| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
|
5個要放入袋收好的美容好習慣
2013 年 8 月 31 日 星期六 |
好一陣子沒有和大家做美容分享。今次lalafa不是要介紹什麼新產品，
而是想分享大家最最愛看的平靚正東東~
Coconut oil
上次教大家用橄欖油，不知道你們喜歡用後的效果嗎?實在不是說笑，現在我仍是晚晚用來卸我的gel eyeliner的。
至於椰子油則可以用來塗在身上作潤膚。相比橄欖油，椰子油沒有太濃稠，味道也甜美點。
只要在洗澡過後，身體微濕的時候塗勻全身便可。
要小心留意塗用後浴缸可能會變很濕滑的。
牙刷
有試過塗了很乾的唇膏，然後咀唇立即脫皮，但黏在咀上的脫皮又弄不走嗎?
其實不單只身體要磨砂，就是脆弱的雙唇也要定時幫她翻新一下。
做法很目簡單，就是刷牙後，雙唇還是微濕時，用牙刷也輕輕在唇上來回刷一次，如果有厚皮的地方(比如咀角)就多刷一下，之後你就會感覺到雙唇立即變回幼滑。
跟著不能欠缺的一個步驟，是清潔後的補濕。磨砂過後要立即為雙唇再塗上潤唇膏，或者我之前推介過的凡士林作保護，那第二天你再塗唇膏時就會非常柔潤兼易上色了。
替唇部磨砂只要一星期一次便可，太密的話就會對嬌嫩的雙唇做成傷害哦。
睡前紥鬢辮
以前小時候有做過，但現在已忘記了對嗎?
就算是簡單一個捲髮器有時也真的懶得弄，那不如試試睡前為自己的頭髮，分開
1)頭頂 2) 左 3) 右 4) 後共4部份，紥個簡單鬢辮，那第二天就能有個easy waves 又有volume的 hair style.
游泳前在乾髮尾塗上護髮素才戴上泳帽
我認識好多女性朋友也非常熱愛游泳，那些要塗防曬什麼的不用多說，大家都聽了過百次。反而我發現真的很多沒有認真去做頭髮護理。尤其本身髮質乾旱的，游水過後頭
髮就變成稻草一樣。
所以下次記得在下水前，先在髮尾塗點護髮素，泳池中的氯氣對頭髮的傷害會大大減少。
當然不帶泳帽是不能哦，那泳池可能會出現肥皂泡的。
爽身粉令頭髮乾爽豐盈
這個原是Hollywood Star Angelina Jolie的秘技，不要說是我偷偷告訴了大家。如果妳有天累得發儍，連頭也不願洗的話，那就要試試這個3秒鐘內讓頭髮由泣痴痴變乾爽香
噴噴的方法。
只要倒出少量爽身粉到手心，捽勻，然後塗在貼近根部的頭髮，請留意並非頭皮而是頭髮，(你不想把頭上的毛囊堵塞掉的) ，然後如常造型便可。
當然如多天不洗頭沖涼而只用爽身粉的話，人家仍有機會以為你是乞丐來的。但一般1-2天的偷懶這方法還是非常有效，而且特別能為薄弱無力的頭髮加上volume.
| |
發表時間：2013-08-31 02:03 PM [ 訪客留言(0) ] [ 編輯日誌 ] [ 分享至FACEBOOK ] |
|
點解要揀Janice Lam Makeup Workshop 學化妝?
2013 年 8 月 30 日 星期五 | 好感謝大家支持! 我地9月份4堂個人化妝班轉眼已爆滿!
現9月份14堂基礎化妝初班只餘最後2個名額，
心思思想轉行做化妝師既你有興趣就要立即報名!
14堂基礎化妝初班詳情:
19/9 (每逢星期四上堂) 7:30pm-10:30pm
最基本既技巧係最重要但亦係最難掌握，因此我地非常著重基本底妝技巧的教授。
響呢個14堂的基礎課程，我們會教大家如何打造高清零暇妝容，以及各部位既化妝技巧。
課程特點:
-- 化妝師入行守則
-- 如何作皮膚分析
-- 重點教授遮瑕技術，按不同皮膚質素打造高清零暇妝容
-- 針對教授按不同臉型輪廓作修飾改善，務求令學員能處理不同對象、妝容
課程內容:
第一堂: 化妝師入行守則、皮膚分析、妝前護理、化妝工具介紹
第二堂: 妝前底霜、粉底選擇及應用、 面部遮瑕技巧
第三堂: 眼部遮瑕技巧
第四堂: 面部輪廓修飾(陰影、光影)
第五堂: 修眉
第六堂: 眉形與面形配襯、眼形分析及眼部化妝(淺眼妝)
第七堂: 畫眼線技巧(眼線筆)、眼形分析及眼部化妝(啡色眼影)
第八堂: 畫眼線技巧(液體眼線筆)、眼形分析及眼部化妝(雙色眼影)
第九堂: 雙眼皮膠紙及假眼睫毛運用技巧
第十堂: 眼部化妝(煙燻妝)
第十一堂: 胭脂運用技巧、唇形分析及畫唇技巧
第十二堂: 日妝及晚妝示範
第十三堂: 日妝轉晚妝實習
第十四堂: 考試
完成14堂基礎班學生作品 (日妝和晚妝)
你可能會問，點解咁多學生完成課程後，都會再推薦其他朋友去我地workshop學化妝?
可能係唯一的殿堂級導師保證100%親自任教
為了確保學生得到最優質的學習經驗，無論多繁忙Janice都堅持親自教授，相比坊間許多星級化妝學校，大部份知名導師只參與部份課程，甚至標明只教授70-80%課堂，或上課時簡單指導數句便交由助教接手，相比之下，學生的得著當然不及全程由星級化妝師Janice數小時親身教授的課程深入豐富和有保證!
免費使用無限名牌化妝品
無論上堂或是練妝，我們均免費提供大量歐美，日韓等國際品牌化妝品，讓同學可以了解不同品牌妝物的特性，日後成為化妝師時就能夠為客人提供更專業的建議。
當中國際品牌包括: Bobbi Brown, Dior, Estee Lauder, Loreal, Shiseido, IPSA ,Cle De Peau, Shu Uemura, Nars, Clinique, M.A.C, Sofina, Paul& Joe, Ettusais, RMK, L'Oreal, Maybelline等不能盡錄，全毋須額外費用。
無限時數練妝及即時指導服務
我們鼓勵學員勤加練習，所以workshop會免費開放作無限時數練妝。
如於練妝時有疑問，在場助教亦會提供意見和指導。
業界經驗分享
作為一個專業化妝師，沒有良好的溝通技巧，再高超的技術也難有人欣賞。
一個資深的化妝導師則能夠教導學員工作接洽及與客人溝通的禮儀和技巧；
並分享媒體/婚姻/模特兒行業等的內部運作，協助學員改善並加強與名人、藝人，傳媒等的溝通技巧，確保與不同客人都能合作無間。
與時並進
Janice擁有多年專業在職及國際化妝技術經驗， 並且在造型及技術上，
一直不斷與時並進及進修學習，固經常為學生帶來最新最專業的化妝髮型資訊。
協助建立專業個人Portfolio
每次考試workshop均提供專業攝影師為同學考試作品拍照存檔，收藏成為個人作品之一。
除了課堂上的化妝技巧，學員可透過不同實習機會了解如何拍攝造型，
這對日後建立專業個人portfolio有極大幫助。
小班教學
 
每班人數大概8人，令每個學生有更多近距離與導師單對單學習機會。
不會出現沒機會發問的情況
多元化彈性課程
可切合不同需要，由深入探討的進修化妝課程，以至輕鬆的4堂個人化妝班及單對單指導，無論你是為興趣，還是入行做專業化妝師，在這裡你都能夠找到合適的課程。
每位學員可有2次補堂機會(留意所有髮型班則不設補堂)
舒適優雅的學習環境
workshop位於銅鑼灣近世貿中心，交通方便，適合同學們下班後去上課。
充滿浪漫氣氛，設計典雅的班房由Janice親自設計，盡見其凡事親力親為的性格。
亦因為workshop獨特，經常被傳媒借用作拍攝場地，
勤力練妝的學員時有機會可觀摩節目拍攝情況，這有助學員日後與媒體合作，以及當中光影與妝容的配合。
讀完我會搵到工嗎?
大量有薪實習機會及就業轉介
作為星級化妝師，Janice經常得到國際美妝或時裝品牌邀請參與工作，
亦因此我們能夠為學員提供大量有薪實習工作，並提供貼身指導，
這不但令新手學員更易適應，同時亦為學員日後獨立工作打好基礎。
• 憑出席率及個人表現獲推薦工作、實習及出job機會
• 成績及表現優異的可被邀加入Janice Lam Makeup Team及成為Brides Talk新娘化妝師團隊成員，可獲新娘化妝及各類化妝服務的有薪工作轉介
• 表現出色的學員可獲workshop推薦加入品牌工作，Janice Lam親自推薦學員應徵化妝品牌化妝師或化妝班導師，相比較一般人得到更多工作機會
• 參與實習工作期間，workshop會提供化妝用品給學員外出工作，無需自費購買大量化妝用品
• 工作轉介類別: 雜誌媒體拍攝、廣告拍攝、化妝品牌化妝示範或化妝班導師、新娘化妝、beauty event, fashion/hair show
想再了解多d，不妨再聽下同學仔對workshop既感覺:
Irene: 我自己都有睇開Janice個blog一段時間
覺得Janice化嘅妝好靚 好有要求 而且知道佢對學生好嚴格
而且workshop仲會提供不同類型/牌子嘅化妝品同護膚品俾學生
所以就即刻決定跟Janice學化妝
Joyce: 我就比較左市面上好幾間大型的化妝學校,
最終都選擇左 Janice Workshop,
除了是因為我鍾情於 Janice 老師的妝之外,
地點相當方便, 學化妝除了上課外,
平日都要常練 先會有成果,
同時她有齊各大牌子的化妝品及護膚品提供,
讓同學可以無後顧之休去練習 ,
亦可以趁呢個機會試真d 至真金白銀出去買 ,
真係讚讚讚! 我相信只要努力以及有信念, 我同你都可以做到架 !!
Christy:上第一堂既時候都覺得JANICE 有D COOL啦
識落又會成日同D學生講笑 上堂都好開心呀
我最深刻就係有堂教化SMOKEY EYES 第一次化得好差
佢問左我一句:你係度化緊D咩? 我心唸…真係唔知 。
佢見我化唔到就不斷示範比我睇
唔識教到識 佢咁比心機教我梗係好比心機睇la
番到屋企之後每日放工都練
練到12點先收手 到左下一堂佢叫我化多次佢睇
佢就讚我化得好好大進步 好開心唔係因為比人讚
而係令我明白到原來有下過心機
人地真係會睇得出架..
所以唔好唸住過到自己果關就算數呀…努力先會有回報架。
我地既課程著重基礎技巧和實用性。
在香港土生土長的星級創辦人兼導師Janice Lam相信，
憑著不懈的努力，熟練既化妝技巧以及專業工作態度，
任何人都能夠成為一個專業出色既化妝師。
如果你有興趣加入化妝呢行，又或者對入行有咩問題，
歡迎你留言或email，我地都會盡快回覆。
| |
發表時間：2013-08-30 03:21 PM [ 訪客留言(0) ] [ 編輯日誌 ] [ 分享至FACEBOOK ] |
|
NARS 限量版豔麗眼妝
2013 年 8 月 28 日 星期三 |
今次我地收到NARS秋季嘅限量禮品系列，
同兩款為修飾眉毛嘅新產品，真係好靚呀！
首先講下個限量版eyeshadow palette先啦 （$460）
包括有以棕色色調 同以梅子煙燻色調為主！
呢兩款eyeshadow palette，
裡面都有6種顏色配搭出黎。
每一個palette都會用5個最受歡迎嘅眼影，再加一個全新限量色
真係好吸引！
呢個系列仲有NARS品牌創辦人親自設計嘅化妝袋 （HKD550）
另外 NARS仲有新出兩款為眉毛而設嘅產品，
有四種色嘅眉筆同眉gel，
有好人都覺得要刨嘅眉筆好麻煩。
咁呢支Brown Perfector （$220）就岩哂你喇！
因為呢支係可以伸縮轉動架！好方便！
原本自己條眉都有好多地方都要填返啲色，
而呢支眉筆就用咗橢圓形筆頭設計，就更加容易填補返個眉型，
而且支眉筆畫得好順 唔會卡住卡住！
之後再用支Brow gel （HKD220）
而支Brow gel特別在會帶有光澤感，出黎好自然！
唔會好似大部分嘅眉gel咁，出黎感覺好matt 好實。
畫完係唔係整齊咗好多呢？
到眼方面，我就試咗Fairy's Kiss以梅子煙燻色為主嘅palette，
大家都知NARS嘅眼影係好出色架啦。呢個palette都唔例外啦！ 
首先用新出嘅限量閃淡粉紅色，打亮個眉骨位，
再用中上嘅可可色做個主色，
之後用右上面嘅黑紫羅蘭色係眼線位blend開，
咁就可以營造一個小smokey eyes喇！
| |
發表時間：2013-08-28 12:54 PM [ 訪客留言(0) ] [ 編輯日誌 ] [ 分享至FACEBOOK ] |
|
化creative妝嘅秘密武器
2013 年 8 月 27 日 星期二 |
大家都睇過好多Janice呢啲咁靚嘅作品，
係唔係好好奇，究竟用咩化妝品或者工具去做呢啲咁靚嘅效果呢
今日就為大家介紹下呢個秘密武器啦！
其實有好多化妝師，特別係成日要化creative妝嘅朋友
都會遇到一樣問題：
好多時大家都只能買到油性嘅顏料去化呢啲妝
但用呢啲油性顏料有一個好大嘅缺點
就係當大家好俾心機化好哂 好開心之際
一唔小心“high”到 就會甩哂 真係即刻想喊出黎
所以好多人都覺得好麻煩！
但今日為大家介紹嘅顏料就唔會發生 呢啲咁慘絕人寰嘅事
呢款顏料係水溶性嘅，只要佢乾咗，之後就點卒都唔甩架喇！
佢有好多顏色架！連呢啲咁shape嘅顏色都有
而且佢仲有夜光效果添！
有好多人都唔清楚，要用咩工具去畫 唔通用化妝掃？
咁當然唔係啦，千其唔好添呀！
其實用普通文具店買到嘅畫筆就得架喇
等我地教下大家點用呢嗰顏料啦
首先將畫筆濕少少水，直接掂落個顏料到
輕一畫就可以架喇！
之後就要等佢乾，大概算10﹣20秒都乾架喇！
之後係咁卒都唔會甩
睇下完整無缺
而佢仲有個好處，佢好易就落到架
只要用水就可以輕易就落到架喇
而呢個顏料而家係workshop有售，
大家有興趣就上嚟workshop買啦！
| |
發表時間：2013-08-27 02:53 PM [ 訪客留言(0) ] [ 編輯日誌 ] [ 分享至FACEBOOK ] |
« | 125 | 126 | 127 | 128 | 129 | 130 | 131 | 132 | 133 | 134 | ... | 137 | »
|
