Janice Lam (Makeup Artist)
janicelam
暱稱: Janice Lam
性別: 女
國家: 香港
« August 2019 »
SMTWTFS
123
45678910
11121314151617
18192021222324
25262728293031
最新文章
新手化妝師入行小tips
10個上妝Do’s & Don...
來∼看看今年流行過的...
[ Fashion Gossip ] 今...
熟齡護膚品試用
文章分類
全部 (681)
每月文章
訪客留言
最近三個月尚無任何留言
最近訪客
最近沒有訪客
日誌統計
文章總數: 681
留言總數: 35
今日人氣: 3
累積人氣: 165170
RSS 訂閱
RSS Feed
不可忽略嘅潔膚習慣
2013 年 9 月 18 日  星期三

 


每日嘅卸妝洗面程序絕對唔可以偷懶,

否則就會殘留化妝品或者皮脂污垢,阻塞毛孔,

而且間中都要做下深層清潔嘅功夫,

清走老化角質層,咁肌膚先可以保持有光澤,

護膚品都會容易啲吸收~

除咗面部同身體護理,女生重要部位都需要多啲注重清潔架,

睇下以下嘅介紹啦~



右: 5合1洗顏面膜泡泡 $165

透明質酸、骨膠原及甘油高度保濕,

外層由彈潤保濕膜配方組成,密度好高,

有卸妝、潔面、按摩、補濕功效,

仲可以當mask用添~

 


用之前記得要搖勻,

如果用嚟洗面,pump一個乒乓球份量,

做按摩或面膜就可以再pump多一個乒乓球嘅泡泡~


試用專員:Karen

膚質: 乾性皮膚

用後感:

泡泡密度好高質感好滑,

洗完面皮膚好滑、好柔軟,

洗完完全唔會覺得繃緊,

連BB cream同眉色都卸得好乾淨,幾好!

左: 微炭深層毛孔潔淨面膜 $140

含大量微炭粒子,炭粒嘅小洞可有效吸走皮脂污垢,

打圈按摩嘅時候就會帶走毛孔中既皮脂污垢,清除老化角質,

仲有水潤軟膚成份迷迭香同甘油精華~



攞大概5蚊銀份量~



試用專員:Irene
膚質: 混合性皮膚,T-zone位較容易出油
用後感:
好薄荷好清涼~
有啲一粒粒嘅微炭粒,
感覺有少少似磨纱,
洗完有啲黑頭浮出嚟,
好似磨走咗啲死皮,皮膚滑咗~
洗完都唔會有皮膚繃緊嘅感覺~

ettusais呢兩個products都係不含色素同香料架~


KINKA Gold Nano Cleansing Foam $429

含24K金、天然植物精華及葡萄搾取物,
當中嘅黃金成份深層滋潤肌膚,
納米金箔粉潔淨能力強,可以卸妝潔面一take過~

Janice用後感:
pump出嚟係gel gel地嘅,唔會起好多泡,
洗完覺得好乾淨,
平時用開洗面梘洗面就會乾啲,
本身膚質偏乾性多油,洗咗兩次覺得好乾淨,
洗完亦唔覺得乾,完全冇繃緊感覺~


KINKA Gold Peeling Gel $579

同Cleansing Foam一樣,有99.99%金箔含量,
可深層去除角質層及油脂污垢,改善暗啞肌膚,
面同身都適用~


Janice用後感:
之前都有用過啫喱狀嘅peeling gel,
KINKA呢個仲有金箔添,
我驚太乾,所以就整濕少少塊面先用,
攞5蚊銀份量就夠,
可能加咗少少水,捽嘅時候都好滑身,
大概一兩分鐘度就捽到啲擦膠碎出嚟,
本身下巴位有啲凹凸不平,
用完就平滑咗~
清洗嘅時候都比較啜身,建議用毛巾再輕輕抹抹,
確保所有peeling gel都洗乾淨晒,
做完peeling之後清走晒啲死皮,感覺好乾淨,
都feel到有啲乾,不過一般做完peeling都應該要敷番個水分mask
咁效果先會更加好,整體嚟講算唔錯!
    

活膚淨化潔面棉 $860 / 100pads

含94.85%活性成分,
配方中嘅天然果酸同水楊酸,
能溫和去除老化厚角質,
促進細胞更生,撫平紋理,
改善暗沉肌膚,
洋甘菊、燕麥仁及孔雀石等萃取提升肌膚亮澤同彈性,
每晚洗完臉之後用,可省去爽膚水步驟,
用完潔面棉之後搽護膚品都會吸收得好啲~



潔膚棉嘅紋理有助抺去老化角質~

Karen用後感:
用完之後原本有啲死皮嘅位置,
比如鼻翼、下巴位都變得平滑咗~


女生正值生理期嘅時候,
重要部位都會特別敏感,
天氣又熱又濕就更加容易滋生細菌,
好多女生唔了解重要部位清潔嘅重要性,
只係用普通沖涼液清潔,
但其實沖涼液未必適合清潔重要部位,
亦可能會令重要部位痕癢過敏,
因為性質溫和同ph值接近先至可以徹底清潔同唔會過敏。
而家愈來愈多女生會用一啲專門清潔重要部位嘅潔膚用品,
成份天然嘅品牌APIVITA亦有推出呢類產品,
大家不妨試試!


Gentle Cleansing Gel for the Intimate Area for Daily Use $120

含91%天然成份,性質溫和,
當中有Chamomile,propolis避免刺激皮膚及細菌滋生~


透明Gel狀,
有薰衣草淡香味,好refreshing~
分類: 未分類
發表時間:2013-09-18 03:45 PM  [ 訪客留言(0) ] [ 編輯日誌 ] [ 分享至FACEBOOK ]


保持肌膚年輕嘅秘訣~
2013 年 9 月 17 日  星期二

 




點先可以好似食咗防腐劑咁keep得咁好?
當然識得護理係好緊要啦!
抗氧、緊緻、保水、滋潤每方面都要顧好架~
抗老絕對唔係女士嘅專利,
所以今次亦會有男士嘅推介架!

GLYCEL燕窩緊緻修護乳霜 $1,180/50g


含燕窩精華及非洲吊燈樹果精華,
當中嘅表皮生長因子能促進膠原增生能力,
有助撫平面部細紋、皺紋,
緊緻輪廓,令肌膚更有彈性~
其他成份有月見草油、絲瓜籽、
乳木果、透明質酸、木瓜精華等,
加強肌膚吸收能力,補水、鎖水,
全面提升肌膚滋養、保水及抗氧化嘅能力


質感幼滑,感覺滋潤唔笠~





SK-II Beautify Aging Care抗老系列



SK-II STEMPOWER Essence 肌源彈性再生精華 
$770/30ml      $1,110/50ml
新升級配方Stem-Acanax ES Complex,
含品牌嘅皇牌成份Pitera,
兩倍濃縮肌源增生配方、珍貴罕有嘅植物精萃,
重整肌膚細胞再生力量,自我修復,
同時強化肌膚,收細毛孔,
令肌膚回復彈性

 

質地gel狀,好易吸收,好清爽



SK-II STEMPOWER肌源緊緻精華面霜 
$715/50g    $1,040/80g
含專利成份Stem-Acanax Complex,
促進深層肌膚蛋白增生,提升肌膚彈性,
加入精華嘅面霜具滲透力及滋潤度,
有效改善肌膚鬆弛、細紋、乾燥、
毛孔粗大、色斑、皮膚暗黃粗糙等問題,
雙重修護效果~

Cream狀質地,質感好滑,
好快滲入皮膚,搽完皮膚好柔軟,感覺清爽~




SK-II STEMPOWER Rich Cream 肌源緊緻特潤精華面霜 $940/50g
含強效濃縮Stem-Acanax ES Complex,
額外49%嘅修護成份加強保濕同防禦能力,
特別乾燥,抵禦能力弱或嚴重老化肌膚,
可用作夜間重點修護,
含13種天然芳香萃取包括天然橄欖成份
有種溫和香味~

較精華面霜 “杰”身,
感覺滋潤但唔會笠~
有微香~感覺幾舒服~




SK-II Facial Treatment Essence護膚精華 
$500/75ml    $950/150ml   $1,160/215ml

大家都品牌皇牌神仙水一家唔會陌生,
含超過90% Pitera美肌成份,
比水份更快滲透至肌膚底層,
加強細胞修復保護作用~


大部分男士都好怕麻煩,
唔會好似女仔咁好心機,
唔同function嘅products逐樣逐樣搽,
一個product搞掂晒就啱晒佢地~
一般男士皮膚較容易出油,
出街又唔搽防曬,好多唔同環境因素都會令皮膚粗糙,
Kiehl’s針對男士較粗糙嘅肌膚,研製咗最新嘅男士產品~


Kiehl’s男士全效提升緊緻面霜 $340/50ml

含雙效抗衰老配方,溫和徹底去除老化角質,
採用LHA去角質活性因子,
將男士厚厚嘅表層角質清除,
改善暗沉肌膚,
亞麻子萃取含各種高度維他命同強化蛋白質,
有助提升緊緻,減少皺紋


"杰"身嘅creamy質地,爽身唔笠,
有薄荷味道,感覺好refreshing~
一個product多種功效,好適合想全方位護膚嘅男士們~

以上3款都係抗皺產品,
要有恆心keep住用效果先會顯著架~
分類: 未分類
發表時間:2013-09-17 04:56 PM  [ 訪客留言(0) ] [ 編輯日誌 ] [ 分享至FACEBOOK ]


行到腳爛之旅 – 攻陷英法 (一)
2013 年 9 月 16 日  星期一

 


 

8月中有成半個月都唔係香港, 因為好朋友結婚
恭喜佢之餘都要幫佢化妝整頭啦!
而我就終於踏足歐洲國家,
長達15日嘅英法之旅就開始喇!

首先緊係要介紹下啲好嘢俾大家啦!
大家都知我係一個鞋痴嚟,見到我試咁多鞋,係唔係好開心呢?

 

鍾意買鞋嘅朋友都知呢個係咩牌子架喇就係Roger Vivier!
本身對呢個牌子唔係話興趣好大,
自己身邊有好多朋友都好鍾意呢個牌子。
而我就好鍾意好似上面有閃石個對喇!
好耐之前見到有一位朋友著住呢對鞋,
我非常鍾意好想有,但因為價錢真係好貴,所以一路卻步無買到。

咁係法國第一站就去咗 Lafayette,
一到步就放低個喼就進軍個鞋部啦!
未去過嘅朋友呢,就要留意Lafayette,其實係有兩間,其中一間係比較細嘅!
大家就可以唔需要去睇喇,裡面無咩嘢睇,個間格有啲似永安百貨咁。
如果想買有brand嘅嘢就要去大間個間喇!
我一去到就去試鞋喇 差唔多試咗78對鞋,
平底鞋,2,3,甚至5吋高嘅高踭鞋都有試!
其實Lafayette嘅款唔算好多啦!顏色方面都唔係太多選擇
所以我係呢到只係買咗兩對鞋,就係圖中個兩對我著住個對喇!
都係Lafayettecounter到買嘅!
咁計返港幣未計退稅大概around 8折左右啦!
Lafayette退稅大約有12-13% 其實都算幾抵!

 IMG-20130910-WA0015

 

咁好似有閃石個對係1250歐羅, 而另外一對就大約500歐羅
其實有閃個對真係幾貴,但愛鞋嘅人一見到真係唔買唔得!

大家見到下圖細細隻嘅鞋,係唔係係香港好少見呢!
聽朋友講原來係法國Roger Vivier係有童裝鞋
初時都無為意之後就問個職員啦,佢就帶咗我去個角落位到睇
個到就擺咗5對童裝鞋,見到之後對眼就即刻發光!

 

因為去歐洲買嘢買得唔暢快就係我對腳太細
有時要著34,34.5又有,又或者要著35號鞋,其實唔係好多size都岩我著!
所以見到童裝鞋就即刻問職員,童裝最大嘅size係幾嘅多
點知就係35號係我著到嘅size 聽到緊係開心啦!
我就試咗幾對,而價錢大約200幾歐羅,
退埋稅應該港幣2000蚊頭,真係好抵!

 

點解會有咁多人鍾意Roger Vivier呢?
其實我都對佢個鞋踭情有獨鍾!
就好似呢個圖咁啦,個鞋踭係有少少彎彎地
真係好靚!所以呢兩對都係呢個鞋型
但佢都有一款係platform前面係有少少高墊,比我呢對高多一吋到
而個鞋踭就係直踭,我就覺得無咁特別,
所以就無買到喇!
 

佢個平底鞋都好多人鍾意啦!
咁我就買咗兩對,大家都見到兩個有少少分別啦,
就好似綠色個對係大人34 ,
而黑色個對就係小童35

 

 

其實係有少少分別嘅,就好似下面張圖咁
就好似鞋頭咁啦 ,
大人個對個扣係大啲,小童個個就細啲

 

 

而個後踭位呢小童會有個帶扣啦,而大人就無
個扣係可以拆開嘅,
不過我覺得拆咗佢就好似同大人個對無分別
但係小童個對例如皮都係比較軟身,有少少芭蕾舞鞋feel
同埋貼腳啲
而大人個對就係挺身啲硬身啲!

 

 

如果大家都好似我咁細腳呢,
嚟到巴黎記得要去Roger Vivier童裝部,係最角落位
但係可能有太多亞洲人去買啦,所以無論大人或者小童啦,
有好多款size 顏色都無哂,所以選擇無我想像中咁多

行完呢到過多幾間睇就見到,
呢個牌子
rene caovilla一直都好想買
但唔捨得買,點解唔捨得買? 因為好鬼貴,
平時係連卡佛、Joyce都見到呢個牌子
一拎起就轟動成萬蚊一對
真係好貴,所以每次拎完都擺低返
 

 

咁我見到對珠珠平底涼鞋就即刻行咗入去睇啦!
啲鞋真係好靚!
咁我一睇就係我買咗呢對喇!
佢個手工鞋型好靚,感覺都好舒服!
著出嚟唔會話好辛苦,
而且有我最鍾意嘅珍珠係面啦!
無論你casual wear著牛仔褲,
或者夜晚有function 都好易襯
咁呢對就大約600歐羅,未計退稅,
呢對就可以退多啲有成17%
所以計返港幣都係5000多啲,
如果係香港買我諗最少都要7,8千蚊

 

佢除咗有正價嘅貨品之外,
佢仲有一個架係放減價貨品,有啲仲低至半價咁多!
除咗個鞋型靚之外,佢仲有好多細size 34,35都好齊。
我呢對就買咗34 ,因為呢對係尖頭鞋相對地個型就會大啲!
34就岩岩好!

 

而最可惜就去christian louboutin睇鞋,
其實我又唔係話好鍾意呢隻牌子
但嚟到巴黎緊係要去潮聖下啦!
去到佢啲款同香港個啲差唔多
好多睇岩嘅款都無我size,
 
所以就空手而回無買到!

 

 
我就比較細粒啦,咁去到巴黎,有好多外國牌子嘅衫都唔岩著 
就算好細碼著出嚟都好鬆,所以衫就無咩點買 
咁去到差唔多最後一兩日,我就去咗massimo dutti 
點解會去係到買嘢呢?香港都有啦!
原來係巴黎佢係有童裝架,
而童裝最大嘅size都岩哂我呢啲咁嬌小嘅身型!
而且佢啲款唔會好小朋友,質素都好好,
我就係到買咗6件衫喇!
平均每件都係300蚊左右,
而且買滿150歐羅就可以退稅

 

總括以我咁鍾意買嚟講,
今次真係唔算買得好多嘢!
首先個價錢比我想像中唔係太平啦,
款色又唔係好多,多數都basic
而且係香港識朋友,有時會有discount
所以無想像中買咁多嘢
大家鍾意嘅大牌子手袋,我都無買到!
其實法國俾我嘅感覺都係一般,
啲人比較懶散啦,氣氛又死氣沉沉咁
有啲牌子都會好少少因為有中國人sales,
但其實有好多大牌嘅職員態度都比較差
正正因為咁我購買慾都低咗好多,真係唔係買好多嘢!

Line-65
除咗買嘢之外,去親法國又點少得食海鮮呢!
今次我就去咗法國北部,都係鄰近英倫海峽,
所以都盛產好多海鮮,但好無奈我有好多海鮮
都唔食得,所以都係睇隔離啲朋友食架咋!
最大收獲都係食個到嘅生蠔啦,真係好新鮮
好鮮甜,好易入口,又或者食下田螺咁


其實每一日嘅早餐、午餐至晚餐都係要飲酒
真係飲酒多過飲水,所以感覺自己好似好頹廢咁
本身自己對酒又唔係好有興趣,早午晚都要飲酒就真係唔適合我
但鍾意飲酒嘅你就岩哂,因為呢到飲酒真係平過飲水


咁其實都有嘢係岩我食嘅就係鴨胸、鴨腿喇
個到嘅鴨胸都係好好味、好入味
所以我除咗食咗好多生蠔,飲好多酒之外,另外一樣就係食咗鴨胸
另外就係甜品,因為個到有好多選擇
睇到啲相係唔係流哂口水呢?


Line-66
真係打都打到手軟呀!
唔知大家睇完呢篇,係唔係有衝動去歐洲呢?
下次等我再講埋法國下篇,同埋英國啦!
分類: 未分類
發表時間:2013-09-16 03:31 PM  [ 訪客留言(0) ] [ 編輯日誌 ] [ 分享至FACEBOOK ]


學生分享天地-Joan:一邊讀書一邊學化妝,加快腳步向夢想進發
2013 年 9 月 16 日  星期一

 



今次我地搵咗Joan同大家分享~
Joan報讀新娘班嘅時候仲讀緊書,
而家化妝班同學業兩邊都差唔多完成喇,
等Joan同大家講下佢一邊讀書一邊學化妝嘅計劃啦~



今次有幸被Janice Lam Makeup Workshop邀請分享下點解會讀化妝!

我叫Joan,仲係一個學生,讀緊設計,
本來打算係大學畢業後先開始兼讀化妝,
但讀讀下發覺讀大學學到的始終都唔係最想做的工作,
希望係最短時間可以向其他有興趣的方面發展,唔洗浪費光陰!
由細到大其實我都好鐘意扮靚,
明正言順係一個貪靚鬼!
正正因為咁好想試下幫人扮靚!
覺得化妝師係一個好厲害的職業,
而我認為一個化妝師最厲害之處係將客人優點特出修飾缺點,
將客人最靚一面帶出黎!



當我決定左讀化妝後,一直係網上搵資料,
無意中搵到Janice個Blog,睇左好多文章,評語,
知道Janice對自己,學生都要求好高,
人人稱魔鬼老師,哈哈!!!
但我就覺得名師會出高徒,
而學到都係自己,膽粗粗就問資料報名,
由於價錢唔算平,(畢竟想自己供讀),
我只係選擇左基礎及新娘班,
打算嘗試左先再報讀進階班!
報名後就懷住期待心情等上堂!



終於到左上堂的日子,
Basic班初初主要學底妝,遮瑕,
我先發覺我原來完全唔了解化妝的基本技巧,
老實講初初上堂都好驚,由於太生疏,遮瑕技巧未到家,
比老師check妝後唔得又要再遮過再check過
,好多時都搞到老師同model陪我遲放學, 
好彩Janice每堂都超用心講解,務求你真係學得識,
如果你揀左係workshop上堂好處就係,
你一定唔會有機會""求其""上堂""求其""落堂!
因為Janice真係好嚴格的哈哈!!!明師會出高徒的!




經歷過上堂的失敗,在閒日Dayoff的時間我都會book workshop練妝,
workshop會比地方同學仔練習,
提供化妝品借用(大部分都係各大品牌最新的化妝品),
減輕左同學仔唔少負擔啊!!!
而且係就讀其間Janice都會比好多機會同學仔接outjob,
我曾經有幸幫手,這份outjob是雜誌拍攝,
雖然都係Janice親力親為多,
但親眼睇住老師由冇到有短短時間化左一個完美妝
(底妝真係滑到想啜model一啖,當然我好收斂啦),
就知道自己真係冇揀錯導師!
真係要為自己定下目標!
做一個咁出色的化妝師!

1314

上了Basic班後就到新娘班,
每堂帶model少不免會重覆model,
好記得有一次搵返初初黎過一次果位朋友仔,
當上完堂竟然同我講:
你進步左好多,你個底打得好靚!
"嘩"落堂後我一直飄飄然,
感受到幫人化妝人地好滿意好鐘意果個感覺!好有滿足感!!!
就是這種感覺,我相信我會有熱誠地繼續行這條路!    


18



唔經唔覺我已經完哂所有堂了!在等待考試!
當然要繼續努力練妝練妝啦!!!
好希望將來學有所成賺到錢再回來Workshop進修上堂啦!
都希望大家可以向自己夢想前進!謝謝Janice的教導!

Joan Kwong

分類: 未分類
發表時間:2013-09-16 03:29 PM  [ 訪客留言(0) ] [ 編輯日誌 ] [ 分享至FACEBOOK ]


如何按自己需要挑選合適的化妝課程
2013 年 9 月 15 日  星期日

 

 如何按自己需要挑選合適的化妝課程


今次想和大家分享一下,有著不同需要的你,究竟應如何挑選合適自己的化妝課程?

其實,大部份有興趣學化妝的學生主要分為三類:

1) 本身完全不曉化妝,又或者有少許底子,但想學化靚一點
2) 原本不是化妝師,現希望轉行做專業化妝師
3) 已是化妝師,希望加以進修後提供全面服務,增強自己在市場的競爭力

假如你是以上的第(1)或第(2)類,又或你有遇過以下的情況,那我們建議選擇14堂基礎化妝初班 

以為自己的化妝技巧還不錯? 那你化妝後……
~那青瘀的黑眼圈完全遮蓋了沒有?
~有blend開自己的眼線嗎?
~有為不夠正直的鼻樑掃個鼻影嗎?
~有沒有覺得自己的化妝不貼服似批盪?
~有修飾一下好像有點寬的腮骨嗎?
~那些不平均的色斑還在?
~會不會不夠2小時就變熊貓眼?

於14堂的基礎課程,我們會教大家如何打造高清零暇貼服妝容,以及各部位既化妝技巧。

上課日期: 20/10 (每逢星期日上堂) 

時間: 5:00pm-8:00pm



課程特點:
-- 化妝師入行守則
-- 如何作皮膚分析
-- 重點教授遮瑕技術,按不同皮膚質素打造高清零暇妝容
-- 針對教授按不同臉型輪廓作修飾改善,務求令學員能處理不同對象、妝容

課程內容: 
第一堂:    化妝師入行守則、皮膚分析、妝前護理、化妝工具介紹
第二堂:    妝前底霜、粉底選擇及應用、    面部遮瑕技巧
第三堂:    眼部遮瑕技巧
第四堂:    面部輪廓修飾(陰影、鼻影、光影)
第五堂:    修眉 (包括不同眉產品使用: 眉gel、 眉筆、眉粉)
第六堂:    眉形與面形配襯、眼形分析及眼部化妝(淺眼妝)
第七堂:    畫眼線技巧(眼線筆)、眼形分析及眼部化妝(啡色眼影)
第八堂:    畫眼線技巧(液體眼線筆)、眼形分析及眼部化妝(雙色眼影)
第九堂:    雙眼皮膠紙及假眼睫毛運用技巧
第十堂:    眼部化妝(煙燻妝)
第十一堂: 胭脂運用技巧、唇形分析及畫唇技巧
第十二堂: 日妝接近韓妝的化妝技巧,eye base的運用,
眼線筆和gel eyeliner運用技巧,
                假眼睫毛、liquid eyeshadow運用、晚妝示範
第十三堂: 快速由日妝轉晚妝實習
第十四堂: 考試

如果你是希望轉行做職業化妝師,那完成14堂基礎化妝課程後,加上勤力練妝,你就可考慮自己想做哪一類化妝師,並再進行深造。




一般來說,大家通常會選擇做新娘化妝師又或媒體化妝師。

如希望選擇做新娘化妝師,就可選擇報讀31堂新娘化妝實用班。

31堂新娘化妝實用班是一條龍課程,當中已包含必修的14堂基礎化妝課程,為你做專業化妝師打好穩固的基礎。



上課日期: 20/10 (每逢星期日上堂) 

時間: 5:00pm-8:00pm

課程特點:

-- 當中已包括14堂基礎課程,完成後大部份學員已能掌握高清零暇貼服妝容
-- 新娘課程部份會以不同model作不同案例示範,按不同輪廓教授最合適妝容和技巧,突出新娘優點
-- 分析由婚前、pre-wedding、大日子當日的化妝技巧.
-- 由專業髮型師教授新娘髮型設計,令你有能力由妝到頭都一手包辦,加強為顧客提供全面服務






課程內容:

以上介紹的14堂基礎化妝課程內容

17堂新娘化妝髮型 - (包括10堂專業髮型進修班)

第一堂: 新娘底妝

所有新娘都會要求自己的婚禮零暇疵,對妝容的要求亦同樣,而Janice老師一向以打造高清零暇貼服妝容見稱。這新娘課程會著重教授打造完美妝容的秘技。

第二堂:    雙眼皮膠紙及假眼睫毛運用

第三堂:    新娘日妝

第四堂:    新娘日妝轉晚妝技巧、快速轉妝及補妝

第五堂:    姊妹、奶奶、新郎化妝

第六堂:    新娘日夜造型實習

第七堂:    考試

完成這個新娘化妝課程,那你已經有資格開始接job了。當然自己的技巧如何,是非常視乎你

有否勤力練妝。


'


然後就是第3類,即已是全職化妝師。

那就是不用說也明白,一個專業的化妝師是需要不停增值,由頭妝到臉容都永遠講求完美和創意。

而我們的專業新娘髮型中班,就能助你提升競爭力,成為一個全能型的化妝師。

我們這個專業新娘髮型中班有別坊間一般髮型班,除了教授富時代感的新娘髮型外,最重要是,我們會教導大家如何透過客人的臉型輪廓,去設計一個獨一無二的髮型,令到化妝師無論在設計廣告造型,為雜誌作造型拍攝,都能夠按客人或模特兒的優、缺點設計出最漂亮的髮型髮髻。


對象:有志成為新娘化妝師,並已掌握基本髮型造型技巧人士

(workshop舊生優先)

 
課程教授共8個創意新娘髮型,每堂3小時, 合共4堂12小時。


















上課時間: 

暫定10月開班,有興趣嘅朋友請留低電郵及電話
 
髮型導師:  Ice Leong於 ii Hair ﹠ Nail 任職Leading Stylist ,擁有10年以上髮型設計經驗,憑著敏銳時尚觸角,每次造型均為客戶帶來驚喜,固深受各時裝雜誌及品牌愛戴。Ice曾參與多個平面廣告、髮型秀、時裝雜誌,如 : Bazaar、Cosmopolitan、Me、More、號外、Jessica Code 、HK Tatler 等作髮型設計總監。
 




課程備註
- 學員需自備假頭,基本髮型工具及電熱捧上課或可由本校訂購。
- 學員在學期間可享有免費練習服務。
- 此課程不作補堂。
- 可用現金,EPS,PAYPAL繳付學費。


下次再和大家分享媒體化妝師的出路,大家要密切留意!


如有興趣報名workshop課程,請於下面留言及聯絡資料
分類: 未分類
發表時間:2013-09-15 05:19 PM  [ 訪客留言(2) ] [ 編輯日誌 ] [ 分享至FACEBOOK ]