我相信大家對佢都唔陌生，特別係女仔啦！
基本上每次推出新型號，
都會俾人搶劫一空！想買嚟玩下都唔得。
之前都post係facebook,
有好多朋友都留言，
出面好多地方都斷貨，同埋已經俾人抄到好貴喇！
但有好多人都唔點解可以咁搶手，
究竟有咩咁特別功能呢？可以成日買斷市呢？
點解我會認識呢部機呢？
因為之前幫明報做咗個講關於電子潮物嘅訪問，
知道咗有呢部相機，好啱我呢啲對影相有要求，
但又唔識用啲好pro嘅相機嘅人，
而我地workshop好幸運，
收到casio呢部自拍相機，
每位同事對眼都即刻發哂光！
大家都知我哋成日出blog，
經常要影products、試用相，
真係好需要一部有質素又易用嘅相機架！
所以今次就為大家拆解下呢個自拍相機有咩功能啦！
首先講下個機身先啦，
本身部機設計非常輕巧，
同部iphone差唔多大，
所以都唔怕帶出街會覺得重，
隨時拎出嚟影相都得！
個mon係有3吋，92萬畫像素，
仲可以270度翻轉自拍，
平時用手機自拍，揸住部機邊，
好多時都影到out focus，
而呢部機一翻開個mon，
我地就可以揸住外框嚟自拍，
仲可以放係唔同角度影，
高抄、低抄都無問題！
仲可以當腳架添，方便拍片！
尤其係我地會經常要拍化妝短片，
有咗呢個設計，就可以好輕鬆拍片！
TR15都係使用micro SD卡，
好容易買到，而且價錢都好平。
講完個外型就到介面同功能喇！
首先個鏡頭有1/2.3吋，1210萬像素，
影出嚟張相非常清晰。
除咗可以touch screen拍攝，
係外框旁邊有個快門制，
就算點揸都可以影到相！
而且個介面都好容易操控，
唔駛較好多嘢就可以用到，
女仔對於智能東西應知比較差，
所以簡簡單單，女仔會易用啲！
當然啦！佢最大賣點就係有美顏功能，
而呢部新型號新增咗手動調較美白功能。
平時用智能手機影完，
又要download唔同app左調右調，
但用呢部相機，一影就得，非常方便！
都係0﹣12度自己選擇，
以下就係3，9，12度嘅分別，
視乎個人嘅膚質，
如果無咩瑕疵就建議用3﹣6度，
但如果自己本身多雀斑、瘡瘡，就可以用到9﹣12喇！
背光影相都無問題呀！
部機有不同拍攝方式，
而且內設10種唔同濾鏡功能，
可以跟自己喜好選擇。
加上仲有繪圖功能，
好似以前去影貼紙相咁，
可以係張相到畫嘢。
另外，仲有Wi-Fi無線傳輸功能，
只要你download咗EXILIM Remote呢個App，
就可以透過Wi-Fi，將啲相傳送到個電話到，
可以即時post相係Facebook等等，
咁就唔駛等返到屋企，插線過相。
其實過相過程都只需要1，2分鐘，
視乎你有幾多張相啦，
不過速度都算好快。
而且可以手機遙距拍攝，
呢個function根本係為我哋而設，
因為我哋經常要close up影眼妝時，
多數都係自己自拍，無人幫手影，
成日都睇唔到自己影得清唔清楚，
有咗佢，影一張就搞掂，慳好多時間！
總結，部相機不但有外型，
而且仲好有內涵添，
影相出嚟質素又好，又方便，
連背光影都好靚！
所以想買，就快啲行動喇，
一機難求呀！ | 
