大家好~我係Workshop新同事Joan~好開心今次可以為大家寫分享Blog~
我地成日都會搜羅不同嘅資訊同大家分享!
除左護膚、化妝set頭等,
唔知各位貪靚嘅女仕們又鐘唔鐘意自己DIY一啲飾物呢?
我就好鐘意喇!因為夠哂獨一無二又唔會同人撞款~
之後我會不定期教大家做啲DIY飾物~希望大家鐘意啦~
今日會教大家做晶鑽飾物~
晶鑽飾物其實由日本興起,
後來連外國同台灣都漸漸有人玩,
大概原因係晶鑽做法簡單但作品絕不失禮,
完成品仲好靚好高貴!
晶鑽土其實好似粘土咁,而且有好多種顏色!
只要搓軟晶鑽土,再鑲上鐘意嘅水晶,咁就完成啦!
睇完啲咁靚嘅作品係咪好想試下自己做呢~
等我為大家介紹啲材料同做法啦!
材料
Crystal Clay (50g/$160)
試過幾隻不同牌子嘅晶鑽土,都係上圖呢隻最好搓,
但暫時香港無得賣,要係外國網站訂,
大家有興趣我地都可以幫大家代訂嫁!
顏色選擇多(有白、梅紅、粉紅、藍、綠、金、銀等等)
而且一包裡面有埋點鑽筆,水晶鑽同埋膠手套,
適合初學者!
金屬底托 ($10-30不等)
購自深水埗
唔同嘅金屬底托都可以做到唔同嘅飾物,
所以大家可以去搵一啲唔同款嘅底托配襯下啦!
水晶石 (約$250)
購自深水埗
晶鑽土內已包閃石,但如果喜歡blingbling都可以配多D閃石~
因為一包土已經可以做到4-5樣飾物嫁啦!
配多盒閃石就可以每件飾物都閃盡全場~
介紹哂d材料後,就等我試範下點做啦~
咁我地今日會做晶鑽橡根!
Step1
先準備好底托,閃石,點鑽筆同晶鑽土
Step2
攞一比一的AB土,準備混合
小tips:
大家要小心預份量,
如果已混合的晶鑽土乾左之後就唔可以再造型嫁啦!
所以大家用幾多混合幾多,千祈唔好貪方便啊!
Step3
搓勻晶鑽土
小tips:
開始會比較硬身,要俾啲耐性慢慢搓,
如果真係好硬,就濕小小水再搓,但千祈唔好太濕啊!會太笠好難造型嫁!
Step4
將搓勻嘅晶鑽土平均壓上金屬底托
Step5
壓好的金屬托
小tips:
如果手腳太慢,大家可以準備一條濕毛布鋪在晶土上,可以減慢硬化速度!
Step6
利用點鑽筆點上閃石,再將閃石壓上晶土!
小Tips:
點鑽筆係一支有輕微粘力嘅筆,
但又唔會傷到石面,大家可以去深水埗就買到嫁啦~
點好水晶之後放係室溫等3,4個鐘頭就完成啦!
睇完教學,等我同大家分享下我嘅作品!
同一樣素材都可以做到唔同嘅作品嫁!
希望大家鐘意我今次嘅分享啦!
|
