cream

不說不知，Elizabeth Arden的8 Hour Cream是於1930年，Elizabeth設計出來給她的比賽馬匹搽腳用的! 後來慢慢才改良成為人用的護膚保養品。
8 Hour Cream含維他命E及多種特效滋養成份，可用來滋養乾裂脫皮雙唇、舒緩輕微擦傷、曬後及痕癢敏感肌膚。化妝師亦非常喜歡用它來作閃令眼及唇妝。

4. Nivea Creme

於1911年首次推出的Nivea Cream屬於油水性乳化劑，然後直至1925年，Nivea將這Cream改版成為現在大家買得到的藍罐白logo包裝。
時至今日，Nivea Cream仍然是銷量極高的臉部與身體潤膚霜。

5. Palmer’s Cocoa Butter
Palmer’s這牌子在香港的宣傳並不多，但在美國是個家傳戶曉的藥房品牌，在香港的萬寧和屈臣氏你都可以輕易找到。
已有10年歷史的Palmer’s Cocoa Butter可以用來滋潤臉部和頭髮，同時亦可以減退妊娠紋和輕微疤痕。

6. 凡士林
有看lalafa園的相信不用我多介紹。凡士林可塗在身體不同部位作保濕。
凡士林是有保濕作用而非滋潤，要達至最佳效果建議先塗潤膚霜，然後再薄塗凡士林作保濕。

7. Clinique Dramatically Different Moisturizing Lotion+
於1968年面世，一直得到美容界專業人仕熱烈支持。改良後最新成份能夠保濕之餘同時亦可抵禦環境侵害。

8. 娥羅納英H軟膏
於1953年推出的娥羅納英膏，誰不是由細搽到大? 冬天爆拆要搽娥羅納英膏大家都知道，但其實還有個神秘妙用，就是搽暗瘡! 當然嚴重的暗瘡問題這藥膏是改善不了很多，但對輕微暗粒及暗瘡皮膚這膏是有消炎功效，並且將暗瘡收乾。只要薄薄塗一層代替晚霜使用便可，大家不妨一試!

by lalafa 

部份資料來源: shefinds.com

面部紋理同鬆弛問題都係女性嘅一大敵人，
除咗面部輪廓線條唔明顯之外，
一條條嘅皺紋睇上去都老啲，
化妝都未必幫到手，
所以一定要識得保養!
今次介紹嘅都係針對抗老同修復功效嘅產品，
開始覺得自己出紋同唔夠firm就要留意喇!

L'OCCITANE

蠟菊有永恆之花之稱，
因為就算被摘下後，花朵都永不凋謝，
大概一噸嘅花朵，只能提煉出一至兩公升嘅精華油，
所以係好珍貴，
有機蠟菊精華油能促進膠原蛋白達6倍，
修復膠原蛋白網絡，
令肌膚更緊緻有彈性，
亦有抗游離基功效，防止氧化引致過早衰老，
另一重要成份香桃木
令老化嘅纖維母細胞回復年輕狀態，
結合7種珍貴天然植物活性成份，
令蠟菊精華功效全面發揮，修復衰老痕跡

L’OCCITANE蠟菊高效極致精華肌底液
作為修護程序第一步，可當爽膚水同滲透液之用，
令之後搽嘅product可以更吸收，
質地幾水，陣陣蠟菊花香，
塗勻後好快吸收晒，好清爽

L’OCCITANE蠟菊高效極致修護精華霜嘅
新配方加咗7源活肌因子，
撫平皺紋，提升緊緻肌膚，
淡化黑斑，均勻膚色，
質感好滑，滋潤得嚟唔”笠”

L’OCCITANE蠟菊高效極致精華肌底液 $420
L’OCCITANE蠟菊高效極致修護精華霜 $950

PHYRIS係來自德國嘅專業護膚品牌，
以環保方式生產，所有產品不作動物測試，
獨創「三元護膚」概念:潔膚、激活細胞、重點修護，
係歐洲最受歡迎專業美容品牌之一
全新Time Release緩釋系列
以微脂囊技術為基礎，將活躍成份注入肌膚底層，
配合緩釋技術，長時間慢慢釋出修護元素

骨膠原對皮膚好重要，
成日聽到人地話要補充骨膠原，
因為骨膠原流失嘅話，肌膚就會失去彈性，
鬆弛問題令人睇上去特別蒼老，
如果想皮膚飽滿啲，又有彈性，
就可以試試以下呢個精華

PHYRIS緩釋膠原緊膚精華
主要成份有海洋膠原蛋白，
改善肌膚組織結構，
提升彈性及鎖水能力，
生物肽有助自製膠原蛋白能力，
改善肌膚彈性

除咗年齡同皮膚乾燥問題令皺紋、細紋出現之外，
仲有因肌肉活動形成嘅表情紋都會影響外觀，
PHYRIS緩釋胜肽抗紋精華
含三胜肽及六胜肽成分，加強代謝更新，
有助減淡細紋、皺紋及表情紋，
令膚質平滑緊緻

PHYRIS緩釋胜肽抗紋精華 $588
PHYRIS緩釋膠原緊膚精華 $588

查詢電話:2774 8333

VELD'S係來自法國嘅護膚品牌，
以南非草原獨特、豐富嘅植物原料
如好望角蘆薈、鐵青樹果實、洛依柏絲樹葉等，
結合法國化妝品嘅專有技術，研發各種產品

以下四款產品都有調色作用，
如果想護膚之餘又可以遮蓋細紋、均勻膚色，
不妨考慮一下

多數專業化妝師先會有唔同色調嘅粉底同遮瑕膏，
但係有時去旅行曬一曬，
搞到膚色深咗，平時用開嘅粉底、遮瑕好似唔match，
但又唔想買過另一set化妝品，
有咗呢個調色乳液就可以好似專業化妝師咁
混合護膚品或者粉底，調配自己鍾意嘅膚色喇~

Color On Demand古銅塑影保濕調色乳液
特別為健康膚色嘅朋友而設，
古銅色、金黃色或棕褐色都可以做到，
只需一兩滴，混埋護膚品或者粉底，
就可以調配適合自己嘅膚色

Light On Demand凝白亮肌保濕調色乳液
適合喜歡白皙皮膚嘅朋友，
可改善暗啞或泛紅嘅皮膚，
修飾色斑，凝造白瓷肌膚嘅感覺

Veld’s 亮采極緻修護乳液

含香膠樹精華、海檀木籽油等成份，
增加肌膚彈性，撫平細紋，
令肌膚更有光澤

乳液睇上去好似好白，
但搽上手都好自然，近似膚色，
平時出街想膚色均勻啲，又唔想搽粉底，
可以單搽呢個乳液，
但如果面部瑕疵較多嘅話，
粉底嘅coverage會好啲
如果覺得顏色偏白，可以混合調色乳液一齊用

魔法抗皺遮瑕修護眼霜
含南非博士茶高效抗氧，
能收細微絲血管，促進血液循環，
其他成分有助去眼腫，消除眼袋，淡化眼圈，
保濕及提升緊緻

注意份量唔好攞得太多，
“禁”一下份量已經好多，
上圖嘅份量其實已經可以搽到三隻眼架喇，
平時攞大概上圖嘅三分一已經夠，
慢慢印開再推薄，
眼霜偏橙色，適合用嚟遮黑得嚟偏紅嘅眼圈，
當然熊貓眼太勁嘅話，都要用番遮瑕膏嘅，
始終呢個都係眼霜，遮瑕度只屬輕度，效果幾薄，
亦可以mix埋Color On Demand或Light On Demand，
調配適合自己膚色嘅色tone

查詢電話:3906 2322

想掩飾年齡嘅秘密，就要針對肌膚問題，
選擇適合嘅產品喇~

有好多人都問，如果除咗化個底之外，
俾你揀多兩樣，你會揀咩呢？
我就會答唇膏同胭脂！
點解會揀呢兩樣？
因為呢兩樣都可以令個面色好啲，紅潤啲，
淨係用呢兩樣product都已經差好遠！
而且返工有時好趕，咁可以好快出到門口，
唔知大家有無同感呢？

上次就講咗唇妝潮流，今日就到胭脂喇！
好多品牌都出咗好多新色，等我為大家介紹下啦！

大家用胭脂係唔係多數直接掃上面呢？
其實呢個方法唔係唔岩，不過個效果可能比較實！
所以今次就教大家一個方法，
用掃印攞，之後再用掃拍上面，
慢慢印上去，顏色會soft啲，同均勻啲。

Chanel Fards A Joues Poudre Power Blush $380

Chanel胭脂，我相信有好多女仔都有用過，
今次就新出咗兩隻色，啡色同淺粉紅色，
啡色其實並唔係影相出嚟咁深色，係淡淡地，
呢隻色不但可以當胭脂，仲可以用嚟做shading添，
出嚟效果仲好自然架∼

而我就試個淡粉紅，
分別試咗掃咗一層同兩層分別俾大家睇！

呢隻淡粉紅真係好靚，好自然，
好似皮膚慢慢淡出嚟∼
好岩皮膚白嘅朋友！
粉質都係好幼滑，好上色而且持久，
胭脂有少少shimmer，好低調，
仲有淡淡白茶花味，
本人非常喜歡！

Diorblush 亮采胭脂 ＄390

Diorblush 今次出咗三隻新限量色調，
淡橙色，鮮橙紅色同淡粉紅色，
三隻色都好靚呀！而我今次就試個鮮橙紅色！

胭脂連埋個掃，毛質都好靚好soft
方便帶出街補妝，
而呢款甘鮮色嘅胭脂真係好少見，可以買嚟備用，
但大家可能會覺得會唔會好誇張呢？
其實只要用上面教大家嘅方法，就好容易影控制啲色架喇！

本身胭脂比較鮮色啦，
所以掃一層已經非常上色，
如果有party，特別日子就可以掃兩層，
不過眼妝就要淡返啲，影相出嚟就非常靚∼
而胭脂係帶少少閃片，粉質都好幼細，
亦都唔易甩∼

Lunasol Coloring Cheeks $230 (refill)

Lunasol胭脂賣點就係混合咗三隻色，
做出一個好有層次嘅效果，
而且都係走自然路線，
如果唔鍾意太鮮色就可以考慮lunasol喇！

而今次就試最新出嘅soft rose色

大家可以睇到個效果真係好自然，
好岩返工，OL用或岩岩開始化妝嘅朋友，
而且佢個層次真係做的幾好，深至淡，
唔需要太多技巧都可以做到深至淡。
都係有少shimmer，都好顯色，
不過因為顏色淡，掃多幾次都唔會怕重手咗！

RMK Sheer Powder Cheeks ＄370

唔知大家有無睇過佢最新RMK嘅print ad呢？
個妝最吸引到我嘅就係佢嘅胭脂喇！
感覺真係好紅粉菲菲，十分吸引。
而RMK新出咗一個色調就係鮮粉紅色，

顯色度真係同廣告個model差唔多，
非常易上色，帶少少閃，
質地非常幼，掃一層都已經好夠喇！
搽完真係感覺好少女呀！

近排真係feel到秋天嘅涼意喇，
而且皮膚喺呢個轉天氣時候特別乾，
要用番啲滋潤嘅skincare先冇咁Dry，
好多女仔買skincare嘅時候除咗會問好唔好用之外，
就係問“笠”唔“笠”架？
就算皮膚本身乾到裂，都會好怕“笠”，
如果你內乾外油或者易生粒粒，又唔想塊面好dry嘅話，
就可以留意下以下介紹嘅護膚品，
睇下幫唔幫到你對抗乾燥嘅日子啦！

大家都知道嬌蘭護膚品好出名，
特別係皇牌產品蘭花系列，
另一個皇牌就係蜂皇嫩肌系列，
兩個系列我都有用過，
蘭花系列就比較Rich嘅，
而蜂皇嫩肌系列滋潤得嚟較清爽~

蜜糖可以製嘅product真係好多，
我地喉嚨唔舒服會沖蜜糖水飲，
亦有蜂膠丸嘅保健食品，
仲會用蜜糖DIY mask添，
總之蜜糖嘅功效都係好歷史悠久，
對皮膚或者身體都好有好處~

喺法國嬌蘭有自家養殖場，專門生產殿級蜂皇嫩肌系列所需嘅蜂皇漿，
遠離城市污染同完全掌控生產，保證品質，
而蜂皇漿系列加咗索洛涅蜂皇漿及烏埃尚島蜂蜜兩種精華成份，
相比其他蜂蜜，成份中嘅烏埃尚島蜂蜜有更豐富嘅氨基酸，
氨基酸係組成角質蛋白同膠原蛋白嘅主要成份，
對肌膚抵抗力同彈性好重要
蜂皇漿潤度高，亦可防護肌膚免受氧化，
預防暗啞，仲可以令皮膚回復彈性，撫平皺紋

殿級蜂皇嫩肌緊緻修護療程 1-Month Youth Treatment

一粒粒好似魚子醬嘅就係純淨嘅蜂皇漿精萃，
呢個咁特別嘅包裝方法目的就係封住啲蜂皇漿，
保持新鮮質量，不受污染，
療程開始嘅時候就可以mix埋活膚乳霜，
用刮輕輕調勻，然後蓋上十分鐘，
自行調製嘅護膚品就完成喇，
療程維持一個月，
配方成份只可以保持一個月效力，
感覺好新鮮呀！
樽cream其實都好大size,
睇上去好似都用到兩三個月，
功效keep得一個月，用唔晒咪好嘥？
咁好嘢就梗係同屋企人share啦，
除番開一千蚊都唔使，以呢個quality咁嘅價錢算好抵，
一齊用就抵番晒啦！

天氣轉嘅時候除咗面層乾之外，其實皮膚底層都好乾，
有時可能係護膚品只係改善到表面，
但係滲透唔到底層皮膚，吸收唔到，
適當嘅按摩就可以令皮膚容易吸收啲，
面色仲好啲添~

之前嬌蘭出過白白地色lotion狀嘅serum,
今次呢個係treatment oil, 就係油劑質地嘅，
大家一聽到“油”就一定好驚會好“笠”，
但係呢個face treatment oil就比較薄身同水啲，
油劑嚟講都算清爽，
而且好快吸收，唔會覺得油淋淋

配合埋按摩可以有firming效果，令面部曲線明顯啲架~
等我教下大家啦~

首先滴兩、三滴修護油，
喺掌心捽勻，掌心暖暖地就可以開始喇~

然後塗抹喺額頭同面嘅位置，開始按摩，
想有lifting效果，可以由面中間向外推，

沿住下顎線推向雙耳，再由顴骨推向太陽穴，

然後從前額中央向外推，

想有緊緻效果，可以握緊拳頭，
喺面頰打圈同向顴骨推

大家不妨花5分鐘試試吧!
按完直接搽skincare就可以喇~

美肌高濃度蜂皇漿療程 $1,950
殿級蜂皇嫩肌調膚修護油 $770

如果本身皮膚容易敏感，
比較乾燥粗糙，
可以留意下HR呢個護膚系列~

Helena Rubinstein Re-PLASTY速效醫學護膚療程
係以高效醫學及整容手術技術聞名嘅
整容中心Laclinic-Montreux合作研製，
效果媲美整型手術嘅美容產品，
有效延長整容手術效能，甚至代替整形手術嘅家用護膚品，
含Acti-Plast活性修復精華，
結合積雪草精華及D-panthenol,
有效治療傷口及皮膚問題，
高濃度抗衰老活性成分偏木聚糖Proxyline、
透明質酸及甘草酸，
有助抗氧化、抑制老化及加速表皮修復過程，
維他命C及E能中和游離基，
增強肌膚防禦能力，
含柔焦粉末可改善暗啞膚色，
尤其適合敏感性及整形手術後變得敏感脆弱嘅肌膚

一打開包裝盒就覺得個product好靚，
白色係日霜，黑色係晚霜，
雖然係好簡單嘅黑白色，
但係簡潔得嚟感覺好高貴

晚霜喺2011年推出，而日霜今年9月先面世，
連續使用日夜修護肌膚，
對深陷皺紋、損傷印痕同粗糙瑕疵都有顯著功效，
療程就好似隱形嘅「美容膠布」咁
修護敏感脆弱嘅肌膚及提供保護屏障~

乳霜質地，有淡淡花木香同麝香

Re-PLASTY AGE RECOVERY逆轉歲月無痕速效日間防護乳霜 $3,000
Re-PLASTY AGE RECOVERY逆轉歲月無痕速效晚間修護療程 $3,000

我聽過一啲女仔話唔會搽eye cream
好驚出油脂粒，但係乜都唔搽嘅話，
眼周其實好乾同易出紋，
眼周肌膚好薄、好脆弱同容易乾，
大家有冇試過搽完遮瑕膏乾紋現形?
所以眼周肌膚係好需要特別照顧架，
而且眼型輪廓同紋理都好影響外觀，
有人話留意人嘅眼睛就大概知道嗰個人嘅年齡，
所以唔想暴露自己嘅年齡秘密，
就要落啲功夫喇~

Shiseido BIO-PERFORMANCE 系列
獨創三重透明質酸傳送系統，
改善真皮層、表皮層及角質層嘅彈性，
含抗衰老生物科技成分「超卓生物酵母精華」、
迷迭香精華及維他命A醋酸鹽，
有效增生表皮層透明質酸同減少透明質酸分解，
三大因素包括膠原、彈性纖維、透明質酸
令皮膚保持水潤、提升輪廓、撫平皺紋，
改善暗啞同膚質

一般Serum質地會水啲Gel啲，
但係呢個serum就似lotion狀，
唔會太厚，好易推，
推開之後好快吸收晒，好爽身，
好似有層保護膜咁，好滑~

搽完Serum就可以用埋全新推出嘅Eye Cream
淡化眼紋同黑眼圈，
緊緻眼周肌膚，令皮膚更柔滑，
以Shiseido嘅質量，eye cream呢個價錢絕對抵買，
如果覺得眼部皮膚開始乾同有紋仔，
入門版就可以試下喇~

BIO-PERFORMANCE Super Corrective Serum
$720/30ml $940/50ml
BIO-PERFORMANCE Super Corrective Eye Cream $450

以上介紹嘅都係滋潤度高而比較易吸收同清爽嘅產品，
勁dry但又怕"笠"嘅朋友試試吧~