Janice Lam (Makeup Artist) - QOOZA BLOG 網上日誌

janicelam : 個人主頁 - 相簿 - 訂閱 [ QOOZA - 論壇 - 登入 ]

人氣：172600

janicelam

暱稱： Janice Lam
性別：女
國家：香港

MORE...

最近沒有訪客

日誌統計

文章總數： 681

留言總數： 35

今日人氣： 11

累積人氣： 172600

RSS 訂閱

「聖誕特輯」 - 全方位聖誕扮靚教學可愛篇

2013 年 12 月 17 日星期二

聖誕節下個禮拜就降臨了！
今個禮拜我們會為大家獻上全方位扮靚教學，
Step by Step教大家打造三個不同風格的聖誕造型。
每個Look除了會詳細解構化妝步驟，
就連Set頭方法都會逐一講解。
三個造型全由Janice Lam親自設計，
全部都擁有「外型複雜，步驟簡易」的特色，
讓大家獨自在家都可以輕易打造出似模似樣的專業造型！
今次先為大家示範的是一個充滿韓國味道的甜美節日Look，
適合一眾性格活潑、可愛、活力十足的年輕女士，
今個聖誕以這個Sweet到爆的造型出席大小派對，
一定能叫人眼前一亮，成為全場焦點！

妝容解構

這個妝容以可愛的粉紅色為主調。
眼妝加進了Double Eyeline的元素，
令雙眼更添搶眼，同時亦令整個妝容更覺潮流。
胭脂方面亦以粉紅色為主，而且範圍偏大，
製造白裡透紅的效果，進一步營造年輕、甜美的感覺。
唇妝在此妝容裡亦是頗重要的部分，是粉紅色的「咬唇妝」，
令整個妝容更加可愛！

妝容步驟

1. 先在眉骨位掃上珠光色Highlight。

2. 眼蓋掃上淡淡的淺粉紅色眼影作主色。

3. 畫上黑色液狀眼線，眼尾位置可稍為拉長一點。

4. 緊貼黑色眼線的上方，以蠟筆狀眼線，
畫上一條鮮粉紅色的Double Eyeline。
可畫得粗身一點，令眼線更加顯眼。
長度應與黑色液狀眼線一樣。

5. 掃上黑色的上下睫毛液，眼妝基本上就完成了。

6. 以打圈手勢大範圍地掃上胭脂，
中央顏色可以上多一點，製造「圓哄」效果。

7. 接著就要打造外淺內深的「咬唇妝」了。
先在整個嘴唇塗上淺粉紅色唇膏。

8. 在上下唇的中央位置添上深粉紅色唇膏，
再用手指輕輕把兩色之間的邊界印開，
塑造自然的漸變效果。
那整個可愛妝容就大功告成了！

CHECKPOINT：

如果想眼妝更具節日光采，
可選擇在下眼頭位置添上銀白色閃粉！

髮型解構

Top

Left

Right

Back

要打造一個感覺可愛又隨意的All-back高髮髻造型，
關鍵是要保持鬆散自然的髮絲，毋須把頭髮梳得太貼。
讓整個髮型帶點「鬆泡泡」的感覺，那才更覺年輕率性。

準備步驟

1. 在髮根塗上Styling Wax，
令頭髮更挺身，方便造型。

2. 髮尾位置則噴上順滑Hair Lotion，
防止髮尾開叉。

3. 把頭髮逐束拿起，於髮內倒梳髮根位置，
這樣做可以增加頭髮的Volumn，
令髮型更立體，不會給人下塌的感覺。

造型步驟

1. 把頭髮分為上下兩半，先把上半髮絲紮成小馬尾。

2. 把小馬尾編成鬢辮。

3. 把鬢辮繞一個小圈，固定在頭頂。

4. 把下半部分的頭髮也紮起成小馬尾。

5. 同樣地，把小馬尾編成鬢辮。

6. 可以把鬢辮的兩邊稍稍拉鬆，令辮子更立體。

7. 把辮子繞上頭頂，
圍著剛才已弄好的小髮髻打一圈。

8. 把辮子固定在頭頂，成為一個立體髮髻。

9. 噴上Hair Spray，固定髮絲。

10. 最後繫上一個誇張一點的蝴蝶結髮飾，
就大功告成了！

CHECKPOINT：

雖然自然隨性的風格是這個髮型的亮點，
但如果Frizz太多，還是會顯得有點凌亂的喔，
所以在完成造型後，可輕輕在頭髮表面噴一點Hair Spray，
再徒手把表面的髮絲掃平，那就既自然又美觀了。

下回我們會為大家示範一個優雅復古的聖誕造型。
各位Vintage派的美女萬勿錯過！

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

分類: 未分類

發表時間：2013-12-17 11:13 AM [ 訪客留言(0) ] [ 編輯日誌 ] [ 分享至FACEBOOK ]

假眼睫毛大比併（二）

2013 年 12 月 16 日星期一

嚟到第二篇假眼睫毛大比拼，
等我地再嚟同大家比較多六款假睫毛啦！
今次試用嘅六款全部都係前短後長嘅款式，
呢種睫毛最好就係用嚟打造長眼形效果，
一齊嚟睇下佢地嘅妝效有咩分別啦！

第一款：公主李交叉8
質地：線邊
合適：營造造醒神嘅長眼效果
呢款係線邊小交叉（佢只係近邊位有小小交叉）嘅前短後長款式。
濃密效果唔錯，帶咗上眼好有根根分明嘅效果，
無論正面，側面，合埋眼效果都好自然，
呢種自然睫毛款式合適幼眼線嘅眼妝，
我會將眼線畫長小小，咁就輕易打造長眼形效果。

濃密度：＊＊＊＊
纖長度：＊＊＊＊
（眼頭：0.6cm 眼尾： 1.1cm)
自然度：＊＊＊＊
易貼度：＊＊＊＊＊
貼服度：＊＊＊＊＊
（眼頭眼尾唔會飛邊）

第二款：
質地：線邊
合適：營造柔和嘅長眼嘅效果
呢款係線邊交叉嘅前短後長款式。
帶咗上眼好自然嘅效果，
濃密效果就一般，
如果想打造柔和嘅長眼效果，呢款就啱你啦！
呢種自然睫毛款式都一樣合適幼眼線嘅眼妝。

濃密度：＊＊＊
纖長度：＊＊＊＊
（眼頭：0.8cm 眼尾： 1.1cm)
自然度：＊＊＊＊＊
易貼度：＊＊＊＊＊
貼服度：＊＊＊＊＊
（眼頭眼尾唔會飛邊）

第三款：亮麗A3
質地：線邊
合適：營造精靈嘅長眼效果
呢款係線邊束狀嘅前短後長款式。
佢呢款重點式嘅睫毛，平時我係唔會帶，
（因為總係好驚好誇張咁）但今次試帶真係令我對佢改觀，
估唔到出嚟效果又幾好喎，
令原本無咩精神嘅雙眼轉眼變得好精靈！
雖然佢長度比頭先2款短，
但正正因為唔太長先唔會誇張。
配帶呢款睫毛我會將眼尾嘅眼線加粗啲啲，
出嚟嘅效果就更加襯啦！

濃密度：＊＊＊＊
纖長度：＊＊＊
（眼頭：0.4cm 眼尾： 0.9cm)
自然度：＊＊＊＊
易貼度：＊＊＊＊＊
貼服度：＊＊＊＊＊
（眼頭眼尾唔會飛邊）

第四款：
質地：粗膠邊
合適：營造眼尾SHARP嘅長眼效果
呢款係膠邊交叉嘅前短後長款式。
老實講我自已就唔多鍾意，
因為一帶上眼好頂住，
（佢條膠邊太粗啦！）
成對睫毛都好硬！
佢嘅弧度比較平，合適無咁圓嘅眼形。
至於好似我咁圓嘅眼形，眼頭嘅位置就好易飛邊！
至於眼妝方面，佢合適粗眼線嘅妝。
（因為佢本身條邊都比較粗）

濃密度：＊＊＊＊
纖長度：＊＊＊＊
（眼頭：0.4cm 眼尾： 1.2cm)
自然度：＊＊＊
易貼度：＊＊＊
貼服度：＊＊＊
（因為我眼形比較圓，所以眼頭易飛邊）

第五款：
質地：線邊
合適：營造超長嘅長眼效果
呢款係線邊嘅前短後長款式。
近睫毛根位比較濃密，帶咗上眼正面側面睇都自然，
不過佢真係太長，一合埋眼就太假！
初時我試嘅時候都好擔心會唔會好似上面個款咁頂眼，
不過佢完全無呢個問題！
眼妝方面佢合適幼眼線嘅妝。
如果你想有打造超長睫毛嘅眼妝，呢款就啱你啦。

濃密度：＊＊＊
纖長度：＊＊＊＊＊
（眼頭：0.6cm 眼尾： 1.4cm)
自然度：＊＊
易貼度：＊＊＊＊＊
貼服度：＊＊＊＊＊
（眼頭眼尾唔會飛邊）

第六款：AK000
質地：線邊
合適：營造誇張嘅長眼效果
呢款係線邊嘅前短後長款式。
濃密效果係咁多款之冠，
長度都適中，如果要造型／型格化妝配呢款就啱晒！
但如果化個自然妝，呢款睫毛就未必啱啦。

濃密度：＊＊＊＊＊
纖長度：＊＊＊＊（眼頭：0.5cm 眼尾： 1.2cm)
自然度：＊＊
易貼度：＊＊＊＊
貼服度：＊＊＊＊（眼頭眼尾唔會飛邊）

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

分類: 未分類

發表時間：2013-12-16 11:15 AM [ 訪客留言(0) ] [ 編輯日誌 ] [ 分享至FACEBOOK ]

紫色眼妝都可以很少女！

2013 年 12 月 13 日星期五

許多較年輕女生都覺得紫色眼妝好「蝦人化」，
因為紫色向來給人較成熟的感覺，用色稍有不對，
就會令整個妝容變成「闊太妝」或「媽咪妝」。
其實，紫色眼妝會有「Auntie Feel」，原因一般有兩個，
第一就是巿面上許多紫色眼影色調都偏紅，
而這種偏紅色澤往往很容易令妝容顯得成熟；
第二就是關乎化妝技巧了，許多女生化妝都習慣把主色
狠狠地在眼蓋掃開，但紫色絕非一個適宜大範圍覆蓋眼周的色澤，
否則只會令妝容更顯老態！換句話說，只要避免以上兩個情況，
紫色眼影一樣可以化得很Young、很有少女味，
今次就讓我們用Cle de Peau新出的彩妝產品
為大家示範一個年輕又迷人的紫調妝容吧。

Cle de Peau Beaute 2013聖誕彩妝系列
Wintry Flower Kit冬日花韻套裝，
露感來自英式鄉村花園的冬日色彩。

套裝中包含一款面部彩妝組合，
內有三款紫色系Eye Color和兩款Cheek Color，
全都是聖誕限量色調。亦附有迷你化妝掃。
值得一提的是，這些紫系眼影主色偏藍，
而且質感啞緻，Base Color則是輕柔的粉紅，
整體來說顏色不會給人很成熟的感覺，
反而帶點浪漫、可愛的少女情懷，
是難得容易Carry的紫色眼影呢！

套裝中亦備有睫毛液The Mascara。

要化一個感覺年輕的紫色眼妝，關鍵是落色的位置要掌握得好。
不能過分把紫色暈得太開，而是要盡量限制於雙眼皮位。
1. 先於眼蓋掃上淺粉紅色打底。
2. 於雙眼皮位掃上紫色主色，小心不要掃得太高。
3. 在眼尾貼近眼線的位置輕輕添上少許深紫色，
留意這兒不要把眼影打斜往上掃。
4. 眼下末端貼近下眼線位，也可掃上少許深紫色。
5. 畫上黑色上眼線，眼尾不用拉得太長。
6. 下眼頭亦可添上淺粉紅作Highlight。
最後塗上睫毛液便大功告成。

套裝中亦備有Extra Rich Lipstick的限量色澤。

Cle de Peau Beaute的唇膏出名夠潤又夠顯色。
這款聖誕限量新色顏色自然，
甚麼年紀也適用，亦易於配襯各類眼妝。

Total Look！
既有紫色高貴迷人的感覺，亦一點都不像Auntie妝吧？

聖誕彩妝系列中還包含這款
Rosy Frost Blush雪盈瑰麗胭脂，
是一款質感非常柔潤的胭脂膏，
能在臉上營造出很貴麗的紅潤感。

另外還推出了這個Wintry Pencil Bouquet
冬日眼唇彩粧筆套裝，由三枝彩色眼筆和兩枝彩色唇膏組成，
類似蠟筆的Texture觸感柔滑，容易上色，亦易於攜帶，
能在妝容上幻化出更多變化。

分類: 未分類

發表時間：2013-12-13 11:10 AM [ 訪客留言(0) ] [ 編輯日誌 ] [ 分享至FACEBOOK ]

One Minute超速日夜轉妝法！

2013 年 12 月 11 日星期三

臨近年尾，Annual Dinner、聖誕除夕Party接踵而來，
女士們大概經常會遇到日間要上班，晚間要去玩的狀況。
知道許多OL上班都不宜化太濃妝，
無奈大多數情況是一下班就要速速趕下場了，
根本沒時間慢慢轉妝，結果便只能「一妝走天下」，
頂著個「返工妝」去玩去蒲，渾身不自在。
所以嘛，今次我們就特別為大家示範一個最快的轉妝方法，
一分鐘內就搞得掂，下班後只需借故上個洗手間，
便足夠你由斯斯文文的OL變身作狂野Party Queen啦。

其實一個快捷的轉妝法，
關鍵不是在於你轉妝時有幾快手，
或是身懷甚麼轉妝絕技或秘密法寶；
想轉妝轉得又快又靚，最重要是當你化日妝時，
就要為轉妝做好準備，化一個能輕易「加深」的日妝。

事實上，說到轉妝，最基本要轉的便是眼妝，
要做到最快，有時甚至胭脂和唇妝也毋須多轉，
為底妝補補粉，再為唇膏補補色，已經很足夠，
反而眼妝才是轉妝時要顧及的重點。

而所謂一個容易加深的眼妝，
目標是要做到轉妝時只需輕輕於眼尾添上單種深色顏色，
就足以令整個眼妝變得深邃，同時又有自然的漸變效果。
要做到這樣，首先日妝的選色必須小心，最好是Earth-tone，
而要避免選擇一些過分鮮明的色彩如黃、綠、淺紫等。
（這類顏色難以一下子與深色融合，到頭來又要
多花時間把顏色Blend鬆，不適合趕時間的你！）
第二就是日妝步驟不能懶，必須化出足夠的層次，
眼線、Mascara、Highlight一樣都不能少，
那麼就能為轉妝省下許多時間。

就這麼說可能有點複雜，就讓我們使用Bobbi Brown
全新推出的聖誕彩妝組合來作個示範吧。

Bobbi BrownTwilight Pink Lip & Eye Palette
限量粉紅暮色彩妝組合 $680

雙層彩妝盒，備有十款不同質感和閃爍度的眼影，
以及四款閃亮唇彩，並配有迷你眼影掃、唇掃及鏡子。
由於眼影色調偏向自然，亦備有轉妝必備的黑色眼影，
簡直非常適合用來示範我們今次的超快速轉妝法！

先示範日妝步驟：

如上面所說，要省卻轉妝所花的時間，
日妝步驟就絕對不能懶，必須做到足呢。
1. 先於整個眼蓋掃上左上的裸色作打底。
2. 於眼窩位掃上下排左二的閃灰色作主色。
3. 雙眼皮位再添上左下的啞棕色。
4. 下眼角位可添上少許上排左二的閃棕色。
5. 畫上黑色眼線。
6. 最後再掃上睫毛液。
那日妝就大功告成了！整體來說顏色算很自然，
而且層次亦做得很足，為夜妝打好基礎。

有了如此一個「穩陣」的日妝，
接下來要將它轉成一個較冶艷的夜妝，
就變得非常簡單了！基本上只要在眼尾抹上較深的單色，
已經可以極速營造出一雙自然又迷人的煙燻眼。如下圖。

我們選用了眼影盤右下的黑色眼影。
（視乎情況亦可以深棕、深藍、深灰等色澤代替。）
把黑色添在眼尾（約佔眼長1/3）的位置，
由於日妝選色得宜，黑色馬上與整個眼妝融合起來，
不消一分鐘已打造出如此一雙深邃的眼睛了，
多麼方便簡單！

如上面提過，轉妝如果要快，集中處理眼妝已經足夠，
以相同的唇妝與胭脂去配搭一淺一深的眼妝，
基本上也沒有甚麼大問題。
以下示範的唇妝與胭脂便是日夜通用的。

唇膏我們選用了限量彩妝盒裡右二的粉紅色。
這種「百搭」唇色，感覺自然得體，
用來配搭較淡或較濃的眼妝都非常Fit。

Bobbi Brown Nude Glow Shimmer Brick
限量裸色閃爍彩妝盒 $410

胭脂方面，我們選用了Bobbi Brown聖誕系列裡
的這款彩妝盒，內四個不同深淺的啡調與紅調，
並帶有適量閃粉，用來當胭脂及暗影同樣合適。

由於這個Face Color有點偏向像Shading，
落色時我們特意把位置拉後一點，
從頰邊斜斜往前掃，以營造出更鮮明的輪廓，
出來的效果亦非常自然，日夜皆適用。

Total Look！
一分鐘轉妝法，大功告成。

如欲取得更多美容及扮靚資訊，
可瀏覽Girls Talk Main Blog：
www.girlstalk.hk/blogs
或者Like我們的Facebook專頁：
www.facebook.com/janicelammakeup

分類: 未分類

發表時間：2013-12-11 10:47 AM [ 訪客留言(0) ] [ 編輯日誌 ] [ 分享至FACEBOOK ]

「聖誕特輯」- 派對配飾巡禮

2013 年 12 月 8 日星期日

來到「聖誕特輯」第二篇，
想跟大家介紹一些不同Style的Party Accessories，
利用這些漂亮的頭飾、項鏈、耳環、戒指，
再配合一個靚靚派對妝容以及一條Cocktail Dress，
就能輕易塑造出不同風格的派對造型了！

Cool Look 型格風
選一款Edgy一點的配飾，
搭配一個冷艷的Smoky Eyes妝容，
就成為一個入型入格的Party Look了。

（第一排，由左至右）
AGATHA Rock Ballerina Necklace $1,320
Alexandre Zouari Paris Moonlight Star Hair Band $TBC
Swarovski Shourouk Golden Necklace $7,400
（第二排，由左至右）
Swarovski Venetie Cuff $3,500
Brides Talk Black Floral Hair Band $1,800 (Rent: $580)
AGATHA Rock Ballerina Necklace $2,640
（第三排，由左至右）
Brides Talk Crystal Hair Band $1,800 (Rent: $580)
Swarovski Shourouk Cuff $3,000
AGATHA Rock Ballerina Ring $530

Festive Look 節日風
來到這歡欣的節日，不如化一個甜美妝容，
再配一款Colorful的首飾應一應節，
開開心心渡過一個瘋狂X’mas吧！

（第一排，由左至右）
Alexandre Zouari Paris Iconic Crown $TBC
AGATHA Ceramic Ring $970
Fossil Holiday Charms $250 – $400
（第二排，由左至右）
Folli Follie Heart4Heart Earrings $995
Brides Talk Floral Headpiece $1,800 (Rent: $580)
AGATHA The Nutcracker Earrings $660
（第三排，由左至右）
Links of London Effervescence Star Stiletto Earrings $TBC
Annette Bevish ruby flower ring $5,800
AGATHA Ceramic Pendants $360@

Vintage Look 復古風
喜愛懷舊的女士則可選一款帶點古典韻味的配飾，
再搭配一個經典的紅唇妝容，
就能為整個造型添上一抹花樣年華了。

（第一排，由左至右）
Brides Talk Floral Headpiece $580 (Rent: $280)
Annette Liz Palacios filigree earrings $1,090
Alexandre Zouari Paris Regal Aura Hair Band $TBC
（第二排，由左至右）
Alexandre Zouari Paris Regal Aura Hair Band $TBC
Brides Talk Floral Headpiece $1,080 (Rent: $580)
Swarovski Vermeil Golden Cuff $5,050
（第三排，由左至右）
Annette La Vie Parisienne gold plated earrings $590
Brides Talk Pearl and crystal necklaces $TBC
Grosse Une Nouvelle Symbolique Earrings $TBC

Elegant Look 優雅風
想營造高貴優雅的氣質，
可選擇以下這些設計較簡約的配飾，
再化一個典雅的妝容，打造落落大方的造型，
出席較Formal的X’mas Gathering就最適合不過。

（第一排，由左至右）
Links of London Effervescence Bracelet $TBC
Brides Talk Floral Headpiece $1,800 (Rent: $580)
Alexandre Zouari Paris Butterfly Hair Band $TBC
（第二排，由左至右）
AGATHA Delicate Love Necklace $6,180
Brides Talk Wave crystal necklace set $1,880 (Rent: $880)
Swarovski Stone Pendant $1,140
（第三排，由左至右）
Brides Talk White hat with veil $1,880 (Rent: $880)
Brides Talk Crystal tiara $1,880 (Rent: $880)
Alexandre Zouari Paris Royal Style Bangle $TBC

如果想擁有一個獨一無二的聖誕造型，
還有一個方法，就是親手製作自己的Party頭飾啦！
保證不會和其他人撞Look呢。唔識整？
那Workshop即將舉辦的「節日限定頭飾班」
你就絕對不能錯過啦。課程詳情如下：

日期：2013年12月21日（六）
時間：下午2:00至4:00
上課地點：Janice Lam Makeup Workshop
（銅鑼灣謝斐道528號2樓）
學費：$380（已包括材料）

報名及查詢：
2836 6553 / makeupworkshop@girlstalk.hk

分類: 未分類

發表時間：2013-12-08 01:59 PM [ 訪客留言(0) ] [ 編輯日誌 ] [ 分享至FACEBOOK ]

« | 111 | 112 | 113 | 114 | 115 | 116 | 117 | 118 | 119 | 120 | ... | 137 | »