話咁快就過咗聖誕，又開始返工喇，
大家經過呢幾日嘅洗禮，去party、玩通宵，
係缺乏休息之下，殘樣就即刻現哂形，
唔想帶住殘樣見人？
今日就教大家用幾類產品去內外急救啦！
第一類: 家用美容儀器
YA-MAN推出全新EMS旋風鉑金滾輪美容器 $2480
呢款滾輪美容儀，每分鐘提供1800下轉動刺激肌肉，
滾輪面個設計可以按唔同部位需耍，改變按摩嘅力度，
而且V shape設計fit哂下巴、淋巴位，模枋到人手按摩技術，
加埋內置EMS微電流模式，同時加強淋巴循環，
即時可以改善水腫問題，咁就唔駛面腫腫返工喇！
除咗可以用係面部之外仲可以用係body，
呢幾日食咗咁多大餐，肥肉脂肪出哂嚟，
順便可以用呢部轆下bye bye肉添！
一舉兩得！
呢部機有3個mode，
第一個mode係俾face，之後兩個mode就係for body，
每個mode都有3個level，你可以選擇力度重點按你想按嘅地方。
按嘅時候，真係覺得似有人幫我按摩，
特別係手脾同小腿，去到啲淋巴位時，有酸軟嘅感覺，
按完後，塊面啲肉有扯住住咁，
真係有收緊嘅效果架！
DR.BAUER逆肌齡射頻機
呢部機特別之處係，機頭上嘅多極金屬圓珠頭，
可以將能量聚焦於膠原蛋白嘅真皮層，
熱化深層肌膚組織，活化纖維母細胞，令膠原蛋白自我增生，
改善捱夜帶嚟嘅細紋同毛孔擴張嘅後遺症喇！
除此之外，射頻器更附有 LED紅光（620nm），
喚醒皮膚再生能力，修復老化痕跡同皮膚暗沉，
令肌膚回復彈性。
係療程開始同結束時，飲一杯清水，
仲可以加強排毒效果，
排走聖誕積落嘅毒素。
但大家要注意有以下特徵人士，就唔可以使用呢部機喇！
- 孕婦同有高血壓人士、心臟病者
- 皮膚發炎，剛做完手術者
- 身體有配戴醫學電流/金屬醫學裝置人士等等，
詳細可以參考說明書。
第二類:面膜
VALMONT 細胞活化面膜
急救產品點會少得MASK呢？
各位姐妹化咗幾日妝，加埋又唔夠休息，皮膚係唔係跌哂watt呢？
而Valmont呢隻mask用嚟急救，真係very good！
佢性質輕柔溫和，適合各種肌膚，特別係嚴重缺水皮膚，
佢主要成份有含三離子複合DNA/RNA，
而裡面活化成份有助肌膚，激活返細胞底層吸收養份，
用時候有淡淡花香，敷嘅時加以按摩，有助firming。
用完即刻有叉足電嘅感覺，皮膚瞬間補水，
面色仲紅潤哂添，咁就唔會有面青青情況喇！
Clinique Moisture Surge Overnight Mask
睡眠係佔咗人生一大部分時間，
所以晚間睡眠時間當然都要好好利用啦！
Clinique Overnight Mask就啱哂懶嘅姐妹喇！
含有透明質酸、海藻糖、小麥胚芽精華等等。
佢係Cream狀質地，擦上手好滑，亦好易吸收，
而且不含油分，厚厚咁敷都唔怕生油脂粒。
持續用幾日，皮膚脫皮缺水情況會得以改善，
上妝會貼服好多，浮粉都會大大減少架
第三類:Skincare
ORIGINS悅肌再生抗皺精華油
有時皮膚乾起嚟用水分幾高嘅product都無用，
再加埋捱夜，簡直係雪上加霜呀！
有好多人都抗拒用油嘅產品，其實皮膚除咗吸收水分，
肌膚嘅皮脂都好需要受到保護架，
而呢支精華油加入咗好多天然嘅植物成分，
向日葵籽油、摩洛哥堅果油、橄欖萃取等等，
可以複製肌膚天然皮脂，改善肌膚自我水油平衡功能
仲可以撫平肌膚上的細紋、乾紋。
重點呢支油加入咗輕盈紓爽配方，質地唔會油立立，
唔會堵塞毛孔，引致的暗瘡或油脂粒。
Dr Wu 杏仁酸亮白化妝水
面色唔均勻，又黃又青仲有死皮，有咩解決方法？
首先大家要了解面色唔均勻嘅最主要原因，
就係角質層太厚，就會形成皮膚暗沉，
而且仲會阻礙護膚品吸收架。
其實大家可以每次洗完面後，
用TONER加棉花全面輕輕一抺，
就可以好溫和咁到去角質。
今次介紹呢款DR WU嘅化妝水，
裡面含有大量杏仁酸、保濕鎖水粒子，
煥膚之餘，同時可以為肌膚保濕。
而且用咗溫和低敏配方，敏感人士都可以使用。
Banila Co透澤光肌美面霜
除咗用toner之外，用美白面霜都係一個好好嘅選擇！
有好多人都怕用美白產品會令皮膚好亁，
但Banila Co推出嘅美白面霜，就唔會有呢個問題喇，
蘊合超過85%水份，質感好水同清爽，
好易吸收，加保濕力。
另外仲研發咗極光美白技術，
由白寶石同發酵珍珠萃取組成嘅修護粒子
當中粉紅珍珠及紫珍珠，有助調整同提亮暗沉皮膚。
咁就做到美白之餘又可以補濕喇！
而且佢係不含6種刺激皮膚嘅化學物質，
如防腐劑、磺物油、色素等。
大家可以放心使用喇！
第三類:化妝品
Etude House Golden Ratio Face Glam
大家再借埋化妝品嘅威力，絕對可以呃下人，
成日睇韓妹妝，個個都皮光肉滑，
唔通佢哋就唔會有殘樣？緊係唔係啦！
其實佢哋好多時上粉底前都會用有色嘅調色霜/base，
調整返唔均勻嘅膚色，趕走殘樣。
而呢個base就帶粉紫色，
非常適合偏黃嘅膚色，可以tune返面色紅潤啲，
而且個佢搽完會令面帶亮澤感，
之後再搽埋粉底，就唔會有人知你有幾殘喇！
Etude House Nymph Aura Volumer Baby Glow Stick
調完色後，但都仲有一個問題，
有啲缺水乾燥嘅肌膚，會上完底妝後，
出現甩皮同乾紋嘅狀況，尤其個鼻翼、額頭位，
咁又有咩補救方法呢？
我哋就可以用呢支Stick喇，
之前都介紹過佢架喇，
佢扭出嚟係粉粉地，將佢直接搽係乾嘅地方，
搽完即時會帶少少令，撫平返啲乾紋地方，
咁皮膚睇落去就會好健康、好有光澤。
第四類:健康食品
BIO 有機蜂蜜蜂膠汁 (左)
BIO 有機黑蘿蔔健肝汁(右)
大家好多時都只會保養表面皮膚，
但身體健康指數反而係，最影響你皮膚嘅質素，
由其聖誕捱夜、飲酒，對肝好大傷害，
之後啲毒素會反映返係去塊面到。
所以今次想為大家介紹兩款健康食品，
Bio係一個法國牌子，原材料全都來自法國有機農場種植，
佢仲採用最新生物技術，提煉高濃縮活性成分，全部都係100%有機成分架！
首先蜂膠汁可以提升返抵抗能力，而且可以有抗衰老作用。
黑蘿蔔健肝汁就啱哂鐘意飲酒嘅朋友，
可以幫你排毒、增強肝臟功能。
我今次就試咗個蜂膠汁，佢包裝都係一支支玻璃試筒，
每次飲用都啪開個玻璃頭，
倒入250ML嘅水裡面，大概好似相中嘅水樽就得架喇！
溝埋佢之後，會帶少少蜜糖香味，
飲落去有啲似蜜糖水，不過就無咁甜，好易入口。
FUSHI Ginseng & Liquorice Herbal Remedy
而另外想介紹嘅健康食品，就係來自英國嘅Fushi，
佢特別之處就係呢啲全部都係有機草本酊劑，
佢用咗唔同草本植物精華，去調較不同獨特療效。
而今次介紹就係人蔘甘草根草本酊劑，
玩完之後嘅日子，都係訓得唔好，而呢款就啱哂呢啲日子用喇，
佢有提神減壓作用，包你訓得好呀。
佢用法非常容易，佢可以滴係唔到食物同飲料溝埋嚟食。
今次就沖咗一杯茶加1-3毫升草本酊劑落去，
杯茶會帶少少人參味，唔會影響到本身茶嘅味，都唔錯架！
如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup
| 
