大家都見得多同學仔Frances，經常都跟Janice出outjob，
今次就有佢分享下佢出outjob嘅經驗俾大家！

大家好，今日有我 FranFran 登場同大家做分享，
我係 Janice Lam Makeup Workshop 
全修班最早個期既畢業生之一，
想想已經是兩件多前的事了。
其實N年前已經跟 Janice 係其他地方學過基本既化妝，
之後都跟過其他人學。點解最後又跟番 Janice 學？
好簡單，因為我想學最好既野！

我係一個坐唔定既人，咩都想學一餐，
咩都想試一餐，化妝、髮型、頭飾、雜誌、新娘 Outjob，
一有機會就會去學同去試。
真係好開心可以係呢個平台同大家分享我係化妝界
（包括學習與工作）的點滴，
可以分享既事實在太多了，今日就先同大家 share:

要在競爭愈來愈大既化妝行業中脫穎而出、
成為一個成功出色的化妝師，
除左化要化得一手好妝之外，
懂得變「髮」亦係化妝師必備既技能之一。 

 

 

以下分享幾次與師父一齊 Outjob 既相片，

全部都係由Janice 化妝同我負責髮型架。

（P.S. 知道大家都好喜歡睇 Janice 既靚妝，

不過都希望大家畀下面睇下我設計既髮型啦！！^^）

 

第一次自己為雜誌（Fashion and Beauty）變「髮」，
心情既興奮又緊張呀！
話哂本書出街後好多人睇到架嘛，
啲相係雜誌放大左之後，所有瘕疵都會表露無遺，
所以唔可以有咩錯失架。Outjob情況同考試好唔同，
唔會有得事前比你試，唔會有Pre-Exam， 
連Model當日要咩造型都可能到個一刻先知，
又要快、又要做得好，事前工夫一定唔少得。

好彩我係學習期間經常報名Outjob，
雖然未必一定有得落手落腳自己做，
不過每一次Outjob 我都會好留意前輩師父們
點樣幫Model設計造型及係短時間中轉妝頭，
從中偷師不少，當然平日一定要有充份既練習啦、多試、多練、多睇，
咁先有能力同信心自己去handle 一個job。
 

當天記者話想要型少少既，但前面又要有少少野睇，
於是乎我就做左呢個髮型喇。

第一次出席event （周大福珠寶婚嫁系列event），
緊張興奮既心情又黎喇，面對住咁多名貴珠寶同師父既靚妝，
當然有D壓力啦，如果個頭我set得唔好，
襯唔起個靚妝，又或者主辦商唔like個髮型點算？
所以我係事前先諗左幾個唔同既髮型，再搵左朋友，
比我即場試一次畀Janice 睇先，
試個日Janice畀左好多意見我，
亦真係好多謝一直唔介意借出時間畀我練習既朋友。

登登登登！！！！
呢張就係當日event影既相喇，
大家認為我既努力有冇成果呢？呢張相之前post 過出黎架喇，
好多新娘子睇完都話好想做番呢個髮型，
既可做掛頭，又可以做敬酒髮型。

 

 

 

新娘子Elkie鍾意有瀏海既清新造型，

通常瀏海既造型都會比較稚氣一D，

為左保留新娘子既優雅氣質，

同新娘子商量之後，就造左呢兩個髮型喇。

 

 

新娘子覺得呢個髮型最岩自己，所以決定唔轉髮型，

自行換上不同頭飾及加上頭紗，

我也十分喜歡高貴而且歷久常新既髮型，

只要是適合自己而又配襯得宜，

又何需花費太多時間去轉換造型呢。

 

 

 

接住落黎就係好有氣質既新娘子 Christine 喇！

Janice化完妝後，發現佢有少少似年輕版既謝寧，

而我就覺得佢同時有少少似陳法拉喇，
唔知大家有冇同感呢？

為新娘子設計了比較韓式既低髻造型，
襯托出佢個一份氣質。

 

 

 

 

新娘子 Denise 12月先係正日，

早前就上左黎 Workshop 試妝頭喇，

新娘子選左件大露背婚紗，所以想垂留D頭髮落黎，

佢仲話因為頭髮太厚，Pre-wedding 化妝師之前幫做既留陰髮型

令佢覺得睇落好累贅，不過佢又唔想做 All-back ，

綜合新娘子意見後，就為佢設計左比較有線條感既髮型喇，

無論有冇加頭飾，都一樣咁好睇呀！

 

 

 

哈，為這位比别人多3倍髮量的新娘子變「髮」，
真係一大挑戰！少D耐性都唔得呀！

 

 

記得起初學set頭既時候，

成日比 Janice 話我做D頭好“Leung"架，

可能我被盛行既台式髮型影響得太深喇。

真係好多謝師父咁坦白，經常畀意見我，

等我知道自己有咩問題。之後我就不停睇唔同既髮型書，

不停試，不停練習，咁先可以係唔同既場合，

為唔同氣質既 Model 同新娘子變出唔同既髮型。

 

    

 

愈黎愈喜歡變「髮」的我，

為左配合自己設連既髮型，都會自己設計頭飾架，
好似以下呢幾款咁，
希望之後有機會再同大家 Share 多 D 我做頭飾既心得啦！

多謝收看！！

BY FranFran （F.F.） ^^

唔知大家鍾唔鍾意買唇膏呢？

而我就非常鍾意買唇膏，
好快就去到上癮嘅地步！

見到一排排嘅唇膏，就好想擁有每隻色！

今日我就好開心，因為可以試唔同牌子嘅唇膏俾大家睇

有 Estee Lauder, Lunasol, Paul & Joe, Pupa, RMK同Shu uemura

秋冬就開始咗喇，

我地就收到Estee Lauder嘅唇膏同唇蜜，

佢地啲顏色都好適合秋冬用架！

Estee Lauder 高清純色炫亮唇膏 ＄220

我就試咗Mirrored Orchid呢隻色，

大家唔好見佢好似好紫，好深咁，

但試上咀，其實係桃紅得黎帶少少紫，

幾靚架，平時出街搽都唔算好誇張！

唇膏本身帶shimmer，睇出嚟有少少令身，

而搽一層都夠哂上色，唔係好乾，
唇紋都唔算好現。

Estee Lauder 高清純色極緻豐盈唇蜜 ＄200

而佢嘅唇蜜，我就試咗隻深紅色ruby glow，

佢非常上色同實色，其實同搽唇膏差唔多，

但個效果就比唇膏glossy，同埋豐滿

呢隻色好適合冬天party、聖誕用，

加埋個smokey eyes就夠哂sexy喇！

平時大家一睇到呢啲色，都會覺得好“哽”！
但其實唔試上咀，都唔知個效果係咁靚架！
所以大家都可以大膽嘗試多啲！

Lunasol Full Glamour Lips

Lunasol嘅eye shadow就試得多，

唔知大家有無用過佢嘅唇膏呢？

而Lunasol今季嘅唇膏就襯返佢個eye shadow,

都係有4隻秋冬色架！

而我就試咗17號色，

類似豆沙色，有少少nude嘅感覺。

唇膏質地好滑好creamy，感覺好潤澤，

因為質地好滑，所以好好搽。
本身無搽潤唇膏，都完全唔覺乾，
好岩乾咀嘅人用！

而且呢隻豆沙色，可以均勻返個唇色，

又有nude咀嘅感覺，冬夏都岩用架！

適合唔同妝容！

之後我on top再加埋lip gloss

 

令個效果再豐盈啲，唇紋都減少好多！

真係唔錯！

Paul & Joe凝潤唇膏 Refill($200) Case($100)

見到咁靚嘅唇膏筒就知係paul & joe啦!

今次新出嘅case，可以自由配撘自己想要嘅唇色

非常之好嘅設計呀！

我就試咗隻橙色俾大家睇，

試上咀，就比唇膏嘅色淺好多，

但可以cover哂個唇色，唇紋都可以遮到

而質地都算潤身，感覺有少少似搽有色嘅潤唇膏。

如果你鍾意呢類顏色，但又怕太sharp，
大家都可以試下paul & joe，

出嚟效果好自然架！

 

RMK Irresistible Lips 

自己本身都未試過rmk嘅唇膏，

試完都幾驚喜，原來rmk除咗底妝外
lipstick都唔錯！

呢款唇膏好好搽，都算幼滑

亦都可以均勻唇色，

支唇膏無影相咁深色，係淺好多嘅，

其實佢係珊瑚粉紅色，

令個咀好粉嫩，好靚夠哂低調

因為佢夠滋潤，搽上去好貼，

就好似自己個唇色咁！
而且唔會笠住個咀，
平時返工化簡單妝容，
襯呢款唇膏就岩哂喇！

Shu uemura 個性紅唇系列 ＄210

Shu uemura全新嘅紅唇系列，
有6種紅色嘅色調

而且呢個系列有一個獨特嘅雙重混合色素粒子技術，

令唇膏更加鮮明同豐富，
而且有鎖水滋潤效果添！

我試咗dolly red lucid，

佢係紅中帶粉嘅色。
大家睇支唇膏，可能會覺得好鮮色，

但質地係好水潤，所以係好透薄，

而且完全無感覺到乾！冬天用就岩哂喇！

效果出嚟好令身，好似有搽lip gloss嘅效果！

雖然係咁但唔會有笠住個咀架！

水潤得嚟亦都好上色，又易搽

 

如果你本身唇唔夠色，想突顯返唇色

要自然水潤效果就可以選擇呢隻顏色！
返工出街都岩架！

Pupa 絲絨啞緻潤澤唇膏 ＄148

呢款唇膏係matte質地，同其他試嘅唇膏唔同

佢有8隻色俾大家揀，

我就試咗個sharp桃紅色！

好多人都好怕用matte質地唇膏，

因為驚會好乾會搽到一撻撻，

雖然呢支係matte質地，但佢都好易搽，

唔會有搽得唔均勻嘅情況。

不過搽實色咀時，大家最好就用支唇筆勾返個唇型，

咁個唇先夠靚架！

如果鍾意有啞光效果嘅唇膏，就可以試下喇！

另外，近期大家都好興化韓妝，

而且韓妝好多時都用呢啲咁螢光嘅顏色，

去化咬唇妝，漸變色咀咁。

所以大家都鍾意呢啲妝容，

都可以買呢隻唇膏架！

其實唇膏對女仔嚟講都好重要架，

平時只要搽少少唇膏，

睇落去個人都會精神好多，面色都紅潤啲架！