秋天真的是做什麼都精神爽利，shopping就更加是任何時候都暢快。

萬聖節翌日和大家分享lalafa秋季Best Buys!

Origins Drink up
這樣乾燥的天氣，所有能滋潤皮膚的，通通都要拿出來塗到臉上或身上去。
這不用過水的的10 Minutes Mask, 塗上後可以洗掉，也可以敷過夜作深層滋潤，視乎你皮膚需要。我愛用Hitachi的Hada Crie在臉上碌碌碌，第二天皮膚更易上妝。

Clarins face oil
有些人好怕油，但這Face Oil一點也不油膩，想要乾爽而又滋潤的效果，那可以於Toning Lotion還未乾透時輕輕印在臉上；如想營造韓妝Glowy Skin效果，那可在塗完所有日霜後，輕輕在臉上印上薄薄一層 (混合性/油性皮膚避免使用於T-Zone較易出油位置)，然後才上liquid foundation,最後才掃上碎粉，那妝容整天貼服柔潤。

Jo Malone
家裡有好多香水，所以一直沒有想過要再多買幾支的，直至Jo Malone推出了全新牡丹味Cologne Peony & Blush Suede，牡丹是我最愛的鮮花，於是忍不住急急去試試味。怎料Peony的味道不合心水，卻無心插柳發現了帶Jasmine花香的Orange Blossom, 還有無Pear味但我好喜歡的EnglishPear and Freesia，我一口氣買了兩支Mix來噴，帶花香亦帶點和暖的味道，一身香噴噴的頓時整個人都清新起來!

LCN Reposan Cream
時間來得正好，LCN送來救命護手套裝，早前已有朋友推介過LCN的Reposan Cream好用，尤其適合有濕疹或主婦手的，他們的Marketing同事說公司叫這做豬油膏，塗上手一刻是有油淋淋的感覺，但2秒後就全部給我超乾的雙手吸收了，尤其是指甲邊的cuticle都給軟化。

Clarisonic
本來家裡有一個日立的Hada Crie已覺得非常好用，但後來發現了這個Clarisonic就更不得了!這Clarisonic早在Joyce Beauty開售時就已有聽聞，但畢竟2000多元的東西對我來說不是要買就買啦，後來朋友介紹水貨舖現只售800多，於是就買了個來試用! 你可以幻想其效果就像將一個電動牙刷放上臉一樣的用法，但這刷頭的刷毛是非常柔軟，用完第一次你已經可以立即感受到臉上的角質即時被刷走，像打了蠟一樣的滑! 不用問我乾不乾，如果你皮膚是那種滑溜無毛孔的就用不著去試了，但如你和正常人一樣有黑頭的就一定要試試看呀!

Pashmina - Gray
家裡有黑色、藍色、米色、粉藍和粉紅色的Pashmina, 但都不及一條灰色的好襯。灰色真不愧是新一代的黑和白! Pashmina的萬用也不須多說，在家可當blanket一張大被用，外出可當一件大披肩用，就算亂搭一通看落也覺modern的，應該就只有純色的Pashmina可以做到。

暫時就這樣，有好的再update大家!

 

秋冬天要換過晒啲護膚品，

的確係有啲肉痛，

但係見到自己皮膚乾到脫皮，上妝又唔貼嘅時候，

就知道有啲錢係唔慳得！

如果你budget有限，但又想試啲Quality唔差嘅產品，

可以睇睇以下嘅介紹啱唔啱你！

有人話日本人長壽之道同綠茶有好大關係，

成日飲綠茶對身體好，仲令皮膚又白又滑添，

綠茶有益大家都知啦，

咁綠茶籽你又聽過未？

Innisfree綠茶籽保濕抗氧系列Innisfree喺濟洲島有自家有機綠茶園，用7年以上嘅綠茶樹，萃取綠茶籽，

 

綠茶樹要經過嚴寒嘅冬天先會長出種籽，

而且剛生長嘅種籽未儲夠養份，

所以等到第7年先夠養份架

呢個系列用咗100﹪純淨有機綠茶籽研製，

其中皇牌產品綠茶籽精萃保濕面霜，

有助排走氧化毒素，刺激水循環同新陳代謝

綠茶籽油Green Tea Seed Oil含40顆綠茶籽嘅濃縮修護力量

綠茶籽含維他命E，有助修復受紫外線傷害嘅細胞，

舒緩乾燥及曬後肌膚，

亞麻油酸防止水分流失，長效保濕，令肌膚持久潤澤

Gel Cream質地，要慢慢推勻，等一陣先會完全吸收，

適合中性至油性皮膚

左下：綠茶籽精萃保濕面霜 ＄200

 

 

綠茶籽精萃水分菁露有ECOCERT認證嘅Green Complex

含5種濟洲島天然植物包括有機綠茶、

柑橘、仙人掌、山茶花、文殊蘭，

含維他命B5、甜菜素等成份促進細胞成長及於水份結合，

提升肌膚補濕能力，

無防腐劑、無人工色素、無礦物油、

無動物性原料，性質溫和

右：綠茶籽精萃水分菁露 ＄210

 

 

如果你有時冬天乾到好繃緊甚至乾到裂嘅話，

可能Serum同面霜都未必夠，咁你就可以試下油劑嘅產品喇

每瓶綠茶籽精華油含高濃度30﹪綠茶籽油，深層滋潤肌膚，

一滴已經夠搽晒成隻手，

同面霜一樣，要輕輕推勻，等佢慢慢吸收，

如果皮膚好乾燥，可以用精華油1：3份量溝埋面霜用，

咁就會潤啲，防止脫皮，妝都貼啲，

亦可以用精華油同面霜1：1混和後當night mask，

第二朝起身皮膚感覺就會柔潤啲

左上：綠茶籽精華油 ＄335

 

醫學護膚品牌VICHY全部產品通過敏感肌膚測試，

含VICHY礦物溫泉水，無添加PARABENS類防腐劑

肌源再生系列

含天然高效抗衰老活性成份銀樺樹萃取

及透明質酸高效鎖水因子，

改善皺紋，令肌膚更細緻有光澤

 

SERUM10美睫眼部精華含高濃度銀樺樹萃取，有效抗皺緊緻，

對抗眼周細紋、黑眼圈、眼袋等問題，

Ceramide成份修護及強韌睫毛，

珍珠亮肌配方令眼周輪廓更有光澤

左：SERUM10美睫眼部精華 ＄350

 

除咗眼部精華，當然有面嘅精華啦，

成份中嘅透明質酸高效鎖水因子有助肌膚保持水潤，

銀樺樹萃取有效改善頑固皺紋，

仲有即時淡化皺紋效果

右：肌源再生10號精華 ＄415/30ml  $520/50ml

上次應承過會為大家陸續介紹，
各大品牌嘅Christmas Set啦！
好興奮，最近我哋workshop就收到Shiseido，
將會推出Christmas edition嘅化妝品，同最新嘅粉底！
今日又可以搶先一步為大家介紹下！

首先介紹佢最新推出嘅粉底先啦，

Sheer and Perfect Foundation $350/30ml 共5色

Shiseido嘅粉底其實都好有保證，
一嚟quality唔錯，二嚟佢係日本品牌，
出嘅粉底會好岩亞洲人膚色，
本身自己都有買Shiseido嘅粉底出job架。

而今次新出嘅粉底用咗最嘅光學技術，
可以清除皮膚嘅雜色，
咩係雜色？例如紅色暗瘡印、啡色黑眼圈、毛孔陰影等等。
而呢支粉底就用咗，
獨創嘅光學技術原理同互補色技術，
可以中和以上嘅雜色，而且唔需要好厚妝就可以均勻膚色。

吱出嚟真係好似水咁，
質地好薄好滑，非常容易推開，
遮瑕度都唔錯！
近排轉季，我有生下粒粒，
上完呢個粉底都可以遮到啲印。
均勻膚色非常之好，
而且完全唔厚粉又潤！

跟住就要介紹Christmas出嘅產品喇，
Shiseido Makeup推出咗節日限量嘅eyeshadow palette，
一盒有9隻色。

The Eye Color Bar Holiday(Limited) $400

一打開見到呢9隻色，
第一時間想快啲到X‘mas，
可以用到佢出街呀！
因為每隻色都好適合化X’mas party妝,
隨你喜歡去match唔同色，
如果唔知點襯，佢都有張膠片有教大家點樣混色。

所有顏色都經Shiseido Makeup創意總監精心挑選出嚟架！
裡面有7隻獨特顏色嘅眼影，
可以單用，兩種溝埋又得，
而且仲有珍珠白同淺粉紅，可以hightlight返個眉骨！

係唔係心大心細唔知用咩色好呢？
我地就用咗幾隻色做咗唔同眼妝，
大家可以參考下啦！
我地用咗號碼分別返啲顏色啦！

1+6+9
首先我就用咗1，珍珠白做highlight眉骨先，
之後用6，姐係莓紅色做主色，
淨係用莓紅色就無咩立體感，
所以用9號色掃係眼窩位，個眼珠凸起個位，
之後就用眼線筆畫內眼線就可以喇！
非常簡單做到一個淡嘅日妝！

1+6+9+5
如果夜晚要去party，要化一個濃啲嘅妝，
只需要用5號黑色掃係眼尾，慢慢blend上去，
前面莓紅色可以加多少少，同後面黑色blend埋。
之後再掃啲黑色係下眼尾位，
加深眼線就做到smokey eye喇！

的確身邊有好多人，對頭髮護理真係好缺乏，
有時出街見到啲女仔，皮膚皮光肉滑，個妝化得好靚，
但一望上去，就見到啲頭髮好似乾草咁，暗啞又fizzy，
吸引力即刻大跌呀！

呢幾年自己都好注重頭髮，
因為之前勁電又染頭髮，都無去點理佢，
就搞到啲頭髮開哂叉，旱哂咁，
最後頂唔順就要剪哂佢！
就發覺護理頭髮真係好重要！

上次就介紹咗一系列嘅洗頭product俾大家，
唔知大家識唔識去選擇呢？
今次就再深入教大家用咩product護理頭髮，
令頭髮再靚啲！

LOREAL X-tenso Care Wave Mask $270/500ml

面要敷mask，其實頭髮都要架！
特別係電過頭髮嘅朋友！
因為電髮時會破壞咗髮絲鱗狀表層細胞，
所以今次介紹呢個hair mask就岩哂喇！

裡面有好多膠原蛋白，同細胞連結修復體，
可以有效修護及鎖住水份，
最重要係可以填補脆弱、緊密返髮絲鱗狀，
仲保持曲髮彈性、持久性，
專為電咗髮朋友而設！
好多人成日覺得做hair mask需要好多時間，
但呢個hair mask只需10分鐘就可以，
有時仲可以代替護髮素添！

Hotline: 3180 1510

LOREAL Paris Extraordinary Oil $109/100ml

除咗用hair mask之外，大家有無用美髮油呢？
其實就算你無染，無電，
平時吹頭或set頭嘅時候，
啲熱力會令髮絲受到傷害。
長久會令頭髮變得毛燥同乾旱！
今次loreal出嘅美髮油，價錢非常相宜，
而且仲有好多修護功能添！
分別有兩款配方，
中性至乾性，或中性至油性及染後髮質。
兩款都有6種珍貴花卉精華，可以為頭髮深層滋潤，
提升光澤，預防髮絲乾旱
仲有效護色，令染髮效果持久。

我就一直都有用開美髮油，
未用之前都同大家一樣同感，
下？用油放落個頭到，會唔會好笠，好油架？
其實係唔會架！
只要大家控制到個份量同記得只可以用係髮尾就唔怕架喇！
而且呢款美髮油質地輕盈，唔會有痴笠笠感覺！

售賣點：Loreal Paris專門店

LOREAL營養喚髮雙效精華＄300（6mlx10）

大家有無脫髮嘅問題呢？
脫髮其實唔只係男人問題，
除咗天生基因問題，
脫髮成因係包括頭髮骨膠原硬化咗，
或髮根得唔到充入養分，都會令頭髮變得纖幼同掉落！

而Loreal就為有脫髮煩惱嘅朋友，
推出咗一款防脫髮精華。
蘊含Aminexil同Omega 6，
Aminexil可以有效對抗頭髮骨膠原硬化問題，
可以令髮絲強韌有彈性。
而Omega 6有活化作用，可以刺激毛襄生長，
令髮絲變得穩固，
有效減慢脫髮！

佢一盒有10支精華，
盒裡面包咗一個金屬按摩珠頭，
只要打開個蓋，就可以換上呢個頭，
方便大家塗係頭皮上。
使用嘅時候再加以按摩可以有助吸收，無需沖洗！
咁就唔駛怕麻煩喇！

Hotline: 3180 1510

Pure Texture 輕羽無感豐潤造型精華＄106/50ml （右）
Soft Curls 輕羽無感柔軟造型泡沫 ＄148/150ml （中）
Natural Finish 輕羽無感自然造型噴霧＄148/125ml （左）

大家覺唔覺得近呢幾年個潮流，
都興自己幫自己set頭，夾下頭，
10個都有7個女仔總會有個電髮夾係屋企，
但大家會唔會set完個靚頭，
未到夜晚已經就塌哂直哂，無哂啲鬈曲效果呢？
咁呢3支products就岩哂你喇！

好多人洗完個頭，吹頭時，
吹極都唔夠貼服，好多毛毛飛出嚟，
又唔夠順滑，如果你有呢個情況，
呢支造型精華就可以幫到你喇！
佢係洗完頭，半乾時，
泵2﹣3下，搽係濕髮到，
配合風筒熱力，可以令頭髮，
更加有彈性、豐盈同有光澤！

以前電頭髮，經常要gel頭，
但每次gel完個頭，啲頭髮都會硬哂，
一支支咁，真係好討厭！
而今次新出嘅泡沫就唔會有呢個問題發生喇，
首先佢係一個水份泡沫，
而呢個系列都加人咗網狀聚合物科技，
全新配方唔會好似一般產品痴笠笠，同硬崩崩，
造型更加持久同輕爽！
有咗佢大家就唔駛再怕用呢啲造型產品！

Set頭時，另外一樣最常用到嘅就係hair spray喇！
但用hair spray都有一樣問題出現，
就係容易出白點同埋太硬！
而新出配方嘅hair spray，
可以令造型持久，自然輕爽，
唔會出現白點或殘留係頭髮上面，
同時仲可以令髮絲有自然光澤！

Hotline: 3180 1510

Australian Organics髮絲修復洗髮露＄105

有機產品愈嚟愈受歡迎，
除咗可以保護環境之外，
當中成分非常安全，唔會有好多化學物料。
因為有好多人都會因化學成分而敏感！
而澳洲出嘅有機產品可以話最出名喇！
Australian Organics呢個牌子已經有15年歷史，
全部產品都係由澳洲製造，
而且絕無任何化石成分，人造香料同色素！

如果你平時洗完頭返工，
未到放工，個頭就出哂油，
其實頭皮/頭襄積得太多油，
會令頭髮愈生愈幼，容易脫落同出現頭皮架！
而今次介紹呢款髮絲修復洗髮系列，就好岩你喇！
因為裡面有好多檸檬油同天竺葵，
可以有平衡油脂分泌。
係專俾幼弱同油髮質。

用嘅時候有好清香嘅lemon味，
因為成份天然, 冇咁多化學成份，
所以洗第一次嘅時候，就無咩泡。
洗完兩次覺得好乾淨，
好滑同埋唔需要攞好多份量，
真係誠意推介！

售賣點：萬寧

Christophe Robin玫瑰豐盈護色噴霧 (左）
仙人球果籽油柔亮修護髮膜（右）

今次介紹嘅牌子Christophe Robin，
係一個嚟至法國，個創辦人係14 歲已經開始學習護髮，
而且係巴黎設立咗第一間以染護為主嘅 Salon，
仲研發一系列可以深層修護髮質嘅護髮產品，
專保護因化學染髮劑而造成敏感或脆弱頭髮架。

大家都買過噴面嘅spary，
其實面要定期保濕之外，
頭髮都需要保濕架！
因為平時出街紫外線會傷害到頭髮，
特別染咗頭髮嘅人！

呢支spary係不含酒精，
大家都個玫瑰水幾矜貴啦，而佢就有96%玫瑰純露，
可以噴係頭皮，柔嫩舒緩染後易敏感頭皮。
而且天然玫瑰萃取精華可以令染咗髮嘅朋友，
預防髮色氧化同退色。
係洗完頭髮，半濕前噴係髮絲，
吹完頭髮仲有好豐盈效果！