又到每個月雷品同好用產品推介，再講講la！
所有產品都係個人用後感,並非代表所有人用後感覺，
今次等我Janice帶頭講吓！
首先係好用推介，就係呢枝Soffell蚊怕水，
成日出outdoor job,香港天氣太濕喇！
去到ｄ多花草樹木地方鬼死咁多蚊，
大大話話試過10隻蚊怕水，呢枝超work,連’蚊枝’都得，
有不同香味，我呢枝花香帶少少甜味，
細細枝放喺手袋好方便，
係泰國朋友極力推介，大部份supermarket可以買到，
價錢又平，唔過10蚊港幣，當手信都ok。
雷品就係呢枝戰痘茶樹調理修諼護凝膠，
去台灣出trip買的。
初初係比佢個名咁強勁而吸引，
仲要見佢成條line出咁多產品應該好掂la！
見價錢唔貴，就買咗其中幾件產品，有d其實ok但最雷係呢枝，
有幾雷？咪就係一d都唔work囉。
成份有水楊酸，茶樹油，甘草酸胺等成份，
有預防粉刺及痘痘形成及調理油脂份泌，
Gel狀質地’lim lim地’有d似膠水，
上粉底前一定唔可以搽，實’cake’粉！
搽完有層薄膜，反而令面更易出油同有’mon’住感覺，
但又無令痘痘改善，用左10次到就無再用喇！
Janice介紹完好物同雷品之後，
就到輪到我哋分享我哋私心推介嘅好物同雷品比大家啦！
好物推介
我介紹嘅好物係Beauty People嘅去角質啫喱(韓國代購)大約$3xx!
一般去角質Product都好乾,
但呢隻Product加入左南瓜精華,好溫和咁去角質,
又可以保濕,好啱我呢啲偏乾皮膚!
$300咁大罐其實都幾抵用,
但韓國朋友話當地只需$2xx,如果將去韓國嘅朋友仔不防買黎試下!
佢係流質啫喱狀,
攞少少份量輕輕捽開去,就會出現圖中嘅擦膠碎,
試過係多死皮嘅位置捽真係會多啲,
而且皮膚即刻有返光澤!
証明佢真係有效咁去走啲老角質!Work啊!
捽完之後用水沖走多餘嘅product就得嫁啦!
好物推介
Innisfree Mascara：約$70 (購自韓國)
呢支mascara特別之處係佢個掃頭超幼，
好多人係塗mascara嘅時候，
都會好唔小心塗到係眼邊，
抺走時又擔心整花眼妝，真係好麻煩！
所以上年見到呢支mascara嘅時候，
我即買咗2枝，一枝黑色一枝啡色，
佢有啲纖維，所以掃上眼有纖長作用。
尤其超重視下睫毛嘅我，
用呢枝超幼睫毛液真係好方便，
好輕易就整到長長同根根分明嘅下睫毛！
好物推介
YSL Pur Couture Glossy Stain $295
近年都興呢一款liquid texture嘅唇膏，
以咁鍾意買唇膏嘅我，當然買唔少啦！
而我就最鍾意ysl glossy stain喇，
仲買咗三隻色添！
首先佢係好出色，搽一層就夠哂，
而且一啲都唔笠身架！
佢仲好long lasting架，等我做個示範啦！
搽上手再用紙巾大力摔佢，佢啲色都仲stay係到，
可以有不脫色嘅效果！
不過唔駛怕好難落，用卸妝水都落到架喇！
好物推介
GATINEAU Clear & Perfect Stick S.O.S. $3XX
之前用過一啲舒緩暗瘡嘅產品，
好似抽乾晒你啲水分油分咁，乾到甩皮，
亦試過本來暗瘡紅腫，搽完之後係變得唔痛，
但係仍然keep住腫，谷住係皮膚裡面，真係寧願佢爆。。。
而呢支stick就係我喺美容中心買嘅，
質地係liquid狀，走珠式碌一碌暗瘡位置，
唔使用手搽夠晒方便衛生。
就算我係乾性皮膚用都唔會好乾，
最重要係搽咗之後有修復效果，
暗瘡會慢慢退，唔會谷住喺入面，
雖然細細支，但係都用到半年以上架，
所以計番都唔係太貴，推介！
雷品
令外介紹一隻雷品都係韓國代購嘅深層清潔Bubble Mask(大約$200),
我係偏乾皮膚,起初用都覺得幾乾淨,
但用多兩次乾到敏感脫皮,真係怕怕,
雖然冼得幾乾淨,
但佢將皮膚嘅油份都洗光,令到皮膚緊繃,
我唔建議乾性皮膚使用!超油皮膚一試無防嘅!
佢擠出嚟係灰灰黑黑,
加少少水捽至起泡,再沖走就OK!
雷品
CUREL乾燥性敏感肌洗面泡泡：$49 (購自萬寧)
我記得我買呢支洗面泡泡係朋友介紹比我用，
佢話勁好用又平，所以我就買嚟試下用，
唉…呢支真係令我好失望，
再一次證明唔同肌膚嘅人，
用唔同嘅產品出嚟效果真係好唔同，
（我屬於混合偏乾性同敏感肌膚）
我記得第一次用嘅時候已經覺得好乾！
再用咗2次就起粒粒啦！
因為朋友勁話好用，
所以停咗幾個月後再試用，
又係乾到甩皮……
最後我就好確定佢對於我呢種肌膚係唔work！
雷品
It’s skin Collagen Eye Cream 約($100)
去韓國旅行，當然會敗好多嘢返嚟架啦！
每次去之前做好多research，睇下有咩係唔買唔得，
我就發現都幾多人都讚個brand，其中有呢支eye cream。
當時就做緊promotion，$200多幾啲就有三支eye cream，
我就諗都無諗就買咗佢返嚟，
但用咗唔夠十次就無用喇！
